رواية يأس القلوب الفصل الثاني 2 - بقلم رودة

قعدت على المصطبة ومبتسمة، نسمات الهوا الباردة بتخليني أحس بالراحة اللي انحرمت منها من سنين. فجأة، لقيت تلات بنات جنبي. قالت واحدة منهم: "مرحباً". رفعت راسي وجاوبتها وقلت: "أهلاً، تفضلي". باوعت بخبث على صديقاتها وقالت: "بس حبيت أسألك سؤال، بس كون تجاوبيني بصراحة". قلت لها باستغراب: "نعم، تفضلي". قالت: "الدكتور النفسي اللي بتراجعينا وين صاير؟ ويعني أنتِ إزاي تخبلتي؟ لأن بنت عمي مجنونة وبدنا ناخدها له".

هي بتحكي وأحس كأن صاعقة نزلت عليّ، وعيوني دمعت. قلت لها: "عفوًا، منين لكِ هذا الكلام؟ مو صحيح". قلت بقلبي: "دي مين؟ قلت لهم: "شسالفة؟ شديصير؟ ضحكوا وقالت الثانية: "أصلًا صرتي سيرة على كل لسان بالجامعة، ريحانة المجنونة. ههههه. اللي محد يتقرب لها، كلها تخاف". هي حكت هيك، قمت دفعتها وقلت وأنا بحاول أهدّيها: "احترمي نفسِك، شهل كلام؟ " وأخخخ، دموعي نزلت فورًا. درت وجهي ما ودّي يشوفوني، وهنن ضحكوا وراحوا.

رحت بسرعة للحمامات وانهاريت أبكي وأشهق. انتبهت على وحدة حطت إيدها على ظهري وقالت: "شبيج حبيبتي؟ " البنت ما أعرفها ولا هي تعرفني. رفعت راسي وأنا أبكي. تركت شنطتها وقعدتني وقالت: "شبيج يحلوة؟ مين وياج؟ وأنا أبكي قلت: "محد وياي، أنا هيك". هزت راسها وقالت بابتسامة: "بكيفك، لا تحكين، بس اهدئي. مو زين هلكد تبجين". هزيت راسي وهي قامتني. غسلت وأعطتني مي شربت وقالت: "يلا نمشينا". قلت لها: "شكرًا، بس ما عرفتج".

قالت بابتسامة: "أنا وياكِ بالقسم، اسمي وردة". قلت لها: "أنا ريحانة". ابتسمت وقالت: "اسم على مسمى". طلعتني وأنا بس بدي أرجع عالبيت عشان أبكي. هيك نار وحركة صارت بقلبي وما أدري شنو يطفيها. ودموعي تنزل وأمسحها. نمشي بالحديقة واجت الممثلة تبع شعبتنا، قالت: "ريحانة". درت وقلت باستغراب: "تفضلي". قالت: "عميد الكلية يريدج". استغربت، شنو يريد؟ جاي أروح، وردة قالت: "يحتاج أجي وياج؟ قلت لها: "ما أدري، بكيفج". قالت: "امشينا".

مشينا، وصلنا يم غرفة العميد. دكيت الباب، قال: "تفضلي". دخلنا، وشفت البنات اللي تحرّشوا فيني واقفات، ووحدة منهم إيدها مزلوغة وبتجري دم وهي بتبكي. قلت له: "نعم أستاذ". قالوا: "رايدني". قلت: "بابا، مو عيب تسوين هيج بالبنية؟ قلت باستغراب: "شمسوية؟ قال: "لا تنكرين، ليش غالطة على البنات وجارحة البنية ودافعتيه؟ شهقت وقلت: "لا والله أستاذ، هي جاي أكمل". قال بعصبية: "وتنكرين؟

ميصير هيج. هذي جامعة مو مصارعة، مو عيب، وأنتِ بنية". بكيت وقلت: "أستاذ، والله ما مسويتله شي". قال: "اعتذري". قلت: "أستاذ، ليش أعتذر وأنا مغلطانة؟ سكت وقال: "تفضلي، اطلعي برة، وهاي آخر وأول مرة تسوين هيج. المرة الجاية فصل". طلعت من الغرفة ودموعي تطيح. شهقت وقلت: "ليش، ليش هيج جاي يصير وياي؟ والله أنا ممسوية شي". وردة تباوع عليّ وعيونها مدمعة.

