رواية زواج بالمال الفصل الرابع 4 - بقلم روان عبد الله

في الشرقية وتحديداً في منزل الجد هلال، كانت حور في غرفتها تضع الملابس في الخزانة. ليفتح الباب بقوة. آسر: انتي إزاي تقولي على ميار السكرتيرة بتاعتي؟ حور بقوة: هو أنا كدبت؟ مش هي فعلاً كانت السكرتيرة بتاعتك ولا نسيت؟ آسر: كان زمان. حور: اه فعلاً، بعد ما ضحكت عليك. آسر: أنا مش عيل صغير عشان حد يضحك عليا، فاهمة؟ حور بسخرية: واضح. أغاظ آسر كثيراً وكاد يرد عليها، ولكن نادته ميار ليخرج لها. فور خروجه، أخذت شقيقها وأخرجته.

حور: من النهارده هنسى حور الغلبانة خالص. زهقت وأنا بسيب حقي. جه الوقت اللي آخد حقي فيه. في صيدلية. ماجد: لو سمحت، كنت عاوز الدواء ده. الدكتور وهو ينظر للاسم: بس الدواء ده ممنوع أطلعه. أخرج ماجد بعض المال ليأخذها الطبيب بسرعة. الدكتور: لحظة، هجيبه. جلب الدواء ليأخذه ويرحل. ميار: هو إحنا هنتجوز إمتى يا آسر؟ آسر بضيق: هنتجوز يا حبيبتي، بس أخلص من الزفتة حور دي. ميار بدلع: طب أنت وحشتني. آسر: تعالي نخرج. ميار: على فين؟

آسر بخبث: أقرب أوتيل. ميار بضحك: مدام كده، يلا. كادا يخرجان ليرن هاتف ميار برقم ماجد. ميار: هرد بس وأجي. آسر: هستناكي بره. ميار: ماشي. فتحت المكالمة ليأتيها صوت ماجد. ماجد: تعالي، فيه مشكلة. ميار: مشكلة إيه دلوقتي؟ ماجد: تعالي بس، وأنتي هتفهمي. ميار بضيق: ماشي، جايه. خرجت لتجد آسر يسند ظهره على السيارة ويلعب في هاتفه. ميار: آسر، بلاش نخرج النهارده. آسر: ليه؟ فيه حاجة؟ ميار: تعبت فجأة، معلش بقى مرة تانية.

آسر: تمام يا حبيبتي، الألف سلامة. تعالي ارتاحي. صعدت معه لغرفتها ليدخلها ويخرج. قامت بسرعة لتتأكد من ابتعاده، متوجهة لغرفة ماجد. في غرفة حور، كانت ترتدي أسدال الصلاة وتؤدي صلاتها بخشوع. فتح الباب بسرعة ليجلس يتأملها وهي تصلي. آسر لنفسه: أنا إزاي بعيد عن ربنا كده؟ إزاي مسلم ومش بصلي؟ إزاي مسلم وبزني؟ قطع تفكيره عندما انتهت حور من صلاتها، ليتجه إليها. آسر بصوت واطي: ممكن تعلميني كل حاجة عن الصلاة؟ نظرت له بفرحة.

حور: أكيد طبعاً. أمسكت يده دافعة إياه للحمام. حور: اتوضى الأول. استغرب حماسها ولكنه دخل ليتوضأ بالفعل. بعد مدة ليست بقصيرة، انتهى من صلاته. آسر: أنا هنام. تصبحي على خير. حور: وأنت من أهله. كانت تتجه للسرير لتجده ينام عليه. حور: يا عم الحاج، أنا هنام هنا. آسر: ما تنامي، السرير واسع. حور: أكيد يعني مش هنام مع... لم تكمل حديثها لتجد نفسها في أحضانه. آسر: نامي، ولا هعمل حاجة مش هتعجبك.

غمز لها ليحمر وجهها خجلاً وتنام بهدوء. في غرفة ماجد. ميار: فيه إيه؟ ماجد: هتأخد الدواء ده إزاي؟ ميار: في أي كوباية عصير. ماجد: أنتي عارفة خطورة اللي بنعمله ده. ميار: أنتي عاوزة حور ولا لأ؟ ماجد: آه، أنا عاوزها. بس جدي أكيد هيتطردني من البيت لو عرف. ميار: أنتي عندك شغل وبيت، يعني مش محتاجة لجدك ده أصلاً. وبعدين متخافيش، مفيش حاجة هتحصل. ماجد: تمام.

خرجت ميار من الغرفة تنظر هنا وهناك لتتأكد من عدم وجود أي شخص، لتجري بسرعة لغرفتها. ولكن هناك من رآها. في الصباح، استيقظت حور لتجد آسر يحتضنها منذ أمس. حاولت النهوض دون إزعاجه ولكنه استيقظ بالفعل. آسر: صباح الخير. حور: صباح النور. ممكن تسبني؟ آسر: هو أنا ماسكك؟ حور: آه، أنت حضني. ضحك آسر لتفهم هي ما تفوهت به. آسر: طب هسيبك، بس عاوز مقابل. حور: إيه هو؟ آسر: بوسيني هنا. أشار على خده. حور: لا طبعاً.

آسر: تمام، شوفي بقى هتقومي إزاي. حور: هوريك. حاولت القيام ولكنه أحكم عليها ولم تستطع الإفلات. حور بتعب: خلاص، موافقة. آسر: طب يلا. اقتربت من وجهه وقبلته بسرعة على خده. حور: سيبني بقى. آسر: أنتي مسمية دي بوسة؟ حور: أمال البوسة إزاي يا عم الفيلسوف؟ لم يجبها ولكن احتجز شفتيها في قبلة عميقة ليبتعد بعد مدة لحاجتهم للهواء. آسر: البوسة كده. احمر وجهها بشدة لتجري من على السرير للحمام بسرعة. آسر بضحك: والله مجنونة.

مر اليوم بدون أي أحداث ليأتي الليل وكان الجميع في المنزل. ميار: حور، ممكن نتكلم شوية. حور باستغراب: أنا؟ ميار: آه، عاوزاكي. أومأت حور لتذهب معها للمطبخ. ميار: هعمل عصير عشان ده كلام مهم. حور: ماشي. أحضرت ميار كوبين من العصير وأعطت أحدهم لحور. ميار: تعالي بقى نطلع أوضتي. حور: هو الموضوع مهم للدرجة دي؟ ميار: جداً. صعدوا للأعلى لتفتح ميار بعض المواضيع التافهة. حور: ميار، أنا آسفة بس حاسة بدوخة، فها روح أوضتي.

ميار: تمام. فتحت الباب لتخرج ولكنها أغمضت عينيها بتعب لتسقط على الأرض. سحبتها ميار للداخل لتتصل بماجد. ميار: يلا بسرعة. ماجد: تمام. ميار بشر: طلاقك قرب يا حور، وعلي إيدي. ثم ضحكت بخبث.