رواية يأس القلوب الفصل الثامن والثلاثون 38 - بقلم رودة

أشوفك بالصور وأهديك وأرد للصورة آخذها لحديقتنا وأقول للورد جبتلكم بعد وردة. ريحـانة كعدت على المنبه الساعة 8 ونص. ابتسمت، اليوم أول يوم عيد وحنة مريم. ما كدرت أروح البارحة لين باسل أجه تعبان وما انطاني كلبي أعوفه. وكلي: "خلي أوديج". بس كتله: "لا، خليها باجر". كمت على كيفي فتحت الكنتور. طلعت دشداشة العيد ودخلت للحمام. باوعت بوجهي بالمراية وكلت وأني أكرص خدودي: "يموي فديتني، هوه". منو يحلى يطلع هيج حلو؟

معليكم بية، تخبلت. سبحت وكملت. طلعت أنشف بشعري وانفتح باب الغرفة. دخل باسل ينشف بشعره. ابتسمت: "نازل جوة سابح". شمر الخاولي وفتحلي أديه. ابتسمت، تمشيت على كيفي. وصلت يمه. تقربت بسته وداعبته. وهوة هم يعايدني. كال: "كل عام وأنت بالف خير بنيتي. الله لا يحرمني من شوفتج ويحفظج الي وتولدين بصحة وسلامة". شبكته وكتله: "وأنت بالف خير يروحي. الله لا يحرمني منك ويخليك اليه وأشوفك أحلى بابا". ابتسم باسني وشوية وخر.

وكال وهوة يفرني: "هوه منو يلبس دشداشة العيد يطلع هيج حلو؟ كتله وأني أضحك: "لا أكيد بس أني". ابتسم وباسني براسي. وكال: "البارحة كويتي الدشداشة البيضة؟ كتله: "أي هذيج معلكة بالزاوية". كال: "عاشت أيدج بوية". كتله: "وإيدك يعمري". راح هوة يبدل وأني وكفت كدام المراية. مشطت شعري سويته ضفيرة وخليت مكياج خفيف ورشيت عطر ولبست اكسسوارات ناعمة. ودمعت عيوني من الفرح وأني أشوف بطني شلون شوية بارزة. صاير عندي بطن

صغيرة. يموييي. كزكزت. درت وجهي داشوف باسل وشفته يدكم باردانات الدشداشة. يموييي شنهايي شطالع؟ تقربت دكمت الة الدكم الفوك مال دشداشة وعدلت الياخة. وهوة جر ايدي باسها. كتله وأني أمرر ايدي علئ خده: "شطالع حبيبي؟ كال وهوة يحاوطني من خدي: "بوية شني مو أحلى منج طالعة حلقومة". وباسني وهمس: "حلقومتي تلمس بطني". وكال: "أفدي الي بدت تكبر بطنه. أني أفدي". ابتسمت وعيوني مدمعة ضحك

وشبكني. وتمشئ يريد يمشط وأني لازكة بيه. هوة يمشط واني حاضنته من كدام. كمل تمشيط كعدني علئ الميز. واخذ عطر رش وفتح الجرارة طلع الساعة والسبحة. اخذت الساعة لبستها الة. وكمل. ابتسمت وكفت كدامه. بسته بخدة. كتله: "طالع جنك العافية". كال: "ناوية اليوم تخليني حتى لاهلج ما أوديج. أكابلج وأكعد؟ ضحكت وكتله: "لا والله هاهية سكتتت". ابتسم وكال: "يلا خلي ننزل". لزمت ايده وطلعنا من الغرفة. نزلنا

ودخلنا للاستقبال. لكينا عمو كاعد. تقربنا سلمنا عليه وعايدناه. وهوة مبتسم علئ شكلنا. ونوب أجتي عمة عايدناها. وكمت أحضر بالريوك وية عمة ونسولف ونضحك. وشوية وطلع باسل ورجع جايب كيمر وصمون حار واجبان. تلكيته من الباب. اخذتهم من ايده ودخلت. رتبتهم بالصينية وكمل البيض والجاي. واخذ الصينية خلاها بالاستقبال. وكعدنا نتريك والابتسامة مرسومة علئ وجه الكل. كالت لعمة وأني أكل جبن: "عمة ترحين وياية هسة مو؟

كالت: "لا حبيبتي. أني اخلي باسل العصر يجيبني بوكت الحنة. لين خاف يجون خطار". كتلها: "إن شاء الله علئ راحتج". كملنا ريوك وغسلت الصينية. وباسل كلي: "حضري روحج علمود أوديج". كمت بساع. صعدت أني محضرة ملابسي الي اخذهم. طلعت الجنطة فتحتها. خليت بيها 2 فساتين الحنة. وخليت بيها لبسة العرس. وخليت الي تراكسودين ودشداشة. وخليت المكياج والكعب والعطر. وبعد أشياء

