رواية زواج اطفال "لين وزين" للكاتبة الصغيرة الفصل الرابع 4 - بقلم الكاتبة الصغيرة

اروى: أنا عايزة أروح عند ماما. يلهوي! أي ده؟ مالك كانت إيده متعورة وبتنزف. مردش عليها وكمل القهوة اللي كان بيعملها. اروى لقت إزاز على الأرض. اروى: لما إنت مبتعرفش تعمل حاجة، داخل المطبخ ليه؟ راحت مسكت إيده. اروى: تؤ تؤ، تعالي أطهرهالك. مالك سحب إيده منها. اروى: هو في إيه؟ أنا بكلمك، مش هموت عليك يعني عشان تتجاهلني كده؟ مالك مسكها من فكها. مالك: صوتك ميعلاش تاني، وملكيش دعوة بيا. وامك مانتيش راحة لها، فاهمة!

اروى زقت إيده. اروى: لا مش فاهمة. إنت متقدرش تمنعني عنها. مالك: أنا كلمتي تتسمع. ولغاية دلوقتي مكلمتكيش ولا عملت لك حاجة، فاتقي شرّي أحسن. اروى: أنا زهقت بقى. ابعد عني وسيبني في حالي. مالك خد القهوة وخرج، وهي فضلت تعيط. بعد شوية الجرس رن. خرج فتح ودخل عندها المطبخ. مالك: إنتي لسه قاعدة تعيطي كده؟ دموعك هتخلص بدري. سيبى شوية لبعدين. خدي دي هدوم ليكي بدل ما إنتي لابسة هدومي. اروى حست بإحراج.

اروى: أنا مش عاوزة منك حاجة. قولي حقهم كام؟ مالك ضحك ضحكة رجولية جذابة. مالك: هتدفعي حقهم، متقلقيش. اروى في نفسها: مش وقت ضحك بقى. ده عنده غمازة، يا عيني! أي ده؟ استغفر الله العظيم. أنا بقول إيه؟ مالك خرج، وهي كانت عاوزة تنام وهو قاعد في الصالة. خرجت قعدت على الكنبة وهو كان قاعد يعمل شاش على إيده. فضل قاعد على التليفون وهي نعسانة خالص. آخر ما زهقت قامت نايمة مكانها، وهو قام عشان ينام. تاني يوم.

لين: خالك جاي انهارده يا همس. همس: بجد والله؟ لين: آه، لسه مكلمني. همس: ماشي. أنا هروح إذاكر شوية عشان لما يجوا أقعد معاهم. عند زين في الشركة. زين: أنا مروح عشان خالك جاي. خلص وتعالى، بس متتأخرش. سليم: حاضر يا بابا. هو مالك مش هيجي يسلم عليه؟ زين: ابقي كلمه. سليم: ماشي. مالك: أي؟ سليم: لسه زعلانة مني؟ مالك: عايز إيه؟ اخلص.

سليم: خلاص بقى يا مالك. مانا اتأسفت. على العموم، خالك جاي دلوقتي ولازم تيجي تسلم عليه. وجيب اروى تغير جو. مالك: هشوف. سليم: رخـ... قصدي ماشي، ماشي يا خويا. مالك: اخـ... سليم: سلام. مالك رجع من الشغل. اروى كانت قاعدة عند الشباك زي كل يوم. مالك: قومي البسي. اروى: هنروح فين؟ مالك: عندنا. اروى: يسلام! اشمعنى عندكوا؟ وبقولك أشوف ماما مش راضي. روح إنت مش جاية. مالك: اخلصي. ربع ساعة وتكوني جاهزة. وقعد على الكرسي.

اروى دخلت غصب عنها، لبست دريس بيبي بلو وحجاب أبيض، وكانت جميلة جداً. مالك خدها ومشوا. لقاهم موجودين كلهم. لين: دي اروى مرات مالك. حمادة: إيه ده؟ اتجوزت من ورايا! زين: جت بسرعة بقى. نعمل فرح قريب إن شاء الله. لين: ودي ميرنا الصغيرة، ودي لارا الكبيرة. اروى: أهلاً بيكم. سلمت عليهم وعلى مامتهم. وراحت قعدت جنب مالك. همس كانت قاعدة تتكلم معاهم، وخدت لارا وراحوا الجاردن. حمادة: أمّال سليم فين؟ لين: زمانه جاي.

