رواية يأس القلوب الفصل الثامن 8 - بقلم رودة

منا لٱ الم الكلية عليك ياماتستحي. ـ غمزلي وراح. ـ اجت وردة شافتني عصبية كالت: شكو؟ سولفت الهة وكالت: خيولي هالسز امشي يمعودة امشي. ـ مشينا وبعد ساعتين خلصت المحاظرات وطلعت بكراج الكلية. ـ داتمشئ لسيارة باسل بس استغربت مموجودة بعده مجاي. ـ وكفت منتضرته وكلهة طلعت. ـ فجاة اجة نفس الولد وكف كدامي وكال: تعالي اصعدي ﭑنـي اوصلج. بلعت ريكي وكتلة بخوف: وخر منا احسلك. تقرب رجعت ليورة وكال: شبيج خايفة يحلوة دتعالي.

كتلة واني ارجف: وخر وخر احسلك. ـ ويريد يلزم ايدي وبس يشمر حجي. ـ طاحت دموعي من الخوف. ـ فجاة وكفت سيارة باسل وثواني ونزل من عدهة وعيونة حمر. ـ ركض بحركة وحدة لزم الولد وطاحلك عليه دك بوكسيات وشلون يغلط علي. ـ ذب حركته بي واجة الحارس يركض وخره واني ميتة بجي. صاح بية: امشي صعدييي. ـ صعدت بساع ورة وشوية واجة هوة صعد وسد الباب حيل ودار علي وكال بعصبية واعصابه برازة حسيتهة راح تطك: شنو هاية تنورتج؟

ـ رجعت نفسي ليورة بخوف وارجف. كال: ماعندج بعد اضيك واكصف من عدها؟ ـ بجيت. كال: لۆ كلتي عندي امكانيات خلي البس ضيك واخلي الناس تباوعلي. ـ يحجي واني ميتة بجي. كال: نوب تبجي جا من لبستي هيج ماخجلتي علئ نفسج هاا؟ كتلة: ما ما اسمحلك تحجي وياية هيج واني ممتقصدة البس هيج لين تاخرت علي مادري وجريت تنورة سارة ولبستها معبالي مومالتي عبالي سمنانة. ـ كلت هيج وهوة غمض عيونه واستغفر كال: انت متقصدة تحجين هيج لۆ انت فطيرة؟

ـ باوعت بوجهة وعيوني كلهم دمو. وكتلة: وانت بعدين شعليك بية البس ماالبس وشتقصد من كلت عندي امكانيات؟ ـ كلت هيج وهوة عض شفته وكال بهدوء: لٱ لٱ هسة تاكدت انت اكبر فطيرة اسكتي كافي واني اتمنئ بعد اشوفج لابسة هيج علمود اعرف شسوي بيج. ـ ودار وجهة وبدأ يسوق واني امسح بدموعي واعدل بشالي. ـ هسة من ارجع للبيت شيكولون علية. ـ شوية وكف السيارة خمس دقايق واجة صعد وشمر بحضني علاكة. ـ استغربت اباوع بيهة كيكة وعصير وبطل مي.

كتلة بهدوء: شكرا مااريد كلشي بس رجعني للبيت. ـ ماجاوبني. ـ كتلة احجي وياك. كال: اشربي واسكتي ترا واصلة لهنا واخو زينب كلمة ثانية العب بيج طوبة. كتلة: العفوا انت منو علمود تحجي وياية هيج اشو كلش تجاوزت حدودك وياية ابوية لۆ اخوية لۆ منو علمود هيج تحجي وياية وتدخل بية؟ كال: اي صحيح منو ﭑنـي علمود ادخل بيج ومنو ﭑنـي علمود ادخل اذا واحد تحارش بيج بنص الشارع؟

ـ وهم ميصير احاسبج علئ لبسج الفضيحة وحمرتج التجيب التايهة وتكلة هاا اكعد كابلني اكو شي اسمه غيرة وعرض مادام عمي مأمنج عندي فأني مااقبل اشوف هيج شي كدامي غيرتي ماتسمحلي واذا جان عاجبج الوضع فأني مايعجبني. ـ سكتت شجاوبه يعني جوابه سكتني. ـ وصلنالبيت. قبل لٱ انزل كال: سجلي رقمي يمج علمود بعد اول مااجيج تطلعيلي. ـ فتحت مبايلي وسجلته بقائمة الاتصالات وفتت للبيت بدون مااحجي اي كلمة.

