رواية زوجة أب الفصل الثالث 3 - بقلم فريال عبد الرازق

زميلي يونس في الشغل عياله تعبانة ومراته متوفية. كنت عايزة أروح أشوف الولاد ومش هينفع أروح لوحدي، ينفع تيجي معايا؟ عليا: أتغيرت ملامحه وابتسمت: طبعاً، بس هاخد إذن عمك الأول. منه: نطت في حضنها: لو قلتلك إني بموت فيكي هتصدقي؟ عليا: طبعاً. تاني يوم مش عارفة أقولكم على الحماس اللي كنت فيه. اتصلت وقلت ليونس وهو رحب بينا. رحنا أنا وطنط وليلي. أول ما دخلنا عيني كانت بتدور عليهم، ياسين وياسمين، بس ملقتهمش. اتوترت أكتر وخفت.

منه: أستاذ يونس هما فين؟ يونس بستغراب: مين؟ منه: ياسين وياسمين. يونس: في الأوضة اللي في الوش. منه: طب عن إذنكم. سبتهم ودخلت الأوضة. لقيتهم نايمين. قعدت جنبهم وبصيت في وشهم وقعدت أتحقق من ملامحهم. بره في الصالة: يونس: نورتوا يا جماعة وشكراً لحضرتك إنك جيتي تطمني على الولاد. عليا: منه لما قالتلي وأنا قلت لعمها، وافق على طول. منعرفش نرفض ليها طلب زيها زي ليلي بنتنا. يونس بستغراب: معلش هي مش منه بنت حضرتك برضه؟

عليا: لا، منه تبقى بنت أخو جوزي وهو ومراته مسافرين وسايبين منه هنا من وهي في إعدادي. يونس: معلش ينفع سؤال؟ عليا: أتفضل يا ابني. يونس: هي ليه مرحتش معاهم؟

عليا: محدش عارف. هما سافروا أول سنة وبعدين طلبوا إنها تروح لهم وهي موافقتش. ولحد دلوقتي مش شفتهم من يوم ما سافروا، مع إنها كانت بتعيط لما سافروا وسابوها. سمعتها وهما بيتكلموا كانوا عايزين أروح أعيش معاهم بعد سنة. وهما سابني عند عمي وآخرهم يتصلوا مرة في الشهر. أهلي حقيقي كسروا قلبي يوم ما كنت بعيط وبقولهم خدوني معاكم وهما سابوني. سبت ياسين وياسمين وخرجت ليهم بره.

منه بابتسامة: أنا جبت معايا أكل بيت عشان الأولاد، أكيد أنت مش بتعرف تطبخ. يونس: حقيقي مش عارف أقولك إيه، تسلمي لي ذوقك. لا، مامتي كل فترة بتيجي تعمل أكل الأسبوع وأنا بسخن بس، وساعات أختي ومرات أخويا بيعملوا أكل وأنا مروح بعدي عليهم بأخده وبأمشي. عليا: بس كده غلط يا ابني، لازم تشوف واحدة تيجي تقعد مع الأولاد وتعملك الأكل. يونس: من فترة جبت واحدة عشان كده، بس اكتشفت إنها بتضرب الأولاد ومش بتعمل حاجة، فمشيتها.

منه بنفعال: بنت الـ ****. عليا بصدمة: منه! منه بأسف: مش قصدي، بس حقيقي دي واحدة ماشفتش تربية. عليا: معلش يا ابني، بس منه لما بتنفعِل مش بتمسك لسانها. يونس بابتسامة وهو بيبص لـ منه: لا عادي، مفيش مشكلة. عليا: طب يا ابني مش بتفكر تتجوز وتخليها تاخد بالها من عيالك؟ يونس: عمري ما هعملها، أنا لسه بحب مراتي وعمري ما هجيب واحدة تبقى مرات أب لولادي. منه في سرها: يعني إيه لسه بيحب مراته؟ طب وقلبي اللي بيعشقه؟

منه بحزن: ومالها مرات الأب؟ يونس: