رواية زوج للايجار الفصل الحادي عشر 11 - بقلم اميرة محمد

تالي بصراخ: تمااااااا! تقفز الأخرى وهي تقول بخوف: بسم الله، والله ما عملت حاجة. أكيد عدي الكلب السبب. تأتي الأخرى وهي تشتعل غضباً لتقول: بقي انتي قاعدة هنا وسيبانا قالبين الدنيا عليكي فوق؟ تبتلع تمارا ما في فمها وهي تقول: في إيه يا تالي يا حبيبتي؟ هبطت وقلت آجي أتناول شوية فراخ. الله، وبعدين ما كلكم فوق مع نايا، هعمل لكم إيه يعني؟ تالي بعصبية: كفااااية! يخربيتك، هتفرقعي؟

انتي مش لسه آكلة اتنين شيبسي وتلاتة بسكوت وأربعة مولتو؟ تمارا بغيظ وهي تحرك يدها بعلامة خمسة: الله أكبر، خمسة وخميسة. نقي بقى. وبعدين جعت، فيها إيه يعني؟ هو انتي محسساني اللي بعمله ده عشاني؟ تالي بسخرية: لا، إزاي؟ أمال عشان مين؟ لتقول تمارا بفخر: عشانكم طبعاً، مش لازم حد يشوف الأكل مظبوط، ولا إيه؟ عشان الضيوف اللي بره دي نقول لهم إيه؟ بنت الحسب والنسب، ليلة فرحها عاملة أكل مش حلو؟ يرضيكي؟ تالي

وهي ترفع إحدى حاجبيها: لا طبعاً، ما يرضينيش. قومي أي تقعدي تاكلي نص البوفيه لوحدك، صح؟ لتبتسم الأخرى بسماجة وهي تأكل: عليكي نور. لا بس اطمنت الصراحة إن الأكل حلو، مع إن عندي شوية شك. لسه ما دقتش الجلاش. هدوقه وأجي. تالي وهي تلمح عدي: واد يا عدي، تعالي أقولك بسرعة. أجري. ليأتي لها عدي ببرود وهو يلمح تمارا تأكل، لتبتسم له بغباء: شوف قدامك خمس دقايق. روح نادي لي أبوك بسرعة، حاكم أنا اتفقعت ومش هسكت أكتر من كده.

تمارا بخوف: ليه بس؟ هتتعبي؟ زوجي حبيبي، قُرة عيني. ليه؟ أكيد مشغول مع الضيوف بره. لتقول تالي بسخرية: مهو لو انشغل أكتر من كده مش هيلاقي الضيوف حاجة ياكلوها. عدي وهو يأخذ قطعة من الدجاج ويأكلها ببرود: متروحي انتي على رجلك. نقش الحنة ولا هو عدي المرمطون بتاعكم؟ ويا ريت بأخد أجرة على كده. أنا تعبت مع العيلة دي. تالي وهي تمسك به بغيظ: عارف ياض لو اتكلمت أنا هعمل فيك إيه. غوووور، نادي يزن بسرعة. ليركض

عدي بخوف وهو يومئ لها: عيال مبتجيش غير بالعين الحمرا. تمارا ببرود: بني يا تالي يا حياتي، عينك لونها بني مش أحمر. لتقول تالي بعصبية: تحبي أحمرهالك يا تمارا، يا حبيبتي؟ تمارا بابتسامة سمجة: لا يروحي. تعالي بس كده، شكلك صفرا النهارده وحاسة كأنك ما أكلتيش حاجة من الصبح، بشرتك تعبانة خالص. تالي بشهقة وهي تنظر في مرآة الهاتف: بجد؟ والله باين. حاولت أداريها بالميكب، مفيش فايدة، صح؟ لتومئ

لها تمارا وهي تقول بجدية: أيوه. لازم تاكلي عشان تتقوي برضه. تعالي خدي الطبق ده، كلي على ما أطلع أشوف نايا. تجلس تالي وهي لا تشعر، وما زالت تتفحص وجهها في المرآة، لتسمع صوت تمارا بصراخ: يزن! الحقني! جيت أشوف تالي فين، ودورت عليها لقيتها قاعدة زي ما شايف، ومخلصة نص أكل البوفيه كله. الناس هتاكل إيه؟ ينظر يزن بصدمة لكمية الطعام في الطبق وللبوفيه: أحيه يا تالي! إيه ده؟ انتي أكلتي كل ده إزاي؟ لتنظر

تالي باستغراب وصدمة لتقول: أيوه، بس أنا… لتصمت وهي ترى الطبق أمامها والملعقة كأنها كانت تتناوله فعلياً. لتحرك لها تمارا حاجبيها، فمشاكسة وهي تقول بدراما: آه ياني يما، هنجيب منين أكل يكفي العالم اللي بره دلوقتي؟ طب كنتي قولتيلي يا تالي وأنا أديكي أكل غير ده. نقول إيه للناس دلوقتي؟

عدي بتأثر وهو يقترب منها: معلش يماما، شكلك مصاحبة وحش. أنا خايف تقرملي دراعي المفترية اللي مبتراعيش ربنا. سايبانا كلنا فوق وقاعدة هنا، خلصت نص الأكل. تالي بصدمة: بس أنا ما أكلتش. هي اللي كانت بتاكل وقلتله يناديك عشان تلحقها. لتستمع لشهقة تمارا وهي تقول: تالي! عيب الكذب. في ولد صغير هنا يتعلم منك كده. معلش يا حبيبتي، امسحها فيا.