ـ بس انصدمت من شفت امي كاعدة كبالي ويمهة سارة ومريم. ـ شمرت الجنطة ورحت ركض بحضنهة شبكتهة واخيرا نزلت دموعي من الفرح. ـ كتلهة شوكت اجيتي وكعدت. مريم تحجيلي: بابا ماخذ السيد ورايح هوة وعمي عزيز ومريم وعاقدين سيد ومحكمة. ـ بابا كدر يعقد بمدة قصيرة لكة واسطة بالمحكمة ومشوها اله بساع وبعدين اجو للبيت وطلع يتسوك هوة والولد. ـ يحجن الي واني فرحانة. ـ كتلهة يمة يعني هاهية تبقين يمنة وننام بحضنج.

طاحت دموعة وكالت: اي يبعد امج. ـ وشابكتهة حيل. وسارة شهكت وكالت: عزا العزاج ريحانة شلابسة. انتبهت لروحي وكتلهة: دسكتي غير مادري وداومت بيهة وانشهرت وتخزيت. امي كالت: يايمة غير تنتبهين وانت ماشاء الله جسمج شلونه. كتلهة: ماانتبهت والله. مريم كالت: دكومي بدلي لٱ يجون ويشوفوج وتنكلب الامة. ـ صعدت لغرفتي ركض سبحت وبدلت وامشط بشعري وكلما اتذكر شصار بية بدي اكتل نفسي والدموع بعيني. ـ سمعت اصواتهم جوة يضحكون عرفتهم اجو.

نزلت ركض بست بابا وكتلة: الله يساعدك. بابا كال: هلا ياروح ابوج. ـ بدينا نعزل بالمسواك وكالساعة ابوس امي فرحانة كلش وهية تفتر بالبيت وترتب علئ ايدها. ـ طلع بابا من الغرفة بالبيجامة والكيمونة كعد بالاستقبال وبيدهہ الريمونت وامي تفتر بالبيت بالدشداشة الكودري ونص ردن و الوجه حافته والشعر مسويته كباية عبالك بنية شابة. ـ امي من النوع كلش تحب تعتني بروحها.

ـ ابتسمت واني اشوف بابا لآزم الريمونت يريد يدوره وصافن علئ علئ امي شلون محمد شابكهة ويضحكون. ضميت ضحكتي وكتلة: بابا الريمونت حيطيح من ايدك. ـ فز واستغفرالله ويدور بالتلفزيون. وسارة همستلي: دشوفي حقة يمعودة اذا هية جوري طالعة جنها عروسة ونوب ولا معبرتهہ ولا مهتمة اله. ـ لزمتة من ايده التوجعة رحت بيها طلوبي. ضحكت وكتلهة: دمشي لايسمعج. وضحكت وكالت: كلام الحق يقال.

ـ دادة صبينا الغدة وكعدنا كلنا سوة ناكل وكلهة علئ السفرة وعلاوي كاعد يم ماما وتوكل بي وبابا. كمل غدة وكام كال: الحمدالله دايمة ان شاء الله. ـ بعدين كملنا غدة وغسلنا الاماعين ومريم كالت: بنات خلي نسوي عصرونية نسوي كيك وحلويات وكهوة ونكعد بالحديقة الجو حلو اليوم. كتلهة: ايي يلا خلي نسوي. ـ وكفنة ﭑنـي ومريم وسارة بالمطبخ وماما يمنا ونسوي ومتونسين وماما تباوع علينا وعيونهﭑ مدمعة وفرحانة.

صاح بابا: يابة وين الجاي اريد اشربه وانام تعبان. ـ ماما شافتهنة ملتهيات واحنا غلسنا سوينا روحنا مسمعنا. ـ طلعت الكوب وخلت الشكر وطفت الجاي وصبت اله واخذته. ـ وسارة راحت وراهة تريد تراقب ومريم لزمته كلتله: نجبي وكعدي بطلي فضول. طالب كاعد اكلب بالمبايل ودخلت للاستقبال تتمخطر. كلت بكلبي: بوية عبالك تمشي علئ كلبي موعلئ الكاع ونوب ولا هامهة. ـ تقربت انطتني كوب الجاي كتلهة بهدوء: عاشت ايدج ام محمد.

