رواية يكفيني منك عقابا الفصل الحادي والأربعون بقلم عبير سليم

انتي لابسة و رايحة على فين كده يا هانم؟ مسافرة. نعم مسافرة؟ اللي هو ازاي يعني؟ زي الناس عادي، خليك ايزي يا عزيزي. من غير استئذان؟ ده على أساس إني شفاف؟ لا، عيب عليك يا أبو الولاد. بص، مسافة ما تتفرج على أي حاجة، ماتش فيلم، أي برنامج، حتلاقيني جيت. نعم؟ وده إزاي يعني؟ هو كده. ومتعطلنيش بقى. أنا سايباهم بقالي شهرين وقاعدة أعملكم في حلويات ومعجنات. سيبوني أشوف شغلي بقى. عاوزة أعرف حصل معاهم إيه ووصلوا لفين.

طب ممكن يعني لو مفيهاش إساءة أدب أعرف سموّك مسافرة على فين؟ حلف على المحافظات وبعد كده حرجعلك على إسكندرية. ليه؟ انتي ممسوكة في قضية وحيعملوا لك كعب داير؟ يا ربي على العطلة دي. بص، متعطلنيش بقى الله يخليك. أنا ورايا مهام عظيمة. أنا بكافح في معركة انت متعرفش عنها حاجة. يلا سلام بقى. ياااه، أخيراً وصلت. يا ترى أنا فين دلوقتي؟ إيه ده؟

دي فيلا حكيم. آه، ده أبو الزفت مازن. طيب، فرصة بقى نعرف حصل معاه إيه بعد ما اتجوز بنت عمها. أيوه حضرتك، عاوزة مين؟ مش عارفة. حضرتك بتهزري؟ بهزر معاك. أصلي بحب الهزار جوي. شكلك دمك خفيف. عسل يا مضروب. خليك جدع بقى ودخلني. خايف حد يشوفك يوديني فداهية. لا متخافش، محدش حيشوفني. عديني بقى. يخرب بيتك. جوم روح أوضتك يا حبيبي. مينفعش أكده، يا مازن. ديه انت لساك عريس. مازن: عريس؟ اهئ اهئ اهئ. متفكرنيش إني عاوز أنسى يا عايدة.

عايدة: جوم قبل أبوك ما ييجي ويعملها حكاية. مازن: لا، وحياتي عندك يا أمي إني معاوز أروح عندها. إني بخاف منها. عايدة: يا عيني عليك يا ضنايا. كان مستخبيلك ديه كله فين؟ بس حجولك إيه؟ ما هو كله من عمايلك السودة. أديك أهو وجعت في هداية. مازن: هداية؟ داهية تاخدها البعيدة. بجي إني اتجوز هداية يا ناس؟ ديه إني لو أديتها لحد هدية، حيحدفها في وشي. عايدة: نصيبك وجسمتك بقى. ارضى باللي انكتب عليك، ويمكن ربنا يصلح بينكم الحال.

مازن: يصلح بيننا الحال كيف يا أمي؟ ديه إني بخاف أقول لها صباح الخير. إني معرفش هي متربية فين ديه. المفروض تعيش مع الأسود والنمور مش مع بني آدمين. مازن سمعها بتنادي عليه، يتنفض ويستخبى في حضن أمه: خبيني والنبي يا أمي. بص، قوليلها مازن مات. عايدة: بعد الشر عنك يا حبيبي. ديه انت اللي حيلتي. فتحت عليهم الباب: ينفع أكده يا مرة عمي؟ ممكن أعرف ديه بيعمل إيه عندك في الساعة دي؟ عايدة: مالك بس يا هداية؟ زعلانة ليه يا حبيبتي؟

كان بيطمن عليا. هداية: يعني يسيبني وإني لساتي عروسة وييجي يطمن عليكي؟ الناس تقول إيه دلوقتي؟ عايدة: ناس مين بس يا هداية؟ هو في حد في البيت غيرنا؟ هداية: انت ساكت ليه ومالك مستخبي أكده زي ما تكون عامل عاملة؟ جوم قدامي. مازن: طب روحي انتي وأنا ححصلك. هداية: جولتلك جوم. إني ممشيش غير وانت في إيدي. عايز تضحك علينا الناس؟ جوم. مازن: أمي متسبنيش. إني ولدك.

عايدة: على عيني يا حبة عيني يا حبيبي يا بني. كان مكتوب لك ديه كله فين يا ضنايا؟ مازن: يعني انتوا سلمتوني ليها تسليم أهالي؟ عايدة: إني أخاف أتصدر تزوجني زجة أروح فيها. إني مش جدها. مش شايفاها كيف ضرفة الدولاب. إزاي إني معرفش انت بتعمل معاها إيه. دي الله يجدرك ويقويك ويكون في عونك. مازن وهو بيضرب على خده بإيديه: وهو إني عدت أعرف أعمل حاجة؟

إني مابع بعملش. هي اللي بتعمل يا اختي. منك لله يا اللي اسمك صفية. الله يجحمك مطرح ما رحتي. إني إيه اللي كان ضربني في مخي وخلاني أمشي وراكي زي الأعمى؟ وادي النتيجة أهي. اتجوزت هداية. صوريهم يا مازن. اصور. روحلها المستشفى يا مازن. أروح. كنتي فين يا لؤة لما جلت آه آه آه آه. هداية: إني حفضل واقفة كتير أكده. مازن: لا، إني جاي. اللهم إني لا أسألك رد القضاء ولكني أسألك اللطف فيه. مع السلامة يا أمي. ادعيلي.

على رأي عوكل جدر البطاطا اللي كان السبب. يا ضنايا. عايدة: يا حبيبي يا بني. الله يقويك يا ضنايا. يدخل حكيم: مالك بتولولي ليه؟ عايدة: عاجبك اللي عملته في الواد ده؟ الواد مرعوب منها يا حكيم. حكيم: حلال فيه. أحسن خليها تربيه من أول وجديد. اللي ميربيهوش أهله تربيه الأيام والليالي. عايدة: قصدك تربية هداية؟

إني خايفة على مازن. ديه لا يمكن تكون بنى آدمة زينا. دي جاية من الفضاء. دي شبه الغوريلا اللي كانت في كينج كونج اللي اتفرجنا عليه زمان. حكيم: هو اللي جابه لنفسه ويستاهل كل اللي فيه. وبعدين هو لسه شاف حاجة؟ ديه هيا أكده بتدلعه عشان لساتهم عرسان. بكرة حتشوفي حتعمل فيه إيه. عايدة: يا حبيبي يا ولدي. عيني عليك يا حبيبي. وحيهون عليك تشوفه بيتبهدل أكده.

حكيم: أيوه حيهون. واخرسي انتي بالذات. ما عاوزة أسمع صوتك. وإلا حطلجها عليك. عايدة: لا يا أخويا. اديني خرست أهو. وهو إني جدها؟ إني بسمع صوتها بخاف. يا ترى عامل معاها إيه دلوقتي يا ضنايا. مازن: إيه؟ بتجربي مني أكده ليه؟ هداية: إيه يا راجل مالك؟ ما تتجمد أكده أمال. مازن: لا، إني خلاص مجدرش. معادش فيا حيل. الله يخليكي إني على عرضك سيبيني. هو انتي عندكش إخوات صغيرين؟ راعي فيا ربنا.