عدي وهو يومئ لها بتأثر: معلش يا أمي. هي تالي أكيد مش قصدها، بتحاول تشيل التهمة عنها. تصدق يا بابا؟ جيت من شوية لقيت تمارا بتشدها عشان تقوم من على الأكل، بس مقدرتش. فقالتلي أناديك عشان تلحق تالي قبل ما تخلص على الأكل. تالي بصدمة: آه يا بنة الكذابة! ما حصلش.

ليقول يزن بضيق: قوموا منك ليها. الناس بره واطلعوا. أنا مش ناقص مشاكل النهارده. نايا فوق بتجهز، شوية وتنزلوا. وانتي يا تالي، مينفعش كمية الأكل دي. حاولي تخففي شوية، كنتي هتاكلي البوفيه كله لوحدك. ليتركهم ويرحل. لتنظر تالي بصدمة لتمارا وعدي وهي تقول: يا ولاد الكذابة! بقي أنا كنت باكل وهي بعتتك تناديه يوقفني؟ وانتي بتقوليلي ما أكذبش قدامه؟ هيتعلم؟

تمارا باقتناع: أيوه، الصراحة. عيب كده يا تالي، مينفعش كده لطفل بريء زي دودي. ليبتسم عدي بفخر: أيوه، أنا دودة. لتقترب تالي وهي ترفع فستانها بعصبية: طيب يا دودو، تعالي بقى عشان أفعصك انت وأمك تحت إيدي. ليبتلع عدي ريقه وهو يهمس لتمارا: هعد واحد، اتنين، تلاتة، ونجري. ولما أقول نجري، يبقى نجري. مش ندحرج بالكورة اللي في بطنك دي هنا. لتومئ له تمارا سريعا وهي تنظر لتالي بخوف. نايا باستغراب: أمال فين تمارا وتالي؟

ما شفتهمش من فترة. لتقول نونيا بلا مبالاة: أكيد بره بيعملوا أي حاجة تافهة زي العادة. لتومئ لها نايا وهي تقول بخوف: شكلي حلو يعني؟ حتى لو فرح مش حقيقي، بس مش حابة أظهر مبهدلة. لتقترب منها نونيا بحنان وهي تقول: قمر بجد يروحي، والفستان هاكل منك حتة. لتومئ لها نايا باقتناع وهي تقول بفخر: أيوه، أمال؟ ده أنا اتهريت خيار وطماطم وتدريبات عشان أعرف ألبسه. نونيا بملل: آه صح. في أربع أيام بس عرفتي تعملي كل ده؟ أمال… لتقول نايا

بسرعة وهي تكاد تحرقها: بت! انتي متعمليش زي إلياس ها؟ بطلي. لتتزفر نونيا بملل وهي تقول: بقولك إيه؟ انتوا هتعملوا إيه في حكاية شهر العسل؟ لتقول نايا بلا مبالاة: مش هنسافر. صحيح، قلنا لكل إننا هنسافر، بس هنكون الفترة دي في شقة إلياس اللي جنب أهله. ومش هنعرف نقعد في الشقة اللي مجهزينها غير لما نعرف كله إننا رجعنا من شهر العسل. نونيا باستغراب: طب وليه كل ده؟ مش فاهمة.

لتقول نايا بحزن: مش هينفع نسافر يا نونيا. وبعدين شهر عسل إيه؟ انتي مش عارفة إنه كله تمثيل مش أكتر. هنقعد فترة مع أهله وخلاص ونوهم كله إننا سافرنا. لتومئ لها نونيا بحزن على حالها. لتدخل تالي سريعا وهي تقول: جماعة، العريس وصل تحت. مؤمن بدهشة وهو ينظر حوله: يالاهوي! إيه القمر ده! واد يا حسام، شايف اللي شايفه؟ ليومئ حسام وهو يقول بصدمة: ما كنتش متخيل القاعة كبيرة للدرجادي.

إلياس بتوتر: جدعان، أنا خايف. افرض حد كشفني ولا عرف عني حاجة؟ ليقول له شادي بهدوء: انت مش قلت نايا مجهزة كل حاجة؟ يبقى خايف ليه؟ ليرفع إلياس كتفيه بتوتر وهو ينظر حوله. لتقول منار بصدمة بعدما لحقت به: واد يا إلياس! هما أهل نايا أغنية للدرجادي؟ إلياس: أيوه يماما، هما كده. وعشان خاطري نحافظ على كلامنا قدامهم، زي ما قلتلك. مش عايزهم يحسوا إنهم غلطوا ولا يعرفوا حاجة عن مستوانا.