قلت لها وأنا أشهق: "صحيح أنا لا أعرفج ولا تعرفيني، بس كل هذا اللي شفتيه جدامك جذب. أنا ما عندي هيج سوالف وما أعارك. أنا انظلمت والله". مسحت دموعي وقالت: "اش، كافي لا تبجين. أعرفج، ميحتاج تكولين، بس اهدئي، راح يصير بيج شي من البجي". هزيت راسي، مسحت دموعي. دك موبايلي. بابا جاوبته وحاولت أحكي طبيعي. قال: "بابا، باسل منتظرج بالباب، اطلعي يوصلج للبيت. أنا اليوم أتأخر بالدوام". قلت له: "تمام بابا". وسد الخط. قمت

وقلت لها وأنا أحاول أبتسم: "ماراح أنسى فضلج، شكرًا". ابتسمت وقالت: "لا، شسالفة". وقلت لها: "أنا راح أروح، منتظريني بالباب". قالت: "الله وياج عمري". طلعت ورقة ومدري شنو كتبت بيها، وقالت: "هذا رقمي، انتظر رسالة منج". قلت لها: "إن شاء الله". مشيت، طلعت وجهي أحمر وعيوني حمر، مبين عليّ باجية. طلعت شفت سيارته واقفة مضللة. بلعت ريكي، فتحت الباب اللي ورا، دار وهو لابس النظارة. قلت بتردد: "السلام عليكم".

رد: "وعليكم السلام". صعدت وسديت الباب، وهو بدأ يسوق. ساندت راسي على الجامّة وأتذكر شنو صار، وأعصر بعيوني عشان الدموع لا تطيح. والصمت سيد المكان. فجأة قال: "شبيج باجية؟ " مسحت دمعتي اللي طاحت بسرعة وقلت: "لا، مبيه شي". قال باستخفاف: "الضاهر متورطة؟ قلت باستغراب: "نعم؟ شنو تقصد؟ قال: "أقصد يعني خاف واحد من الولد مسويلج شي وخايفة تحجين، قلت أساعدج خطية".

درت وجهي عليه بسرعة وانصدمت من اللي حكاه. وقفت السيارة يم بابنا، قلت وأنا أهدد بإصبعي ودموعي تنزل: "آخر وأول مرة تسمح لك تحجي وياي هيج. مو أنا اللي أسوي هيج سوالف وأخرب سمعة أهلي". نزلت من السيارة. وقبل لا أنزل قلت له: "والله حرامات أنتَ ابن عمو عزيز". وطبقت باب السيارة حيل. وهو نزل وراي من السيارة، وأنا صرت باتمان، بسرعة دخلت البيت وسديت الباب. وهو كال: "أريد أشوف أبوك. من يسمع هذا الكلام شنو يكول؟

" عفته ودخلت. تلكتني أختي مريم بابتسامة وقالت: "هلا بريحانتي". شمرت الجنطة وبكيت وذبيت روحي بحضنها، وكل جسمي يهتز من البجي. وهي مستغربة، قالت بخوف: "شبيج ريحانة؟ صاير وياج شي؟ " بس أبكي وأشابكها.

إخواني بالدوام وسارة هم بالدوام، بس مريم بالبيت. سحبتني للاستقبال وقعدتني على التخم ونزعتني الشال. وأنا مكرفسة روحي والبجي. البجي أحسه صار جزء من يومي، يومي ما يكمل بدون بجي. راحت وجت بسرعة بإيدها موبايله وداكة على بابا. جاوبه وكالت له، ونوب كالت وهي خايفة: "بابا، مدري شبيه، راح تموت من البجي، انتهت، مدري شكله". جت خلت الموبايل بأذاني وسمعت صوت بابا الحنون يكول: "ها يبعد أبوج، شبيج؟ شصاير؟ " بس أشهق وما أحكي.