كالت وهية تدور وجها: الف عافية. ـ اشرب بالجاي وهية كعدت وحسين خلة راسة بحضنها ويسولفون. ـ بلحظتها تمنيت ﭑنـي حسين. ـ ضحكت علئ روפــي شمالك طالب تخبلت هية هاي تاليها تتخبل من ورة جوري. ـ دك المبايل عزيز يدك فتحته وكتله: ياهلا. رد علي: هلا بيك خوي. سمعت بالخبر كتلة: شكو؟ كال: يكلك اكو واحد اسمه طالب الصبح ازوج جان يموت من الفرح. ضحكت بصوت عالي وكتلة: شحجي وياك هسة. كال: هاا لعد ﭑنـي مجذب.

باوعت عليهة وكلت: يمعود شمحصلين غير حركان الكلب. كال: هوة انت شوكت مااجيك محروك دمك جنك هذا البلوة العندي. ضحكت كتلة: يلا ريس وراي التحاق فد 20 يوم وارجع. كال: هاية مال تلتحق و20 يوم ماتمشي علي كول المرة يمي. ـ اباوع الها تباوع وتشوفني انتبه وكالساعة تدور وجها. كتلة: تفهمني وعلي يلا ﭑنـي رايح انام عود بليل موماتجي. كال: ٱڣٱآ اجيك وية الصلاة ومنا لحد 12 يالة اروح من يمك بعدنا علئ اتفاقنة. ضحكت وكتلة: هلا بيك. ـ سديت

الخط وكمت للغرفة وصحت: بوية لحد يكعدني تعبان اريد انام. ـ شفتها كامت دخلت للغرفة طفيت الضوة سديت الباب سمعت خطواتها. ـ صرت ورة الباب دخلت وبحركة وحدة سديت الباب وسحبتها علئ الحايط وحاصرته. ـ غمضت عيوني واني اشم عطرها. ـ سحبته لحضني شبكتها حيييل كسرت ضلوعها. ـ ماجانت رايد شي بس اشبكها وهاي هية تريد توخر من عندي ماتكدر. همست باذنها: الدنيا خذت حيلي .... اريدج حيل .... تعبت بدونج افهميني ....

لمرة وحدة مرة وحدة بس ..حاولي تنسين كلشي وخليج هادية وبس شابكج مااريد شي من هاي الدنيا ... بس انت اريدج ... 6 سنين لٱ نهاري مثل العالم ولا ليلي مثلهم ... صورتج هية المصبرتني بس لهنا وفاض الصبر .... دموعهة ملت صدري ... كلت بهدوء: اششش دموعج نار وتحرك بكلبي حرك فوك ماهوة محروك طول هالسنين ... بس اريد اعرف ﭑنـي شمسوي بدنيتي من ذنب وعاقبني الله بفركتج وانة اشهد انكسر ضهري بهذﭑ العقاب ...

كلشي ماجان كادر يكسر طالب الصامد لسنين الة فراك جوري هدمه هدم ... 6 سنين جوري بدونج ... بدون عطرج ..بدون كلامج الاعتبره بلسم يداويني وكت القهر والضيم ... 6 سنين بدون صوتج ... بدون شوفتج يومية ... جنت كاليوم بليل اشتاكلك هيج احس كلبي يكوم يبجي عليج ... واصبر روפــي واكول انام واكعد باجر انساج وناسي شوكي الج بس للأسف اكعد مشتاكلج اكثر .... ـ تقربت وهمست بوجها ومغمض عيوني واتلمس شفايفه وكلت بهدوء: وعطشان حيييل.

ـ فزينا اثنينا علئ دكة الباب. صحت بعصبية: منو؟ كالت: ريحانة ﭑنـي بابا بس اريد ماما. كتلهة: روפــي هسة تجي. ـ اباوع عليهة من الفزة بساع شغلت الضوة وجهة احمر دم. تقربت وكتلهة: احبج وانت خجلانة وانت زعلانة بكل وقت ﭑنـي احبج. ـ باوعت بعيونهة ماعرفت افسر نضراتها. كالت بهدوء: مادري بعد كل الي صار مجاي اكدر اتقبلك. كتلهة باستغراب: متتقبليني؟ ـ هزت راسهة وكالت ودموعة تنزل: مجاي اتقبلك ﭑنـي رجعت لأولاي مرجعت الك.

