رواية زواج في السر الفصل السابع 7 - بقلم دينا عبدالحميد

طلّقني. كنان: إيه؟ بتوتر وأنا بفرك إيدي، قلت له: بقولك طلقني. بص لي بتركيز وكأنه بيشوف أنا بتكلم جد ولا لأ. وبعدين مسك المعلقة ورجع ياكل. اتنحنحت وأنا بقول: على فكرة بكلمك بجد. قال ببرود: ما. بصت له باستفهام: هتطلقني؟ قال ببرود: حاضر، أما آكل نتكلم. باستفسار رديت عليه: أنت بارد ليه؟ جاوبني. بجمود: يمكن عشان باكل حاجة بحبها مع مراتي، لآخر مرة. بصت له بانفعال وقلت: نعم، يعني إيه آخر مرة؟ كنان: يعني هطلقك.

اتعصبت عليه وقلت بين غضبي: يفيد بإيه البوح والبعيد لو... بص لي بهدوء وقال: كويس إنك خدتي بالك، من غير ما حد يقول لك. اتصدمت منه وقولت: نعم؟ مردش عليا وكمل أكل وأنا لسه متنحة. قاطعني بصوته: عايزة تطلقي ليه؟ بصدمة قلت له: معرفش. كنان بهدوء: لو مقولتيش، مفيش طلاق. رديت بغضب: لأ، هتطلقني ومش بمزاجك، وإلا هخلع.

بص لي بهدوء وقال: أنا لسه مراعي إنك ممكن تباني بتعوريني، بس هي بسكوتايه. فلو كلمتك هتعيطي وتصوتي، واء واء واء، وديني لماما. ابتسمت تلقائي على طريقته، ورجعت كشرت وقولت له: هروح عند بابا. سبته وقمت. بس سمعت كنان قال: براحتك يا حبيبتي. تسمرت مكاني بصدمة ورجعت له وأنا بحاول أخبي فرحتي بأني أتكلم بعصبية وبسأله: حبيبتي؟ أنت قلت حبيبتي؟ كنان قال بهدوء: أيوة. رديت بانفعال: مين سمح لك؟ شاور على قلبه وقال: ده.

وشاور على دبلته وقال: وديه. بصت له بغضب وقلت: كله لعبة. قرب مني وحضني، لاول مرة يعملها. (أنا اللي كنت بروح أحضنه وأنا بعيط) وقال: بحبك يا جودي. فلحظة لقيت نفسي بحضنه بقوة وأنا بعيط من فرحتي. فرد بهدوء: حتى لما اعترفلك بحبي بتعيطي؟ ده انتي نكد. بصت له بغضب وأنا بزقه وبقول: والله؟ طب ابعد. شدني لحضنه وقال: جودي. بصت له باستفهام وأنا مستنياه يكمل. قرب من وشي وهمس: بحبك. وفي لحظة لقيته قرب منها عشان يبوسها. زقيته وعيطت.

كنان بصدمة: مالك يا حبيبتي؟ مكنتش بترد، كانت بتعيط بس. كنان: طب اهدي، أنا معاكي، متقلقيش. زاد عيطها وبقي بصوت. كنان من بين سنانه همس: صبرني يا رب. وبعدين ابتسم. ضحك صوته بحب: ملاك، حتى وهي بتعيط بريئة. جودي ابتسمت تلقائي وهي بتقول: برضه مش هتضحك عليا. كنان بضحك: جودي بقت جودي. جودي بضحك: تؤتؤ. كنان قرب منها بمكر وقال: جوجو، بحبك... بحبك قوي. جودي ابتسمت وقالت: وأنا... بس فاقت وزقته وقالت: عايزة أطلق.

ودخلت الأوضة وقفلت الباب. كنان كان واقف مصدوم، بس لفت انتباهه إنها نسيت فونها. مسكه وكان هينادي عليها يديهولها. بس لفت نظره إشعار واتساب من رقم غريب محتواه: الحيوان ده هيطلقك امتى عشان نتجوز؟ كنان تنح ومبقاش عارف ينطق. بس لقي جودي وراه بتسأل على فونها. كنان اداها الفون وهي مستغربة سكوته المفاجئ. وفجأة كنان سألها: جودي، انتي عايزة تطلقي؟ جودي سكتت لأنها حست بذهول من أسلوب سؤاله. مبقتش عارفة ترد.

كنان اتنفس بهدوء وقال: أنا هريحك من كل ده. جودي انتي...