ونوب كال: "جاي للبيت، مسافة طريق". ما أطول، سد الخط واني سكتت وبس صافنة. كل هل سنين صامدة، بس موقف اليوم هزني هز. ضليت على كعدتي وبس صافنة ودموعي تنزل، ومريم تحاول تريدني أحكي، ماكو. ساعة كاملة واندك باب البيت. كامت مريم فتحته بسرعة وسمعت صوت باب يكول: "وينه؟ " دخل للاستقبال، وعلئ حظي، أجو إخواني وأختي من الدوام، وكلهة مستغربة شبيه ليش أبجي؟ بابا كال: "الكل يطلع برة بدون كلام". طلعوا. سد الباب

وكعد كدامي ولزم إيدي وكال: "منو وية الحنينة؟ تبجين على أمج؟ " هزيت راسي بمعنى لا. استغرب وكال: "ليش؟ قلت وأنا صافنة: "بعد ما أداوم". كال: "شنووو! كتلة دوام بعد ما أداوم. كال: لا تخبليني، كولي شبيج، شنو ما تداومين؟ وليش تبجين؟ شصاير؟ بابا، لا تخوفيني. ضليت أحجيلة واني أشهك، وختمت الحجي واني أكول: بابا، اني مو مخبلة، اني تعبانة. بابا، تكلي مخبلة ومحد يتقرب مني. بابا، ليش هيج جاي يصير وياي؟

ما أريد أعيش، اني أريد أموت، أريد أموت. وضليت أبجي وأردد: ما أريد أعيش، كافي مليت، أريد أموت. تعبت، تعبت، ليش محد يحس بية؟ شبكني بابا حيل وباس راسي وكال: ما عاش اللي يغثج ويبجيج، واني موجود. اني بنتي يسوون هيج بيها وأسكت. كافي، لا تبجين. بوية، لا تصيرين ضعيفة ودموعج تنزل على أقل شي. صيري نزرة، وحقج يجيج. ودك على ركبته. كلت بهدوء: بعد ما أداوم.

كال: هاي مال ما أداوم شيليها من راسج، ارتاحي كم يوم ويصير خير. بوية، كافي بجي، هاي إخوانج وإخواتج تكطعوا عليج، مو سهلة يشوفوج تبجين. هزيت راسي وسكتت، وبابا يمسد على راسي ويبوس شعري ويكول: تهون، بعد أبوج تهون. وها، ترا ما نسيت كلامج مال أريد أموت. شني تريدين ترحين وتعوفيني؟ غير أموت وراج. كتله بسرعة: لا اسم الله عليك. يمة، أشاقة، أريد أعيش والله. ضحك ورجع شبكني وغفيت بحضنه. باسل

بدايةً أعرفكم بنفسي، اني الضابط باسل عزيز، عمري 29 سنة، ضابط في وزارة الداخلية. عصبي وما أقبل الغلط، ما متزوج وشايل فكرة الزواج من راسي بسبب اللي جاي أشوفه بشغلي كرهني بكل شي. شخصيتي قاسية جداً بسبب طبيعة شغلي. الشي اللي أريده آخذه وأجيبه لوين ما كان. عائلتي متكونة من أمي وأبوي فقط، الوحيد الهم. اني كا عد. ودخل عمي أبو محمد، صديق أبوي الروح بالروح، عبالك إخوان ورجال طيب وماكو منه.

كال لأبوي عزيز: اني طالع أجيب سيارتي وأمر على ريحانة وبعدين أرجع، بس شوف لي ملف المجرم. وين صفى بيه الدهر؟ كاله أبوي: صدك جذب، هسة باسل يروح يوديها. أكعد يمعود. كتله: أي عمي، ماكو مشكلة. كال: لا لا، اني آخذها، شسالفة. كال أبوي: شني أبو محمد، ترا باسل مثل أخوها وتربوا سوة، عليمن بعد، هوه يوديها لين خلص دوامه. كتله: أي عمي، ماكو مشكلة.

