رواية زهرة الفهد الفصل الخامس 5 - بقلم جودي أسامة

يارا: خالد أنا لازم أمشي دلوقتي. أخويا لو شافنا مع بعض مش هيحصل خير. وفجأة... حد غرز في رقبتها حقنة. خالد: أنا هندمك على اليوم اللي خنتيني فيه يا... هه فهد. Flash back خالد: أه أنا جايب 89%. فهد: متزعلش يا صاحبي. خالد: دا أنا ياما ذاكرت وتعبت ومتأكد إني مجبتش أقل من 95%. فهد: يا خالد مهما كانت درجتك يا خالد متزعلش، الدنيا مش مستاهلة. خالد: وانت... وانت جبت كام؟ فهد بزعل على صاحبه: جبت 97%.

وخالد دخل إدارة أعمال وفهد دخل طب. back خالد: غبية زي أخوكي، فاكراني واقع في دباديبك. خالد: كان هيشيل يارا ويحطها في العربية. وفجأة... يوصل رعد بتفاجؤ. لقى يارا نايمة على الأرض ومفيش أي حد. رعد: يارا... يا يارا قومي. إيه اللي حصل؟ وراح شالها ودخلها عربيته. وفي اتجاههم للقصر. Flash back "... الو يا باشا... خالد: أيوه يا زفت... يا باشا رعد بيه في طريقه ليك. خالد بتعصيب: طب اقفل، اقفل يا بو... النحس.

خالد ساب يارا نايمة في الأرض ومشي. ولأنها حتة مقطوعة محدش شافه. back رعد في العربية وبيسوق بسرعة. وطلب فهد على التليفون. فهد: خير يا رعد؟ رعد: لقيتها. فهد: طب هي معاك؟ اديها التليفون. رعد: بس هي مغمى عليها. فهد: أه... طب إزاي؟ رعد: لما أوصل أبقى أقولك عشان أنا دلوقتي سايق. أنا كلمتك عشان أطمنك. فهد: بس... قاطعه رعد: مع السلامة. _رعد وصل للقصر. رعد دخل وكان شايل يارا اللي كانت مغمى عليها.

وأول ما دخل رعد القصر وهو شايل يارا الكل جري عليه. وهو حطها على سريرها. فهد اتصل بالدكتور. فهد بقلق: الو يا دكتور تعالى القصر بسرعة، 5 دقايق وتكون هنا قدامي. الدكتور بخوف: حاضر يا أستاذ فهد. قفل التليفون وطلع لاخته يطمن عليها. الدكتور جه وطلب منهم يطلعوا برا. الدكتور كشف عليها وطلع. أول ما الدكتور طلع من الأوضة كلهم جريوا عليه. فهد: يارا مالها يا دكتور؟ اغ.مى عليها ليه؟

الدكتور: حضرتك أنا كشفت على المريضة وما فيهاش حاجة. أنا أخدت منها عينة د.م عشان أحللها ونشوف. طب هي عملت أي عمليات قبل كده؟ فهد: لا معملتش أي عملية قبل كده. ونتائج التحاليل هتطلع امتى؟ الدكتور: كمان يومين إن شاء الله. فهد: هي هتفوق امتى؟ الدكتور: الله أعلم لأن لحد دلوقتي معرفش سبب الإغماء. فهد: تمام. رعد وصل الدكتور. فهد: تقدر تروح دلوقتي يا رعد. أكيد تعبت من الشغل وأنا تعبتك معايا أكتر.

رعد: متقولش كده يا صاحبي، أنا أفديك بعمري. فهد ورعد حضنوا بعض ورعد مشي. فهد قعد يفكر في أخته وإيه اللي حصلها. جاله اتصال. فهد: الو يا ز.فت مش قولت ساعتين ويبقى جاهز؟ ليه التأخير ده كله؟ "يا باشا أصل هي مش من هنا، فاخدت وقت لحد ما عرفت معلومات عنها." فهد: ابعتلي الملف بقى. "منا اتصلت عشان كده، أنا بعتلك واحد معاه الملف اللي فيه المعلومات عنها." الجرس بتاع القصر ضرب.