هداية: تصدق إنك راجل وش فجر ومش وش نعمة. وإني اللي كنت ناوية أدلعك. مازن: لا، إني ما عاوز أدلع. إني عاوز أنام. عندي مستشفى الصبح. هداية: عارف لو لعبت بديلك من ورايا حعمل فيك إيه. مازن: ديل؟ وهو إني عاد عندي ديل ألعب بيه من وراكي وإلا جدام؟ خلاص. ديه كان زمان وجبر. يا خسارة شبابك اللي راح هدر يا مازن. في الصباح في إحدى المستشفيات الجامعية. أقسم بالله حتجننيني. رحمة: إني بردك.

زياد: إني عايز أفهم. فيها إيه لما أمسك يدك؟ ما المستشفى والجامعة كلها عارفين إنك خطيبتي. رحمة: لا يا أخويا. أنا مليش دعوة. لما نبقى نتجوز، حبقى أخليك تمسكها. هو ماله سايب إياك؟ تيجي فتون من وراهم: خليه يمسكها يا فوزية. يمكن تطرى في إيده. رحمة: مالكيش صالح انتي يا أم عتريس. زياد: هههههه. ربنا يقومك بالسلامة يارب يا فتون. فتون: يارب يا زياد. أحسن إني خلاص مبقتش قادرة. بقولكم إيه؟

خلوا بالكم. دكتور أحمد بيمر ولو شافكم واقفين أكده ميحصلكمش كويس. وخصوصاً انتي يا رحمة. رحمة: يا لهوي. ديه أهو جاي علينا. بت يا فتون، اعملي نفسك تعبانة وأنا ساندة. يا بت. دكتور أحمد: انتوا واقفين عندكم أكده ليه؟ مش تشوفوا شغلكم. رحمة: حضرتك مش شايف يا دكتور؟ فتون تعبانة جوي وأنا ساندها. الدكتور: تعبتي إمتى يا فتون؟ مانتي كنتي لسه زي الجرادة من شوية. رحمة: لما شافتك. دكتور أحمد: انتي جلتِ إيه؟

رحمة: بجول إنها يعني لما اتدربت مع حضرتك تعبت. ما حضرتك الصراحة جارفنا. قصدي تاعبنا. يووه! بجى مش أكده يا دكتور؟ حرام عليك. حضرتك حتقضي علينا قبل ما نبقى دكاترة رسمي. الدكتور: حرمت عليكي عيشتك يا شيخة. زياد: لا، والنبي يا دكتور ماتحرمش علينا عيشتنا اللي إحنا لسه ما عشناها. الدكتور: والله يا زياد يا بني، إني معرفش انت واخدها على إيه. هو انت عليك ذنب وعايز تخلصه عشان تتجوز المجنونة ديه؟

زياد: هي مجنونة أه، بس بحبها. حعمل إيه في حظي؟ أحمد: الله يكون في عونك والله. ربنا يقويك على ما بلاك. اتفضلي يا ست الدكتورة رحمة. روحي على قسم الأمراض الباطنة. شوفي حتعملي إيه. وأنا حمر عليك وأشوفك بتعملي إيه. وانتِ يا ست الممثلة. اتفضلي روحي على قسم الجلدية. شوفي حتعملي إيه. ما جمع إلا أما وفجئ. انت يا حبيب عصرك وأوانك. تعالى معايا على قسم الجراحة. زياد: حاضر يا دكتور. بعد شوية يروح لها على قسم الباطنة: بتعملي إيه؟

رحمة: كيف ما حضرتك شايف يا دكتور أحمد. بكشف على المريضة. أحمد: هيا بتشتكي من إيه؟ رحمة للمريضة: جولي له يا حاجة. المريضة: عندي وجع جامد في بطني بقالي كام يوم. أحمد: وهي لما عندها وجع في بطنها بتكشفي على رجليها ليه؟ رحمة: ما هو كله بيسرب على بعضه يا دكتور. أحمد: بيسرب على أساس إنك بتصالحي حنفية؟ رحمة: من فضلك حضرتك. أكده بتعطلني عن عملي. أحمد: يا رب عوض علية. عوض الصابرين يا رب. رحمة: هو إني ممكن أسألك سؤال؟

أحمد: اتفضلي يا رحمة هانم. اسألي. رحمة: هو مش المفروض إن دكتور مختار هو اللي كان حيشرف عليا؟ حضرتك إيه اللي حصل؟ أحمد: ما عاوزانيش إياك. رحمة: لا والله، بس إني عايزة أريحك وإني حاسك مطايقنيش. أحمد: هو اللي مطايقكيش جننتيه. رفعتيله الضغط، جبتيله السكر. جالي أشرف عليها. انت لو إني اللي أشرفت عليها، حطلع من المستشفى على نَجْلة. وإني اللي لبست فيكي. عايزة تسمعي إيه تاني؟ فيه سؤال تاني عايزة تسأليه؟

رحمة: لا، كثر خيرك يا أصيل. أحمد: شخصي الحالة وجوليلي عندها إيه. رحمة: وهو إني عارفة أشخص وألا أعمل حاجة وأنت واقف لي أكده؟ أحمد: عارفة، انتي بتفكريني بإيه؟ رحمة: بإيه يا دكتور؟ أحمد: بفيلم إسماعيل ياس. لما الشاويش بيسأله: بتشتغل إيه؟ جاله: بوروروم. جاله: شغلتك على المدفع. بوروروم. رحمة: للدرجة دي يا دكتور واخد عني فكرة وحشة؟ أحمد: غيريها. جولي انطقي.

المريضة: على فكرة يا دكتور، الدكتورة رحمة يدها تتلف في حرير. أدتني علاج المرة اللي فاتت ريحني جوي. أحمد: آه، ما هو واضح إنه ريحك. وعشان كده رجعتي تاني. رحمة: وطي صوتك الله يخليك يا دكتور. حضرتك أكده حتشكك العيانين في قدراتك. أحمد: هي فين قدراتك ديه؟ انتي كفاية عليكي ضحكك وهزارك معاهم وبس. أنا بقول انتي تحولي علاج نفسي. صدقيني حتبقي شاطرة جوي. رحمة: هو حضرتك كل مرة تخترعي لي حاجة؟ أحمد: انت جيت هنا ليه؟

طبعاً مجدرش تبعد عن الحب الكبير. زياد: هههههه. لا، إني جاي أكد عليك. متنساش إن شاء الله دخلتنا وكتب كتابنا يوم الجمعة. وحضرتك لازم تكون موجود. واني أكدت على دكتور صالح ودكتور مختار. أحمد: طبعاً حكون موجود إن شاء الله. وحشهد على العقد كمان. رحمة: حضرتك بتتكلم بجد؟ حتشهد على عقد جوازنا يا دكتور؟

أحمد: وإني عندي أغلى منكم يا رحمة. ربنا يهنيكم ويسعدكم ويفرح قلوبكم يارب. ويا ريت يا زياد لو تعمل فينا وفي عيانين مصر كلهم جميل وتحرمنا من خبراتها العظيمة في مجال الطب. بكفاية علينا منها لغاية أكده. زياد بهمس: حيحصل. متجلجش. رحمة: انتوا بتجولوا حاجة عليا؟ زياد: بجول له إن رحمة حتكون أشطر دكتورة باطنة في الصعيد كله إن شاء الله يا حبيبتي. بارك الله لكما وبارك عليكما وجمع بينكما في خير.