طلعت وهو كال راح يخابرها علمود تنتضرني. أي والله، تالي وكت صرت سايق للست ريحانة. والله لو ما أستحي من عمي فلا أروح. شني سايق؟ خوما سايق. ولو هوه الرجال ما قبل صاحب غيرة على بنته شهم، بس أبوي الله يخليه شلون كل شي عادي. رحت لجامعتها وانتضرتها. انفتح الباب الورة، درت وجهي عليها. كالت: السلام عليكم. وصعدت. كتلهة: وعليكم السلام. كلت بگلبي: يا محمد، يعني هاي شوكت ما تجيها؟ وجهة أحمر وشلون لابسة قميص أحمر؟

استغفر الله، يخليك غصباً ما عليك تباوع. بس انتبهت عليها باجية. أسوق والمحهة من المراية تعصر بعيونهة. كتلهة: شبيج تبجين؟ كالت: مبيهة شي. كتلهة باستهزاء: الظاهر متورطة. وهية مفهمتني بالاول، بس بعدين افتهمت وطلعت لسانهة عليّ. وشكد أضوج من البنية الوكحة. آخر شي نزلت وراهة بس ردت ألزمها دخلت بساع وسدت الباب.

تحلفت الها صدك ماتستحي الفصمة القزمة هلگدوتها وما تنگدر. وعصبت وتنرفزت اذا ما أخليها تندم لأن حجت وياي هيج. ما أطلع باسل. رجعت للبيت، سلمت على أمي وبست راسها وصعدت لغرفتي. أخذت ملابسي ودخلت للحمام، سبحت وطلعت أنشف بشعري. دك مبايلي، صاحبي أحمد، رديت عليه وسلمت. كال: موتت تأخر على السهرة، اليوم للصبح. ضحكت وكتله: جايك، جايك. سديت الخط.

لبست قميص زيتوني وبنطرون أسود، ولبست الساعة وعدلت شعري ولبست المناضر ورشيت عطر وأخذت المحفظة والموبايل ونزلت. أمي كالت: هايمة، ما تتغدة؟ كتلهة: لا يمة، ألف عافية. طالع، تأخرت. طلعت، شغلت السيارة ورحت لقاعة. وصلت تلكوني أصدقائي والدنيا مكلوبة كلاب وذيج الوناسة الزينة. ريحانة هدأت شوية وتغيرت نفسيتي. أهلي غيروا الي جو وكعدوا يضحكون بية والله وطلعوني من الحزن اللي اني بيه. بس سؤال ضل بالي يدور، منو كال للبنات؟

فزيت على صوت مبايلي يدك، عايفته بالمطبخ. كمت للمطبخ أباوع، أمي تتصل. فد فرحت، جاوبته بساع وفتحت سبيكر. واحجي وياها. كتلهة: هاا يوم حبيبتي، شلون؟ مشتاقتلج. سلمت علي وكالت: شلونهن أخواتج؟ أخوانج؟ كتلهة: الحمد لله، زينين. كتلهة: ماما، خلي أفتح كامرة وياج، مشتاقة أشوفج. كالت: افتحي يمة، افتحي.

فتحت كامرة وثبتت المبايل على الكاونتر وفتحت سبيكر واحجي وياها. طلعت أباوعلها لابسة دشداشة قفيفة وشعرها مفتوح. يمة فديت أمي، تخبل. عيوني انترسن دموع. كتلهة: يمة تخبلين، صايرة. مشتاقتلج. مسحت عيونها وكالت: ياروح أمج، كلبي طاك عليج. خليت القوري على الطباخ واحجي وياها واضحك وهية تكلي: يمة كبرتي وكمتي تسوين جاي. كتلهة: أي، بس مرات أحركة. ضحكت وكالت: تتعلمين، تتعلمين. شوي وكالت أمي: شلونج بالدوام؟

ودخل بابا للمطبخ بالبجامة والكيمونة، هستوه كاعد من النوم. دخل للمطبخ مامنتبه جاي أحجي وية أمي. كعد على الكرسي وكال: صبيلي جاي، أريد أصحصح، وراي طلعة، استعجلي. دار وجهه وكال: هاي منو؟ وأباوعلك صفن، وكمز. والكلاس مال مي اللي على الميز طاح وانكسر. كمزت. طلعت أمي ماتدري ببابوي كايمة. الغراض اللي جايبتهم النا وكبل انسد الخط. وبابا صافن وبلع ريكه وكلي: هايه أمج؟ كتمت ضحكتي وكتله: أي بابا. امي: حرامات ليش اجيت؟

جنت أحجي وياه. خزرني وصاح: مو عيب؟ غير دكليلي هسة شتكول؟ كاتل نفسي عليهه؟ بلعت ريكي وكتله: بابا، أني شمدريني؟ أنت قبل دخلت وبعدين هي جانت تشوفني شراح ألبس بالعقد. الكرسي وكعد وكال باستغراب: يا عقد؟ كتله: واني أسوي روحي حزينة. صديق خالي متقدم الهة وخالي موافق. أباوع عيونه صارت حمر وعاصر ايده وعصبي. صار: عزة العزاني تورطت! كال وهوة حاد علئ سنونه: وهية موافقة؟ كتله: أي موافقة. هز راسه وهوة يسوي نفسه مامهتم: الله يوفقهه.

