رواية يأس القلوب الفصل الثاني عشر 12 - بقلم رودة

جاسنه الليل وأجيتو ببالنه ولعبت صوركم لعب بأحوالنه مريم تمالكت اعصابي بالكوة، لا مريم لا تخربين الأول والتالي، نفس كل مرة هايه عندج آخر فرصة إذا تصرفتي خطأ. احمد يروح من ايدج، انتبهت على روحي أرجف والمبايل وكع من ايدي، تقدمت كعدت علئ الجرباية. وكلت: "أي أكيد هذا مصطفى مراقبني! أبد ولا يتوب، والله هالمرة أبد ما أسكت وأصير غبية نفس كل مرة."

"أروح أكل لبابا وأخلي يلعب بيك طوبة، وحتى أكله على أحمد لين يريد يتقدم إلي واني ما مسوية وياه شي." غلط، بلعت ريكي وجريت نفس، مستحيل أضيع هالفرصة نفس كل مرة، بعدني حتى بملابس الدوام. أخذت المبايل ونزلت، شافتني سارة كالت باستغراب: "هاا شو بعدج ممبدلة؟ كتلهة بقلق: "أي هسة أبـدل بس وين بابا؟! كالت: "متمدد بالغرفة." عفته ورحت وهية مستغربة من وضعي، دكيت باب الغرفة ودخلت، شافني. بابا عاف المبايل ونزع

المناضر وكال بابتسامة: "هلا بابا مريومة." كتلة بابتسامة بس القلق مبين عليّ: "هلا بيك." بابا بوسته وكعدت يمه وبس أرجف، خايفة من شنو مادري، عدل كعدته وكال: "شكو شبيج؟! "قدمتي ماجستير؟ خلصت الشغلة؟ هزيت راسي، كال: "لعد شكو؟! كتلة واني أطكطك بأصابعي: "بابا انت مو كلت بعد لا تضمن عليّ وكلشي يصير تكلللي." رفع حاجبه وكال بتركيز: "أي كملي." كتلة واني ألزم أيده وأحجي بخوف: "شوف بابا والله أني ما مسوية شي ومستعدة أحلفلك."

كال: "شبيج بابا شصاير؟ كتلة: "اكو شسمه أستاذ بالجامعة." كال وهوة يباوعلي بتك عين: "أي." كتلة: "يحبني ويريد يتقدملي." كال بسرعة: "شنو يحبج؟ كتلة: "هاا لٱ أقصد يحب أخلاقي." يمة متتت، بماعرفت شنو أحجي، بلعت ريكي وكتلة: "واليوم كلي يريد يتقدم إلي." مسح كصته وكال: "هلا بي، خلي يتقدم ونشوفه." بلعت ريكي وكتلة: "بس شسمه اكو مشكلة." أستغفر الله، وكال: "شنو؟

كتلة: "بابا اليوم هوة أني كاعدة علئ المصطبة وهوة كاعد كبالي، وهسة أول ما رجعت للبيت راسلني رقم غريب ويهدد بية وماخذ النا صور." باوعت بابا عيونه صارت حمر من العصبية، كال: "بلا شوفيني الرقم." طلعت الرقم، طلعت الرقم وشاف الصورة والرسائل، باوعت عيونهن صارن حمر دم وأعصابه برزت، كلت راح يطكني. جلاق، أخذ الرقم سجله يمة وخابر مدري منو، كَلـه: "ساعة وأريد عنوان هذا الرقم وصاحب الرقم." وسد الخط.

كال: "هاهية بابا لٱ تشيلين هم وخلي الولد يتقدم، بس بابا مريم انتِ كبيرة وتفتهمين وتدرين بية ما أحب أستعمل أسلوب الضرب، عيب تكعدين يمه بمكان فارغ ومبي أي أشخاص، أني هسة أكدر أكوم أكسر راسج وغيري يلعب جولة ويعتبره عار، بس أني لٱ، أني إنسان فاهم وأعرف وما أريد أظلم أحد، هالمرة صارت يامريم، المرة الجاية ماريدها لين تدرين بية ما أقبل بالخطأ." عيوني دمعت وهزيت راسي: "أي بابا وأسفة."