بلعت ريكي وكتلهة: اطلعي برة جاي تحجي. كلت بعصبية: اطلعي برة ماتسمعيني؟ دفرت الميز برجلي، كعدت وادية علئ راسي، حسيته راح ينفجر. مااهتميت، جريت المخدة ونمت. سديت عيوني والوجع ياكل بكلبي اكل. إذا ما أخليج تجيني برجليج ما أطلع طالب. باسل كعدت علئ الجرباية ولازم راسي باثنين إديه، يأذيني حيل. اندك الباب ودخل أبوي. شافني كال: "الله يساعدك بوية." كتله: "ويساعده يابة." كعد يمي وكال: "شني شبيه راسك؟ كتلة:

"لأ، شوية الضغط صاعد عندي." هز راسة وكال: "أريد أحجي وياك بموضوع." كتلة: "كول." كال: "انت كبرت وامك عجزت وهية تقنعك تزوج." كتلة: "يابة رجعنا لنفس الموضوع؟! كال: "دسمعني يمعود." كتلة: "اي، كمل." كال: "طلبت ايد ريحانة من طالب الك ووافق." كمت من مكاني واني عبالي سمعت غلط. كتلة: "شنو بوية عيد ماسمعت؟! وكال: "نفس ما كلت، طلبت ايد ريحانة الك." كتلة: "تشاقة مو؟ كال: "عليش الشاقة بوية؟ كتلة: "ليش منو كلك ﭑنـي موافق؟

وشلون أصلاً تخطون هيج خطوة بدون علمي؟ كال: "مابيها شي، بنية وطلبتها الك. شفايلك، وين اكو مثل ريحانة؟ شناقصها مثلا؟ كتلة: "بوية ماتناسبني، سد الموضوع." كال: "العصبية، هوة شنو ماتناسبك؟ بكيفك انت." كتلة: "تصرفاتها متناقضة ومتعجبني، واصلاً ﭑنـي لآ رايدها ولا هاي. خابر عمي وشوف شتكلة." باسل ما قابل. "لـۆ مادري شنو، المهم تسد الموضوع." كال بعصبية: "باع، من أحجي وياك توكف وما تمشي، سامع!

وإذا أبقئ عليك تجيبلي وحدة من هذني البنات العندك. لآ عبالك ما أعرف بسوالفك وصاحباتك. هذني ما يمشون عندي. واني أريد أزوجك علمود تجر عدل وتبطل هذا الدرب الماجانة كل خير من عنده! كتلة: "ش شايفني جايبهن لبيتك لـۆ كاعدات بحضني كدامك؟ صاح باسل:

"ألزم حدودك الگدامك أبوك مو صاحبك. لآ تخليني أغضب عليك ليوم الدين بسبب كم كلمة تايهة من عندك. والموضوع انفتح وما ينشد. وتاخذها وغير ريحانة ما تدخل لبيتي أي مرة. عود لمن أموت أ تزوج. طلك شسوي سوي، ميهمني. بس مادامني عدل تمشي علئ الصراط المستقيم." كتلة: "الموضوع سده، ريحانة ما تصير مرة الي. لآ هية تناسبني لآ ﭑنـي أناسبها." كال: "باع، لآ تخليني أحجي. مو تدري بلساني شلونه؟

ماكو متناسبني وما أناسبهة. تاخذها يعني تاخذها. ولآ يا باسل لساني ما يعتب علئ لسانك ليوم الدين. وتدري بية أسويها." كتلة: "يابة عود شني انت تجبرني؟ البنية مارايدها. عليمن تتعب روحك وتحجي ألف واحد يستاهلها." كام وصل يم الباب وكال: "ومن هالالف محد ياخذها، انت تاخذها. وكلت ﭑنـي بعد. وبكيفك انت وضميرك. ترضي أبوك لـۆ تبقئ بهـذا طريقك! ابتسم بيأس وكال: "لمدة 30 سنة ماي عيوني انطيته الك. إذا تريد تسعدني وافق."

جاي يطلع وكلت رأستاً بدون تفكير: "بوية الي تريده يجره الك. أهم شي رضاتك لين كلشي خسرت وما عندي بس حيل أخسرها." رجع للغرفة ابتسم الي. تقرب وباسني من راسي وكال: "شهم وليدي شهم." وصدك ماراح تتندم بيوم علئ هذا قرارك.