أحتاجها. وجبت شاحنة الموبايل خليتها وسديت الجنطة. وكفت كدام المراية. عدلت مكياجي وطلعت العباية الخليجية من الكنتور. لبستها ولفيت الشيلة ورشيت عطر. ودخل باسل للغرفة. وأني تمشيت فتحت الثلاجة اخذت كيكة. فتحتها وكتله وأني أكل: "ها نروح؟ ابتسم علئ شكلي وكال: "يلا بس كملي كيكتج". كعد واشرلي علئ رجله. تمشيت وكعدت بحضنه. شبكني حيل وكال: "أحبـج بوية". بسته بخدة وكلت: "أموت عليك". مد ايده

يمسد علئ خدي وكال: "شهل جمال حلقومتي. وبعدين بوية وين اكو كيك ياكل كيك؟ " ابتسمت بخجل. وهوة شبكني: "بوية ديربالج علئ روحج. ركض ماكو. شيليها من بالج ولاتتحركين هواي ولاتتعبين روحج". وضل يوصي بية. كتله: "أي ان شاء الله حبيبي". باسني براسي. ومدري شجاي يحجي. وأني شهكت وتذكرت. كال: "ها شكو؟ كاله بضوجة: "شو مانطيتني عيدية؟ " ضحك بصوت عالي. وكال: "عيدية ومن الصبح؟ كتله: "أي لعد شنو أني وحد عيني ما ألي عيدية؟

" ضحك وهز راسة. طلع محفظته. حسب وطلع أربع خمسة وعشرينات. كتله وأني مبتسمة أشاقة: "والله رجعهم ما أريد". جر ايدي وخلاهم بية. وباسني بخدي. وكال: "خذيهم وسكتي. شنو تشاقين؟ " وبعدين هاية عيدية يعني غصباً ما عليج تاخذين. ضحكت وبسته بخدة. كال: "شنو متنطيني عيدية؟ كتله باستغراب: "أني أنطيك عيدية؟ كال: "أي أنتِ". وتقرب وباسني بشفتي. شوية وخر. وكال: "بوياي أحلى عيدية! دفعته بخجل وكتلة: يا باسل شبيك استحي. ضحك وكال: دكومي يلة.

عفت السيارة مشتغلة. شال الي الجنطة واني نزلت وراه. ودعت عمو وعمة وطلعت. صعدت بالصدر وهوة دك مبايله وضـل يحجي ويسوق. واني صافنة علينه وابتسم علئ طريقة كلامه وشكله بالدشداشة. يالة اني شكد احبة. شويه كمل الاتصال. سحب ايدي الي جانت فوك ايده باسها. ابتسمت شكد احبه من يبوس ايدي. همست بحب: احبك. باسل كال وهوة يسوق: ياعيون باسل انتِ. بوية اموت عليج. شوية ووصلنا وكف السيارة يم الباب. كتلة: راح تروح؟

كال: خلي انزل اسلم علئ عمي والولد ونوب اروح. كتلة: تمام. نزلت وهوة نزل وسحب الجنطة من السيارة. واني واكفة ادك بالباب. انفتح وطلع علاوي اخوية. ابتسمت وبسته وعايدته وهوة فرحان بية. وضحكت علئ شكله شلون طالع حلو. اكيد هاي سوالف امي ملبسته دشداشة وساعة ولادية وشعره مرفوع. كرصته من خده وكتلة: فديت الرجال اني فديته. يلا روح سلم علئ نسيبك. ضحك وركض لباسل. واني دخلت وانفتح باب الاستقبال وطلع بابا.

شافني ابتسم وصاح: يابة نور البيت. تمشيت علئ السريع شبكته وبوسته وعايدته وعايدني. كتلة: باسل برة. كال: اي طالع. راح بابا واني دخلت لكيت امي ترتيب بالحلويات. شبكتها من ورة وهية فزت. شافتني ابتسمت وحضنتني وهماتين عايدتها وهية تبوس بية وتضلي علئ محمد تكلي صايرة كيكة. ههههههه. شوية والكل تجمع وواحد عايد الثاني. وباسل سلم وراح. واني افتر بالبيت ولابسة دشداشة قصيرة وبطني بارزة من عدها. شافني بابا ابتسم وفتح ايده.

تقربت شبكته وهوة باسني براسي وكال: شلونج بابا؟ كتلة: الحمدالله زينة. ابتسم وكال: الي ببطنج شلونه؟ ضحكت وكتلة: الحمدالله. كرص خدي وكال: ملعونة شبساع كبرتي وراح تصيرين ام. ضحكت وكتلة: شمدريني. ابتسم وباسني ودخلت امي لازمة المعطر وتعطر بالبيت وصاحت: سارررة استعجليي اختج تاخرت علئ الصالون. باوعتلي اني وبابا وكالت: طالب الكيك شوكت تجيبوه؟ والقواطي عفية لاتتاخر اريد كلشي يكون كامل قبل الاذان قبل ماتجي الناس.