هز راسه وباسني، وكمت طلعت من الغرفة وصعدت لغرفتي، مادري لٱ إرادياً بجيت، حسيت روحي خنت ثقة أهلي، صحيح أني ما مسوية شي بس مادري هذا الشعور يكتلني، ورجعت ابتسمت علئ تفكير بابا وشلون أسلوبه حلو وتعامله، وصحيح أي واحد غيره يلعب طوبة، بس أني ما مسوية شي غلط. طالب كاعد وأنتظر الأتصال يجيني، شوية ودك الضابط الي وصيته، رديت عليه وأنطاني المعلومات، سديت الخط.

وكلت بتوعد: "أخ يامصطفى إذا ما أتوبتك ما أطلع طالب، الظاهر الطلقة الي برجلك ماتوبتك." أنفتح الباب ودخلت جوريتي تتمختر، ابتسمت علئ منظرها، عبالك تمشي علئ كلبي مو علئ الكاع. أخ يابة شكد أحبها. وصلت يمي وكالت: "هاا شبيك طلوبي؟ ضحكت كتلهة: "راحت الهيبة، يمعودة أسكتي لٱ يسمعونج تصيحين لي طلوبي بربج شكبرني وشكدني تكليلي طلوبي؟ كالت وهية تمشي أيدها علئ وجهي: "طلوبي وحبيبي وأسنادي، خلي يسمعون غير حبيبي وأدللك."

ضحكت علئ كلامهة وكتلهة: "الظاهر ناوية تصعدين السكر عندي." "يحلوتهن." ورجعت خصلة شعرها ورة أذنها وباوعت لوجهها أصفر، ما عاجبني، كتلهة واني لازمه وجها بين أيدية: "ما مطمئن، أحس بيج شي، وجهج ما عاجبني." كالت وهية تشبكني: "مادري تعبانة مدري شي." خفت عليها وقلقت: "شبيج يابعد الما يرمشن من يشوفنج؟ كالت: "مادري والله أحس نفسيتي تعبانة وما أشتهي، حتئ كلبي يأذيني." باوعت علئ الساعة بـ 3 العصر،

كتلهة: "حضري روحج بـ 4 ونص آخذج للدكتورة، مستحيل أعوفج." كالت: "لٱ، عليمين أروح شوية وأصير زينة." كتلهة: "لٱ لٱ ماكو شوية وتصيرين زينة، آخذج يعني آخذج." هزت راسها وضميتها لصدري حيييل وشميتها، أخ يابـة شكد أحبها شكد! ريحانة اليوم ماداومة، مالي خلك، واكفة داتمشئ بالحديقة ودك مبايلي، أباوع عمتي أم باسل تتصل، ابتسمت بتعب وجاوبتها. "الو هاا عمة؟ سلمت عليها وسلمت وكالت: "يمة ماتجين تتغدين يمنا اليوم؟

ضايجة وعمج وباسل ولا يكعدون بالبيت وهم راح يجن العمات وبناتهم وأريد أعرفج عليهم، بعد صرنا أهل إحنا." أجيت أكلها ما أكدر أعذريني بس انقهرت، كلت عاد أروح يمها شوية أونسها ولو مالي خلك أتعرف بس عيب أرفض. كتلهة بانحراج: "هاا عمة تدللين أجيك بس منو يجيبني؟ كالت: "هسة باسل يجي ياخذج." كتلهة: "خوش عمة أشوف بابا وأرد لج خبر." كالت بفرح: "براحتج يبعد عمتج."