سكتت. طلع من الغرفة. ضربت الميز واستغفرالله. شهل ورطة يامحمد. أبوي وادري بيه ما يقتنع. ولا أكدر أعصي أمره. ولا أكدر أفشله. خلي نشوف تاليها شنو. وحتى لـۆ اجت يمي شهرين هيج ما أبقيها. ونفسي ما تندالها. لين مستحيل بيوم أفكر بيها. ريحانة فزيت علئ صوت بابا يصيحني لغرفته. جنت كاعدة بغرفة مريم ﭑنـي والبنات وماما نسولف. نزلت ركض. بابا جان هستوه كاعد من النوم. شافني كال: "بابا كلاص جاي ولحكيني للاستقبال."

رحت بساع. سويت جاي ورتبت اله حلويات بماعون من الي سويناهن واخذتهن اله بالاستقبال. خليتهن وكال: "عاشت ايدج باباتي." كتلة: "الف عافية يعمري." أشرلي بمعنئ اكعدي يمي. كعدت كتلة: "ها بابا شصاير؟ ابتسم وكال: "كبرت بنتي وصار يجوها خطابة." بلعت ريكي كتلة: "ﭑنـي؟! هز راسة وكال: "اي انت. وهالمرة مونفس كل مرة ونرفض. هالمرة واحد ينشد بس الضهر وما يصون الأمانة غيره." بلعت ريكي وكتلة بتردد: "منو؟ كال: "باسل ابن عمج عزيز."

شلون عبالك واحد شالني وشمرني من فوك. كتلة بتردد: "بابا ﭑنـي ما اريد ازوج. ارفضه واني ما اريد باسل." خله كوب الجاي علئ الطبلة وسحب كيكة ياكل وكال: "ليش؟ اريد سبب مقنع؟ كتلة: "دراستي." كال: "يمه تكملين دراسة." كتلة: "بابا ﭑنـي مجاي اتخيل حياتي وياه صراحة. ويعني ﭑنـي ما اريده فدوة. وانت دائما متعود تسمع قراراتنا وتمشي عليهن. واكيد هالمرة راح هم تسمع قراري." هز راسة وكال: "للأسف هالمرة لآ."

حسيت شلون انصعقت والدموع تجمعت بعيني. كال: "هالمرة الوحيدة الي بيها راح اتصرف من كيفي. لين أعرف مصلحتج بهاية السالفة. ويجي يوم وراح تشكريني لين وافقت وما سمعت رأيج." كتلة: "بابا فدوة لآ تكسرني، ما اريده." مسح دمعتي وكال: "ما أكسرج صدكي. بس هاية مصلحتج. وعمج طلبج من عندي ومن سابع المستحيلات ارفضه. ووافقت ورديت الهم خبر." صفنت عليه بصدمة. ما عرفت شنو اجاوبه. ختم الموضوع وهوة يكول:

"ﭑنـي اعرف مصلحتج كلش زين. وما اريد اسمع أي رفض." كام واني كاعدو بمكاني. تورطت يامحمد. طاحت دمعتي. مسحتها وكمت أمشي علئ كيفي. صعدت للغرفة وسديت الباب وانتجيت علي: "شنو يعني هسة شصار؟ بابا وافق بس باسل مراح يوافق. اي أعرفه يكرهني ميوافق. مدري شلون تجرات ولزمت المبايل وطلعت رقمه ودكيت عليه. دقيقة وجاوب كال: "الو." كتلة بتردد: "ﭑنـي ريحانة." سكت ورجع كال: "رايدة شي؟ كتلة بحدة:

"ﭑنـي مااريدك وانت متريدني. فادخل وحل السالفة من يمك. وخلي يلغون سالفة." وسكتت. كال: "سالفة شنو؟ بلعت ريكي وكتلة: "خطوبتنا ﭑنـي وياك." ضحك. انصدمت كتلة: "شكو تضحك؟ كال: "ﭑنـي اخوج لـۆ ابوج لـۆ ابن عمج مثلاً علمود ادخل؟ غمضت عيوني. يذكرني بكلامي مال صبح. كتله: "باسل مو وقت هذا الموضوع." هسة قاطعني وكال: "ما أدخل ولا هاي ﭑنـي ما أقرب الج بشي علمود أدخل بيج وبقراراتج. صيري قوية يحلوة والغيها بحدج." وغلق الخط.

