رواية زهرة الفهد الفصل الحادي والعشرون 21 - بقلم جودي أسامة

فهد دخل أوضة زهرة بعصبية. توترت وخافت أول لما دخل عليها. فهد بيقرب منها وهي تبعد، بيقرب منها وهي تبعد لحد ما لزقت في الحيطة وهو كان قريب منها جداً. زهرة بخوف وبسرعة: والله أنا كنت عطشانة، وما كانش فيه هنا ميه وفكرت إن ما فيش حد زي ما قولت لي، فنزلت كده و... فهد صباعه على شفايفها. فهد بهدوء عكس

مشاعر الغيرة اللي جواه: شششش بس، حتى لو ما كانش فيه حد برضه ما تنزليش كده. اللبس ده تلبسيه في أوضتنا بس، عشان أنا بس أستحق أشوفك كده، عشان إنتي مراتي يعني ملكي أنا، وما ينفعش أي حد يشوفك كده. ده أنا لسه النهارده شايف شعرك. زهرة بمحاولة استيعاب: استنى استنى دقيقة. أنا ما كنتش لابسة كده، أوعى تكون... فهد: أيوه... أنا غيرت لك. زهرة ضربته في صدره. زهرة: إنت قليل الأدب. فهد بتمثيل: آآآه. زهرة قربت منه وحطت إيدها على صدره.

زهرة بخوف: أنا آسفة، أنا آسفة. إيه اللي وجعك؟ فهد حط إيده على قلبه. فهد: قلبي. زهرة: تصدق إن أنا الغلطانة إني خوفت عليك. فهد بخبث: إيه ده؟ إنتي بتخافي عليا؟ زهرة بتوتر: اااا... لا مش... فهد كان متابع حركة شفايفها الكريزية، وفجأة وبتوهان راح باسها. وهي كانت مصدومة من العملة. وبعد عنها وهي لسه في حالة الصدمة. فهد بمشاكسة: شفايفك طعمها جنان. وطلع وهو واقف عند الباب. فهد: هبعت لك الخدم ينقلوا لك حاجتك عشان هتيجي أوضتي.

زهرة فاقت من صدمتها: إيه قلة الأدب دي؟ أنا مستحيل أقعد معاك في أوضة واحدة. فهد: أنا مش بسألك، أنا بقول لك بس. زهرة بطفولة: أف بقى. فهد بضحك: متجوز طفلة والله. ومشى نزل تحت. *** العيلة رجعوا من بره وقاعدين يتعشوا. فهد طلع فوق عشان يقول لزهرة تنزل. فهد: زهرة، انزلي عشان العيلة تحت على العشى. زهرة: بس أنا شبعانة، مش عايزة آكل. فهد: إزاي؟ إنتي ما أكلتيش خالص. زهرة: أنا مش عايزة، أنا حرة.

فهد: ما فيش حاجة اسمها أنا حرة. هتنزلي ولا أشيلك قدامهم وأنزلِك؟ زهرة بتوتر: لا خلاص خلاص، أنا نازلة أهو. فهد بغيرة: بس غيري اللي إنتي لبساه ده. زهرة: حاضر، اطلع بره بقى. فهد: لا مش هطلع، دي أوضتي. زهرة: ماشي. وفاء خدت اللبس بتاعها ودخلت الحمام. بعد مدة طلعت كانت لابسة دريس أزرق فاتح وشعرها كان مفرود، كان شكلها جميل جداً. ولفت شعرها كحكة وكانت نازلة، بس فهد وقفها. فهد بغيرة وعصبية: رايحة فين كده يا هانم؟

زهرة ببراءة: نازلة تحت. فهد: لا يا راجل، وهتنزلي بشعرك كده؟ زهرة: آه، فيه إيه؟ فهد: في إنك مراتي، وزي ما إن ما فيش حد ينفع يلمسك غيري، فما فيش حد ينفع يشوف أي حاجة فيكي، حتى لو كان شعرك. زهرة: ما فيش غير جدك وبابا بس. وهو بيقرب منها. فهد: ولو برضه مش عاوز حد يشوفك غيري. تعبت من المناهدة معاه. راحت لفت طرحتها. فهد باسها من خدها. فهد: أيوه كده، لما بتسمعي الكلام بتبقي شطورة. زهرة بصوت واطي: واحد قليل الأدب.

فهد: بتقولي حاجة يا أميرتي؟ زهرة بتوتر: ها؟ لا. ونزلوا تحت. *** على السفرة. شريف بعصبية: ......................