كام. كتله: بابا الجاي. كال: ما أريد العسل. طلع من المطبخ واني بعدني واكفة بمكاني. ضربت علئ خدي وكلت: عزا العزاني! والله لو يدري بية جذبت، يمة يموتني. أني شورطت روحي. دخلت اختي سارة للمطبخ وكالت: ها شبيج؟ كتلهة: ها مبيه شي. باوعت علية بتك عين وكالت: أحجي شصخمتي، لين أنت متسوي كل هالتصخمين. كتلهة: نجبي ممسوية شي. كالت: اهو احجي. تحمست. بلعت ريكي وحجيت الهة. فتحت عيونهة حيل وكالت: لا بربج. كملي كملي. كتلهة: هاهية كملت.

هزت ايدها وكالت: عزا العزاج! إذا ما أكول لمريم وأخليهة تكتلج، مو كالت الي تسوي هيج سوالف وتلعب من وراي أكتلهة. كتلهة: أوكفي أوكفي، الله عليج. كالت: ها؟ كتلهة: نروح سوة نكللهة. هزت ايدها ومشينة سوة لمريم. جانت كاعدة يم اخوي محمد. كلت لسارة: يمه محمد. بعدين عود سارة صاحت: لا لا كليلهم شنو سويتي. محمد عدل كعدتهة ورفع حاجبهة وكال: شبيهة شمسوية؟ كعدت يمهم وسولفت. وصافنين علية. كرصتني مريم وكالت بعصبية: ادبسز!

أني مو كايتلج بطلي هالسوالف؟ مسحت مكان الكرصة وكتلهة: أوي عابت شبيج! ترا هيج حبيت أشاقة وأغير جو وياهم، بلكت يتصالحون. كامت مريم وكالت بعصبية وهية تهمس: ثول! بطلي هاي الست سنين كلهة ماتصالحوا، تردين هسة يتصالحون؟ شغلي عقلج واستوعبي وعوفي الخيال وركزي علئ الواقع. وراحت. محمد هز راسه بيأس وكام. وسارة كابلتني وكالت: عوفج منهم، ذولي مأيسين. تعالي خلي نخطط اني وياج.

كتلهة واني أدفرها: كومي من يمي الفتانة، بعد ولا أحجي وياج. كامت تبوس بيه وتكول: هاي ينطيج كلبج تزعليني واني أختج حبيبتج. كتلهة: أختي فتونتي مو حبيبي. ضحكت وكالت: فكيها عاد. زين تعالي أكلج. كتلهة: شنو؟ كالت: شنلبس بعقد أمي. خزرتهة وكلت: كومي من يمي كومي. ضحكت وكامت.

سمعت باب المطبخ انطبك. كمت أبوع من الشباك. بابا طلع وكاشخ رايح لعقد أمي. متت. استغفر الله ياربي. هسة من يجي أكلة أشاقة وياك. حتى لو أترزل لو شوف شني. المهم أكلة. يمة شيسوي بيه. كمت أسوي حلويات أغير جو. وسارة واكفة يمي. وتذكرت باسل. اليوم شنو؟ كلي. وكرهتهة بالزايد. وكلت بدون ما أنتبه: يامحمد شكد مكروه. حقنة. سارة تاكل بالخياارة وكالت: منو المكروه؟ والحقنة؟ كتلهة: لا هيج ماكو شي. وخليت ككو بحلكهة وكلت: أكلي وسكتي.