نعمان ومحمد بيحضنوا بعض ويهنوا بعض. نعمان وهو بيحضن زياد: ألف مبروك يا زياد. زياد: الله يبارك فيك يا عمي. نعمان: رحمة أمانة عندك يا زياد. زياد: رحمة في عيني يا عمي. محمد: ألف مبروك يا حبيبي. كني شايف سالم الله يرحمه قصاد عيني. ربنا يهنيك ويسعدك ويحلل أيامك يارب. يحضن أخته: لزمتها إيه الدموع ديه بس دلوقتي يا حبيبتي؟ زينة: مش مصدقة إنك بقيت عريس ودخلتك الليلة يا حبيبي يا أخوي. ربنا يفرح قلبك ويهنيكم ببعضكم يارب.

زياد: يا حبيبتي يا زينة. عقبال ما تفرحي بولادك يارب. زغاريد وفرحة كبيرة ملهاش حدود. الكل فرحان بيهم وليهم. والكل متجمع في الفرح. خلاص مفيش عداوة ولا خصام. مفيش غير حب وود وبس. ورحمة وزياد قلبهم كان حيقف من الفرحة. يقعد جنبها: هاتي يدك ديه وعايزك تنطقي. وإني أشيلك وأطلع أجري. رحمة: عارفك مجنون وتعملها. زياد: مجنون بحبك يا رحمة. رحمة: عارفة يا زياد. إني والله ما مصدجة. معقولة إني مبحلمش؟ معقولة ديه حقيقة؟

زياد: أحلى حقيقة في الدنيا كلها. يقبل عليهم الدكاترة عشان يسلموا عليهم. رحمة: الله يبارك في حضرتك يا دكتور مختار. ولو إني زعلانة منكم. مختار: لا، وإني مقدرش على زعل العروسة. رحمة: بتجول أكده؟ تبيعني لدكتور أحمد؟ مختار: يعني يرضيك يجرالي حاجة وإني لسه مفرحتش بولادي؟ رحمة: طب إيه رأيك بقى إن حضرتك اللي حتشرف على رسالتي؟ مختار: زياد! احجني يا زياد! رسالة إيه اللي أشرف عليها ديه؟ بقولك إيه؟

إني عاوزك تحبسها في البيت ومتخرجهاش واصل. زياد: هههههه. من ناحية ححبسها، ححبسها. اطمن يا دكتور. رحمة: حتحبسني كيف يعني؟ زياد: أمال انتي عايزة حب سبع سنين يخلص في دقيقة وإلا إيه؟ ديه إني حعمل فيكي عمايل. والله لاطلع منك الجديد والقديم. رحمة: بس يا قليل الحيا. زياد: هههههه. جلبي يا ناس. مجدي: حاج نعمان. إن شاء الله كلكم معزومين الأسبوع اللي بعد الجاي على فرح نديم ابني. إن شاء الله. معلش بقى حنشحطكم للقاهرة.

نعمان: يا خبر يا أبو نديم. ديه إحنا نروح لكم لآخر الدنيا. ديه كفاية اللي عملتوه مع عطر وبنتها. مجدي: عطر بنتي وغزل حفيدتي يا حاج نعمان. وربنا وحده العالم غلاوتهم عندي إزاي. الله مالك يا مروان بتعيط ليه؟ مروان بيشاور على بدر وبيعيط. فيفهم زكريا إن بدر ضربه. زكريا: إيه يا بدر؟ ضربت مروان ليه؟ هو عملك حاجة؟ بدر: عاوز يلعب مع زوزو وأنا مش عاوز حد يلعب معاها غيري أنا. زكريا لعامر: إيه يا عامر؟

تعالى شوف ابنك اللي مظبط حاله مع بت عمه. ومعاوزش حد يجرب منها غيره. عامر: أديك جلت أهو يا زكريا. بت عمه. يعني هو أولى بيها. خللي ولدك انت اللي يشوف حاله مع حد غيرنا. أقولك؟ خللي زياد يتجدعن ويجيب لك بت وأبجوا ظبطوا مع بعض. زكريا لابنه: معلش يا مروان يا بني. حنقول إيه؟ بلاش العالم ديه. إحنا ما صدقنا. ما عاوزينش نفتح المعركة من تاني. خلينا في حالنا وزيتنا في دقيقنا. عامر: هههههههه. تحفة والله يا زكريا.

زينب: انتي واقفة أكده ليه يا نورة؟ نورة: بشوف لو حد محتاج حاجة. زينب: مال اللي يحتاج يحتاج. وانتي مالك؟ انتي تجعدي والكل يخدمك. ربنا يكملك على خير يارب وتقومي لنا بالسلامة. نورة: يعني انتي يا أمي مش زعلانة عشان حجيب بت تاني؟ زينب: واه عليكي. كنك اتخبلتي في عقلك. إن شاء الله يارب تجيبي عاشر. ربنا يخليهم ويبارك فيهم يارب. وإحنا من متى بنفرج بين بت وولد؟

طب ديه إني ضفر زينب عندي برجالة العيلة كله. ربنا يقوم لك بالف سلامة وتجيبي لنا بت تانية وتاالتة ورابعة. دول رزقهم واسع. أهم حاجة انتي تخلي بالك من نفسك. نورة: ربنا يخليكي لينا يا أمي. ولا يحرمنا من حنيتك علينا. مصعب: انتوا بتجولوا إيه؟ زينب: بجولك خلي بالك من نورة. انتوا بعيد عني. لو عندي أهني كنت راعيتها بنفسي. مصعب: اطمني يا أمي. نورة في عيني وأختها والله. مسايبهاش لحظة.

زينب: والله اتوحشتها جوي. مش كانت جت معاكم وشوفناها؟ نورة: غصب عنها والله يا أمي. ابنها شقي جوي وكمان حماتها تعبانة جوي وهي اللي بتخدمها. مينفعش تسيبها واصل. زينب: طول عمرها أصيلة. ربنا يهنيها يارب ويهنيكم يا ولادي وتفرحوا بولادكم يارب. تنادي زينب على سكرة. سكرة: أيوه يا حاجة. زينب: هو الكلام مبيتسمعش ليه؟ سكرة: هو إني زعلتك في حاجة؟ زينب: أيوه زعلتيني. هو إحنا مش جايبين طباخين وناس يخدموا على الكل؟ واقفة عندك ليه؟

وجايلك انت وأمك؟ انتوا الليلة دي زيكم زينا. تفرحوا معانا وبس. مالكمش صالح بأي حاجة. سكرة: ديه من فرحتي برحمة. زينب: فرحانة بها؟ اجعدي جارها. فين نعمان الصغير؟ ليتوه وسط العيال وهما بيلعبوا. سكرة: برة مع أبوه. زينب: ماشي. تعالي بجى اجعدي. فرحة: يا حبيبتي يا عطر. إني الدنيا مساعيتنيش من الفرحة لما عرفت إنكم رجعتوا البلد. والحمد لله إن ربنا نجاكم من شرها. اللي منها لله. أهي غارت وراحت وراح شرها معاها.