شوية وغلقت الخط ورحت لبابا، جان كاعد بالاستقبال وماما تكصص فاكهة وياكلون، تقربت بوستهة وكتلهة: "بابا خابرتني عمتي أم باسل وتكول هيج وهيج." سكت ورجع كال بابا: "تحسين روحج زينة تكدرين ترحين لـو تعبانة؟ كتلة: "لٱ، ماضي صرت أحسن وهم شوية أغير جو." هز رأسه وكال: "تمام بابا روحي بس منو ياخذج؟

بلعت ريكي وكتلة باسل هز راسة واني طلعت اففف هسة ماكو غير باسل ياخذني والڵـه مطايقته ومااريد اشوفه ربي صبرني دزيت رسالة لعمتي انو راح اجي كالت باسل فد نص ساعة ويجيج كتلها تمام عمة غلقت المبايل و صعدت لغرفتي واجتي سارة تنسق وياية بالملابس. كالت بسرعة ريحانة عليج الله البسي القميص الاحمر والبنطرون الاسود ونبي تطلعين تموتين بيهن ونخلي مورد لخدودج اخخخ راح بيها استاذ باسل.

خزرتها وكتلهة انجبي ادبسز لاتحجين هيج لٱ اكول لماما. كالت وهية تسوي حركاتهة الطفولية وتكول ببرائة بداعتي البسي. ضحكت وكتلهة عابت سارة ليش تحرجيني. هاهية حلبسه. كالت بفرح يس هوة غير ﭑنـي اريد تضغطين بناته يحظي وتلبسين هيج الوان لين تموت عليج بساع امشي البسي. كتلهة خلي اسبح وامشط شعري بالاول. كالت خوش ادخلي واني راح احظر الج لٱ تخسريني اليوم صايرة خوش بنية شتكولون الي اسوي.

ضحكت وكتلهة واني ارفع ايدي وادعي يارب دوم تبقئ هيج. ضحكت واني دخلت للحمام سبحت وكملت وطلعت مشطت شعري ونزلت لماما سوتلي ضفيرة حفر وصعدت لبست البنطرون والقميص وسارة تصوفر ومريم تطك اصبع ﭑنـي احلف اخواتي موصاحيات ابد وكفت امكيج وطوخت بالحمرة يااخي احبها موبيدي ولبست اكسسوارات ورشيت عطر وسارة تاخذلي صور ومريم تضحك. صعدت امي شافتني ابتسمت وضمتني لحضنها كالت ماما اذا تحسين روحج تعبانة لٱ ترحين.

كتلهة واني ابوسها واطمنها لٱ يوم والله صرت احسن ولو تعبانة مااروح. هزت راسها وكالت يمة فدوة تخبل بنيتي. سارة كلتلهة عاد عبرينا احنا كاعدات هنا يمها لْـۆ بس ريحانتج. ضحكت وكالت يمة كلكم غالين علية غير روפــي من الدنيا انتم وكامت سارة تبوس بيها خلتها تتندم علئ الساعة الكالت بيها تحبنا ههههههه.

كملت لفيت الشيلة احبها اكثر من الشال وجهي مدور فتلوك علية كلش كملت واجة علاوي اخوي كال باسل واكف بالباب يم بابا ينتظرج ارتبكت ومدري شصار بية بحيث اجيت ابدل واكعد واسكت بس صرت قوية ونزلت بوست ماما واخواتي وطلعت. شفته واكف وية بابا يسولف شافني بلع ريكة ورمش انتبه علئ روحه وسلم عليه وسلمت وصعدت بالسيارة وبابا ابتسم الي واني هم وباسل ودع بابا وصعد وبدة يسوق. كال بهدوء شلون صرتي؟ كتلة الحمدالله.

هز راسة ورجع كال البارحة ليش مطلعتي اشوفج ! كتلة بعدم اهتمام جنت نايمة وتعبانة. كال وهوة ينرفزني جـذابة كـاعدة. غمضت عيوني بهدوء ورجعت كتلة بـاسل ترا واصلة لحد هنا ومحمد انفجر وبعد محد يسكتني لٱ تنرفزني ترا بعد مااتحمل زين ! كال صوتج نصـي ولا ترفعينة بوجهـي. هزيت راسي بأستهزاء ودرت علئ الجامة لٱ ﭑنـي طايقته ولا هوة طايقني. وصلنا نزل وكال مناوية تنزلين لْـۆ تردين اشيلج حضرة الاميرة.