كال بابا: يابة موتدللين. راح محمد يجيبه وحسين راح يجيب القواطي والمطعم الساعة بـ2 تكمل اللفات مال كص الي تتوزع علئ المعازيم. كلشي كامل بس لاتتعبين روحج. امي ابتسمت اله وهوة حك شواربه ويباوع الها ومبتسم. يمة بالكوة ضميت ضحكتي عزا صدك عصافير خليت وكمت طلعت. صعدت فوك يم البنات لكيتهم مخبوصات. مريم شافتني كامت وكبل شبكتنس. ابتسمت وشبكتها وكلت: ها عروستنا الحلوة شبيج ضايجة؟ كالت: مابية شي بس هيج اشتاقيتلج. وخرت ونزلت

راسها وباست بطني وكالت: يموييي فديت اني حبيبة خالتها فديتها. كالت سارة وهية تلبس بالحذائ اكرمكم الله: نجبي حبيب خالتة تقصدين ام حلك. ضحكت عليهن وكلت: يمعودات يلة هم يالة ترحن للصالون وراجن كومة سوالف. كالت مريم: غير من ورة ست سارة. و اني اهديهم: كافي عرك كافي يل ترا بابا جوة منتظركم علمود يوصلكم. نزلن بساع واني نزلت وياهن وبابا راح يوصلهن للصالون. واني دخلت للاستقبال ارتب بالكوشة والميز.

يمة انكسر ضهري وماما وياي تسوي والبيت نضيف يلمع وحتئ مبدلين من الاثاث هواية شغلات. رحت شغلت المبخرة وبخرت البيت. وشوية واجني خالاتي ودخلن وهنة يهلهلن ويهوسن لمريومة وامي تلكتهن بالسلام الحار. ابتسمت وسلمت عليهن وقدمت الهم مي. وبنات خالاتي كامن يساعدنا بالنواقص وضلينا نركض منا ومنا. وبدوا يجون المعازيم واجتي وداد كبل حضنتني وكالت: عمري المشتاقة الها حليانة يولي.

كتلها: يعمري اني الاكثر والله وبعدين موبجمالج وتعالي شكو متاخرة. كالت: غير التهينا نحضر والسيارة جانت بالتصليح وهسة يالة بابا جابها. وضلت هم تساعدنا وصار وقت صلاة وصلينا وكثروا المعازيم والبيت صار عباره عن صوت الاطفال وهوستهم لو النسوان الي يحجن ومسويات تجمعات. واني واكفة يم ماما بالمطبخ لين جابوا الاكل وضلينا نرتب بيه. ورة مكملنا كتلها بتعب: ماما كملنا لو بعد لين تعتبت ضهري صار نصين.

كالت وهية تمسد علئ وجهي: سودة علية ماما تعبتي مو موكتلج اكعدي وارتاحي امشي بغرفتي تمددي لايصير بيج شي اسم الله. كتلها: اسم الله عليج يعمري بس هيج تعب بسيط. كالت: يلا امشي كدامي تمددي شوية وارتاحي واذا عندي دوة اشربي موتنسين. بس كالت دوة تذكرت انو اني ماجايبة الدوة مالتي الي اشربه من تصير عندي تقلصات واوجاع وهالسوالف. عزا العزاني بلعت ريكي وكتلها: ان شاء الله.

كالت وهية تسد الثلاجة: هم يالة راح تجي مريم اصعدي ارتاحي شوية وبعدين روحي بدلي ومكيجي. يلا امي. كتلها: تمام. رايحة صعدت فوك وناس تمكيج ناس تشسور ناس مدري شتسوي. اففف هسة شلون ابدل. خليت وفتحت الجنطة طلعت الفستان مالتي ولونه علئ ماروني هيج شي وقصير ومخصر علئ الجسم ووياه كعب اسود.

وشعري برمته الي وداد وخليت مكيـاج وطوخت الحمرة وسحبت ايلاينر ورشيت عطر والمثبت مال مكياج ولبست اكسسوارات ناعمة والحلقة مالتي الي متنزل من ايدي. واخذت كم صورة والحمدالله راح الوجع مني. وسمعت صوت هلاهل عرفت اجت مريومة. ابتسمت ونزلت علي كيفي دخلت للاستقبال وشفت علئ متجمعة عليها. دخلت بالكوة شافتني ابتسمت تقربت بوستها وكلت واني اباوع عليها باعجاب: شنـو هاي شطالعة يعمريي اللهم صلئ علئ محمد وال محمد.

كالت وهية ترفع بالبدلة: عفية شوفي البدلة شكد دلعة ماجنت هيج متوقعتها. كتلها واني اعدلها الها: بالعكس كلش حلوة وحتئ فتحتها لا تضوجين عمري. بدلتها لونها ذهـبي وشعرها تسريحة ونازل منها خصل والمكياج فدشي والبدلة مخصرة بعدين منفوشة. كعدت يمها وهية فد خجلانة ومستحية وشوية وتبدا الحفلة. ورحت بغرفة ماما يم ماما اشوفها كملت لو بعدها.