عطر: ربنا يرحمها. والله انتي اللي وحشتيني جوي يا فرحة. بس إيه الجمر ده؟ فرحة: شفتي عطر الصغيرة؟ عطر: يا حبيبتي يا فرحة. ربنا يبارك لك فيها يا رب. هند: مبروك لنديم يا مشيرة. مشيرة: الله يبارك فيكي يا ناهد يارب. ناهد: يالا غزل حتروح مع عطر ويحي شقته. ونديم حيجيب شيماء وأختها مكانهم. سبحان الله الدنيا ديه غريبة أوي. مشيرة: لا، وكلبتهم كمان. متنسيش. ناهد: هههههههه. ربنا يقويك يارب. مشيرة: انتي عارفة يا ناهد؟

أنا اتأكدت إن مفيش حاجة بتحصل صدفة. لا دي كل حاجة ربنا سبحانه وتعالى مخطط لها ومرتبها لحكمة عنده. إحنا بس اللي بنتعب نفسنا بالتفكير. والله اللي يسيبها على ربنا يرتاح. أنا كنت بقول دايماً لنفسي: يوم ما عطر وبنتها يرجعوا لحياتهم، أنا حعمل إيه من غيرهم؟ حعيش إزاي من غيرهم؟

دول بقوا كل حياتنا. مكنتش أعرف إن ربنا مخطط ومرتب لكل حاجة وإنه حيعوضني. طبعاً مفيش حد ممكن ياخد مكانهم أبداً. لكن على الأقل مش حكون زعلانة. يعني نديم يقابل شيماء ويحبها ومعاها اختها وكلبتها كمان. يعني بصي جايب لنا العيلة كاملة. ناهد: هههههههه. ربنا يهنيهم يا بنتي. بس انتي خلاص حبيتيها وارتحتيلها يا مشيرة؟

مشيرة: أوي يا ناهد. طيبة وعسولة أوي ودمها شربات. عارفة تقعدي معاها متبطليش ضحك. وأهم حيقعدوا معايا في نفس العمارة. ونديم حينقل شغله القاهرة. وشغف وغزل حيتربوا سوا. وكمان على فكرة صحيح، نديم حينقلها عندك في المديرية وتحطيهالنا كمان في نفس فصل غزل. ما هما قد بعض. ناهد: يا حبايب قلبي. ربنا يهنيهم ويسعد أيامهم يارب. مشيرة: يارب يا ناهد. ناهد: وقريبتكم يا ناهد اللي كان نفسك يتجوزوها؟

مشيرة: صفا الحمد لله اتخطبت لشاب كويس جداً. عارفة حسيت قلبي ارتاح. كنت قلقانة أوي لإني عارفة أد إيه بتحبه. لكن خلاص. حنعمل إيه؟ بعد ما بلغت مامتها وأنا محرجة منها جداً. ربنا كرمها واتخطبت الحمد لله. ناهد: ربنا يفرح كل البنات يارب. هو الفرح قلتيلي فين؟ في إحدى الفنادق الكبرى. فرح نديم وشيماء. والكل حضر الفرح. ونعمان سافر هو وعيلته كلها. ومعاهم رحمة وزياد عشان يحضروا الفرح.

الفرحة مالية قلب الكل. ونديم وشيماء فرحتهم متتوصفش. مش مصدقين إنهم خلاص بقوا لبعض. وغزل وشغف فرحانين بفساتينهم الجميلة وبيجروا وبيلعبوا مع بعض وكأنهم أختين. أيوه ما هما في سن واحد. ويحي مش عاوز يتحرك من جمب عطر اللي قايمة بدور أخت العريس. ولما جه فقرة الرقص. يحي لعطر: تسمحي لي مولاتي بالرقصة ديه؟ عطر تمد له يدها ويأخذها في حضنه. وسعادة الدنيا كلها مالية قلوبهم. وغزل عمالة تجري بينهم. يعني ينفع أر قص بالنقاب كده؟

أنا مكسوفة. الناس تقول إيه؟ يحي: وأنا معاكي. تنسي الناس والدنيا كلها. وبعدين هو انتي يعني عشان منقبة تحرمي نفسك من متع الدنيا؟ عطر: لا طبعاً. بس محبش حد ينتقدني. يحي: سيبك دلوقتي من أي حاجة وخلّيكي معايا أنا وبس. عطر: مانا معاك أهو. يحي: يارب دايماً يا حبيبتي. يونس: انتي يا حاجة. ندى: عاوز إيه يا يونس؟ يونس: مش ده فرخ أخوكي وإلا أنا بيتهيألي؟ ما تيجي نقوم نرقص معاهم احنا كمان. ندى: أقوم أرقص إزاي بكرشي ده؟

أنا أصلا مش قادرة. تعبانة أوي. يونس: حبيبة قلبي. تصدقي صعبتي عليا. معلش يا قلبي. ما هما توأم. ربنا يعينك يارب. طب بعد إذنك بقى أنا حشوف أي واحدة حلوة كده أرقص معاها. وانتي خليكي مستريحة يا روحي. ندى: ترقص مع مين يا عنيه؟ طب وريني كده وأنا اللي حطلع روحك. يونس: إيه ده؟ انتي اتحولتي كده ليه؟ ده أنا بهزر يا قلبي. ندى: اقعد وإياك عقلك يوزك وربنا. يونس: خلاص يخرب بيت سنينك. اديني قعدت أهو. نيللي: عز عاوزة أرقص.

عز: تعالي يا روحي. مراد. مراد: نعم يا عز. عز: شيل مراد يا مراد. مراد: هات يا سيدي. عز: وخد الببرونة ديه عشان لو عيط. مراد: مش عاوزني أغير له البامبرز بالمرة؟ ناهد: هههههههه. هاتيه عنك يا حبيبي. مراد: عز ده مجرم. شفتي رمالي الولد إزاي وخد حبيبة القلب وطلعوا يرقصوا. أما زياد وهو بيرقص هو ورحمة. على فكرة انتي المفروض تروحي المستشفى. رحمة: وليه السيرة ديه دلوقتي؟

زياد: معلش يا رحومتي. انتي اتدلعتي بكفاية والدكاترة عملوا معانا الواجب وزيادة. لازم تروحي بقى. رحمة: أيوه يا سيدي. عملوا الواجب عشان خاطرك. زياد: لا، والله وعشانك انتي كمان. وإذا كان عليهم. رحمة: عارفة. ما عاوزينش يشوفوني من أساسه. زياد: طب تصدقي بقى إن دكتور مختار بنفسه كلمني وجالك ما كنتي قاعدة مع عتاب ووصاني عليكِ. جالي هي آه جابتلي الضغط والسكر وحتقضي عليا. بس دمها زي العسل ومنستغناش عنها واصل.

