رواية زهرة الفهد الفصل السادس والعشرون 26 - بقلم جودي أسامة

كان ينشف شعرها وبعد كده سرحه. كان شكله جميل جداً، كان عامل فرق في النص وعمل ضفيرتين صغيرين على الجنب ورجعهم ورا وثبتهم. شعرها كان مفرود. فهد: إيه رأيك بقى؟ زهرة بإعجاب: جميلة أوي، كنت ببقى عايزة أعملها بس مكنتش بعرف. فهد: بس إيه القمر ده! استنى كده. وراح مسك إيدها. لقي مكان إيده أزرق. فهد: بتوجعك؟ قعدها وجاب صندوق الإسعافات وطلع كريم للكدمات وقعد يدهنلها. فهد: أنا آسف جداً يا أميرتي إني اتعصبت عليكي وعملت كده.

زهرة مكنتش بترد. فهد قام ومسك إيدها: يلا بقى يا أميرتي. زهرة: يلا إيه؟ فهد: هننزل نتمشى على البحر شوية. زهرة: ماشي... يلا. ونزلوا. قعدوا يتمشوا شوية وشكلهم كان حلو جداً، وفهد كان طول الوقت بيبص على زهرة. فهد: دقيقة هدخل جوه أجيب حاجة وأرجع. زهرة: تمام. وسابها وهي فضلت تتمشى. فهد دخل جاب كاميرا وطلع لقيها بتمشي وقافلة عينيها والهوا بيطير شعرها والفستان. كان جمالها ولا في الخيال. راح أخدلها كام صورة ورجع ليها تاني.

فهد: اتأخرت عليكي؟ زهرة هزت راسها بمعنى لا. فهد: هوريكي صور لأجمل واحدة شوفتها في حياتي. زي الأميرات في الأحلام. ولا الهوا لما بيطير شعرها وابتسامتها الجميلة. أول حب ليا وآخر عشق. زهرة اتضايقت جداً من كلامه. زهرة بتفكير: إنتي اتضايقتي ليه؟ وهو يهمك في إيه؟ إنتي حتى مش بتعتبريه جوزك. وإنتي مالك إن كان بيحب واحدة ولا لأ. فهد لاحظ إن زهرة سرحانة. فهد: زهرة......... زهرة إنتي سامعاني؟ زهرة: ها..... آه سمعاك.

فهد: أهو بصي. وراها الصور. زهرة أول ما بصت على الصور اتغيرت حالتها خالص من الحزن للفرح لأنها لقت صورها هي. زهرة بتفكير: إيه ده؟ هو أنا فرحانة ليه يعني؟ أنا...... أنا...... بس. فهد: إيه رأيك فيها؟ قمر صح؟ زهرة اكتفت بابتسامة لأنها مكنتش عارفة ترد تقول إيه. قعدوا يتمشوا لحد ما وصلوا لقلب معمول بالشموع ومليان ورد وفي النص ترابيزة. راح فهد مسك إيد زهرة وقعدها على الكرسي وقعد هو على التاني وقعدوا ياكلوا. وبعدين خلصوا.

وهم راجعين: فهد بحب: زهرة أنا ندمان على اللي أنا عملته وطمعان إنك تسامحيني. أنا عارف إن اللي أنا عملته مش قليل بس أنا عارف إن قلبك طيب واكيد هتسامحيني. إنتِ أكيد عارفة إني بحبك. لأ أنا بعشقك ويهمني زعلك. ولو مكنتش يهمني زعلك مكنش زمانا هنا. فهد: زهرة مبتتكلميش ليه؟ زهرة: خايفة...... خايفة أثق فيك ومتصونش الثقة دي. أنا اتأذيت من أقرب الناس ليا. ولما بتتأذى من أقرب الناس ليك بتحس إنك فقدت الثقة في كل الناس.