دخلت وشفتها لابسة قفطانها المغربي الي لونه فستقي وشعرها الي مسويته خـصل لون سلفر ومبروم وكاصـته قـصير ومكيجة ودترش عطر. كتلها واني اباوع الها بنضرات اندهاش: هاي شطالعة ماما! عزا ابتسمت وكالت: شطالعة ياماما نفس مااني كتلة واني اهز ايدي. يا نفس ماانت! غير اليوم اذا شافج بابا يصعد عنده السكر. ضحكت وكالت: أمشي ماما أمشي.

طلعنا من الغرفة واني اتغزل بيها. والديجي مشتغل وسارة بالنص هية وفستانها القصير والشعر نازل. وروح دخلت وياها بالنص واركص. وماما تعض بأصبعها وتأشرلي يمها بمعنئ تعالي كعدي. واني مندمجة واركص ويا سارة علئ كيفي. لحد ما كامت ماما كعدتني ومريم تباوع علينا وتضحك. كعدتني ماما وبس ترزل بية: تردين الطفل يوكع استري علينا واكعدي ياماما مو زين عليج. واني ضايجة: شنو حنة اختي ومااركص؟ واجتي عمتي هم وشافتني صلت

علئ محمد وكالت بابتسامة: فدوة لجنتي الحلوة يموي. من كالتها كزكزت عليها اجيت أحضنها بس استحيت متتتت. شوية واجوي أهل العريس. مريم كلها تركص وفرحانين واني مشاعر متقلبة ومختلفة. اليوم اني اعتبر روحي أسعد إنسانة بهذي الدنيا. أباوع لروحي بالمراية الي كدامي مال مهر طالعة مختلفة وحلوة حيل. لحد ما ورا المغرب كالوا أجو أهل العريس.

دك كلبي حيل حسيته حيطلع من مكانه وارتبكت. عدلت الي ريحانة البدلة وشعري وراحت تلبس شي طويل. ارتفعت الهلاهل بدخول أهله والهوسات وتقربت أمه وأخواته باسني وباركلي. وشوية ودخل هوة. يموي فدوة لهذاك الطول يبعد الكل. هوة منو يلبس قاط أسود هيج يلوك عليه. تقرب باسني براسي وكعد ولزم إيدي وإيده ترجف. درت عليه وابتسمت وهوة صافن علية. رجعت الشعر شوية ورة. أخذني وهمس: هلا بالملتهي بشعره. ابتسمت بخجل. باس إيدي وكال: شحجي شكول؟

أريد كلمة توصفج ماكو. 28 حرف وكفن كدامج. شهل جمال مريومتي! كتله بخجل: مو بجمالك. مسح لحيته وكال: اششش خليني ساكت. يموبجمالي بنيتي. زين بوية ماخفتي علية؟ ماكتلي من يشوفني خاف تصير عنده سكتة قلبية. اني من جنا يم المصورة ماحجيت شي كلت بعدين ألزمچ زحمة كدامها. ابتسمت بخجل وكتله بسرعة: اسم الله. ابتسم وبدا يحنيني وهالسوالف وكالساع هامس بأذني شي. لحد ما هوست أمه وكالت: الليلة حنته وباجر يزفونه.

الليلة حنته ويهوسون واني مبتسمة. ونوب شغلن ساجدة وعبيد وجرتني أخته كومتني وهوة اشتغل الردح واني عود الخجولة طب. ضليت أركص وأتمايل ويا البنات وهوة عيونه تجول علية. وركصت وتونست حيل واضحك. نوب هوة كوموا وصرت أتمايل بين أيديه لحد ما طفوا ساجدة وگلها كعدت وأحنا بالنص. وشغلوا أغنية حبة جنة مال شيرين. حاوطني من خصري واني أتمايل بيه أيديه وهوة يباوع علية ومبتسمة. تقرب وهمس يم أذني: منو باجر ينور بيتنا؟ همست بحب: اني.

باسني بخدي وكال: أحبج. همست: موبكدي. ومن كالت حبة جنة أنا عشت فيها كبل. كال: هية الجنة والله هية. يمة غير فد استحيت وخجلت وكلها ضلت تضحك ويباوعون علينا. عزا ضميت راسي بصدره من الخجل وهوة يضحك. جر إيدي باسها وكعدنا وأخذنا صور. وطبعا من الصالون قبل لا أرجع للبيت أحنا رحنا للصالون أخذنا صور ونوب رجعوني. قبل لا يطلع كال باسني بخدي وهمس: بوياي بوية سلام الله علئ عيونج أكبر مشكلة تحلها! سارة

طلع أحمد وأباوع سارة. انحنت روحي، لازم أعرف شگال الها. داريد أجرب هذا الشعور، أححح خرب. يومي، طلعت وأني أكل بالكيكة. وماما هم عازمة جيرانة أم أمير، وأني ما قصرت بالركص. وهية عينها عليها، شعدها تباوعلي مادري. لكيت ماما بالمطبخ دتسلم عليهم، جاي يرحون. صاحتني، گالت: "سارة، خلي بالعلبة كيك لأم أمير. ما أكلن ويردن يرحن." گالت أم أمير: "يا عيني، ليش تزحمين روحج؟ مانريد والله." گالت الها ماما: "لا، ميصير. دادة، ماشي."