عامر قاعد جمب عتاب وهي بتاكل آدم وعامر محاوطها بدراعه: عقبال ما نفرح بولادنا يا حبيبتي. عتاب: يارب يا عامر. عامر: بجولك إيه؟ إني حاجة عايزة أقولك عليها بقالي كام يوم. عامر: حاجة؟ حاجة إيه يا عتاب؟ جلجلتيني. تهمس له بأذنيه بكلمات تخليه يطير من الفرحة: انتي بتتكلمي جد؟ عتاب: وهي ديه حاجة فيها هزار بردك يا عامر؟ عامر: يا حبيبتي يا عتاب. ألف مبروك يا حبيبتي. ربنا يكملك على خير وتجوميلنا بالسلامة يارب. مين عرف غيرك؟

عتاب: بصراحة عطر وأمي. عامر: يعني إني بجى آخر من يعلم؟ عتاب: لا طبعاً يا حبيبي. ديه انت الكل في الكل. بس إني الصراحة خفت أقولك مترضاش تخلينا نيجي الفرح. وإني كان نفسي أشوف مصر جوي. عامر وهو بيبوس إيدها: ولا يهمك يا ست الكل. المهم ربنا يجومك لينا بالسلامة. زينب: مالكم يا ولاد؟ فيه إيه؟ فرحونا معاكم. عامر: عتاب يا أمي، حتجيب لنا أخت للولاد. زينب: بجد؟ ألف مبروك يا حبيبتي. بس اسمعي، إني عاوزة بت. ما عاوزاش ولاد تاني.

عامر: أنا نفسي أعرف انتي إيه حكايتك مع البنات. زينب: بحبهم على قلبي كيف العسل. تحسيهم ملايكة في البيت. وشهم بيجيب الرزق. ربنا يكملك على خير يا حبيبتي يارب. والد شيماء وهو بيسلم عليهم في الكوشة وبيوصيهم على شغف: معلش والله يا بني. أنا لو عليا كان نفسي أخلي شغف معايا. بس. نديم: من غير بس يا عمي. شغف في عيني. متقلقش عليها. يلاحظ نديم الدموع بتجري في عيونها: شيماء مالك؟ شيماء: مفيش يا حبيبي. ربنا يخليك ليا يارب.

نديم: ويخليكي ليا يا ست العرايس. أنا معاكي انتي وشغف وجيسي في عينينا كلنا. مفيش أحلى من الفرحة لما تملى القلوب. اشتغلت أغنية نانسي عجرم: الدنيا حلوة وأحلى سنين بنعيشها وإحنا يا ناس عاشقين. ننسى اللي فاتنا ونعيش حياتنا عالحب متواعدين. كل الأحبة اتنين اتنين متجمعين في الهوا دايبين. وأصحاب شيماء القدام اللي اتربت وكبرت وشحتت هههههه معاهم كلهم كانوا موجودين وحواليها. وصحاب نديم في الشغل.

بسافروا العرسان شهر العسل. ومشيرة تاخد شغف وجيسي معاهم البيت عشان تبدأ رحلتها معاهم. بعد مرور شهر. (كارما قاعدة قدام الظابط في السجن) ممكن أعرف في إيه وليه ممتنعة عن الأكل؟ ولزمتها إيه المشاكل اللي عاملاها إنتي وأختك كل شوية ديه؟ كارما بتعيط جامد لدرجة إنها صعبت على الظابط. أداها منديل عشان تمسح دموعها: ممكن تهدي عشان نعرف نتكلم.

كارما: حضرتك أنا بريئة والله العظيم بريئة. أنا اتسجنت ظلم. أنا معرفش اللي حصل ده حصل إزاي ولا كنت مدركة لحاجة وقت ما جيت القسم. أنا كل اللي أعرفه إن الزفتة أختي طلبت مني أروح معاها لواحدة صاحبتها وأنا من خيبتي صدقتها. ويا دوب دخلنا الشقة قدمت لي عصير وبعد ما شربته معرفش والله ما أعرف إيه اللي حصل. طب هي استفادت إيه؟

ضيعت نفسها. اترفت من كليتها وضيعتني معاها ومستقبلي راح خلاص. أنا مش عاوزة أعيش. أنا عاوزة أموت. يا ريت أموت وأرتاح من اللي أنا فيه. كله منها هي. هي السبب في كل اللي أنا فيه ده. منك لله يا ماما. انتي كمان. أنا كنت ماشية وراهم هما الاتنين زي الأعمى. وادي آخرتها. يا ريتني كنت اتمسكت في سرقة ولا قتل ولا أي حاجة غير إني أبقى ماسكة في تهمة زي ديه. الظابط: عشان كده رفضتي مقابلة والدتك لما جتك؟

كارما: مش عاوزة أشوفها. أنا بكرهها. بكرهها. دمرتني وضيعتني. حبها للفلوس خلاها تضحي بيا. بس أنا بردو السبب. مانا كمان كنت زيها واستغليت إنسان كان غلطه الوحيد إنه حبني وثق فيا. وأنا والله حبيته أوي. بس هي فضلت تزن عليا وتفهمني إن الحب ده مصلحة ومفيش حاجة اسمها حب. عملت المستحيل عشاني. وفي الآخر سيبته. أيوه سيبته. بس بعد إيه؟ بعد ما ضيعته وضيعت نفسي. أيوه صحيح، هو أنا زعلانة ليه دلوقتي؟

ما هو ده الجزاء اللي استحقه. أنا خليته يتسجن ظلم في تهمة مارتكبهاش. ولازم أنا كمان أتسجن ظلم زيه. يا رب يا رب. تحط إيدها على وشها وبتعيط جامد. الظابط: كارما، تحبي أحولك على دكتور أمراض نفسية؟ كارما: لا، أنا محتاجة حد يكون ليه دراية بالدين أكتر. عاوزة ربنا. عاوزاه أوي يا أفندم. محتاجاه أوي. محدش حينجدني من اللي أنا فيه غيره. عاوزة حد يفهمني. أعمل إيه؟ أكفر عن ذنوبي إزاي؟

الظابط: حاضر يا كارما. حعمل لك اللي انتي عاوزاه. وإن شاء الله ربنا حيفك ضيقتك. كارما: يارب يا فندم. يارب. الظابط: خدي يا كارما. ده مصحف. اقري فيه كتير. وإن شاء الله ربنا حيشيل الهم من قلبك. ألا بذكر الله تطمئن القلوب. كارما وهي بتبكي: يارب يا فندم. يارب. انتظروني مع الجزء الثاني من الحلقة الأخيرة. عاوزة أعرف توقعاتكم؟ يا ترى كارما حيحصل معاها إيه؟ وحتوصل لفين؟

يارب تكون حلقة النهارده عجبتكم وأشوفكم على خير إن شاء الله. الجزء الثاني من الحلقة الحادية والأربعون والأخيرة. أصبحت تفضل الوحدة. لا تريد التحدث إلى أحد. ابتعدت عن كل من حولها. فقط كل ما أقبلت عليه وبشدة هو ربها وكتابه الكريم. فقد تيقنت أنه لا ملجأ من الله إلا إليه. كانت لا تترك وقتاً يمر عليها دون التضرع إلى الله بالدعاء بأن يقبل توبتها والتزمت بقراءة آيات الذكر الحكيم. كارما. كارما: نعم يا أفندم.