كتلة واني اخذ جنطتي لٱ شكراً الله لايعوزني الك. نزلت ومشينا سوة واني لابسة كعب كال وهوة يباوعلي بتك عين لْـۆ تموتين ماتصيرين طويلة هاي عود لابسة كعب وهالكدوتج. نرفزني هسة شيريد مِڼـّي مجاوبته دخلنا للبيت تلكتني عمتي بوستني وبوستها يالله شكد احبها دخلتني للاستقبال واشوف 6 بنات و3 نسوان سلمت عليهم وعرفت هذني عماته وبنات عماته.

عماته استقبلني بالسلام الحار ويرحبن بية واني حسيت حموت من الخجل قدمولي مي وعصير شربت شوية وعفته وكاعدة يم عمتي ونسولف حبيت سوالفهم العمات كلش محبوبات. كاعدين نسولف وبعدين تغدينا واكفة بالمطبخ داشرب مي ودخل عمي عزيز شافني كال بصدمة يابة هلا هاية منو عدنا اليوم. ابتسمت بخجل سلمت علي باسني براسه وكال نورتي بيتج عمي. كتلة منور بأهله. ابتسم وكال شلونج عمي شخبارج الاهل شلونهم. كتلة الحمدالله نسئل عليك.

كال الحمدالله جاي يطلع ورجع وكال وهوة يضحك عمي من تشوفين ابوج كليلة يكول عمي عزيز شلونك طلوبي. ضحكت واستغربت بنفس الوقت كتلة صار عمو ضحكت شنو طلوبي راحت الهيبة يبابا هههههه. رجعت للاستقبال كعدت يم البنات نسولف وباسل صار ساعتين ومشفته اختفئ اكيد طلع. كالت بت عمته حسيتها باردة وياية شعجب باسل مااجة كعد يمج اشو ماكو غير خطيبته ويكعد يمج تسولفون تضحكون.

كتلهة ببرود اي حبيبتي خطيبته وشنو يعني يكابلني ويكعد معنده شغل ويعني ميحتاج يكابلني لين احنا 24 ساعة نحجي وهم كالساعة يجي يشوفني ويوصلني للدوام. فزيت من حسيت احد كعد يمي وحاوطني بايده اباوع باسل وابتسامة جانبية علئ وجهة كلت بكلبي عزا العزاج ريحانة بس لٱ سمعج. سلم علئ البنات وهية من شافته كعد يمي محاوطني مدري شصار بيها. كتلة بهمس واني مبتسمة وضاغطة علئ اسناني وخر ايدك من يمي.

ضغط علئ خصري وكال بهمس ليش خطيبتي شبيج احنا مو 24 ساعة نحجي وكالساعة شايفج وهاا نسيتي تنامين علئ صوتي واوصلج للدوام. هوة يحجي واني حسيت معت بمكاني من الفشلة والخجل لْـۆ ميتة و لٱ هذا الموقف عززا. كتلة اشاقة وياهة. كال امم مبين رجع يسولف ومن يحجي وياية كلة حبيبتي وعمري وكلبي وعماته مبتسمات عرفته يريد يبين انو العلاقة طبيعية لازم ايدي وضاغك عليها ويحجي نوب.

التهن يسولفن رجع نفسهہ ليوره وهمس وهوة لازم ايدي بحنية وحاصرني يمة بعد اذا لبستي هذا القميص وحق محمد اشكه عليج وتدرين بية اسويها. سويت روפــي ممهتمة وكتلة ليش شبيه محلو علية ! هز ايدة وكال بحسرة ياريته موحلو خليني ساكت. كتلة وﭑنـي مبتسمة باسل عوفني وكوم ترا بالكوة طايقتك.

شبك ايده بايدي وكال وهوة يبادلني الابتسامة مومحبتاً بيج كاعد يمج بس مااكدر اعوفج كاعدة بحدج واخليهن يحجن ويألفن بحدهن وتنقهرين ومدري شيصير بيج فردت ابين الوضع طبيعي صدكي ﭑنـي هم ماطايقج وانتِ ماصدكتي كعدتي يمي حتئ دلعة القميص نزلتيه وغمزلي باسني براسي وكال وهوة يطلع يمة ديربالج عليها ﭑنـي طالع.