سارة، بساع طلعت علبة وخليت الهم قطع كيك 6 وسديتها. وانطيتها لعمة أم أمير. سلمنا عليهم وطلعوا. وصاحتني أخته وهية دگول: "موتنسين تدزين الصور الي طگناهم." گتلها: "أي، هسة أدزهم." راحوا، وأني دخلت واهوس وأگول: "مبارك عرسك يالهيبة، مبارك عرسك." صادفتني ريحانة، ضلت تهوس وياية وتگول: "عريسنا جگليتة، حامض حلو، باكيتة." ضحكت وگلتلها: "أدري مصاصة لو عريس؟ استغفر الله ياربي." ضحكت وگالت: "عزا لج، شوكت تخف الهوسة؟ فد تعبت."

گتلها: "وأني أباوع لبطنها، على هذا رگصج هسة يطلع راس ابنچ معنجر." گالت وهية تتلمس بطنها: "أوي، عابتلج ترحيلة فدوة." ضحكت عليها وضلينا ناكل كيك بالمطبخ. والناس بدت تخف، لحد الساعة 10 كلها راحت. وأحنا بدينا ننضف بالبيت. وأجوي بابا والولد وأخذوا صور وية مريم. وأني أنضف وأرجع ليورا. وخطية ريحانة ما خليتها تساعدني، شصار بيها تعبت وموزينة عليها. ووداد بقت يمنا.

فـ أني وياها نضفنا. وأني مبدلة الفستان ولبست برمودة وبدي. ورفعت شعري گباية وأناضف. سمعت صوت الباب يندگ. ماما صاحت: "سارة، افتحي الباب لأخوج علاوي، راح يجيب صمون يمكن." أجة، گتلها: "رايحة رايحة." طلعت واني أهوس بالماسحة: "يوم إلي وأذبح طلي، يو إلي." فتحت الباب وصرت وراه وكلت: "أدخل علاوي." بساع شوهذا؟ لا يحجي ولا هاي. گتله: "عليوي، أدخل لو أطگك براسك بالماسحة." وأجاني صوت بهدلني. تحمحم وگال: "صيحيلي أبو محمد."

گبل طبگت الباب وعضيت إصبعييي. عزااا العزانييي! انفضحت، يممم حبيب الروووح يبوييي! شمرت الماسحة ودخلت أركض وأكمز. خربب نوب جنييي جبار من أحجييي. طگاعة طاحت عليگ عليوي. زين أمير شجابة؟ انفضحت يمة. نوب أكلة أطگطگ براسك بالماسحة. خاف جان يمكن معجب بيه؟ هسة دخل بصدمة من ورة سوالفي. الطايح حضها، يافضيحتج ياسارة الفضيحة. ريحـانة

أباوع لمريم، گبل سبحت ونامت. يعمري، مبين عليها التعب. وأني متمددة على الجرباية، بطني شوية تأذيني من التقلصات. ماريد أخابر باسل أكلة جيبلي الدوة، لين هوة قبل لا أطلع 3 مرات ذكرني بيه وكلي: "لاتركصين ولا هاي." بس أني وين أسمع الكلمة. آخر شي ماتحملت الوجع، خليت ودگيت عليه. شوية وجاوبني، وأجاني صوته وهو يكول: "ها بنيتي." جاوبته: "هلا حبيبي، شلونك؟ اشتاقيتلك." رد عليه: "هلا بيج بوية، زين انت شلونج؟

"موبگدي يابة"، گتلها بهدوء. "أني زينة، بس شسمة." گال: "شنو شسمة؟ گتلها واني أطگطگ بأصابعي: "باع باسل، حگلك شي بس لاتعصب." گال: "شنو بوية؟ كولي." گتلها: "صارت عندي تقلصات، بطني تأذيني والدوة نسيته على الميز." سكت وشوية وكال: "أني مونبهتج وكتلج الف مرة لا تنسيه. تعتبي نفسج اليوم." سكتت. گال: "أحجي." گتلها: "أي، تعبت." تنهد وكال: "جاي بالطريق، راح أجيب لج الدوة." وكبل سد الخط.

تنهدت وشمرت المبايل على الجرباية. هسة أني شكو أنساه؟ شكو؟ أكيد عصب. منو؟ تقريبا ربع ساعة ودگ مبايلي. جاوبته گال: "اطلعيلي، أني برة." گتلها: "تمام." سديت الخط وكمت. فتحت باب الغرفة ونزلت. لاگتني سارة. گال: "ها، وين رايحة؟ گتلها: "باسل جابلي الدوة، أخذه منه وأجي." گالت: "يمة الحب يمة." گتلتهة: "دوخري مني، خلي أروح تأخرت عليج." نزلت. فتحت باب المطبخ وطلعت. وصلت لباب الكراج ودخل علاوي، أخوية. لازم علاگة بيده،

انطاني ياها وكال: "باسل ودالج هاي العلاگة." أخذت العلاگة وگتلته: "وينه؟ گال: "راح." بس گال: "راح... " گبل غورگت عيوني. عود يعني شنو هذا التصرف؟ دخلت بساع للبيت. صعدت للغرفة ودگيت عليه. رد عليه وگلتله: "عود، هاي شسمونها؟ يعني مو گتلي أني جاي ونزلتك؟ گال بكل هدوء: "شفت علاوي وانطيته الدوة." گتلته واني أمسح بدموعي: "ضوجتني، ما ردت أشوفك ليش رحت؟ گال: "تعبان، أريد أنام."