سليم: أنا جيت. واحشني يا خالو. حمادة: حبيبي، إنت أكتر. لين: همس برا مع البنات. ناديهم لغاية ما أحضر الغدا. سليم خرج. سليم: همس، كلمي ماما. همس دخلت. وميرنا راحت عنده. ميرنا: ازيك؟ سليم: ازيك يا صغنن؟ اسمك إيه؟ ميرنا: اسمي ميرنا، وأختي لارا. (لا، كانت مدياهم ضهرها) سليم: آه، اللي هناك دي. ميرنا: آه. وانت اسمك إيه؟ سليم: اسمي سليم. حلو. ميرنا: جميل. تعالي أعرفك عليها. شدته من إيده وراحت. لارا لفت وشها. سليم: إنتي لارا؟

لارا اتخضت: إنت؟ ميرنا: هو انتوا تعرفوا بعض؟ سليم: لا. لارا سكتت، بس سليم مدلها إيده. سليم: أنا سليم. لارا: وأنا لارا. سليم: اتشرفت بيكي. همس: يلا يجماعة الغدا. دخلوا وخلصوا غدا. مالك: يلا. اروى قامت: ماشي. لين: ما تخليكوا شوية. مالك: معلش يا ماما عشان تعبان من الشغل. مرات حمادة: إنتوا متجوزين جديد ولا من كام شهر؟ مالك: جديد. مرات حمادة: امم. بس واضح إن كان بسرعة فعلاً. شكلكوا مش واخدين على بعض. مالك عرف إنها حرباية.

مالك: لأ، أبداً. وحط إيده على وسط اروى وضمها ليه. هي اتخضت. مالك: مش شرط يعني يا مرات خالي أفضل أحضن يعني قدامكم. ما إحنا لينا بيت. وبص لاروى بابتسامة. مالك: مش صح، ولا إيه؟ اروى اتكسفت وبصت في الأرض. مرات حمادة: آه طبعاً. ربنا يخليكم لبعض. مالك: يلا يا ماما. مش عاوزة حاجة؟ لين: سلامتك يا روحي. مسك إيدها ومشوا لغاية العربية وسابها. ركبت من غير كلام، وهو كده. لقيته غير الطريق وراح عند مامتها. فرحت أوي.

وبصتله وهي مبسوطة. اروى: هو أنا هروح لماما؟ مالك: اممم. وقف العربية. مالك: متتأخريش. اروى نزلت: حاضر. جميلة: إنتي أي اللي جايبك هنا بعد ما عملتي عملتك السودة؟ اروى: يا ماما اسمعيني بس عشان خاطري. جميلة: مش عاوزة أسمع. مش كفاية تعبي عليكي بعد ما أبوكي سابك ومشي، وفي الآخر طلعتي شبهه. امشي روحي له. اروى بدموع: يا ماما أنا مليش غيرك. ووالله غصب عني والله. بس اسمعيني.

جميلة: مش عايزة أسمع منك حاجة. يخسارة تربيتي فيكي. أنا أي اللي خلاني أجيبك، يشيخة؟ ياريتني ما كنت اتجوزت ولا اتنيلت. اروى: يا ماما، هو متجوزني عشان ينتقم من بابا. هتبقوا كلكم عليا. حرام عليكي. جميلة: ده مش مبرر إنك تعملي حاجة من ورايا. امشي من هنا ومش عايزة أشوف وشك تاني. وقفت الباب. اروى فضلت تعيط، وبعدين مسحت دموعها وخرجت. ركبت، وهو بص لها لقاها معيطة. وصلوا البيت، وهوا فضل برا لغاية ما غيرت وخرجت تنام.

حمادة: يلا يا لين. ابقوا تعالوا المرة الجاية إنتوا بقى. لين: ما إنتوا قاعدين شوية. حمادة: معلش، عشان عندي بكرة شغل ولسه هقدم ورق لارا في الجامعة وكده. لين: ربنا معاك. مشوا وسليم راح عند همس. همس: نعم؟ سليم: لأ، مفيش حاجة. همس: أمال جاي لي؟ سليم: يعني كنت من الآخر كده، هي لارا قد إيه؟ همس: آآآه، إنت لحقت؟ سليم: جاوبي بقى. همس: عندها عشرين. سليم: امم. قدّي يعني؟ همس: لي؟ سليم: مفيش. بنت خالي وبسأل عنها.