ضحكوا كلهم وامة كالت بعيوني يمة واني متتت بمكاني جنت نازعة الشيلة والضفيرة نازلة ودلعة القميص طالعة عزااا العزاني اجيت ابجي عيوني غوركت وعلي شلون ماانتبهت شهل مواقف يالله نوب. رجعت ابتسمت وكلت شنو يعني ميريد يقهرني ﭑنـي اهمه ?! يعني يهمه حزني هههه لْـۆ يهمه مايقهرني. كاليومية اكيد يمثل كمت اجيب مبايلي عفته بغرفة عمتي لين بيهة.

نزعت الشال وعفت الجنطة اول مدخلت داطلع المبايل من الجنطة كبل انسد باب الغرفة درت وجهي اباوع باسل واكف منتجي علئ الباب ومجتف اديه. بلعت ريكي بخوف ونزلت راسي ادور بالجنطة وكتلة شكو؟ حسيته بدة يتقرب خفت مدري شصار بية مااحس الة شبكني من ورة جمدت من الصدمة ! مجاي أفهمه شهل تصرفات المتناقضة! درت وجهي عليه وهو صافن. كتله بخوف: وخر من يمي. شكو؟ حسيته راح بغير عالم وبدون وعي جرني وباسني من شفايفي.

ضليت أرجف وأدفعه بيه. ما أكدر. دفعته حيل ونزلت دمعتي وكتله: شبيك أنت؟ مو كلك. وخر من يمي لا تتقرب إلي! لـۆ تريد تنرفزني وتموتني من القهر. تقرب وسد حلكي وكال: أششش. على كيفج. ما أدري. وخر إيده وكتله: شنو ماتدري؟ شكو تتقرب إلي! مجاي أفهمك. ساعة عصبي، ساعة حنين، ساعة تكرهني بالدنيا، ساعة تكرهني بروحي. شنو أنت؟ بس فهمني شرايد مني. كال بعصبية: لا تخبصيني. وإذا بستك مثلاً انكلبت الدنيا؟

ويعني لا تعبالج أريد أتقرب منج. وهاي مجرد ما حبيت أخليها بنفسي. كتله وضليت أرجف من العصبية: ما أسمحلك. وهايه آخر وأول مرة تسوي هيج. رجاءً ابتعد عني واحجي. ومشتعلة بمكاني. وهو يرد بكل برود، واكف ومجتف إيديه ويباوعلي. بجيت وكعدت علئ الجرباية ومغطية وجهي بإثنين إديه وأبجي. تعبت والله تعبت. كل ظني راح يعتذر ويصبرني بس! نفس كل مرة انخذلت. من سمعته طبك الباب وطلع. كمت

وقبضت إيدي بعصبية وكلت: مو تدلل أستاذ باسل. وحق الله من اليوم إذا ما ندمتك و خليتك أنت تجيني ما أطلع ريحانة. وإذا ما حاسبتك علئ كل دمعة طاحت من عيني أصبر لي. تستهين بيه مو؟ أي مو تدلل. أنت الجبتها لنفسك! باسل

بدون وعي أباوع الها وهي تحجي. حسيت رحت بعالم ثاني. شكلها سحرني. مدري شصار بيه. مشاعر متراكمة علئ حافة الانفجار. كلمات ما أكدر أحجيها. غصباً عني جاي أتصرف هيج، رغم كل عصبيتي وكلامي وأفعالي المتناقضة. شي بداخلي ينجذب الها! شعور ما عرفت افسره. بدون وعي جريتها وبستها بشفافها. ما تمنيت أعوفها. وفزيت وهي تدفعني.

