رواية زوجة الصقر الفصل الحادي عشر 11 - بقلم شغف الاعصار

دياب وصل هو وقمر للبيت. دياب: ادخلي يا قمر لجوه. وذهب وجلس مع الشباب في الحديقة. بعد السلامات جلس. صقر: أنا متأكد إنها مع حسن. غسان: طب أنا هتصل ونحاول نعرف هي معاه ولا لأ. كانت حور تتناول الطعام في مطعم مع حسن، فجأة رن هاتف حسن. حسن: الو. غسان: الو، أنا غسان يا حسن. حسن: أيوه يا غسان، عامل إيه؟ غسان: الحمد لله، محتاج منك خدمة. حسن وينظر لحور، شاورت له أن يفتح المكبر: تؤمر، أقدر أساعدك في إيه؟

غسان: أختي حور متصلتش عليك. حسن بتوتر: لا يا غسان. فجأة أخذ صقر الهاتف وقال بغضب: وحشت أمك يا حسن، لو عرفت إنها معاك ما هيطلع عليك نهار، وأنا متأكد إنها معاك وقدامك كمان. ولو هي سمعاني، أنا مش هسيبك يا حور وهعرفك. وأغلق الخط. حور بخوف: يلا نروح يا حسن. حسن بهدوء: تمام. غسان: أنت غبي. صقر: عايزني أعمل إيه يعني؟ دياب: مش كده يا صقر. صقر بجنون: يعني عايزني أقعد أتفرج عليها وهي بتعيش حياتها يعني؟

حازم: عيش حياتك أنت كمان يا صقر، يمكن مش قادركم تبقوا مع بعض. صقر: أنت بتقول إيه، أنت واعي؟ أنت بتقول إيه؟ غسان: حازم عنده حق يا صقر، عيش حياتك، يمكن نصيبك مش مع أختي. صقر وينظر لدياب بضعف: وأنت إيه رأيك؟ دياب: صقر، هما عندهم حق، وأقوى كده. وأنت لو ليك نصيب فيها، قسمًا بالله لو حاول الكون كله يبعدها عنك، وأنت لو حاولت أو هي حاولت تبعد عنك، وربنا راضي تبقوا لبعض، هتبقوا. انساها يا صاحبي.

صقر: نسيتها من يوم ما مشيت خلاص. ودخل لجوه وخلفه غسان وحازم ودياب. صقر: رهف، رهف! رهف نزلت: نعم؟ صقر: موافقة تجوزيني؟ رهف بفرحة: بجد؟ صقر: أيوه. رهف: موافقة. صقر: جدي، فرحنا بليل. ومشي. عدت أربع سنين، وكان صقر خلاص اتغير تمام، وأخد إجازة من الشرطة ومسك الشركات، وبقت من أعلى الشركات في العالم. في مكتب صقر، كان يجلس ينظر للورق اللي في إيده. دخل عليه حازم. حازم: إيه يا باشا؟ صقر: هتقول حاجة مهمة قول، مش هقول يبقى تمشي.

حازم: ما براحة علينا يا محور الكون أنت. صقر: بره يا حازم. حازم: يا عم خليني أكلم. صقر ونظر له بمعني قول. حازم: عايز أتجوّز، ها يا صقر؟ صقر: بلاش، أحسن ما تبقى زي. حازم: بس أنا بحبها ومش هقدر أعيش من غيرها يا صقر. صقر ببرود: بتحبها، هي اللي لازم تحبك يا حازم عشان العلاقة دي تمشي. وعموماً، أنا في إيدي أي حاجة أعملهالك. حازم: مش عارف، أنا عايز أروح أطلب أيدها بس خايف ترفضني، وهي مش بتطيقنا بعد ما الموقف حصل.

صقر: اصبر شوية، ووعد مني هتبقى ليك. حازم: أنت وعدتني. صقر: يلا، ورانا صفقة في فندق***. حازم: يلا. ونزلوا، وكانت معاهم السكرتيرة الشخصية بتاعت صقر، وركبوا السيارة وذهبوا إلى الفندق. عند حور، كانت تجلس في الجنينة وتلاعب فتى وبنت. جاء حسن. البنت: بابي. حسن: قلبي بابي. وحملها. حور: يلا عشان أنت وعدتنا نخرج انهارده. حسن: تمام، يلا. وذهبوا إلى الملاهي. عند دياب وقمر. دياب مامته ماتت من سنة.

قمر كانت تعد الفطار، وجدت من يحضنها من خصرها. دياب: القمر عامل إيه؟ قمر بكسوف: دياب، ابعد لو سمحت، خليني أركز في الأكل. دياب: الواد ده عامل إيه؟ قمر وتضع يدها عليه: يتعبني زي أبوه. دياب: لما يجي وهربيه، متخفيش. قمر: طب روح صحّي الثاني، هيتأخر على المدرسة، وأمانة عليك يا دياب تصحيه براحة. دياب وهو يمشي: ده ابني، لازم أصحيه برفق. بره، وفجأة وجدت دياب يحمل ابنه من قفاه ووداه الحمام وغرق وجهه مياه. الولد: يا بابا بقي.

دياب: فوق كده يا خويا، وراك الماجستير. الولد: يا بابا، ماجستير إيه؟ أنا لسه في الابتدائي. دياب: طيب يا خويا، خلّص واطلعلي. وصل حازم وصقر الاجتماع. صقر: النسبة الأكبر لينا. مدير الشركة الأخرى: بس كده مينفعش يا صقر بيه. صقر: يبقى مفيش صفقات. مدير الشركة: يا صقر باشا، بس ده كتير. صقر: لو حاسين إنكم مظلومين، يبقى مفيش صفقات، براحتكم خالص. مدير الشركة: تمام، موافقين. بعد الاتفاق، ذهب صقر وحازم للشركة. صقر هاتفه رن.

صقر: الو. رهف: هتيجي إمتى يا صقر؟ صقر: ملكيش فيه. وأغلق الخط. رهف لمامتها: شوفتي يا ماما، شوفتي؟ مامتها: اصبري بس. رهف: أصبر لأمتي يا ماما؟ عدى أربع سنين ولسه البيه منسهاش، ده متجوزين ورق بس يا ماما. مامتها: ما أنت الخايبة مش عارفة تنسيه. رهف: يا ماما، ده صقر يا ماما. دياب يوصل ابنه للمدرسة. دياب: ادخل يالا. مالك بخوف: ممكن تدخلني أنت؟ دياب ويحمله من الأرض: عملت إيه؟ انطق. مالك: ضربت زميلي.

دياب: اممم، ليه يا مالك بيه؟ مالك: كان عايز يسقط مني البت. دياب بصدمة: يسقط إيه ياض؟ الألفاظ دي عيب كده. مالك: يا عم اسكت، تعالي بس، ولا أتصل على صقر، هو اللي يجي. دياب ويدخل بيه: ما هو محدش مبوظك كده غيره. مالك: صقر ده العشق. دياب: العشق عشق يا خويا.