الضابط: في زيارة ليكي. كارما: لية أنا؟ بعد إذن حضرتك أنا مش عاوزة أشوف حد. الضابط: اطمني. مش والدتك. ده واحد عاوز يشوفك ضروري. كارما تتحرك معاه. يسمحلها تدخل عنده المكتب لمقابلة ذاك الشخص الذي لا تعرف من هو. يلتفت لها فتتفاجأ به أمامها. ولكنها متيقنة من سبب زيارته لها وهو التشفي ليس إلا. تتكلم إليه بهدوء تام: حمد الله على سلامتك يا ياسين. خرجت إمتى؟ ياسين: مش مهم خرجت إمتى. المهم إني خرجت وإنتي دخلتي.

كارما: عدل ربنا بقى. اطمن يا ياسين. ربنا انتقملك وأخد لك حقك مني. وزي ما انت دخلت السجن ظلم، أنا كمان دخلته ظلم. ياسين: ظلم يجوز؟ كارما بدموع: والله العظيم أنا مظلومة يا ياسين. ياسين: لا، لو كده يبقى ده فعلاً العدل. كارما: وأنا عارفة ده كويس يا ياسين. خير يا ياسين؟ جاي ليه؟ عاوز تشمت فيا مش كده؟ على العموم تقدر تشمت براحتك. وأنا كمان مستعدة أحكيلك على حاجات حتخليك تضحك من قلبك ونارك تبرد.

ياسين: وأنا مش جاي أسمع حكاوي. كارما: طب عاوز إيه يا ياسين؟ لو في حاجة ممكن أعملها تريحك. قولي وأنا أعملها والله. ياسين: عاوز أطمن عليكي. أعرف أخبار السجن إيه معاكي؟ شفتي السجن يا كارما؟ دقتي مرارته؟ عرفتي يعني إيه تتحبسي بين أربع جدران ما بين حرامية وقتالين قتلة وإنتي مظلومة؟ شفتي البهدلة وإنتي بتمسحي الأرض والحمامات؟ حد افتري عليكي ومسكك ضربك عشان مرضيتيش تبقي خدامة ليه؟

وإلا إنتي بقى عشان تبقي كارما الممثلة المشهورة بيعاملوكي معاملة خاصة؟

كارما: ياسين، أنا عارفة إنك مقهور من اللي أنا عملته فيك والجروح اللي سببتها لك. بس والله العظيم أنا ندمت وتبت وبدعي ربنا إنه يقبل توبتي. ولو أطول أصلح كل غلطاتي مش حأتاخر لحظة. سامحني يا ياسين. سامحني أرجوك. أنا خلاص ما عدتش عاوزة أي حاجة. لا عدت عاوزة أبقى كارما الممثلة المشهورة. ولا عاوزة فلوس ولا أي شيء. أنا مش عاوزة غير إن ربنا يقبل توبتي وإنك إنت تسامحني. ياسين: يا ريت كنت أقدر أسامحك. لكن حاسامحك على إيه؟

وإلا إيه؟ وإلا إيه؟ اللي انتي عملتيه فيا مش ممكن أقدر أنساه ولا أسامحك عليه في يوم من الأيام. طول ما أنا عايش حيفضل جرحك معلم فيا. كارما: ربنا بيسامح يا ياسين. ليه البشر ما يسامحوش؟ ياسين: عشان هو ربنا اللي خلقنا وإحنا عبيده. عالم بحال كل واحد فينا. لكن إحنا بني آدمين مش ملايكة. أنا جيت هنا عشان كان نفسي أوي أشوف في عينيكي الذلة والكسرة اللي أنا عشت فيهم سنين. يديها ظهره ويتحرك ناحية الباب.

كارما وهي بتبكي جامد: ياسين. ياسين ميردش عليها ويفتح الباب ويخرج. تقعد كارما عالكرسي وتبكي بشدة. مع صباح يوم جديد. تستيقظ من نومها على لمسات رقيقة على بشرة وجهها. تفتح عينيها ببطء وهي مبتسمة لتجده أمامها. فتجيب بتكاسل وببحة صوت جميلة: صباح الخير. يحي: صباح الورد والفل والياسمين على أجمل عيون في الدنيا كلها. عطر: ههههههه. يحي: لا، بقولك إيه؟ حرام عليكي. عطر: ليه؟ هو أنا عملت حاجة؟

يحي: عملتي حاجة واحدة. ده إنتي عملتي حاجات كتيرة أوي. عملتي اللي محدش في الدنيا كلها قدر يعمله. خليتيني أسير ليكي ولعينيكي ولعشقك اللي مالي كل كياني. عطر: أهاه. كياني؟ وده نسبة إلى اسم كيان يعني؟ يحي: كيان عز الدين. تعرفي يا حبيبتي إن عز هو اللي اختار لي الاسم ده. بس لما عشت معاه وبقى هو ده الاسم اللي بتنادي بيه في كل مكان. لقيته ناقص حاجة. ناقص كياني فين؟

كياني ضاع ومش لاقيه. حتى العز اللي عشت فيه مكنش ليه أي طعم. مكنتش مستمتع بأي حاجة وأنتوا بعيد عني. والأضواء والشهرة مفادتنيش بأي شيء. ومعرفتش قيمة اسمي الحقيقي غير برجوعك وإحساسك إني حييت من جديد. يحي: بـ"يحيى" وبيحيى وبيحيى معك يعيش. عطر: عشان كده طلبت مني أناديك بـ"يحيى" على طول؟ يحي: أيوه، لأن هو ده الاسم اللي بيحسسني بوجودي معاكي ووجودك معايا. عطر وهي تحاوط وجهه بيديها: يا حبيبي يا يحيى. أنا بحبك أوي.