عضيت شفتي بقهر. خرب يومج خربتي عليه اللحظة. ومنفعلة وتحجي بعصبية. خفت أصير بيها شي. جريتها وسكتتها وضلت تحجي ولعبت جولة واني بالكوة مسيطر علئ روحي. ما أريد أنفعل وأصير عصبي عليها وخاف يصير بيها شي وتنقهر. ضلت تبجي وكعدت علئ الجرباية. تمنيت أروح أكعد أكبالها وأحضنها وأعتذر الها. بس مستحيل! شي بداخلي يرفض هذا التصرف وشي ثاني يحفزني علمود أروح الها. بس هيهات. بلمح البصر عفتها وطلعت. بس دموعها تحركني. شبيه أني؟ شصار بيه!

ما جاي أعرف نفسي. شنو هذي التصرفات المتناقضة؟ يالله تذكرت كلامها: ساعة عصبي، ساعة حنين، ساعة أكرهها بالدنيا، ساعة أكرهها بنفسها. لهل درجة أني معذبها! وأجة كلامها كدام عيوني من كالت: وخر من يمي لا تتقرب إلي. كلامها يمنعني بكل خطوة أريد أخطيها. أستغفرت الله. وخر هالكلام من بالي وطلعت. وين رايح مادري. مريم كاعدة بغرفتي أصبغ أظافري ودك موبايلي. ابتسمت. أحمد يتصل. جاوبته بخجل. "الوو." كال: هلا بهل صوت.

وصاحبة الصوت. ابتسمت وعضيت شفتي بخجل. تنهد وكال: شلونج يابعد روحي وروح روحي. كتله: أحمد لا تحجي هيج فدوة. والله يروح كل الكلام. ما أعرف شحجي. ضحك وكال: أويلي يابة. مو تدللين. كتله واني أحاول أغير الموضوع: أني زينة. أنت شلونك؟ كال: الصراحة غير. كتله: أي أكيد. كال: اليوم أني من شفتج صرت بخير. وعلي. كتله بحنية: دومك يابعد روحي.

تنهد وكال: أحبج ريامي. وعلي أحبج. وخاصتاً من رديتي خبر إن أبوچ كايل هلا بيهم. حسيت بهل لحظة الناس كلها حزينة وبس أني الفرحان. دمعت عيوني من كلامه. وكتله بهدوء: إن شاء الله أيامك الجاية كلهة فرح وسعادة. كال: أكيد كلها فرح. چا غير أنت بيها! كتله بخجل: أحمد. ضحك وكال: عيونه. وضلينا نسولف شوية وكال: ما بقى شي. هانت وتصيرين إلي. ونتحاسب علئ السنين العفتيني بيها. وأخخ اطلع كل قهري بيج. كتله بخوف: شنو أحمد هايه؟

بعدنا بالبداية وتريد تكتلني. ضحك بصوت عالي وكال: أخ يابة شكد فاهية. أعاقبج بطريقتي الخاصة. بعد بيتي. كتله: أني مو فاهية. كال: تؤ. أحلى فاهية شفتها بحياتي. ضحكت وهو ضحك. وضلينا نسولف شوية وغلقت الخط. والفرحة الي أني بيها ماتنوصف أبد. طالب أسوق وهي كاعدة بالصدر وصافنة علئ الجامّة. وصلنا للدكتورة. طفيت وكتلهة: يلا بعد بيتي وصلنا. نزلت وهي نزلت. أمشي وهي وياي. دخلنا حجزنا. ورة شوية هي صاحوا اسمها. واني كاعد ومتوتر. خايف!

أي خايف لٱ بيها شي لا سامح الله. انتهي وراها. وعلي. شوية واجت الممرضة كالت: تفضل. كملنا الفحوصات. كمت دخلت. وهي جانت كاعدة. كعدت وكتلها: أي دكتورة بشري. ابتسمت وكال: أول شي ألف مبروك. زوجتك حامل بطفل حلو مثلها. هية كالت هية ومادري شصار بيه. وجوري تباوعلي ومدمعة مصدومة. كتلهة: متأكدة دكتورة؟ كالت: أي نعم متأكدة. صليت علئ محمد. كتلها: أي دكتورة كملي.

