رواية زوجة الصقر الفصل الثامن 8 - بقلم شغف الاعصار

استيقظت حور بصدمة ونظرت بجانبها لم تلق صقر. ذهبت أخذت شاور واتصلت بأحد ما. حور: حسن، ليه عايز تجوزني؟ حسن: تتكلمي بجد؟ حور: أيوه يا حسن، لسه عايز تجوزني؟ حسن: أكيد، انت حب الطفولة يا حور. حور: تمام يا حسن، بكرة نتجوز ونروح على المطار ونسافر. حسن: طب وجوزك؟ حور: هيطلقني. عند دياب وقمر. استيقظت قمر وجدت دياب حاضنها جامد. قمر: مالك مكلبش فيا كده ليه؟ دياب: هي دي صباح الخير بتاعتك؟

قمر: دياب، سيبني خليني أروح أعمل الفطار. دياب: مش هسيبك غير لما تصبحي عليا. قمر: طيب، صباح الخير. يلا سيبني بقى. دياب: هي دي صباح الخير؟ قمر: أيوه. دياب: طب تعالي أقولك صباح الخير اللي عايزها. قمر: دياب أنت… وقبل أن تكمل كلامه، قبّلها من شفايفها برقة. دياب وبعد عنها: عرفتي بقى صباح الخير دي حلوة إزاي؟ قمر: سافل والله. دياب وقرب منها وقال وهو ينظر لعيونها ومحاصر وسطها: كان نفسي أوريك سفالتي، بس نعمل إيه بقى؟

خالتي قالت إيه، مقربش منك لغيت لما يبقي عندك عشرين سنة. يلا كلها كام شهر. وهمس بأذنيها. قمر بخجل وبعدته: إنت سافل ووقح، أنا ماشية. وذهبت. دياب: ما هي أجمل حاجة فيا، سفالتي. وبعد وقت، الباب خبط. دياب: ادخلي انت الأوضة. قمر: حاضر. وذهب دياب ليفتح ليتفاجأ. دياب: إنت! عند حازم. كان قدام بيت حياة، نزلت حياة وكانت ذاهبة إلى كليتها. حازم: اركبي يا قمر. نظرت له حياة بقرف: وأركب معاك ليه بقى إن شاء الله؟ بصفتك إيه؟

حازم: إني هتبقي جوزك، وأنا مقبلش على مراتي تروح لوحدها. حياة: استغفر الله العظيم. ونظرت له بقرف وكملت مشي. حازم: ماشي، بكرة تبقي في بيتي وأعرفك إزاي تمشي وتسبيني يا بطل إنت. كانت تجلس حور وهي تنظر للتلفاز، جتئت إليها رهف. رهف: صقر فين؟ حور: معرفش. رهف: مش انت مراته؟ حور: وانت خطيبته. ومشيت حور وسابتها. دياب: إنت! دخل صقر ورمى نفسه على الكنبة بحزن. دياب: أيوه، هي وكالة من غير بواب. صقر: ولا أنا مش فايقلك. دياب

ويأخذ سيجارة ويعطي لصقر: ليه مالك يا بطة؟ صقر: خلاص خليتها تكرهني يا دياب. دياب: عملت إيه؟ ما أنا عارفك، همجي وثور. صقر: متغلطش ياض. دياب: يا عم اتنيل، خلينا في مصيبتك دي. صقر: اهو، خونت ثقتها وخلاص. مش لازم أقولك علشان دي أسرار. دياب بغمزة: فهمتك ياض. ويا ترى كنت إيه؟ صقر: أنا غلطان إني جيتاك. دياب: ياض قول متكسفش، أنا صاحبك وستر وغطي عليك. صقر: وانت شاكك فيا ولا إيه يا روح أمك؟ أم دياب: ومالها أمه يا صقر باشا. صقر

ويقوم يقبل يدها ويحضنها: وحشتيني يا فوفا. أم دياب: انت أكتر يا حبيبي. دياب: عمرك ما أخدتيني بالحضن يا ست الكل. أم دياب: إيش جاب حتت البسكوته دي؟ وهو تنظر لصقر، لحتت البسكوته المحروقة دي. وهي تنظر لدياب. دياب: متشكرين يا ست الكل. وبعدين أنا عندي الحضن الحنين. ذهبت أم دياب لتحضر الفطار. صقر ويجلس على الكنبة: يا عم اتنيل. وأكمل كلامه وهو يقف: همشي أنا بقى.

دياب ويغلق الباب بالمفتاح: إيه يا روح أمك، هو دخول الحمام زي خروجه؟ إنت مش ماشي غير لما تفطر معايا. وفي موضوع عايزك فيه. صقر ويجلس وهو يضع قدم فوق الأخرى: إنت يابت، حضريلي الفطار. دياب ويجلس جانبه: مش عايزني أحضراك الحمام كمان يا روح أمك؟ صقر: ياريت. خرجت قمر. قمر وهي تضع عيونها في الأرض: خالتي بتقول يلا علشان تفطروا. دياب: طيب، روحي انت. يلا يا صقر باشا.