رواية زواج بالغصب الفصل الثالث 3 - بقلم الكاتبة الصغيرة نور

في الصباح، استيقظت نور وجهزت الفطار. سمعت منبه محمد يرن، مما أيقظها. نور: مش كان عنده محاضرة بدري؟ هروح أصحيه. ودخلت أوضته، ووجدته غارقًا في أحلامه. فصلت المنبه وكشفت الغطاء، لتنصدم بذاك النائم عاري الصدر. بدأت توقظه بحرج. نور وهي تهزه: محمد قوم بقا، عندك محاضرة. لم تشعر بذاك الذي شدها لحضنه. محمد بنوم: حتى ف الحلم مش عاوزة تسيبيني في حالي. نور بضحك: دا انت تعبان خالص يعنى. محمد بنوم: كله منك. نور: طب ابعد وقوم بقا.

محمد: خليكي ف حضني شوية، هو لا هيبقا ف الحقيقة ولا حتى ف الحلم. نور بضحك بصوت عالي: طب قوم بقا، والله حقيقة. محمد وقد فاق: أنا آسف. انتي أي اللي جابك هنا؟ نور بضحك: كنت جايه أصحيك للمحاضرة. محمد: طب وايه اللي نيمك جمبي؟ نور: واحد كدا شدني وقعد يقولي خليكي ف حضني. محمد بحرج: أنا آسف، مكنتش داري بنفسي. نور: مفيش حاجة حصلت، بس ابقا البس هدومك وانت نايم. محمد: مبعرفش أنام غير وأنا خالع التيشيرت.

نور: طب يلا البس عشان نفطر عشان منتأخرش ع المحاضرة. محمد: حاضر. وفطروا ونزلوا السلم. محمد: سلمي ع ماما وعبير وحاولي تنسي تصرفاتهم عشان خاطري. نور بهدوء: حاضر عشان خاطرك انت بس. محمد بحب: ربنا يخليكي ليا يارب. دخلو عند فريدة وعبير. نور: صباح الخير. فريدة: صباح النور يا حبيبتي. رايحة فين كدا؟ نور: رايحة الكلية. عبير: وهو في عروسة تاني يوم فرحها تخرج؟ الناس تقول علينا ايه؟ محمد: انتي مالك انتي؟

مراتي وأنا اللي قولتلها هنروح. بتحشري نفسك ليه؟ فريدة: يا حبيبي اختك متقصدش. محمد: نور مراتي وأنا اللي أقول تروح ولا متروحش. وكمان أنا رايح معاها. فريدة: خلاص يا حبيبي اللي تشوفه. محمد أخد نور ومشي. وعبير بحقد: انتي هتسكتيلها ولا إيه؟ شايفاكي بتعامليها كويس يعني. فريدة بخبث: اصبري انتي بس، أما أخوكي ميكنش هنا عشان انتي عارفة هو متعلق بيها إزاي. وأنا هكسرلها مناخيرها اللي رافعاها لنا ف السما دي.

عبير: أنا مش عارفة البت دي عملالوا إيه ولا إيه. عند محمد ونور، ركبوا ووصلوا الجامعة. محمد: خلي بالك من نفسك، وأنا هرن عليكي أما أخلص عشان نروح مع بعض. نور: ماشي. وكل واحد راح كليته. إيمان، صاحبة نور، احتضنتها. إيمان: ألف مبروك يا عروسة. نور: وحشتيني الأسبوع دا والله. إيمان بغمزة: بس هو الجواز بالغصب بينور الوش كدا؟ نور: الهي يجي فيكي اللي فيا يا بعيدة. إيمان: امال العريس فين؟ عاوزة أشوفه. معاكي صورة ليه؟

نور: لا مش معايا. إيمان: بقا فيه واحدة معاهاش صورة لجوزها يا ناس. نور: أنا يا ستي. انجري يلا ع المحاضرة. في المحاضرة، صحاب نور باركولها. نور لإيمان: هي الناس دي كلها عرفت منين يا إيمي؟ إيمان بحرج: احم، أنا اللي قولتلهم. نور: امال لو مكنش موصياكي متقوليش لحد منك لله. إيمان: الاه، مش بنفرحلك. الدكتورة دخلت وبدأت المحاضرة. عند محمد، صاحبه عمر قال له: يا عريس، يا عريس، يبختك يا عم. محمد بضحك: عقبالك يا اسطى.

جاءت فتاة عليهم بمياعة. سهيلة بمياعة: ألف مبروك يا محمد. مش تعزمنا؟ محمد: معلش يا سهيلة، كل حاجة جت بسرعة. سهيلة: ويا ترى حلوة بقا؟ محمد بابتسامة: ملاك. سهيلة مشيت بغيظ. عمر بضحك: هو إذا ذكرت الملائكة ذهبت الشياطين، ولا إيه؟ وضحكوا الاثنين ودخلوا المحاضرة. بعد انتهاء المحاضرات، قال عمر: في رحلة يا ولاد الجامعة مطلعانا معسكر أسبوع. ومش كلية طب بس، في كليات كمان معانا. محمد: كليات إيه؟ عمر بضحك: هي جاية، متقلقش.

محمد بضحك: متأكد؟ عمر: اه، طب وأسنان وصيدلة وعلوم، يا بتاع علوم. محمد بضحك: اهم حاجة علوم. سهيلة: واو، دا هيبقا أسبوع جميل. عمر في سره: هو هيبقا جميل فعلاً، بس لو مجتيش. محمد: طب استأذن أنا بقا. محمد مشي ورن ع نور كتير، مش بترد. رن تاني، ردت إيمان. محمد: ألو، خلصتي يا نور؟ إيمان بحرج: أنا مش نور. محمد بخوف: امال نور فين؟ إيمان: نور بس تعبانة شوية عشان حصل حاجة ف المحاضرة. محمد: طب أنا جاي حالاً. أنا قدام الكلية أهو.