جاي تحجي وسكتت. ضحكت وهية تضحك وتهز بأيدهة. دخلت مريم للمطبخ وكالت: هاي شدسون؟ سارة كلتلهة وهية تاكل خيار: ريحانة جاي تسوي حركات لعقد أمي. ماتحملت وطكيتجهة بضحكة. وسارة ضحكت. ومريم هم ضحكت وكالت: استغفر الله ياربي وأتوب أليك. ربي صبرني. باوعت بتك عين وكالت: عود يعني سويلي حلاوة مال جوز الهند، ترا أحبهة. كتلهة: تدللين يعمري.

وضلينه نسوي ونسولف ونضحك. والله دنيا عصر علئ غروب. واندك الباب مال بيت. طلع اخوي محمد للباب ودخلن عماتي. استقبلناهن وكعدن. وجبنا مي وعصاير. وخلت الهن من الكيك الي سويته. ويسولفن ويانة ويضحكن. وصار المغرب. ودخل بابا. وانتبهت علي معصب. سلم وكعد وية عماتي. وكالت عمتي: خوية راجع شباب ماتخلينة نزوجك. ضحك وكال: وين الشباب بعد أخوج، كلاني الشيب. كالت عمتي افراح: يا خوية لزوجك زينة البنات أنت بس كول.

يحجن واحنا ساكتين. مانتخيل وحدة تاخذ مكان أمنة. وهنة مستمرات ويحجن. ورة كم ساعة راحن عماتي. وبابا كعد يكلب بالفيس ويدخن. واني وسارة كاعدين كبالة ونسولف. سارة همست الي: باعي هسة هو عصبي وضايج. إذا كتيلة جذبت عليك يكتلني وياج. بلعت ريكي وكتلهة: لا. أصلا مانكولة. خلي نكمل خطتنة. طب حسين اخوية ياكل كيك. وما أحس الة سارة عاطت وكالت: ياا حسين ليش أكلت من كيكة عقد أمي. بابا كام يكح. وحسين مستغرب يباوع. كلهة: يا عقد شبيج؟

بابا خرزهة وكال: كومي كما كيكة عقد أمهة هي. كومي. وطلعت من الاستقبال واني ضامة ضحكتي. وحسين يهز بيده ويكول: الحمدالله علئ نعمة العقل. من أكول مخبلات محد يصدكني. بابا كله: أكل كيك واسكت. لا أكوملك أنت الثاني. كمت طلعت واني أضحك. خرب يومج سارة. طركاعة مو بنية. طلعت وتلكتني تاكل كيكة. كالت: تردين من كيكة عقد أمي؟ ضحكت وكتلهة: امشي لا يسمعج بابا. باسل.

الساعة 11 بليل رجعت للبيت. لكيت أبوي وأمي كاعدين ياكلون فاكهة ويسولفون. سلمت وكعدت وياهم. أبوي كال: وين جنت؟ كتلة: واني أكل تفاح وية أصدقائي. سكت محجة شي. وفجأة أمي كالت: أي عزيز كمل. شلون صارت ريحانة. بابا كلهة: أحسن أحسن. بلعت ريكي وكتله: ريحانة بت عمي أبو محمد مو؟ أبوي كال: أي. كتلة: شبيهة؟ كال: وأنت شعليك؟ كتلة: هيج سمعتكم تسولفون. كلي شبيهة. واني شلون الصاعقة ونزلت علية. حتى غصيت بالتفاحة. وأمي تدك علئ ضهري.

أبوي باوعلي بتك عين وكال: شبيك انفعلت؟ كتلة: لا مابية شي بوية. يلا تصبحون علئ خير. أني رايح أنام. صعدت للغرفة واني أذكر شكتلها. يعني من وراي تأذت بالزايد. بس تستاهل من ورا السانهة. يعني لو كايتللي شبيهة. أوو يامحمد. هسة أني ليش أفكر. عود بعدين إذا شفتهة أعتذر الها. ولو متستاهل. في اليوم التالي. كعدت الصبح غسلت ونزلت. صبحت علئ أهلي. وصحت: يمة ما كمل الريوك وراي دوام راح أتأخر. صاحت: أي يمة كمل، هذا راح أجيبة.