گتلها: "أي، روح نام. أساسا أنت متغير عليه، وبس الطفل الي ببطني هامك، أني ما هامك." وسديت الخط. وكعدت أبجي. بس الطفل هامه يعني أني ما أهمة؟ مو كمت شربت دوة وغفيت والدمعة على خدي. كعدت الصبح علئ صوت المنبه ابتسمت، نايمة يم بابا البارحة بليل فزيت وكمت نمت يمه وضل يسولف وياي. وينصح بيه لحد ما غفيت بنصهم هوة وماما. كمت علئ كيفي، صعدت سبحت وطلعت من الحمام أنشف بشعري.

وسارة واكفة تبدل، لين راح حنروح للصالون. وريحانة نايمة وايدها علئ بطنها. كالت سارة وهية تخلي حمرة: "هاي اختج الجفاصة، البارحة تعاركت هية وباسل ونامت مقهورة." كتلها واني أسوي شعري كباية: "خلي نكعدها مزعّل." هزيتها وكلت: "اكعدي ريحانة." كالت: "ها." كتلها: "أجة باسل." كبل كمزت، ابتسمت وكتلها: "جذب." كومي ما أجة. كالت وهية تعدل شعرها: "خلي يجي شنسويله." كتلها واني أعدل بشعرها: "كافي زعل يحلو."

كومي ترحين ويانا للصالون، شنو نسيتي اليوم عرسي عيني. كالت بابتسامة: "لامانسيت ياقلبي. منو يبقى يم ماما؟ وسارة تروح وياج. كالت وداد وهية تفرك بعيونها: "روحي وياهن، اني يم عمة أبقى." كتلها واني أدزلها بوسة بالهوة: "فديت مرة أخوية اني، فديتها." ابتسمت وكتلها: "كولي لباسل." كالت: "أي هسة أكلة." كمنا نحضر ومبايلي دك. شفته احمر، ابتسمت فتحت خط. أجاني صوته وهو يكول: "صباح العافية بنيتي." ابتسمت وكتله: "صباح النور يعمري."

كال: "رحتي لو بعدج؟ كتله واني أشر للبنات بمعنئ يلة كومن: "لا بعدني، هسة راح نطلع بس يكملن البنات." كال: "تمام رويحتي." وضلينا نسولف شوية ويتغزل بية ويضحكني. حسيته عرفني متوترة. وخابرني علمود يخفف عليه. شوية وكملن البنات، نزلنا ووصلنا محمد للصالون. دخلنا والبنات بدن يختارن شنو يردن وشنو يسون. لحد ما صارت الساعة 11 يالة بدت بية.

مكيجتلي، وبعدين سوتلي شعري. ومن كمت وساعدني البس البدلة وباوعت لروحي بالمراية ضليت صافنة. مادري فد خجلت، البدلة طالعة علية كلش حلوة. والفستان والشعر كلشي مختلف. وكلها ضلت تصلي علئ محمد وال محمد وطشن جكليت علية. لحد ما صارت الساعة بـ3 يالة كملنا كلشي. والبنات مسون مكياج طوخ، مكياج خفيف وحلو.

لين عرس وهم تونست وياهم بالصالون كلش. وشوية واجة احمد علمود نروح للتصوير ونوب يرجعنا. طبك السيارة يم باب الصالون وطلعني. البنات والبرقع مغطيني. طلعنا، فتح هوة الباب الورة وصعدت وصعدت يمي ريحانة وسارة بالصدر. هوة صعد وكال: "يالله." سد الباب وبدا يسوق. وكلما ارفع راسي اشوفه يباوعلي ومندمج، ويسولف هوة والبنات. لحد ما وصلنة لموقع التصوير. نزلت دخلنا ورفعتلي ريحانة البرقع.

وهوة جان واكف مقابلي يخابر، بس شافني سكت. وبعزين حس علئ روحة وحجة وسد الخط. تقرب لزمني من ايدي وهمس: "عروستي الحلوة... ابتسمت بخجل. رجع كال: "أروح فدوة ونذر." وباس ايدي. وبدت المصورة تصورنا. وكلساع لقطة مختلفة. حتئ تعبت من الوكفة. كملنا رجعن لبسني البرقع وطلعنا. ركبت بالسيارة وركبت ريحانة. وسدت الباب وهوة بدأ يسوق. وسارة مشغلة أغنية عرس المرجلة. وهوة منطلق، ابتسمت عليه شلون فرحان ويضحك. يربي كون دوم هالضحكة الحلوة.