فهد نزل لقيه الراجل اللي معاه الملف. أخده منه وأعطاه فلوس كتير. والراجل أخدهم ومشي. فهد: ياترى انت مين يا زهرتي؟ وابتسم ابتسامة صغيرة. فهد بعد ما قرأ كل الملف دخله جوه الخزنة. مع أنه كان عايز يدخله جوه قلبه. نعم إنه يريد أن يعرف الكثير عن معشوقته لأنه يعلم أنها لن تخبره بأي شيء عنها. وراح يطمن على اخته. فهد: امتى بقى تصحي وتقوليلي حصل معاكي إيه؟

وراح باس راسها وطلع على أوضته وقعد يشتغل شوية على الاب توب لحد ما حس إن النوم هيغلبه. شال الاب وطفى النور ونام. _في الصباح فهد نايم ويدخل ضوء الشمس ليداعب وجهه ويستيقظ. بياخد شاور وبيطلع وهو لافف فوطة حوالين وسطه وعاري الصدر. يطلع فهد من الحمام بيلاقي سمر واقفة وفاتحة بوقها. سمر بدون وعي: هو انت إزاي كده؟ فهد: إيه... فهد: استنى استنى استنى، أنا مش قايل متطلعيش هنا. سمر بخجل من

منظر فهد بس برضه مبحلقة: كنت بطلع لحضرتك القهوة بتاعتك. فهد: بس الدادة فتحية هي اللي بتطلعها لي كل يوم. سمر: أصل هي تعبانة النهاردة ومجتش، وحضرتك بتتعصب لما مب تشربش القهوة بتاعت حضرتك. فهد: تمام، حطيها على الطرابيزة. سمر بتحط القهوة وتقف. فهد: ممكن ألبس؟ سمر: أه... البس حضرتك وأنا مالي. فهد مسح على وشه بغضب بس تمالك أعصابه. فهد: ممكن تطلعي عشان ألبس؟ سمر: أه أه حاضر. وطلعت وقفلت الباب وراها.

سمر: الله يخ.رب بيتك يا سمر، أقول عليكي إيه دلوقتي؟ بس أنا لما بشوفه ببلم وبحس إن الكلام مش طالع. أه يا أختي يا أختي، ورايا شغل كتير. ونزلت. _نزل فهد وكان لابس بدلة باللون الكموني. والساعة والبرفيوم كان شكله يجن.ن. نزل لقى اخته صحت وقاعدة على السفرة مع العيلة. راح قعد جنبها. فهد: حمد لله على سلامتك يا حبيبتي. يارا: الله يسلمك يا حبيبي. شريف: الله الله، حبيبي وحبيبتي وأنا مش موجود؟

أنا شايف إن فيه خيار وفقوس عند سي فهد. فهد وهو حاضن اخته: اسكت يلا. ويارا بطلعلوا لسانها. شريف: ليه ده إن شاء الله؟ ولا أنا ابن البطة السودة وهي بت البطة البيضة؟ يارا: شايف غيران إزاي يا فهد؟ هيو.لع ههههه. شريف: والله انتوا ما عندكوا د.م. فهد بص له بصة خلتوا يسكت خالص. وفهد كان بيهتم بأخته جداً ومرضيش يسألها إيه اللي حصل عشان ميضغطش عليها. خلصوا أكل وفهد استأذن عشان يروح الشركة لأن النهاردة إجازة.

فهد دخل المكتب تحت أنظار الجميع وهمسات الموظفين. رعد دخل على فهد المكتب. رعد: يارا عاملة إيه؟ صحيت؟ فهد: أه الحمد لله صحيت النهاردة. فهد كان عنده شغل كتير النهاردة عشان مجاش امبارح لما اخته تعبت. خلص الشغل بتاعه متأخر وقلقوا عليه أوي. وقعدوا يتصلوا عليه بس تليفونه كان فاصل شحن. راحت يارا اتصلت على رعد لأنها عارفة إنه صاحب فهد المقرب وعارف عنه كل حاجة. رعد: الو مين معايا؟ يارا: الو يا رعد، فهد فين؟ رعد: يارا...

أه فهد لسه ماشي دلوقتي لانو كان عنده شغل كتير انهارده. يارا: الحمد لله أصل قلقنا عليه لما اتأخر أوي كده. رعد: طب انتوا متقلقوش عليه... وانت عاملة إيه دلوقتي؟ يارا: الحمد لله أحسن. رعد: حمدالله على سلامتك. يارا: الله يسلمك... شكراً على إنك طمنتني على فهد وأنقذتني امبارح. رعد: لا شكر على واجب. يارا: شكراً سلام. رعد: سلام. _فهد ماشي بالعربية مروح. وفجأة...