رواية زواج بالمال الفصل الخامس 5 - بقلم روان عبد الله

كان الجميع يجلس في الأسفل وكانت ميار معهم. هلال: أمال فين حور؟ محمود بإستغراب: كانت هنا من شوية. ميار بسرعة: هطلع أشوفها فوق. طلعت بسرعة ليمر بعض الوقت قبل أن تصرخ صرخة عالية هزت جميع أركان المنزل. صعد الجميع بسرعة وعجل مستغربين من صرختها تلك ليجدوها أمام غرفة ماجد. آسر: في إيه؟ ميار وهي تشير للداخل: ح... و... حور. نظر بسرعة للداخل لينصدم عندما وجد حور وماجد معاً على سرير واحد وحور شبه عارية. آسر بغضب: حوووووور!

انتفض ماجد بخوف ولكن الأخرى لم تستيقظ. أمسك دلو ماء ليفرغه على وجهها لتستيقظ بضيق. حور: في إيه يا آسر؟ آسر بغضب: لا والهانم كمان مش عارفة في إيه. نظرت حولها لتجد الجميع ينظر لها بصدمة ولكنها تفاجأت عندما وجدت ماجد بجانبها عاري تمام وهي شبه عارية. حور ببكاء: في إيه أنا مش فاهمة. ماجد: مش فاهمة إيه يا حور مش انتي قولتي إنك بتحبيني ومش عاوزة آسر؟ حور بنفي: انت كداب أنا مستحيل أقول كده.

ماجد: أنا كداب واللي حصل بينا ده اسمه إيه؟ حور: مفيش حاجة حصلت بينا انت ليه بتكدب عليهم. آسر بتصفيق: فعلاً واضح إن مفيش حاجة حصلت بينكم. حور: آسر والله أنا ما عارفة حاجة. آسر: انتي اخرسي خالص فاهمة. ليكمل بصوت عالي: كله يطلع بره عاوز مراتي لوحدها. لم يذهب أحد ليكمل بصراخ: قلتلكو بره. خرج الجميع ليبقي هو وحور فقط. آسر: عاملة فيها الشريفة اللي مبضيعش فرض وفي الآخر طلعتي أوسخ خلق الله.

حور ببكاء: والله ما حصل حاجة من اللي هو قالها ده واحد كداب. آسر: فعلاً أجي ألاقي مراتي في حضن واحد تاني وأقول لأ ده كدب صح كده. حور: آسر افهمني أنا كنت مع ميار. آسر بمقاطعة: ملقتيش فايدة إنك تطلعي ماجد كداب قولتي تنقلي على ميار. كادت تتحدث ليكمل هو. آسر: مدام بتقضي مع ناس ليالي جوزك أولى بيها. حور: انت بتقول إيه. آسر: هاخد حقي الشرعي منك وبعدين أرميكي لأن ده مقامك. صفع*ته حور على وجهه بغضب.

حور: انت أقذر إنسان شفته في حياتي. غضب آسر بشدة ليقترب منها ممسك بطرف ثيابها. حور: آسر أرجوك متعملش كده أنا والله ما عملت حاجة. لم يستمع آسر لحديثها ليش*ق لها ملابسها. حور بصدمة: أبوس إيدك ابعد عني. كانت تترجاه ولاكن الآخر تملك منه الغضب بشدة لينقض عليها بعنف. في الأسفل. ميار: كده كل حاجة حصلت زي ما خططت. #فلاش باك. أدخلت ميار حور غرفة ماجد.

ميار: اخرج وأنا هخلعلها هدومها اللي فوق بحيث يبين إن حصل حاجة وانت هتنام جنبها وأنا هتكل بالباقي. ماجد: أنا خايف يحصل حاجة. ميار: متخافش كل حاجة تحت السيطرة. #باك. هلال بغضب: إيه اللي انت عملته ده يا حيوان. ماجد: هي اللي قالتلي إنها بتحبني وعاوزاني أنا مش آسر. محمود: اخرس يا كلب حور أشرف من الشرف وأنا واثق إنها مستحيل تعمل كده. ماجد: والله يا عمي أمال هيا كانت معايا إزاي. هلال: اطلع بره بيتي، إياك أشوف خلقتك تاني.

ماجد: بتطردني يا جدي عشان واحدة رخيصة. ضر*به هلال كف ليردف: قلتلك اطلع بره. نظر ماجد لميار بغضب ثم خرج. في الأعلى قام آسر من على السرير بصدمة. آسر: انتي إزاي لسه بنت أنا مش فاهم حاجة. كانت حور تبكي وهي تلف جسدها بملاءة بيضاء وتنظر له بكسرة وحزن. آسر: الكلام اللي قاله ماجد كذب طب إيه اللي حصل. حور ببكاء: اخرس أنا مش عاوزة أسمع صوتك، أنا بكرهك، عارف يعني إيه بكرهك؟ أنا كل حياتي كانت عذاب وانت كملت العذاب ده.

نظر لها بكسرة ليدخل للحمام تاركها تكمل بكائها. آسر لنفسه: غبي، أنا واحد غبي إزاي أصدق إنها تعمل كده وبدل ما أقف جنبها زودت همها ووجعها. إنما ماجد ده والله لأعرفه إزاي يتجرأ يعمل كده في حور. في الخارج حور ببكاء: حرام كده يارب، أنا عملت إيه لكل ده، أنا زهقت بجد. خرج بعد فترة ليجدها مازالت تبكي، نظر لها قليلاً ثم أكمل طريقه لأسفل. قامت هي بعد رحيله لتستحم وترتدي ثيابها. في الأسفل هلال بغضب: إيه اللي حصل يا آسر.

آسر: ماجد كداب. محمود: أنا كنت عارف. هلال: وعرفت إزاي إنه كداب؟ آسر: أنا اتأكدت بطريقتي من اللي بقوله ده. هلال: طب وماجد هيعمل كل ده إزاي؟ آسر: أكيد مكنش لوحده، أنا هعرف إيه اللي حصل بنفسي. هلال: ماشي يابني، هي حور كويسة؟ آسر: آه يا جدي كويسة، أنا هطلع لها. صعد آسر الغرفة ليجدها انتهت من أداء فرضها. آسر: عاوز أتكلم معاكي. حور: مفيش حاجة نتكلم فيها. آسر: بلاش العبط ده، أنا عاوز أعرف إيه اللي حصل.

حور: انت مكنتش مصدقني فمش مجبرة إني أبررلك. آسر بهدوء: تمام، ودلوقتي صدقتك، إيه بقا اللي حصل. حور: فعلاً صدقتني بس بعد إيه، بعد ما كسرتني، على العموم أنا طلعت أتكلم مع ميار، هو ده اللي أنا فاكراه بس. آسر: إزاي مش فاكرة. حور: معرفش، أنا فعلاً مش فاكرة. آسر لنفسه: لو ميار ليها يد في الموضوع، وربنا أمي ما هرحمها. في الأسفل كانت تتجه للمطبخ. ميار: يوه أنا حطيتها فين. كانت تبحث عن زجاجة المخدر لأنها تركتها في المطبخ.

ميار: وأخير لقتها. صوت من الخلف: إيه اللي معاكي ده؟