شمرت المبايل وكلت بعصبية: "الله ياخذك الله ياخذك." لزمت راسي. ياالله هذا يقلب حياتي جحيم. والله شسوي هسة شسوي. اندك باب الغرفة وكلت ببجي: "منو؟ جاوبتني أمي: "ﭑنـي ماما افتحيلي الباب." فتحت الباب وشفت وياها سارة ومريم. دخلن و ﭑنـي ذبيت روפــي بحظن ماما أبجي وهية تطبطب علئ ضهري. كتلهة: " كلكم بابا مو؟ هزن راسهن وكالت أمي: "يايمة ليش البجي فهميني؟! كتلها: "ماما ما اريده يعني شنو تجبروني؟ ما اريده!

ميناسبني أبد. حتئ ما اعرف شلون اتصرف وياه. شخصيته مقعدةہ وغيور ومتملك." امي كالت: "يعني لين شخصيته صعبة مترديها؟ كتلهة بقلة صبر: "لآ والله لآ. وانما ﭑنـي اصلا ما اريده." كالت: "يايمة ابوج موافق. حاولت وياه هستوني ما قبل. سكتني يكلي مصلحة بنتي واعرفها." سارة كالت: "والله انتِ متعافية. وين تلكين مثل باسل؟ وهزت جتها هي. كتلهة: "اي متعافية وما اريده. نزوجج اله انتِ." كالت: "لآ عيني ﭑنـي أبقئ يم أبويه." بجيت وكلت:

"ﭑنـي هم اريد أبقئ يم أبويه. ما اريد ازوج." مريم خزرت سارة وكالتلي: "ياحبيبتي هسة انتِ علئ شنو البجي والقهر؟ ترا والله بابا يعرف مصلحتج ووافق يعني اقبلي وانتِ مغمضة. لين بابا يدور راحتنا. وهم الولد نعرفه وعشرة عمر احنا وياهم. يعني شنو نريد أكثر من هيج." امي وافقتها بالكلام وكالت نفس الحجي. وصحيح كلام مريم. سكتت. ورة شوية طلعن. خابرت وردة وحجيت الها ونفس الكلام كالت: "إذا الولد مبي شي واهله زينين عليمن رافضة؟

ترا هية فرصة وما تجي مرتين." كتلهة بقهر: "وردة ليش محد يفهمني؟ خلي تروح الفرصة مـڼـي. ما اريدها. ﭑنـي انتِ شايفته لـۆ مشايفته؟ والله يخوف وشخصيته صعبة واني اصلا ما أطيقه. غير هاية الصراحة." كالت: "والله مادري شكلج ياريحانة. حيرتيني. أكلج هيج تكليلي هيج. عوفيها علئ الله وهية تنحل." مريم

كاعدة بغرفتي خابرتني صديقتي وكعدنا نسولف ساعة ساعتين. ورة شوية غلقت الخط. تونست وياها شوية غيرت جو. اول ما غلقت الخط دك مبايلي. مجرد ماشفت رقمه رجفت. جاوبته وكلت: "الو." رد علي بصوته اليرعد: "رعد ويامنن جنتي تحجين صار ساعتين متصل؟ كتلة: "شنو؟ كال: "ويا منو؟ تشجعت وكتلة: "وانت شعليك؟ مو كلت بعد مالي دخل بيج؟ كال: "مريم ويا منو؟ تنهدت وكتلة بهدوء: "والله وية صديقتي." بساع غلق الخط. استغفرت الله وكلت:

"هسة هوة مو كال بعد معلية بيج. شكو محترك دمه؟ غمضت عيوني وتذكرت اول لقاء قبل 4 سنين. جنت اداوم بالجامعة وهوة يدرس للدكتوراة. استمرت علاقتنا 3 سنين تقريباً. يمكن أحلى 3 سنين بعمري! ضحكت وعيوني دمعت من تذكرت جنا نكعد بالنادي. هو بالطاولة الأوّل وأني بالثانية. ويصفن عليّ. ما أذكر مرة لزم إيدي. جان دائماً يكلي: "من تصيرين حلالي يالّا تحلى اللزمة". وعلي، مسحت دموعي الطاحت.

