رواية زواج بالاتفاق الفصل الثاني والثلاثون 32 - بقلم مروة موسى

هما في الأوضة كلهم سمعوا صوت صريخ بالوجع. فهد وسيدرا وندى جريوا برا يشوفوا حصل إيه، لقوا جويرية بتولد ومصطفى بيجري بيها. الجد موسى: أنا كلمت دكتور تحت وشكلها هتبقى ولادة. مصطفى: ربنا يستر لحسن هي تعبانة. جويرية بدموع من الوجع: لو حصل ليا حاجة خالي بالك من الطفل. فهد: جويرية أنتِ هتبقي بخير متقلقيش، اذكري بس ربنا دايماً طول ما أنتِ جوا. سيدرا: أنا هروح أنا وفهد ومروة نجيب الهدوم من البيت.

مصطفى: الشنطة جاهزة بالهدوم ومروة عارفة مكانها. جويرية دخلت العمليات تولد. وفهد وسيدرا ومروة ذهبوا للبيت وأتوا بالشنطة. ندى تذكرت إبراهيم فقررت الاتصال به. ندى بخوف وتوتر: ألو. إبراهيم بشر وهدوء: مين؟ ندى: أنا ندى. إبراهيم: منا عارف صوتك باين أنك ندى. ندى: جويرية بتولد في المستشفى اللي كان فيها فهد، وفهد فاق الصبح من الغيبوبة وبقى كويس. إبراهيم: وأنتِ بتتصلي عشان تقوليلي الكلمتين دول ولا عشان تسمعي صوتي؟

ندى بتوتر: وأنا أسمع صوتك ليه؟ إبراهيم: عشان وحشتك مثلاً. ندى: على فكرة أنا غلطانة ومع السلامة. وأغلقت الخط. إبراهيم في نفسه: مشكلتك إني معرفتش أكشفك وأعرف إنك تبع فهد، لكن عيونك فضحاكي بخوفك واهتمامك بيا وخصوصاً لما كنت بنام وأصحى في نص الليل ألاقيكي ماسكة إيدي كأم مطمنة بوجود ابنها في حضنها، بس والله لأندمك على كل حاجة غفلتيني بيها. جويرية ولدت والممرضات خرجت. مصطفى: هي كويسة؟

إحدى الممرضات: جابت بنوتة زي القمر ما شاء الله. مصطفى بخوف: أنا بسألك على المدام، هي كويسة؟ الممرضة: أيوه هي بخير وهتنزل أوضة عادية بعد فترة. الكل بارك لمصطفى. فهد: الله دا أنا بقيت خال. الجد بمكر شديد: عقبال ما تبقى أب. فهد نظر لسيدرا وقال: يارب. مروان: يلا ننزل لجويرية. الكل نزل تحت. ندى: ما شاء الله تبارك الرحمن، عسولة زيي. سيدرا: إشمعنى زيك؟ ما أنا كمان حلوة. مروة: والله وإشمعنى بقى متكونش زي عمتها؟

مصطفى بحب: وليه متكونش زي جويرية وهي كل حاجة حلوة؟ مروة: الله الله دا إحنا نسكت قدام كلامك دا. تعرفي يا جويرية أول حاجة مصطفى سأل عليها مش بنته، سأل عليكي انتِ. جويرية بحب وهي تنظر لمصطفى: عاوزة أقولك حاجة يا مروة، لو ناوية تحبي وتتحبي.. اختاري صح. اختاري الراجل اللي معندوش مانع إنه يتجنن علشان يفرحك.. يخطف قلبك بمفاجأة ويكسبك إن شاء الله بوردة.. تفتحي عيونك على كلمة حلوة يقولها لك.. وميهونش عليه تنامي زعلانة.

اختاري اللي يستحملك وقت نرفزتك.. وتعبك.. لو شافك مخنوقة يقدر يريحك.. يشيل عنك.. حتى لو معملش حاجة غير إنه يسمعك.. ويحضنك وهو ساكت.. يستحملك في كل حالاتك من غير ما يشتكي.. وخصوصاً الكام يوم اللي مشاعرك بتتلخبط فيهم كل شهر.

اختاري اللي بيعمل كل حاجة علشانك.. بيحارب الدنيا علشان يجيبلك شقة يتقفل بابها عليكم.. إن شاء الله تكون أوضة وصالة.. الراجل اللي بيطلع عينه علشان يتجوزك.. مش اللي أبوه جايبله شقة وأمه جايباله الشبكة.. ده اللي تتسندي عليه. اختاري اللي خايف عليكي.. اللي مبيعملش حاجة من ورا أهلك.. اللي بيحب مامتك وبيحترم باباكي.. اللي شايفك غالية وليكي تمن.. اللي عايز يدخل بيتك من بابه.. مش الحرامي اللي بينط من الشباك.

