رواية زهرة الفهد الفصل الحادي عشر 11 - بقلم جودي أسامة

زهرة: السلام عليكم ازيك يا ماما. أم زهرة: وعليكم السلام الحمد لله يا حبيبتي وانت عامله إيه؟ زهرة: الحمد لله. أم زهرة: يدوم الحمد يا بنتي. زهرة: بصي يا ماما أنا نازلة يومين عندكوا. أم زهرة: تشرفي يا بنتي بس دراستك. زهرة: منا هنزل 3 أيام بس. أم زهرة: تشوفي يا بنتي، طب انتي جاية إمتى؟ زهرة: أهو مسافة الطريق، أنا لسة أهو بجهز شنطتي. أم زهرة: ماشي يا بنتي تيجي بالسلامة. زهرة: طب سلام يا ماما عشان مشغولة حبتين.

أم زهرة: سلام، متنسيش تكلميني لما تركبي. زهرة: حاضر. أم زهرة: في حفظ الله. زهرة: في حفظ الله. وقفت ورتبت شنطتها. ولقيت تليفونها بيرن. زهرة لقت الرقم غريب راحت ردت. زهرة: الو. فهد: الو، أنا بعتلك عربية هتوصلك. زهرة: بس أنا مش عايزة منك حاجة. فهد بغضب: زهرة متكلمنيش بالطريقة دي، ثم أنا هبقى جوزك فعادي. زهرة: بس أنا لسة مبقتش، لما أبقى مراتك ابقى اعمل اللي انت عايزه. زهرة بأستفزاز: يلا بقى ورايا سفر.

وقفت من غير ما تسمع هو هيقول إيه. فهد: بقى كده يا زهرة، بس مهما عملتي انتي هتبقي مراتي وهاخليكي تحبيني زيي وأكتر كمان. زهرة: ولسه يا فهد بيه، أنا معملتش حاجة لحد دلوقتي. الجاي تقيل، اجمد كده متتعصبش أوي عشان هتحتاجه بعدين. زهرة نزلت لقت فعلاً في عربية مستنياها. زهرة: انت اللي باعت الدكتور فهد؟ السواق هز راسه بـ آه. زهرة: طب انت عارف هنروح فين؟ السواق برضو هز راسه بـ آه. زهرة بغضب: في إيه، رد عليا اتكلم.

السواق: آسف يا هانم، أصل فهد باشا محرج عليا متكلمش مع حضرتك. زهرة: طب خلاص، أنا آسفة جداً إني اتعصبت عليك بجد آسفة. السواق استغرب من تواضعها معاه وأنها بتتأسف له. وفتحلها الباب. زهرة كانت معاها شنطة لسه هتدخلها. السواق: خلي عنك يا هانم، أنا هحطها. زهرة سابت الشنطة ودخلت العربية ومشيو. بعد مدة في الصعيد. أم زهرة أول ما شافت زهرة حضنتها. أم زهرة: وحشتيني أوي. زهرة: والله وانتي كمان وحشاني خالص.

أم زهرة: يا بكاشة، وحشاكي ومش بترني عليا؟ زهرة: والله يا ماما ببقى تعبانة وراجعة من الجامعة فاصلة خالص، بقضي أصلي ونعمل لقمة أنا والبنات وأقعد أذاكر لحد ما أنام. أم زهرة: ربنا يوفقك يا بنتي وينولك اللي في بالك. زهرة: آه يماما، ادعيلي كتير أنا محتاجة دعاكي في الوقت ده أوي. أم زهرة: والله بدعيلك يا بنتي في كل صلاة. زهرة: أمال فين هند وسلمى؟ أم زهرة: في مدارسهم يا حبيبتي ده غير الدروس. زهرة: ربنا يقويهم يا رب.

أم زهرة: ادخلي يا بنتي ادخلى، لحسن ده احنا أخدنا الكلام. ادخلي ارتاحي من السفر لحد ما الأكل يجهز. زهرة: طب أنا جاية أساعدك. أم زهرة: لا، مفيش الكلام ده، انتي تدخلي ترتاحي شوية من السفر لحد ما أجهزه. زهرة: بس... أم زهرة قاطعتها: أم زهرة: مفيش بس، انتي تدخلي زي ما قلتلك. زهرة: حاضر. زهرة دخلت وغيرت وقعدت على السرير ولسه هتنام. التليفون رن. زهرة: الو. فهد: زهرة انتي وصلتي؟

زهرة: آه وصلت. آه صحيح، انت قايل للسواق متكلمنيش ليه؟ فهد بغضب وغيره: هو كلمك ولا إيه؟ انتي عرفتي إزاي؟ أنا هوريه. زهرة: الراجل كان كل ما أكلمه يحرك راسه لحد ما خلتني أزعق فيه وهو قال لي. تعرف يا فهد إن عملت فيه حاجة. فهد: ها، هتعملي إيه بقى؟ زهرة بثقة: اللي هعمله كتير يا فهد بيه، بس اصبر على رزقك. فهد: طب شاطرة، ابقي وريني. زهرة: هه، ما أنت هتشوف، مستعجل على إيه. فهد جاله تليفون شغل مرد.

فهد: آه، بصي أنا هتصل على بابكي واحدد معاه ميعاد. دلوقتي هتوافقي، واه صحيح، أوعي تطلعي من البيت إلا لما تقولي لي. زهرة: لا، اتصل على ماما. فهد: ليه؟ زهرة: هبقى أقولك بعدين. فهد: وبعدين ليه؟ زهرة: عشان كل حاجة في وقتها حلوة. فهد: ماشي، سلام بقى. زهرة: سلام. وقفت. زهرة: قال مطلعش من البيت إلا لما أقوله قال! أنا لسة مبقتش مراته حتى. عند فهد. سليم: إيه، انتي بتقول إيه؟ عايز تتجوز واحدة منعرفهاش؟ طب وجاسمين الجاية؟

فهد ببرود: آه، هي دي اللي هتجوزها ومش هتجوز غيرها. وحكاية معرفهاش دي، فأنا أعرفها وده كافي. وجاسمين كده كده هي وعمتي مش عارفين هما جايين ليه، يجوا يقعدوا معانا وخلاص. سليم: وأنا مش موافق. عز: وأنا كمان مش موافق. فهد: .........