من راد يتقدملي أهله كلّهم رفضوا. وأني رفضت. لين بوقتها جانت أني شايلة العائلة من بعد ماما. وما كدرت أعوف أهلي. وتركنا بعض. تعذبت من دونه هواي. جنت أفتقده دائماً. جان مالي يومي. بس الظروف أقوى من عدنا. سنتين مسامع صوتي ولا سامعة صوته. عايشة على البصمات الجان يدزهن عليّ. وبينا سلام. هنادي بين فترة وفترة تسأل عليّ. هواية حاولت أنسى. ما كدرت. حبه مستوطني. لحد ما خابرني البارحة. وعصب وسد الخط.

لين كتله: "أهلك مقابلين بس حالياً". كلش تغير رأيي. راح أكون وياه إيد بإيد. وإذا الله قسم النا ننجمع ننجمع. وإذا لا فالحمد لله على كل حال. المهم ما آخذله مرة ثانية. كمت نزلت جوّه. لكيت ماما وسارة بالاستقبال. ويمهم الولد ملتهين يباوعون على الطوبة. كعدت يمّهن. وسارة تضحك وتكول: "ذيْبة أمي". ذيْبة، كتلهة ها؟ خير شكو؟ كالت: "تعالي اسمعي أبوي يحب أمي". كتلهة: "طاح حظّج. لعد متدرين؟

كالت: "وثول. أدري. بس باعي اليوم حاجي وياهة وهية صادته". كلت لامي باستغراب: "ليش؟ كالت: "يمة. جا أني موهينة هيج أسامح بساع؟ إذا ما ألوع كلبه شوية". ضحكت وكتلهة: "يمة الله عليج. لا خطية بابا تعب. وعلي مونوب تجين تدلعين". علي وتزعلين. ترا آخر شي يلزمج ويبوسج. العفو أقصد يكتلج. ضحكت وضربتني بخفة وكالت: "ادبسز. طالعة عينج". سارة كالت: "بسرعة وعلي!

أني طلعته. وإن شاء الله ريحانة تطلع عيونها ثنينهن موبس وحدة". ضحكنا. وأباوع حسين كاعد وصافن وايده على خده. سارة غمزتلي وصاحت: "فدك! كبل فز كال: "ها؟ وينها؟ ". متنا من الضحك وهو عصب وضرب الباب وطلع. ومحمد خزر سارة وكلهة: "ادبسز! إذا بعد عدتيها أموتج. عوفي ضايج". أمي كامت وراه. كلبها ماينطيها تشوفه هيج. راحت تكعد يمه وتشوفه شبي مابيه. كمنا أني وسارة للمطبخ. شربت مي. وسارة فاتحة الثلاجة وتهز ركبة. ضحكت. سدتهة

وتاكل تفاحة وتهز وتكول: "يمة دعمني الباص ما كال العفو". كتلهة بضحك: "هزي عدل. هاي المرة ابنها ضابط". خلت التفاحة على الميز وضلت تهز بجسمها كله وتكلي: "ولج صفكولي. ابنها ضابط". متتت. يمة طحت بالكاع من الضحك. وهي مستمرة تهز. دخلت ريحانة للمطبخ. سحبتهة تركص بيهة وتكول: "هزي عدل ولج. ضابط هذا". وريحانة وجهه تحمر من البجي وتكلهة: "وخر". أما اخذي الج. ما أريده. سارة كالتلهة: "لا عيني. هذا خاص بيج. إن شاء الله أني عن قريب".

رفعت ايدها وكالت: "ربي أسمر ملتحي. من النسوان يستحي. وكلشي ما أريد بعد". وعلي. ضحكت عليها. وريحانة هم ضحكت. وسارة كالت الها: "دفكيها شوية يمعودة وخلينا نركص". وغمزت وكالت: "وأخذ غرفتج". وطلعت تركض. وريحانة تركض وراهة. ابتسمت على منظر خواتي. وأخيراً الفرحة رجعت لبيتنا. صفنت على ريحانة شوكت ترتاح؟ أدري بيها مامقتنعة بالزواج. بس بابا يعرف مصلحتها. ويدري بباسل ميتعوض. بس ياترى شلون راح تكون حياتها وياه؟ الله يستر.