فهد مسك إيدها بحنان. فهد بحب: أنا مستحيل أأذيكي مهما كان لأنني بعشقك. وأي حد ممكن يفكر يأذي أميرتي هدمره. فهد: ها بقى مش هتحني وتسامحيني؟ زهرة بتفكير ثم قالت بابتسامة جذابة. زهرة بطيبة: خلاص أنا سامحتك. فهد بعدم تصديق: بجد؟ زهرة: بجد. فهد راح رفعها بإيديه وقعد يدور بيها. فهد: بحبك بحبك بحبك بحبك بحبك بحبك بحبك. زهرة كانت بتضحك. زهرة: نزلني يا فهد أنا بخاف. راح نزلها ببطء وهما باصين في عيون بعض بحب.

راحوا قعدوا يتمشوا لحد ما وصلوا الفيلا وطلعوا. زهرة دخلت غيرت ملابسها لبيجامة للنوم وفهد كذلك. قعدوا على السرير. بعد دقائق. زهرة: فهد إنت نمت؟ فهد: لأ لسه. زهرة: طب ممكن أسألك سؤال؟ فهد: إنتي تعملي اللي انتي عايزاه يا قلبي. زهرة: فهد هو إنت حبتني إزاي.... يعني شوفتني فين كده يعني؟ فهد: دي قصة طويلة أوي........ بصي يا ستي. Flash back من سنتين.

زهرة كانت ماشية في الطريق. لقيت طفل قاعد يعيط. ميلت عليه وقعدت على رجلها عشان تبقى في مستواه. زهرة بطفولة وابتسامة: الجميل بيعيط ليه بقى؟ الطفل ببكاء: ماما كانت مدياني فلوس أجيب لها طلب وأنا وقعت الفلوس. أكيد ماما هتضربني دلوقتي. زهرة: طب إنت ضيعتها بقصد ولا من غير قصد؟ الطفل: ضيعتها من غير ما أقصد. زهرة: طب ما تقولها إنك مكنتش تقصد. الطفل: هي مش هتصدقني. زهرة: وإنت كان معاك كام؟ الطفل: كان معايا 50 جنيه.

زهرة فتحت شنطتها وطلعت 50 جنيه وادتهالوا. الطفل: بس ماما قالت لي مش آخد فلوس من حد. زهرة: خلاص إنت استلفهم وبعد كده حوش ورجعهم لي. الطفل: بس أنا مش هشوفك. زهرة: ومين قال كده؟ أنا أكيد هشوفك تاني. الطفل: خلاص ماشي أنا صدقتك. وادته الفلوس ومسحتله دموعه. زهرة: يلا كده خليك بطل. هو في راجل بيعيط؟ فيه حاجة تانية؟ الطفل: إيه هي؟ زهرة: غمض عينيك في الأول. غمض عينيه وزهرة فتحت شنطتها وطلعت منها شوكولاتة. زهرة: فتح عينيك.

فتح عينيه. زهرة: ودي أحلى شوكولاتة لأحلى بطل. عطته الشوكولاتة وأخدها. وجت تقوم راح الطفل مسك إيدها وشاورلها بإيده إنها تنزل. راحت نزلت من تاني وشاورلها إنها تقرب. قربت منوراح باسها في خده. راحت زهرة اتصدمت من العمل. زهرة: بس كده الخد التاني هيزعل. وراحت شاورتله على خدها التاني. راح باسه في خدها التاني. زهرة: متعرفناش اسمك إيه بقى؟ الطفل: اسمي عمرو. وإنتي اسمك إيه؟ زهرة: أنا بقى اسمي الزهراء وبيقولولي زهرة.

الطفل: اسمك حلو أوي يا زهرة. زهرة: شكراً. طب مش تروح عشان إنت اتأخرت وأكيد مامتك قلقت عليك. تعالى أنا أوصلك. واخدت الطفل وراحوا. وده كله وفهد متابعهم. زهرة مشيت. فهد في حد اتصل عليه. فهد: ألغي كل الاجتماعات النهاردة. وقفل.