يحي وهو يقبل يدها: أنا بقى مش بحبك. لا، أنا بتنفسك. بتنفس هواكي يا عطر حياتي. يقترب منها ليقبلها. فتفتح عليهم الباب فيتراجعا سريعاً. يجري عليهم على الفراش فيحتضنها سوياً. صباح الخير يا بابي. صباح الخير يا مامي. يحي: صباح الورد والعسل والسكر يا عيون بابي وروح مامي. يحي وهو يحضنها بشدة: ياااه. نفسي أفضل مخبيكي في حضني كده طول العمر. غزل: ولما أكبر بقى أعمل إيه بقى يا بابي؟

يحي: حتكبري إن شاء الله وأنتي في حضني يا عيون وقلب وروح بابي. غزل: بس على فكرة بقى أنا زعلانة منك ومخاصماك. يحي: إيه؟ زعلانة مني؟ لا، أرجوكي متقوليش كده. أنا ممكن أموت فيها أو يجرالي حاجة. آه قلبي. غزل: لا يا حبيبي. انت حتعملهم عليا. أنا مليش دعوة. آه، إنت قلت لي حتخرجني. يعني حتخرجني. وإلا حخلي مامي تعاقبك عقاب شديد وأخليها تحرمك من المصروف. عطر ويحي: هههههههه. غزل: إيه رأيكم وأنا بمثل بقى؟

يحي: أنا مش محتاج أقول رأيي يا قلب بابي. لأن المهرجان نفسه هو اللي قال رأيه. عطر: مهرجان؟ مهرجان إيه يا حبيبي؟ يحي: ديه بقى يا ستي المفاجأة اللي كنت محضرهالكم. مهرجان القاهرة السينمائي اختار غزل أحسن ممثلة لهذا العام عن دورها في فيلم "عشق من نوع آخر" اللي مثلتّه معايا. ومحضرين لها جايزة كبيرة أوي. عطر: بجد يا يحي؟ ديه أحلى مفاجأة. بنتي أحسن ممثلة؟

يحي: لا، معلش بقى. الحتة ديه بتاعتي أنا. ديه بنتي أنا. موهبتي اللي ورثتها. البرنسيس غزل. غزل: بجد يا بابي؟ أنا حاخد جايزة؟ يحي: وجد الجد كمان. هو انتي أي حد؟ ده انتي... يحملها كيان على ذراعه ويصعد بها لتتسلم جائزتها وهو فرح بشدة. وعطر قلبها سيتوقف من شدة فرحته. ولم يتوان الجميع عن مشاركتهم لتلك اللحظة السعيدة. فقد حضر معهم الجميع: ناهد ومراد ومشيرة ومجدي وندى وزوجها ونديم وشيماء وشغف وعز ونيللي.

الكل سعيد بتلك الصغيرة. يصفقون لها تصفيقاً حاراً. وأخذت الصحافة تحاول التحدث إليها وتسأل كيان عن سبب إخفائه لزوجته وابنته طوال تلك السنوات. فيجيبهم بأنها مسألة شخصية لا تهم أحداً. المهم إنهم أهم شخصين في حياته كلها. بعد انتهاء الحفل قام كيان بدعوتهم في أحد الفنادق احتفالاً بتلك الساحرة الصغيرة التي سلبت عقول وقلوب الجميع. كان الجميع سعيداً بذلك التجمع العائلي. مالك يا ماما؟ فيه حاجة؟

ناهد: زعلانة عشان مبشوفش اختك ولا بقعد معاها ولا بشبع منها زيك يا عطر. عطر: ومين سمعك يا ماما. والله أنا ربنا يعلم إني عمري فرحتي ما كملت وهي غايبة عني. دايماً أبص للكل وأقول: فينك يا عتاب؟ بس حنعمل إيه؟ هي عايشة مع أهلنا وجوزها وولادها. وأنا هنا مع بنتي وجوزي ومامتي حبيبتي. ناهد: ربنا يخليكم ليا ومنحرمش منكم يا حبايبي. يارب ويكمل لأختك على خير يارب وتقومها بالف سلامة. عطر: يارب يا ماما. يارب. بعد مرور عدة أشهر.

مع السلامة يا كارما. كارما: أنا متشكرة أوي لكل حاجة حضرتك عملتها معايا. الضابط: المهم تكوني اتعلمتي من أخطائك. كارما: اتعلمت وحفظت الدرس كويس. الضابط: وناوية تعملي إيه دلوقتي؟ كارما: ححاول أصلح من أخطائي السابقة وأحاول أقف على أرض صلبة عشان ما أقعش تاني. الضابط: ربنا معاكي يا كارما. لو احتاجتي أي حاجة متتردديش لحظة في إنك تكلميني. كارما: حاضر. ربنا يخليك يا رب. ومتشكرة لحضرتك. عن إذنك. الضابط: كارما. كارما: نعم.

الضابط: أنا طول عمري بثق في احساسي. ومتأكد إنك بريئة. وإنك معملتيش حاجة واتسجنتي ظلم. خلي بالك من نفسك يا كارما. كارما بابتسامة: حاضر. تخرج كارما ويدخل ضابط زميله. ويشوفه ويعرف اللي جواه: مالك يا زين؟ زين: مفيش يا ياسر. ياسر: على صاحبك بردو. حتوحشك مش كده؟ زين: ................... ياسر: ليه ما كلمتهاش؟ زين: انت مجنون؟ ياسر: مجنون ليه؟

فاكر لما كنت دايماً تقول لي إن كارما السعيد دي هي البنت اللي طول عمرك نفسك ترتبط بواحدة زيها. وإنها فتاة أحلامك اللي بتتمناها؟ زين: أديك جلت زيها. لكن مش هيا يا ياسر. أنا مش حنكر إني كنت معجب بيها وبتمثيلها وجمالها. لكن أكتر من كده مينفعش يا صاحبي. للأسف. ياسر: بس انت قلت لي إن احساسك بيقول لك إنها بريئة. وده اللي خلاك تقف جنبها وتمنع أي حد من إنه يضايقها. وكنت معاها دايماً.

زين: أيوه يا ياسر. ومش بس كده. وكنت كمان بكون مبسوط وهي بتتكلم معايا وبتحكي لي عن كل اللي جواها. بس ده مش كفاية. إحنا في مجتمع ليه عاداته وتقاليده. ومينفعش أبداً إن واحدة في ظروف كارما تدخل حياتي بأي شكل من الأشكال. ياسر: خلاص. انت ممكن ترتبط بيها في السر. أو حتى تتجوزها عرفي. وافتكر في ظروفها دي إنها مش حتمانع. زين: ياسر! انت اتجننت؟ بتقول إيه؟

حرام عليك. انت عاوزني استغل ضعفها وقلة حيلتها عشان أشبع رغبة كانت جوايا ليها بالشكل القذر ده؟ ياسر: ده على أساس إنك ملكش علاقات يعني؟ مانت ما شاء الله عليك مبتضيعش وقت. زين: ياسر! انت عاوز مني إيه؟ اطمن يا ياسر. كارما خرجت خلاص. وعلاقتي بيها انتهت. وهي الحمد لله ربنا هداها وخرجت من هنا. حجابها على رأسها وناوية تبدأ حياة جديدة. ليه عاوزني أوصل لها الحياة دي ليه؟ عاوزني أقف في طريق توبتها وقربها من ربنا؟

ياسر: آه حجابها اللي انت اشتريته لها يا عم. انت صدقت شوية الحبشتكنات اللي عملتهم عشان تتعاطف معاها؟ إنت نسيت إنها ممثلة ودي شغلتها؟ طب إيه رأيك بقى؟ واقطع دراعي أما كانت حتخرج من هنا على أول بار تشرب لها فيه كاسين. وإلا تجري على أي مخرج وتتفق معاه على شغل جديد. وبكرة تقول: ياسر قال. وساعتها حتقول: يا ريتني كنت عشت لي معاها يومين. زين لنفسه: معقولة يا كارما؟ انتي تعملي كده وتخيب ظني فيكي؟

بس يا ترى انتي خرجتي من هنا ورحتي على فين دلوقتي؟ تجلس معهما وهي في قمة خجلها: إزاي حضرتك يا أستاذ عز؟ عز: حمد الله على سلامتك يا كارما. كارما: الله يسلمك. ازيك يا نيللي؟ نيللي: أهلاً يا كارما. عز: كارما لو انتي جاية عشان الشغل، حقك عليا والله. أنا مش.