كالت: بس مع الأسف الطفل يسبب الها خطورة. يعني ممكن بعد الولادة لـۆ تدخل بغيبوبة أو سكتت تفقد حياتها. هي تحجي وحسيت كلبي يتكطع عليها. وصار وذرة وذرة. رجعت كالت: يراد الها عناية خاصة وانتظام باوقات تناول الدواء وهم متتعب ولاتشتغل هواية. وأهم شي لا تنقهر وتضوج علمود متأثر حالتها النفسية وتسوء حالتها.

وإن شاء الله إذا طبقتوا كل الكلام الكلته الكم راح تتجاوز كل الخطورة وتكون بأفضل حال هي والطفل. يعني إذا تطبق كل شي وتشوفونها زينة فأنسوا كل الخطورة. هزيت راسي وتشكرت منها وطلعنا. ما حجينا أي كلمة. صعدت بالسيارة وأسوق. واجت بالي كل الأفكار السلبية. مجرد أنو سمعت أخسر جوريتي. سودت الدنيا بعيني. وصلنا للبيت. كتلها: الحكيني للغرفة. دخلنا. دخلت وسديت الباب. كعدت علئ الجرباية واني كعدت كدامهة ولزمت ايدها وكتلهة

واني أحجي وأباوع بعيونها: جوريتي. كبل بجت. ضميتها لحضني حيل وكال وهية تشهك: متريد طفل مني؟ متريد طفل يربطني بيك؟ أستغفرت الله وكتلهة: وهذولي الـ 6 العندج شنو فاصليني عنج لـۆ رابطيني بركبتج؟ ياعيني اسمعيني. وعلي فرحت من دريت حامل. وشنو طفل منج بوية يسوة الدنيا وما بيها. بس أخاف عليج. حجيتها واني أباوع بعينها. تنهدت بتعب وكتلها: أخاف هذا الطفل فرحج هسة يكون سبب بفراكج عني بعد كم يوم!

أني بدونج ما أسوة. وعلي. صار فوك 30 سنة أحبج ومتعلق بيج فوك ما تتخيلين. حبج كبر بقلبي وما فديوم قل شايفة هالكلب ينبض باسمج. وكلما أشوفج أحس انكتب لي عمر جديد. أني طالب الكل تهابني ومشيهم على الصراط المستقيم، يمّج تتبهذل أحوالي. ما جاي أتخيل أشوفج تتعذبين كدامي وحياتج بخطر. ابتسمت وكالت بهدوء وهي تمشي إيدها على عيوني. "طلوبي، ابتسمت بتعب." روحه من الدنيا كالت: "والله لا تخاف عليّ واعتني بروحي وأسوي كل شي."

كالته الدكتورة: "والله ومادام أنتِ يمي، والله أكون بخير." وتابعت: "والله أنا هم ما أكدر أعيش بدونك أبد، إذا ما أكابلك كل يومية وأدلعك وأغازلني ما أرتاح." ضحكت ورجعت كالت: "وها إن شاء الله ما يصير بي شي والكاتبة الله." ابتسمت لها وقلت: "إن شاء الله." وبستها من راسها وشميتها. "حييل أحبها بوية أحبها." كالت: "بس تدري خاف فشلة حامل، شنو كل ساعة أحبل؟ ضحكت وقلت لها: "بطلي هالحجي يمعودة."

وبستها بخدها وقلت: "هو ياهو تصير حامل هيج تنكرط وحلوة." وكرصتها وهي كمزت وضحكت وكالت: "خلي نطلع نكول الهم ترا هسة تلكاهم مسطرين بالباب لين من شافونا قبل دخلنا." استغربوا طلعنا من الغرفة. "وجانوا بالاستقبال كاعدين محمد متمدد ويباوع بالموبايل وحسين يشاقي بعلاوي وسارة ومريم يتعاركن." بدت جوريتي تحجي. ومن دروا حامل، الابتسامة شكت الحلك. وحسين باوع لي وغمز وكال: "كفو بوية كفو."