فهد تتبع زهرة حتى وصلت إلى دار الأيتام ودخلت. وأول ما دخلت الأطفال كلهم جريوا عليها حضنوها. زهرة بتبص لقيت طفل واقف بعيد. زهرة وزعت شوكولاتة للأطفال وراحت عند ذلك الطفل الذي يقف بعيد ومدت إيدها بشوكولاتة. يزن: أنا زعلان منك. متكلمنيش. زهرة: ليه بقى؟ هو أنا أقدر على زعل يزن بيه؟ طب هو إيه اللي مزعلك مني؟ يزن: عشان إنتي بقالك كتير مجتيش وشوفتيني. زهرة: والله يقلبي ما كان قصدي. وبعدين هو أنا أقدر إني أبعد عن قمري؟

يزن: وأنا مش مسامحك. زهرة: وإيه يخلي يزن باشا يسامحني؟ يزن بتفكير: اممممم عايز بوسة. زهرة بصدمة من جرأة هذا الطفل. زهرة: بس كده أهو. وباسته في خده. يزن: خلاص كده أبقى أفكر أسامحك. زهرة: والله؟ طب تعالى هنا. وقعت تزغزغه. زهرة: تفكر تسامحني؟ ماشي يا أستاذ يزن. وقعدت تلعب معاهم وده تحت أنظار فهد. يزن شاف فهد بيبص على زهرة. يزن نده على زهرة. يزن: بصي عمو ده بيبص عليكي.

وأشار إلى فهد. زهرة بتبص على المكان مش بتلاقي حد. فهد اتخبى ورا الحيطة عشان متشوفوش. زهرة بصت على الساعة. زهرة: أنا كده اتأخرت. الأطفال: خليكي معانا شوية أرجوكي. زهرة: والله هجيلكم تاني بس أنا اتأخرت، يرضيكوا يعني؟ الأطفال: لا مش يرضينا بس تعالي بسرعة. زهرة: حاضر من عيوني. زهرة حضنتهم ومشيت. وفهد مشي هو كمان. فهد: شكلها غيرتهم. لأ بس كلهم زي بعض. خاينين. بس إنت شفتها. back

فهد: يوميها كانت أول مرة أشوفك فيها. شدّتني ببراءتك وطفولتك وطيبتك. وكان كل يوم حبي ليكي يزيد لحد ما بقيتي إدماني. زهرة: ياااااه... إنت تعرفني من سنتين....... بس ليه مظهرتش قدامي؟ فهد: كنت عايز أعرف عنك أكتر.... وأدخل حياتك بطبيعية. زهرة: بس إنت متجوزتنيش بطبيعية.

فهد: عشان جدي وبابا كانوا عايزين يجوزوني لجاسمين بنت خالتي. هي أصلاً طول عمرها عايشة بره بس هما كانوا عارفين إنها بتحبني. فعشان كده اختاروها هي. بس أنا اخترتك إنتي. زهرة: فهد هو إحنا مش هنروح؟ فهد: ليه؟ ..... هو المكان معجبكيش؟ زهرة: لأ بالعكس المكان حلو أوي بس أنا عايزة أشوف جاسمين دي. فهد: ليه بقى؟ زهرة: عشان أعرف أنا أحلى ولا هي.

فهد: هو من حيث الحلاوة فإنتي أحلى طبعاً. إنتي أحلى واحدة شوفتها في حياتي. بس هنا مش بالحلاوة. أنا حبيتك إنتي عشان كده اخترتك إنتي. زهرة: بس أنا فيه بنات أحلى مني. فهد: أنا عيني مش بتشوف غيرك إنتي وبس. ثم زي ما قولتلك هو مش بالحلاوة. أنا حبيتك إنتي عشان كده اخترتك إنتي. زهرة: يعني إحنا هنروح إمتى؟ فهد: إنتي عايزة تروحي إمتى؟ زهرة: اللي إنت عايزه. فهد: خلاص يبقى نمشي بكرة. زهرة: تمام. فهد: خلصتي أسئلة؟

على فكرة ده مكنش سؤال. زهرة: إنت زهقت مني؟ فهد: أنا مستحيل أزهق منك. زهرة: طب أهو آخر سؤال. فهد: آه قولي. زهرة: هو أنا ممكن أروح الكلية؟