همس: صدقتك أنا كده؟ صح؟ سليم: أنا رايح أنام. ده إنتي لكاكة. همس: أنا برضو؟ سليم فضل يفكر فيها. مالك دخل أوضته، غير ونام. وصحى بدري تاني يوم. مالك: يلا. إنتي جاية معايا الشغل. اروى: ليه؟ مالك: يلا. اروى لبست وراحت معاه. خدها ودخل الزنزانة. وائل لما شافها ابتسم. وائل: ازيك يا اروى؟ مالك: مش هتسلمي على أبوكي؟ اروى: مش عايزة أسلم على حد. إنت جايبني هنا عشان تكسرني؟ وامبارح ودّيتني عند أمي عشان كده.

مالك: تؤ. متقوليش كده. أنا مش قصدي حاجة. اروى: إنت بتعمل كده لي؟ ها؟ وائل: متقلقيش. أنا مش هخليه يلمس شعرة منك يا حبيبتي. أنا بابا يا اروى. مالك ضحك بصوت. مالك: وهتعملها إزاي دي؟ هتمنعني عن مراتي؟ وائل: مراتك!! مالك: اممم. مش صح يا رورو؟ اروى بصت له بغضب. وائل: هاخد حقك يا قلب بابا.

اروى بعياط: بس بقى. بس. كل شوية بابا بابا. أنا معنديش أب. أبويا مات من زمان لما سابني وهرب. وكل ده مفكراه ميت. لما بسببك اتجوزت حد غصب عني، ويعاملني بأسلوب وحش. لما أمي تطردني وتقولي مش عايزة أعرفك تاني. كل ده بسببك إنت. أنا مش مسامحاك. وائل: أنا آسف. آسف والله. وهعوضك عن كل ده. بس اخرج من هنا. اروى: هتغير إيه يعني؟ وبصت لمالك. اروى: وإنت مش ده اللي كنت عايزه؟

مالك: إنتي لسه مشوفتيش حاجة. أنا هندمك وهحرق قلبك زي ما عملت من سنين مع أمي. وائل: طب هي ذنبها إيه؟ مالك بعصبية: وأخويا كان ذنبه إيه؟ راح شدها من إيده. مالك: يلا. اروى: ابعد. أنا همشي لوحدي. مالك: بقولك يلا. وشدها جامد. اروى: آه. وائل كان قاعد وقلبه بيوجعه عليها. معرفش جاب الحنية دي منين. مالك: اركبي. وساق العربية ومشي. لين كانت قاعدة زعلانة. زين: ادعيله يا لين.

لين: بدعيله كل يوم وكل وقت والله. زمان مالك حالته إيه دلوقتي؟ زين: ربنا يهديه يا رب ويصبره. واروى تقدر تنسيه شوية. لين: يارب يارب. حالته كانت بتحسسني إن مازن لسه ميت حالا. زين: ربنا يكون في عونه. لين: يارب. اروى دخلت قعدت في الصالة. وهو دخل أوضته. شوية وفضل يكسر في كل حاجة. اروى اتخضت ودخلت عنده. اروى: في إيه؟ مالك: أخويا مات. أخوياااا ماااات. وفضل يكسر في كل حاجة ع التسريحة. اروى: اهدي بس. أخوك مين؟ سليم كويس.

مالك: اطلعي برا. اروى: حاضر. هطلع بس اهدي. مالك قعد ع السرير وحط وشه بين إيده. مالك: ليه كده يا مازن؟ سبتني ومشيت ليه؟ اروى: كل حاجة بسبب أبوكي. بسببه هو وبس. وخبط إيده في المراية كسرها. قامت شاهقة جامد. اروى: حاسب إيدك. مالك كانت دموعه هتنزل. مالك: وحشني أوي. قعد ع الأرض وركن ع السرير وقال بضعف: وحشني أوي يا اروى. كان زمانه جنبي دلوقتي بيشاركني كل حاجة. نفسي يرجع لو يوم واحد. وأنا معدتش هتخانق معاه على حاجة تاني.

اروى غصب عنها عطفت على حالته دي، وفهمت إن أكيد دي الذكرى بتاع وفاته. راحت جنبه. اروى: هو أكيد في مكان أحسن. وزمانه سامعك دلوقتي وحاسس بيك. مالك: وحشني أوي. نفسي أرجع أسمع صوته تاني. وهنا دموعه نزلت. اروى أول مرة تشوفه كده. اروى: خلاص يا مالك. متعملش في نفسك كدا. ادعيله. مالك كان ساكت وبس. حطت إيدها على إيده. اروى: قوم صلي وادعيله.

