رواية زواج غير تقليدي الفصل الحادي والعشرون 21 - بقلم بحر

وصلوا الكلية. "حور مش عاوز مشاكل، ومتنسيش تعتذري لدكتورة سحر." "حاضر، من عنيا اعتذر. بس ولا عاوز حاجة كمان فوقها." "لا مش عاوز حاجة، يارب بس الاعتذار يعدي على خير." "ادعي انت بس وقول يارب." "يارب يا أختي، مش مرتحلك والله مش عارف ليه." "اخص عليك، ده انت صاحب مش جدع خالص كده. مش واثق فيا يا أبو الصحاب، عيب." "خلاص يا حور، خشي." دخلت حور الجامعة. "ياربي على الزهق، هقعد أسبوعين من غير سلمى بحالهم."

راحت حور المحاضرة بتاعتها وكان باين عليها الحزن. جت وقت محاضرة أحمد. دخل أحمد وبص على حور، لقاها سرحانة وزعلانه. شرح المحاضرة، وأول لما خلص. "يا آنسة حور." "نعم يا دكتور." "تعالي ورايا على المكتب." "حاضر يا دكتور." احمد مستغرب هدوء حور وخايف منه في نفس الوقت. راحت حور المكتب عند أحمد وخبطت ودخلت. "حضرتك كنت عايزني؟ "اقفلي الباب وادخلي يا حور." "تمام يا دكتور." قفلت حور الباب وراحت وقفت قدام المكتب. "نعم يا دكتور."

"إيه يا بت يا حور الهدوء والأدب ده كله؟ "مفيش يا أحمد، كنت عايز حاجة؟ "مالك يا حور؟ زعلانة ليه؟ انتي كنتي كويسة واحنا جايين." "سلمى وحشتني أوي، أول مرة آجي الكلية وهي مش معايا." "يعني أنا مش كفاية ولا إيه؟ مش انتي قولتي إننا صحاب صح؟ "صح." "يبقى ليه زعلانة بقى وأنا معاكي؟ "مش زعلانة، بس مفتقداها شوية. بس إشطا، مش مشكلة. المهم يلا عشان اعتذر لدكتورة سحر." "حور لو مش عاوزة تعتذري عادي، مش مشكلة."

"لا طبعاً، لازم أعتذر لها." "ماشي، تعالي يلا عشان نروح لها." "يلا." راحوا عشان يعتذروا، بس قبل ما يخبطوا سمعوا حاجة خلتهم يتصدموا. عند أحمد وحور. اتصدموا من اللي هما سمعوه. سحر في مكتبها بتتكلم في التليفون. "آه طبعاً يا روحي. أكيد مش بحبه، أنا بس اتصلت بيه وقولتله إني عاوزاه لأن مامتي تعبانة. بس يا خسارة، ميعرفش إن مامتي ميتة أصلاً وإني مش بحبه. أنا عاوزاه عشان فلوسه بس."

"أحيه، شوف بنت الـ*** دي كانت بتخدع أحمد. والله لأوريها قليلة الأدب اللي متربتش دي." دخلت حور المكتب بسرعة وجابتها من شعرها. "بقى انتي يا كلبة يا زبالة بتضحكي على أحمد وبتقولي له بحبك وتطلعي في الآخر عشان فلوسه؟ يابنت الـ***." احمد واقف مصدوم من اللي سمعه ومن اللي حور بتعمله. تدارك الموقف وجرى عشان يشيل حور من فوق سحر. "خلاص يا حور، سيبيها." "لا وسع كده، أنا هأربيها السحلية دي." "آآآه، شيلوا المتخلفة دي من فوقي."

"بقى أنا متخلفة؟ طب تعاليلي بقى." احمد واقف مش عارف يضحك ولا يزعل ولا يعمل إيه بالظبط. راح بسرعة مسك حور من خصرها. "خلاص يا حور، كفاية بقى." حور واحمد شايلها وهي بترفس برجليها. "سيبني، سيبني آخد حقي من السحلية دي." احمد همس لحور بحاجة خلاها تهدى خالص وتتنح. "بس يا أحمد، أنا عاوزة أضربها." "خلاص يا حور، بالله عليكي. هاتنطردي من الكلية، خلاص. دي دكتورة برضه."

"دكتورة بهايم دي، مش دكتورة بتعلم أجيال خالص. واحدة بحقارتها دي إزاي تستغل واحد زيك. سيبني عشان أضربها بس هضربها براحتي." "براحة إيه يا حور، ده انتي شوهتيها." احمد ساب حور ووقفها. حور اهدى شوية. "خلاص، حاضر. هديت." "حور، اطلعي استنيني بره." "تمام." طلعت حور واحمد. "احمد الحقني، دي شوهت حبيبتك، يرضيك كده؟ "حبيبة مين بس يا دكتورة، استهدي بالله كده. ده أنا سمعت كل حاجة." "اسمعي يا سحر، أنا هأقولك كلمتين اتنين بس."

"........