وصلنا للبيت ووكف السيارة يم باب الاستقبال. نزلت دخلت وهوة تحرك. استقبلوني بالهلاهل والصفكات ولكيت أهله جايين. لين الظاهر اني تأخرت بالصالون. سلموا علية وماما تصلي علئ محمد وفرحانة بية. وعيونها حمر عرفتها باجية. أوي يمة سودة علية شلون راح أعوفهم. كبل عيوني غورت وعصرتهم ماردت أبجي. وشغلوا الديجي ويركصون. ومن كالوا راح يدخل العريس ارتفعت الهوسات والهلاهل. وهمة يكولون: "نتشكر من عمها وابوها نتشكر، نتشكر."

"وهاي الرادها وهاي التمناها، بت الشيخ لابن الشيخ جبناها." يهل القوط ذبوا القوط. حمودي لبس قاطة. ابتسمت من سمعت اسم حمودي. تقرب باس راسي وكعد يمي. وكلها تهوس إله. ومنطلقين وهوة لازم أيدي. لحد ما صار لازم نطلع. كلبي رجف. باوعت لامي الي تهلهل وتصفك الي. كبل شهكت وبجيت. وهمة صاحوا: "يابجت! واني بجيت بالزايد. تقرب يمسح بدموعي واني ينزلن عشرة عشرة. تقربت ماما بوستني وتسكت بية واني أبجي. بالكوة سكتوني. من كمنة وبابا

دخل وخلة أيدي بأيده وكله: "هايه أمانة ومسلمها الك، حافظ عليها." بوية جبيرتي هاي ورفعة راسي. تقرب باسني براسي. لزمت أيده بستها وبجيت. شبكني ومسح علئ راسي وكال: "اهدأي بوي اهدأي." واني شابكته وابجي. باسني وهدأني ووصة احمد علية وكله: "بعيوني أخليها." وطلعنا. وصارت الهوسات والبرقع منزلته. صعدنا بالسيارة وانطلقت الزفة. واني عيني علئ بيتنا ودموعي تنزل. مد أيده مسحها احمد وكال: "عيونج راحت رويحتي، هاهية اسكتي." هزيت راسي

وهوة سحب أيدي باسها وكال: "أحبج." كتله واني مبتسمة وأمسح بدموعي: "وموبيدي." شوية ووصلنا لبيتنا. الله شكد حلوة كلمة بيتنا. المعازيم يرحون لبيتهم. نزلنا من السيارة وأخذتني أمه وأخته للغرفة. كعدني علئ الجرباية ويسولفن وياية وهدأني وباركلي. أباوع للغرفة تحفة! تجنن من ناحية الترتيب ومن ناحية كلشي تركية ولونها أبيض وماروني وكلشي. منسق وياها، فديت حبيبي المهندس، أني وفديت ترتيبه. شوية وسمعت صوت الهوسات وهمة يكولون:

"زفيناه بصاية حيدر زفيناه". رجف جسمي، انفتح باب الغرفة ودخل وسده. تقرب وأني أطكطك بأصابعي. مد إيده، كومني، ووخر البرقع، خلاه على الجرباية، وباسني براسي حيل وكال: "مبروك علينا ريامي". ابتسمت وكلت بخجل: "الله يبارك بيك حبيبي". لا إرادياً حضني حيل وهمس: "فرحان بوية فرحان". شبكته حيل وهمس: "لاتعوفيني مريم لاتعوفيني". همست بهدوء: "للموت وياك". باسني بخدي وكال: "امشي بدلي حبيبي". قمت على كيفي.

دخلت للحمام، لكيت السيت الأبيض معلق بالباب. نزعت البدلة على كيفي وفتحت التسريحة ودخلت جوة الدوش. سبحت وحسيت انزاح كل التعب مني. شوية وسديت الدوش، نشفت ولبست السيت الأبيض وطلعت وأني أنشف بشعري. وهوة جان هستوه دخل للغرفة وبيده صينية الأكل. شافني ابتسم. تقربت لميز المراية داخذ المشط. حضني من ورا وباس ركبتي. قشعر جسمي. أخذ المشط من إيدي وهوة ضل يمشطلي بشعري. سواه إله ضفيرة، ولو مو عدلة، بس أهم شي الفكرة. وبعدين دارني

عليه، باسني براسي وسحبني من إيدي. كعد وكعدني بحضنه وصار هوة يوكلني وأني ميتة من الخجل بمكاني. وضل هوة يسوي إله لكم وناكل لحد ما كملنا. قمنا غسلنا وهوة دخل سبح وطلع، وأني كاعدة على الجرباية وإيدي على خدي وصافنة عليه. باوعلي من المراية وابتسم. لا إرادياً ابتسمت إله بكل حب. كمل تمشيط وتقدم

صار كدامي ودنك علية وهمس: "ابتسامتج بهذلتني بوية". دنكت راسي بخجل، رفعه بطرف إصبعه وباسني. غمضت عيوني. ريحانة.