مالك قام عشان يتوضى، وهي نضفت المكان ولمت الإزاز وجابت علبة إسعاف ولفّت إيده. وهو كان ساكت وبس. اروى خرجت. اروى: تصبح على خير. سليم: همس. همس: إيه؟ سليم: هو ممكن الواحد يعجب بحد من أول نظرة؟ همس: آه. ليه لأ؟ سليم: أنا معجب ببنت. همس: أيوه يجامد! مين هي؟ سليم: مش هقولك. هتروحي تقولي لماما؟ همس: مش هقول والله. سليم: لارا. همس: إنت لحقت؟ دي كانت لسه عندنا امبارح. سليم: أنا شفتها قبل كده. همس: إزاي؟

سليم حكى لها ع الموقف. همس: أي يا ضنا الشهامة دي؟ سليم: بطلي رخامة بقى. همس: خلصانة. هقول لماما تظبط معاها. سليم: يخربيتك. أنا غلطان إني قولتلك. همس: هخليها تخطبها لك. سليم: بجد؟ همس: آه والله. عشان تعرف إن بحبك. سليم حضنها. سليم: أنا أكتر يا هموسة. همس: أوعى بقى. أنت هتصاحبني؟ سليم: هبلة. زين: لين. لين: نعم. زين: هو إنتي مش هتشرحيلي الدرس بقا؟ لين ضحكت: يا عيني! إنت لسه فاكر؟

زين: عمري ما أنسى أي حاجة لينا يا حبيبتي. لين: حبيبي. ربنا يخليك ليا. زين: طب يلا بقى. لين: يلا إيه؟ زين: اشرحيلي الدرس. لين ضحكت بصوت عالي. لين: بس بقى يا زين. سليم كان معدي من جنب أوضتهم. خبط ع الباب. سليم: العب! زين: يلا يا ابن... سليم ضحك: حبيبي يا بابا. لين: عبيط. راح أوضته يفكر في لارا. اروى صحت بليل تشوف مالك. دخلت لقيته نايم. اروى: هو أي الكائن اللي بينام من غير تيشرتات ده؟ الجو تلج. مالك: ملكيش دعوة.

اروى اتخضت وجت تمشي. مسك إيدها وهو لسه نايم. مالك: كنتي عايزة إيه؟ اروى: م. مفيش. كنت بشوفك بس، لتكون محتاج حاجة. مالك: اممم. الجو برد مش كده؟ اروى: آه، جداً. مالك: تعالي وأنا أدفيـ... وشد إيدها. اروى بتشد إيدها منه بخوف. اروى: لأ، شكراً. ابعد. ابعددد. مالك كان نايم على بطنه. اتعدل. مالك: العفو. وقام شدها جامد، وقعت على السرير جنبه. اروى برقت: إنت عايز إيه؟ مالك: مفيش. نامي إنتي مش سقعانة؟ نامي.

اروى بتبعد عشان تنزل من ع السرير. اروى: لأ، مش سقعانة. ده الجو ربيع والدنيا بديع خالص. مالك شدها. مالك: راحة فين بس؟ تعالي نامي. اروى: يعم، وإنت مالك؟ مش عايزة أنام. إنت تصرفاتك غريبة كده ليه؟ إنت سخن. مالك: اممم. وشدها في حضنه ونام. اروى اتنفضت من مكانها. اروى: يلهوي! ابعد. ابعددد يا مالك. حرام كده. مالك: هو أنا شاقطك؟ إنتي مراتي. اروى: لأ، أنا مش مرات حد. ابعد بقى. وفضلت تتلوى بين إيده. معرفتش تقوم.

مالك: نامي بقى وبطلي حركة. اروى: يارب استرها معايا. أنا هبلة. هو جراله إيه ده؟ الصبح طلع. مالك صحى. مالك: إنتي يا زفتة. إيه اللي منيمك هنا؟ اروى صحت: في إيه؟ إنت اللي فضلت مكتفني عشان أنام هنا. مالك: إنتي هتستعبطي؟ بقولك إيه. شغل التلزيق ده مش عليا. اروى: تلزيق إيه يا بتاع أنت؟ من جمالك يعني؟ جتك القرف. مالك: اتلمي. اروى: إنت عندك انفصام في الشخصية باين عليك. مالك قام من على السرير.

مالك: ابقي أشوفك قريبة مني تاني. إنتي حرة. اروى: أي الجنان ده؟ دخل الحمام وابتسم. مالك: إنتي لسه شفتي جنان.