رواية يحيي وشهد الفصل العاشر 10 - بقلم وهج ابراهيم

لفت شهد وشها عنه بغضب وقالت: "إن كنت أنت شايف إن كلامنا امبارح هبل، فدي حاجة تخصك. وعشان ترتاح، هسيب لك الأوضة." مشيت بسرعة شايلة هدومها، وبتغطي جسمها بالمنشفة بس، ودخلت أوضة خالتها النايمة. بدلت هدومها ونامت جنب خالتها. يحيى فضل بمكانه بشرود، هيعمل إيه دلوقتي؟ هو عايز يصلح اللي حصل بأي طريقة. مش عارف إزاي زعلها وجعه أوي. بصتها ليه اللي مليانة عتاب بتقتله. مسح وشه بتعب وقعد على السرير يفكر، هيعمل إيه عشان يصالحها؟

هو بيحبها ومش عايز يخسرها أبداً. عند سلمى وعمر. سلمى همست بارتباك: "عمتي... فز عمر بخجل من فوقيها. وبص، مفيش حد. رجع بص لسلمى اللي جريت على أوضتها وضحكتها ملت المكان وهي بتبص عليه. شرد بضحكتها. أول مرة يشوفها تضحك براحة كده من ساعة ما رجع من السفر. نفخ يمثل الضيق: "بقى أنا بتعملي فيا كده؟ تعالي هنا." سلمى بابتسامة ودلع: "مش جايه. كفاية عليك كده. تصبح على خير." وقفت الباب وحطت إيدها على قلبها بفرحة. عمر وقف عند الباب:

"والله وبقيتي نعند يابنت عمي، لكن أعمل إيه بحبك." غمضت عنيها بفرحة ورمت نفسها عالسرير وهي بتفتكر كل اللحظات الحلوة ما بينهم. الصبح. كانت شهد بتغسل المواعين وسرحانة لحد لما حست بإيديه تحاوطها ودفن وشها برقبتها. وهمسلها: "وحشتيني أوي. حرام عليكي اللي بتعمليه فيا ده." غمضت عنيها. قربه منها. لمسته ليها بتسحرها، بتخليها بعالم تاني. دلوقتي نفسها بجد تترمي بين إيديه. أول ما لفت ليه، شدها ليه لحد ما لصق صدرها بصدره. وهمسله:

"لحد إمتى هيخلص العقاب ده؟ خلاص أنا بقيت على آخري." حاولت تبعده عنها بضيق، معرفتش. بعد شعرها عن وشها ودفن وشه برقبتها. وعند سلمى. صحيت من النوم على عمر وهو دافن وشه برقبتها. فزت بارتباك: "ععمرر... شدها ليه من تاني، دفن وش برقبتها. وإيده بتتحسس على جسمها. بعد عنها وعنيه على شفايفها برغبة. وهمسلها برجاء: "سلمى، بوسيني. أنت ولا مرة عملتيها." سلمى بكسوف وكانت هتقف: "انت بتقول إيه؟ عمر منعها تبعد عنه:

"جربي تبوسيني انت كمان، عشان خاطري. سيبي نفسك مرة واحدة بس، وانتي معايا." وقرب منها أكتر وحاوط خصرها بإيديه بتملك وهو بيبص بعنيها بعشق. والتانية رفعت إيدها بجرأة وحاوطت وشه بإيديها. ابتسم لها بحب.