عضيت له شفتي بتوعد وقلت: "اسكت سرسري منا أخواتك." ضحك. ومحمد يكول: "ما شاء الله نسل طالب مستمر." وظلينا نضحك وفرحانين. وبمجرد ما أشوفهم ملتمين وفرحانين أفرح حييل. "ناقصنا ريحانتي." فزيت على الموبايل يدك. أباوع ريحانة. ابتسمت وجاوبتها: "الو ها باباتي." جاوبتني: "هلا بابا، أجي تجيني لين خاف باسل يتأخر وأريد أرجع علمود أقرأ عندي امتحان." كتلها: "جايج بابا جايج." سديت الخط وكمت، أخذت السويج وطلعت. ركبت بالسيارة.

تقريبا ربع ساعة ووصلت. لكيت عزيز واقف بالباب يخابر. شافني ابتسم ولوح بيده. غلق الخط وأني نزلت. تقدم سلم علي وكال: "هلا بأبو محمد، ولو اليوم الصبح مكابلك وكاعد بس أجي." ضحكت وقلت له: "هلا بيك." "يلا صيحوا لي بنتي وين أخذتوها؟ كال بضحك: "روح يمعودة، صارت بتنا بعد ريحانة." ابتسمت على كلامه وقلت له: "أي." "ما باركت لي؟ كال باستغراب: "شنو عرست وأني مادري؟ كتله: "تفكيرك كله يم العرس يمعودة، غير المرة حامل جددت النسل."

ضحك بصوت عالي. تحاضنا وكال وهو يطبطب على ظهري: "مبروك خويه تستاهل وعلي." "كبرت بعيني وراح تطلع منها لين كل ساعة تكبر." ضحكت وقلت له: "غالي عزيز غالي." ضلنا نسولف شوية وطلعت ريحانتي. بستها وصعدنا بالسيارة. ودعت عزيز ورحت. "هالعزيز عزيز علي بغلاة الروح." بالطريق كلت لريحانة بفرح متحمسة: "شوكت نوصل للبيت تريد تشوف أمها." بس حسيتها مو على بعضها وأني أبوها، وإحساسي أبد ما يخيب دومه بمحله. ريحانة

أول ما دخلت للبيت حضنت ماما حيل وباركت الها، كلش فرحت. بس شوية قلقت من دريت السالفة بيها خطورة. بس بعد عفناها على الله وإن شاء الله نعتني بيها وتطلع بخير وسلامة. ونوب كعدت سولفت لماما وسارة ومريم على الصار هناك. بس ما طرقت لموضوعنا أنا وباسل يعني. وكتلهم شلون العمات والبنات لطيفات. ونوب من جاي أصعد شفت بابا واقف على المغسلة يغسل. تذكرت كلام عمو عزيز. كتله: "بابا." كال: "ها بابا." وهو ينشف اديه،

كتله: "عمو عزيز كال كولي لابوج عمو عزيز يسلم عليك ويكول شلونك طلوبي." أباوع أبوي ضحك حيل وصوته رج البيت رجع. ابتسمت على ضحكته، شكد أحبها. هز راسه وكال: "حيّال أنا له." وأني خليت وصعدت لغرفتي علمود أبذل. وصلت رسالة لموبايلي. باوعت من باسل كاتب: "شلون تخابرين على أبوچ يجي ياخذچ وأني أجيت للبيت علمود أوصلچ؟ شنو ششايفتني طرطور كدامج؟ رديت عليه: "لا حاشاك." وغلقت الموبايل.

وتقصدت أطفي الشبكة لين أدري بي يتنرفز، وعلمود كل ما يدز ما أشوف الرسائل إلا أحركك حرك. سمعت صوت هوسة بالباب. ركضت للشباك أباوع. مصطفى لازم بيده سلاح ويهدد. وأسـمعــه يكول مريم الي مدري شنو. وصوت صريخ جوة. وشفت محمد طلع يركض وراه حسين وبيده السلاح. وبابا قبلهم طالع توجه. لزمه مصطفى، شاله وركعه بالكاع. وانهد عليه وعمامي أجو يركضون. ما أحس إلا مصطفى رفع سلاحه وجهه على محمد. وبحركة وحدة طك محمد. طلقة. طاح محمد.

وانهـد حيلي وطحت بالكاع.