كاعدين بعد ماخلص العرس وكلها وجوها تلطم، وقبل شوية سكتت. جنة نبجي أني وسارة على مريم وماما. بالكوة سكتناها. وبابا كاعد بالاستقبال يدخن. قمت صعدت للغرفة، فتحت مبايلي، لكيت باسل اليوم دام علية كومة وأني مادري. عزا نوب حتى داك من جنت بالصالون. وطبعاً أكيد كتله. يالة رحت للصالون لين تبّت بعد ما أطلع بدون علمه. المهم دكيت عليه. يطلعلي مشغول. أباوع الساعة بـ11، يخابر منو. ضجت شوية.

ورجع دك علية جاوبته كتله: "ويامن جنت تحجي؟ كال: "بوية موكت تحقيقاتج؟ ترا مشغول وحسيته يحجي بتعب". كتله: "باسل ويامن؟ كال: "وية صديقي". كتله: "ليش انت وين؟ كال: "بالدوام من البارحة الفجر وتعبان ومالي خلك وهسة خلص الدوام وجاي أرجع. وانت داكة عليه بنص الليل عبالي تسألين عليه وتبطلين تصيرين عصبية وتجفصين وما تسدين الخط بوجهي. بس خابرتي علمود تعرفين ويامن جنت أحجي. جيد رحم الله والديج بوية". وسد الخط.

أني كبل بجيت. لهل درجة أني مضوجته. خليت ورجعت دكيت عليه وأبجي. مارد. خابرت مرة ثانية. رد علية. كتله وأني أبجي: "باسل". تنهد وكال: "شكو تبجين؟ كتله: "أبجي". باسل. سكت. رجعت كتله: "باسل". تنهد وكال: "كلبه وروحه وعمره وحياته". شهكت وكتله: "أحبك". كال بهدوء: "أموت عليج. كافي بجي بوية كافي مو كلبي انشلع وأني أسمعج تبجين". كتله: "ضوجتك مو؟ كال: "بوية أضوج من الناس كلها ومنج ما أضوج. شتحجين؟ وين اكو واحد يضوج من روحه؟

كتله: "أسفة على اللي صار البارحة. موبقصدي". كال بهدوء: "لا تتأسفين بوية. متفهمج. عوفي البارحة وعوفي كل شي. كلبي طاك عليج بنيتي. حتى الزعل راح وتعبان. ومن أشوفج يروح كل التعب". باوعت للساعة وكتله: "تمر علية هسة؟ أروح وياك؟ كال: "بدون تفاهم. جايج بوية جايج". ضحكت وكتله: "تمام". سدينا الخط وحضرت ملابسي وكلت لسارة وكامت تساعدني. نزلت سلمت

على بابا وماما وكتلهم: "باسل اجاني حروح وياه لين جاي من الدوام تعبان وهاي نزلت الي سارة الجنطة". وأني واكفة أشرب مي بالمطبخ. سمعت هورن. عرفته إجه. يمة هيج كلبي إجه يطلع من مكانه. شكد مشتاقة إله. طلع إله بابا وأني بوست ماما وسارة وطلعت. شفته واكف يحجي وية بابا. شافني ابتسم وابتسمت إله. بوست بابا وصعدت بالسيارة وهوة شوية وصعد. بابا ابتسم إلية ولوح بإيده. دزيتله بوسة بالهوة. ضحك. حرك باسل السيارة ودار

علية وكبل باسني بخدي وكال: "ها ينور عيوني مشتاقلج". وجر إيدي باسهة. ابتسمت

وتقربت بسته بخده وكلت: "ها يروحي أني الأكتر". يسوق ومندمج. شوية وصلنا. نزلنا وهوة شال الي الجنطة ودخلنا نمشي وهوة محاوطني بإيده وأني أتغزل بيه لين لابس عسكري وطالع بيه يسحن الروح. سبحانه مغير الأحوال من حال إلى حال. هستونا جنة متعاركين وهسة تصافينا. اوف فديتنا. دخلنا سلمت على عمو وعمة ولحكت باسل فوك. لكيته جاي يسبح. نزعت العباية وخليت الجنطة على صفحة. بعدي أعزلها. وكفت كدام المراية رتبت شعري ورشيت عطر وخليت حمر. وضليت أفتر بغرفتي مشتاقتلها ورتبتها. وهوة طلع ينشف بشعره وأني واكفة أعدل بالنزلة مال جرباية. راح مشط وخلة عطر وشمر روحه على الجرباية وفتحلي إيده. تمشيت على كيفي ونمت بحضنه.

حضني حيل وباسني وكال: "أويلي يابة هسة صرت زين". ابتسمت وضليت أمسد على شعره وهوة يبوس بوجهي. كال: "شلون صرتي؟ كتله بحب: "من شفتك صرت زينة". حضني وكال: "أويلي يابة شكد أحبج". ابتسمت وكتله: "أموت عليج". شوية وبدا ينعس وفاتح عيونه بالكوة ونايم بحضني. همس بهدوء: "تعبان نوميني يموي". هوة كال هيج لو انسحبت روحي. كبل حضنته وضليت أمسد على كيفي على شعره لحد ما نام. العنده حب يكتل كتل. ليش يتحول طفل ماينام إلا بسوالف دافية.