اختاري اللي بيساعدك تنجحي.. مش بيكسر مقاديفك.. اللي بيحترم أحلامك وبيسندك لحد ما توصليلها.. اللي واقف جنبك وفي ضهرك. اختاري اللي بيحبك زي ما أنتِ.. لو رفيعة بيحبك.. ولو تخينة وبكرش بيحبك.. لو لابسة فستان وكلك أنوثة بيحبك.. ولو مش حاطة ميك أب وشعرك منكوش برضه بيحبك.. جمالك في عيونه أبدي وشايفك أحلى بنت في الدنيا.

اختاري اللي يهتم بأصغر تفاصيلك.. ينزل معاكي وأنتِ بتنقي لبس من غير ما يزهق.. يلف معاكي على محلات وسط البلد كلها لحد ما تلاقي شوز على مقاسك.. ياخد باله من الكحل اللي في عينك.. والمونيكير اللي في إيديكي.. والروج اللي في شفايفك.. وكأنك بنته مفيش مانع يسرحلك شعرك. اختاري الراجل اللي يستاهل إنك تسيبي بيت باباكي وحضن مامتك علشانه.. اختاري صح. مصطفى مسك إيديها وباسها.

موسى الجد: مبروك يا ولاد، إن شاء الله نسمي البنت آية عشان هي آية من ربنا. الكل وافق على اختيار الجد. آخر اليوم كلهم روحوا لبيوتهم. فهد داخل البيت عينه على إبراهيم بيدور عليه، لكن ملقاهوش، طلع على غرفته وسيدرا معاه. فهد: آه الواحد حاسس إنه شبه مشلول. سيدرا وهي جنبه: بعد الشر عنك. فهد: كنتي خايفة عليا صح؟ سيدرا: كنت هموت وأشوفك قايم واقف قدامي يا فهد، تعرفي حتى بقيت أقول يقوم لو عاوز يتعصب عليا أنا موافق.

فهد حط إيده على وشها: لو كنت زعلتك سامحيني. سيدرا وهي بتمسك إيده: وأنا لو كنت ضايقتك متزعليش مني. فهد: هش... عاوزين نبدأ حياتنا من الأول تاني. سيدرا: مش هتبعد تاني؟ فهد: مبعتش أول مرة غير بطلبك وكان على عيني. سيدرا حضنت فهد وفهد شدد على حضنها وفضلوا وقت كبير كدا. وبعدين كل واحد دخل غير هدومه وناموا. جويرية: شكراً. مصطفى: على إيه؟ جويرية: على وجودك في حياتي وإنك بتحبني.

مصطفى: أنا بحبك من قبل ما أشوفك من كلام فهد عليكي. جويرية: يارب أشوف فهد ومروان وإبراهيم يبقوا آباء زيك. إبراهيم اتصل على نفس الرقم اللي ندى اتصلت بيه. إبراهيم: ألو. ندى بنوم: ألو. إبراهيم: أنتِ فين؟ ندى بنعاس: في البيت عندي شارع *****. إبراهيم بخبث: تمام. وأغلق الخط. وندى بدون وعي نامت تاني ومخدتش بالها من إنها بتكلم إبراهيم وخد عنوانها. إبراهيم طلع الشقة ورن الجرس. ندى بنعاس: مين؟ إبراهيم: أنا.

ندى باستغراب: إبراهيم؟! وحالاً؟! إبراهيم: افتحي. ندى وراء الباب: عاوز إيه؟ إبراهيم: افتحي الأول. ندى: لأ وقول عاوز إيه لإما مش هفتح. إبراهيم زق الباب بقوة واتكسر، دخل لقاها ومسك ندى من شعرها وكانت لسه هتصوت خدرها بمنديل. الصبح الكل صحي. فهد فاق لقى سيدرا صاحية جنبه ومركزة معاه. فهد: صحيتي بدري ليه؟ سيدرا: مش عارفة بس كل اللي أعرفه إني عاوزة أبقى جنبك فهد، ممكن تكمل معايا لآخر المشوار في الحياة؟

فهد باس جبهتها وقال لها: هرجع وأقولك طول ما ربنا مديني عمر هبقى ليكي وجنبك يا سيدرا، يلا عشان ننزل بصراحة اتأخرنا وأنا طول الليل نايم محستش بحاجة من التعب. الجد تحت على الأكل: الأسبوع دا هيكون جواز مروان ومروة، مش عاوزين نطول أكتر من كدا. فهد: صح يا حج. مروان بفرحة: يالهوووي الحقوني دا هيجوزوني. الكل ضحك ومروان فطر وقام يعرف مروة. الجد: حد شاف إبراهيم؟ أحد الخدم: من امبارح بالليل خرج مرجعش.

فهد: معرفش هتبقى مقابلتنا إزاي خصوصاً إنه لازم يتحكم عليه. الجد: متقلقش أنا هروح أعرف مصطفى على ميعاد الفرح. ندى بدأت تفوق لقت نفسها مرمية على الأرض في بيت قديم وحواليها رجالة كتير وسمعت صوت...