كال أبوي: اليوم تعال من وكت بيت عمك أبو محمد معزومين يمنا. كتلة: إن شاء الله. كعدنا نتريك. كملت غسلت وصعدت. لبست ملابسي العسكرية والساعة والبسطال أكرمكم الله. ورشيت عطر. وأخذت السويج والمحفظة والموبايل وطلعت. اليوم أبوي مجاز. وصلت وبديت أشتغل بالتقارير. منا لحد الساعة 2 ونص الظهر. دك علية أبوي. رديت علي كال: يلا بوية تعال عيب عدنا خطار. باوعت لساعتي وكتلة: مسافة طريق وجايكم. ما أتأخر.

غلق الخط وكمت طلعت. شغلت السيارة وأسوق. وبطريقي تسوكت كم شغلة. وصلت. دخلت للمطبخ جاي أدخل العلاليك. وشفتها واكفة تسولف وية أمي. حمحمت وكلت: السلام عليكم. ريحانة. معزومين يم بيت عمو عزيز. وماردت أروح. خايفة لا أشوفة. وكرهته من ذاك اليوم. بس انجبرت لين بابا كال: عمج عزيز يريد يشوفج. عيب ماترحين. المهم رحنة. ورحبت بينة عمة سعاد مرة عمو عزيز أحلى ترحيب. واحنا نحبهة وعلاقتنا بيها قوية. ودائما تسأل علينة. يعني أبد متكطع.

كمت وياها للمطبخ علمود تشوف الأكل. وهية تسولف وياية وتضحك. وفزيت علئ صوت واحد وهو يكول: السلام عليكم. بلعت ريكي ودرت وجهي. شفته هو واكف باللبس العسكري رافع حاجبه ويباوع. ما حسيت الة طلعت من المطبخ بساع. حتى بدون ما أرد السلام. وأسمع عمتي تكله: تستحي يمة. وصار إلهة هواي ماشايفك. فاستحت. كعدت وكلت بكلبي: هو شفته مرة وساعة السودة من شفت. ضليت كاعدة وبعد ما كمت علمود ما أشوفة بعد. بعدين تغدينا وكملنا.

عمتي كالت: يمة ريحانة المناشف علئ المغسلة يم الدرج. جيبيهم بين ما أصب الجاي. كتلهة بابتسامة: أوك عمة. كمت رحت علمود أجيبهم. جاي أفتح باب الحمام علمود أدخل آخذ المناشف. وانفتح باب الحمام وطلع باسل. شهكت ورجعت ليورة. حسيت كلبي اجة يوكف من الهبطة. كال وهو عاقج حواجبه: شتسوي؟ متعرفين تدكين باب الحمام؟ يعني. كتلة: العفو ما أدري بيك هنا. اجيت داخذ المناشف. جاي أروح وجرني من ايدي وكال: وين؟

نترت ايده وكتلة: معليك. وبعد لا تلزمني. كال بنتر: صوتج لا أكسر راسج. أحجي وياج أعدل. تحجين عدل. كتلة باستهزاء: وإذا محجيت شسوي مثلا؟ جرني من ايدي حيل وحصرني علئ الحايط

وكال بعصبية وهو يهمس: البنية الوكحة ما أحبهة. صوتج نصي وأحجي عدل مرة ثانية موباستهزاء. وهو مو صوجج صوجي أني كلت عود أعتذرلج لين طوخت وياج بالحجي هذاك اليوم. بس طلعتي ماتستاهلين حتى اعتذار. ويعني لا عبالج أريد أتقربلج لو شوف شنو. صحيح مواصفاتج تعجبني. وغمز. بس أنت متعجبيني. وترا ماميت عليج. عندي ألف وحدة غيرج. دمعت عيوني من حركته. شلون جرني. أدفع بي ميوخر. كتلة وعيوني مغوركة: وخر من عندي. كال: وإذا موخرت شتسوي؟ تبجين؟

كتلة: رجاءً وخر من عندي. أيدي ضلت توجعني. وخر وكتلة واني أهدد بأصبعي وأرجف وأحجي بصوت ناصي علمود ما يسمعون: أول شي أني ماميتة علئ اعتذارك. وهاي أول وأخر مرة تلزمني وتحجي وياي هيج. ولا عبالك أني من هذني البنات المايستحن. ترا هذني لا ضفري ميّوصلن. وهذني سوالفك متطبقهن علية. تطبقهن علئ صاحباتك. وعفته ومشيت. ومسحت دمعتي الطاحت من عيني. أخلص من سالفة تجيني سالفة.