كارما: أستاذ عز، أنا خلاص تبت لربنا واعتزلت التمثيل والدنيا كلها. ومش حرجع لغير لربنا. أستاذ عز، كل اللي حأقدر أقوله لحضرتك إني أقسم بالله العظيم أنا بريئة واتسجنت ظلم. وأنا خلاص مبقتش عاوزة حاجة ولا مستنية شأن. نيللي: أمال انتي جاية ليه يا كارما؟ كارما: في حاجة أنا محتاجة أستاذ عز يساعدني فيها بعيد خالص عن الشغل والتمثيل. عز: اتفضلي يا كارما. أنا سامعك.

كارما: أولاً، أنا خلاص حامشي من هنا. حروح إسكندرية. حعيش هناك بعيد عن أي حد أعرفه أو ممكن يعرفني وأبدأ حياتي من جديد. وثانياً، وده الأهم، ياسين اللي أنا ظلمته زمان وخلّيته يتحمل جريمتي ويتسجن بدالي. هو دلوقتي خرج من السجن. لكن للأسف حضرتك طبعاً عارف إنه صعب يلاقي شغل بعد ما بقى سوابق. وأنا طبعاً لو حاولت أقدم له المساعدة. أكيد طبعاً حيرفض عشان كده أنا محتاجة مساعدتك أوي في الموضوع ده. أنا معايا مبلغ كويس كنت محوشاه

بعيد عن أمي ويارا من آخر عملين اشتغلتهم مع حضرتك. أنا عاوزة أديهم لحضرتك وتوصلهم لياسين بأي طريقة. المهم إنه ميِعرفش إن دي فلوس مني أنا عشان يعمل أي مشروع يقدر يقف بيه على رجله. أنا عارفة إن حضرتك مش مطالب تقف معايا في حاجة زي دي. بس بجد أنا محتاجة حضرتك أوي. ويا ريت ما تخذلنيش.

عز: عاوزة تكفّري عن اللي عملتيه معاه؟ كارما: أيوه. أنا تعبانة أوي وعاوزة أرتاح. حتساعدني؟ عز: مادمتي لجأتِ لي، مقدرش أخذلك يا كارما. كارما: ربنا يخليك يا رب. ده كان عشمي فيك برضو. اتفضل حضرتك. عز: لا يا كارما. ده مبلغ كبير. مينفعش. لازم تشيلي حاجة لنفسك. ومتقوليش مش عاوزة. حتعوزي صدقيني. لازم متحتاجيش لحد عشان متضعفيش. وكمان ياسين لو شاف مبلغ كبير زي ده أكيد حيشك.

تقتنع كارما بكلامه وتاخد جزء وتسيب له الباقي يتصرف بطريقته ويبعته له. وتستأذن وتمشي. نيللي: كارما. كارما: نعم يا نيللي. نيللي: الحجاب حلو أوي عليكي. ربنا يثبتك. كارما: اللهم آمين. وعقبالك إن شاء الله يا نيللي. تمر الأيام والشهور والسنين. والصغير يكبر والكل يعيش حياته مابين فرح وحزن، تعب وراحة، شقاء ونعيم. نادي لي غزل وشغف من فصلهم. حاضر يا ميس ناهد. بعد دقائق. تقف غزل وشغف أمام ناهد.

ناهد: أعمل فيكم إنتوا الاتنين إيه؟ شغف: إحنا عملنا إيه بس يا ميس؟ ناهد: عملتوا إيه يا شغف؟ قولي معملتوش إيه؟ حرام عليكم. ده انتوا مجننين المدرسين. ده مفيش مدرس ولا مدرسة في المدرسة غير لما بيشتكوا منكم. غزل: والله يا تيته. قصدي يا ميس ناهد. إحنا مظلومين. إحنا مبنعملش حاجة. ناهد: طب بصوا بقى. لو جالي منكم شكوى تاني، أنا حنقلكم من الفصل وكل واحدة فيكم حتكون في فصل لوحدها.

شغف: لا يا ميس ناهد. خلاص حنحرم والله. بس متبعديناش عن بعض. ناهد: ماشي يا شغف. أما أشوف بس. وربنا. غزل: خلاص والله يا ميس. وربنا. تأتي مدرسة: ميس ناهد، أنا تعبت خلاص والله. بصي حضرتك أنا حستقيل من المدرسة دي وربنا. ناهد: في إيه يا يسرا؟ مالكم؟ يسرا: لارا ولجين. ناهد: بنات ندى؟ مالهم؟ يسرا: قالبين الفصل فوق وتحت ونازلين رقص هما والبنات. ناهد: وهما فين اللي عندهم؟

يسرا: عندهم فرح وهي غايبة. ومحدش دخل مكانها. وأنا تعبت. حتجنن. أنا قلت لحضرتك شيليني من الإشراف. أنا عندي السكر. حموت والله. ناهد: معلش يا يسرا. حقك عليا. يسرا: وكمان فراس. ناهد: ابن عطر بنتي؟ ماله هو كمان؟ يسرا: هو ويامن نديم كسروا إزاز المعمل بالكورة. لا، بصي أنا من رأيي حضرتك تقفلي المدرسة على ولادكم. عشان دول مش أطفال دول عفاريت. جننوني. حيموتوني. ناهد: انتوا واقفين عندكم ليه؟ امشوا من قدامي.

تجري غزل وشغف وهما ميتين من الضحك. غزل: شوشو، بقولك أنا حتخرج من المدرسة. حروح لبابي عالاستوديو. تيجي معايا؟ شغف: أوكي. بس أقول لشيمو الأول. غزل: ماشي يا حبي. ناهد تتصل بمشيرة وتحكي لها. مشيرة: هههههه. ناهد: مشيرة، انتي بتضحكي؟ مشيرة: طيب أعمل إيه بس؟ ناهد: طيبة. أنا بقالي سنين بربي. مش قادرة أتحملهم شوية لوحدك؟ أنا حيبعت لك مكتب وتقعدي معايا. المدرسة كلها بتشتكي من ولاد عطر وندى ونديم. وكأن مفيش في المدرسة غيرهم.

مشيرة: هههههه. طيب اهدي بس. وبعدين مانا بقالي سنين بربي. مش قادرة أتحملهم شوية لوحدك؟ أنا حيبعت لك مكتب وتقعدي معايا. المدرسة كلها بتشتكي من ولاد عطر وندى ونديم. وكأن مفيش في المدرسة غيرهم. مشيرة: هههههه. طيب اهدي بس. وبعدين مانا بقالي سنين بربي. مش قادرة أتحملهم شوية لوحدك؟ أنا حيبعت لك مكتب وتقعدي معايا. المدرسة كلها بتشتكي من ولاد عطر وندى ونديم. وكأن مفيش في المدرسة غيرهم.