رواية زواج زوجي الفصل الخامس 5 - بقلم دينا عبدالحميد

داليا زقته وضربته بالقلم. أحمد حط إيده على خده بصدمة ونطق بغضب: إيه دا؟ داليا بتوتر وهي بتحاول تخبي دموعها: دا... د... دادا... أصل... أنت... أحمد حاول يهدي وقال: معاكي تلات دقايق تكوني اختفيتي من وشي، وإلا مش هكون مسؤول عن اللي هعمله. داليا دخلت جري على المطار بدون حتى ما تبص وراها وهي بتعيط بانهيار. هي مش متخيلة إنه ممكن يعمل كده مع أحمد، وإزاي هو سكت. داليا ركبت الطيارة في صمت وفضلت سرحانة بندم على اللي عملته.

داليا وصلت المطار ونزلت، لقت حد مستنيها من المجلة وبيكلمها بلغة مش مفهومة. داليا اتوترت فبدأت تاخد نفسها وتحاول تتكلم بأي لغة من اللي هي عارفاهم. ولحسن الحظ بيتكلم إنجليزي. رحب بيها وأخدها المجلة، وهناك لقت حد مستنيها. داليا باشا، أخيراً وصلتي. حمد الله على سلامتك. داليا بابتسامة نطقت بلهجة كلها مهنية: الله يسلمك يا عمرو. عملتوا اللي قلت لكم عليه؟ عمرو:

حصل يا باشا. جواز سفر باسمك ملاك الكومي، ومواقع كتير بتتكلم عنها وعن نشاطها. ده غير إن فعلاً أبوها من أكبر المشاهير العرب في روسيا بسبب فلوسه وسلطته. داليا: عايزة الكلام عن ملاك يبقى ملفت جداً ويظهر باستمرار. عايزاه في أقل من أسبوع يكون بيتواصل معايا. عمرو: أمرك يا باشا. ارتاحي أنتي بس من السفر وأنا... داليا:

لأ يا عمرو، مينفعش. لازم أروح الكوافير، ألبس وأغير شكلي. ملاك هتنزل مصر في أسرع وقت. ومتنسيش إني لازم أقابل ملاك وأتكلم معاها عشان أعرف أجاوب على أي حاجة تخصها. عمرو: ارتاحي بس، والكوافير هيجيلك على آخر النهار. وأما تخلصي، ملاك هتقابلك. داليا: تمام. بالنسبة لل... تمارة بمقاطعة: ارتاحي الأول، وإحنا هنجهز كل حاجة. اطمني، وراكي رجالة. داليا: بس... تمارة: من غير بس. داليا: حاضر. وطلعت الأوضة بتاعتها.

أما عمرو وتمارة فقعدوا يجهزوا اللي داليا طلبته. وبليل جت كوافيرة غيرت شكل داليا تماماً عشان تبقى ملاك. وجت ملاك قعدت معاها، حكتلها كل حاجة عن حياتها من الأول، وأدتها كل التصريحات تتصرف في مصر باسمها. بعد أسبوع أو أقل، كانت داليا اتحولت لملاك تمام. وساعدهم في ده شطارة داليا في التعلم، عرفت إزاي تغير شكلها لملاك لو حصل أي حاجة والميكب باظ وهي بعيدة عن البنت المسؤولة عن تحويل شكلها بالميكب. وإزاي ملاك بتتكلم.

كان فاضل ساعات وداليا تسافر مصر، وملاك كانت بتودعها. داليا: إنتي ليه ساعدتيني وعلمتيني أمضي وحياتك؟ ملاك ابتسمت وقالت: عشان أنتي هتعرفي تنتقمي من الشخص اللي اتسبب بموت أخويا. داليا ابتسمت وقالت: أوعدك يا ملاك. داليا كانت متخيلة إنها هترجع بطيارة عادية، بس درجة أولى. بس اتفاجأت إن ملاك بتوصلها بطيارة خاصة. داليا بذهول: إيه ده؟ ملاك بضحك: دي طيارة خاصة يا ملاك هانم. أما كنتي فاكرة إيه؟ اللي زيك قيمته كبيرة.

داليا ابتسمت وحضنتها. ملاك: لو احتجتوني في أي وقت بلغوني. أقل من ساعة ونص هكون عندكم في مصر. داليا: ميرسي يا ملاك. داليا راحت الأول روسيا عشان تبقى الطيارة وصلت مصر من روسيا. واستنت 20 يوم فيهم اتعلمت أصول البزنس في مجال ملاك. وبعدين رجعت مصر، وكانت متشوقة تشوف أحمد وبابا. بس شغلها وواجبها يحتم عليها تفضل ملاك. داليا فضلت في مصر كام يوم بتجهز للمشروع اللي ملاك قلتلها تعمله.

وملاك كانت بتمولها بشكل كامل، لحد ما كانت قاعدة في الشركة اللي فتحتها وجالها تليفون. كانت مستنياه من أول مرجعت. ملاك (داليا) الو. الشخص: الو... أهلاً ملاك هانم. ملاك: مين؟ الشخص: محمود الميهي. رجل أعمال مصري، يمكن متعرفوش، بس هو يعرفك. ومن أشد المعجبين بشغلك. داليا أو ملاك ابتسمت إن الهدف صاب المرمى، وقالت: مين محمود الميهي؟ محمود: رجل أعمال مصري حابب يتعرف عليكي ويشوف كام مشروع يشتغل معاكي عليه. ملاك بتكبر:

آسفة سنيور محمود، بس أنا مش بحب الشراكة. عن إذنك لازم أقفل. محمود: بس أنا... ملاك بمقاطعة: آسفة، وقتي ضيق. وقفتلت. داليا ابتسمت بثقة وهي بتقول: ياترى يا ملاك، طريقتك هتنجح؟ فضلت داليا متقمصة الشخصية يومين، لحد ما اتفاجأت إن شركة الميهي بتوقف لها كل الشغل بتاعها بسبب العلاقات الكتير. خرجت داليا أو ملاك حسب الخطة، وراحت للشركة بغضب، وطلبت تقابل محمود. بس قبل ما تدخل، شمت ريحة برفان هي عرفاها كويس. إيه ده... أح...

أحم... أحمد... داليا اتصدمت للحظات لما لفت ولقيته فعلاً. وهو... وفجأة.