نار وجينا بغيظ: محسسني إنه هيستخبى للأبد. مسيره يتكشف. لينظر لها إلياس بتفكير وهو يزفر بضيق. يزن بترحيب: يا أهلاً بالعريس! ازيك يا إلياس؟ ازيكوا يا جماعة؟ لينظر له الجميع ويرد ترحيبه. ليقول إلياس بابتسامة جعلتها متلهفة: نايا جهزت ولا لسه؟ يزن بخبث: إيه ده؟ هي لحقت توحشك للدرجادي؟ دي كانت لازقة فيك طول الأيام اللي فاتت. ليقول إلياس بابتسامة: هي بتوحشني على طول يا عم، حتى وهي قدامي. ليضحك له يزن ويأتي عبدالرحمن

ومريم ليرحبوا بالجميع: المكان نور يا جماعة. وبصراحة يا إلياس، أحلى حاجة فيك عجبتني إنك ملتزم بمواعيدك. جدعان. ليبتسم إلياس له بترحيب ويستمعوا لصوت خلفهم: شكلي جيت متأخر بعد العريس وكده. لينظر له الجميع باستغراب. عدي، روجينا التي انكمشت على نفسها منه، وحسام الذي ينظر له نظرات حارقة. ليقول يزن بملامح جامدة: أهلاً يا رامي. جيت في وقتك. أعرفكم يا جماعة، رامي ابن عمي وأخو عاصم. أكيد تعرفوه.

إلياس بسخرية: الأ نعرفه، نعرفه جداً كمان. ليبتسم رامي وهو ينظر لروجينا من أسفل لأعلى: متعرفناش يعني في الخطوبة كويس، بس معلش. الأيام جاية كتير. ليقف حسام أمام روجينا وهو ينظر لرامي بتحذير وعصبية. ليبتسم الآخر بسخرية. ليقول مؤمن بهمس لشادي: واد يا شادي، أنا حاسس ملزق أوي زي أخوه. هو العيلة كلها كده ولا إيه؟ شادي بضيق: شكله كده فعلاً. لينظر له مؤمن باستغراب: إلا مجبتش البت شروق معاك ليه؟

دي طول عمرها قريبة من إلياس ومكانتش بتسيبه. ليرفع شادي كتفيه بعدم معرفة: معرفش. قعدت تتحجج إنهم أيام امتحانات ومش عايزة تضيع وقت، مع إن روجينا معاها يعني مش هتيجي من يوم ليوم. ليومئ له مؤمن وهو ينظر له بغموض. نايا بتوتر: لا! متفتحيش الباب. مش عايزة. لتحاول نونيا سحبها وهي تقول بعصبية: اخلصي يا نايا، الولا بقاله ساعة بيخبط. مينفعش كده. لتحرك نايا رأسها

بالنفي وهي تقول بخوف: مش عايزاه يدخل، ولا عايزة أنزل حتى لو تمثيل. مش عايزة. لتحاول تالي سحبها مع نونيا وهي تقول بعصبية: في إيه يبت؟ هو لعب عيال؟ ابعدي يا نايا من ورا الباب. خلي ليلتك تعدي. لتنظر لهم نايا وهي تكاد تبكي. لينجحوا أخيراً في سحبها. وتفتح تمارا الباب بسرعة. ليقول يزن بعصبية: إيه؟ ساعة قاعدين عشان تفتحوا الباب؟ في إيه بالضبط؟ لتبتسم له تمارا بغباء وهي تقول: أصله كان لازم فصمغ وصمغ من النوع العجل، بعد عنك.

ليدخل إلياس وهو يرى نايا تعطيهم ظهرها، ويبدو عليها التوتر. نونيا بابتسامة: مبروك يا إلياس. ربنا يهنيكوا يارب. ليبتسم لها إلياس وهو يقول: تسلمي. وعقبالك. لتبتسم له نونيا وهي تحاول أن تدير نايا له، ولكنها تمنع وتحرك رأسها بالرفض. ليبتسم إلياس عليها وهو يقترب. ليقول بهدوء: مش عايزة تسلمي على جوزك يا نايا؟

لتشعر برجفة جسدها أثر تلك الكلمات، لا تعلم لما. ولكنها كانت تتمنى لو أن تلك اللحظات حقيقية. لتلتفت له نايا ببطء. لينظر لها الآخر بابتسامة انمحت تدريجياً وهو يراها، ما الملاك أمامه. لا يهمه وزنها، ولا كل ما تظنه هي نقص بها. هو يراها جميلة للغاية منذ أول يوم رآها به. يكاد يكون تصنم أمام تلك الفاتنة بذلك الفستان الأبيض الذي جعلها ملكة متوجة أمامه. ليقترب منها

وهو يقول بهمس بدون وعي: قمر وعمري ما شفت فجمالك اتنين أبداً. خطفتي قلبي. لتنظر له نايا بصدمة وهي ترى تلك النظرة في عينيه. ولكنها ظنت أنها تتوهم. لتبتسم له بتوتر وهي تقول: تسلم. مش يلا اتأخرنا؟ ليبتسم لها إلياس وهو يضع يديها على ذراعه. لتنظر له الأخرى وهي تهبط معه تحت تصفيق الجميع وتهانيهم لهم. حسام بسعادة: أنا مش عارف ليه حاسس إلياس مبسوط ومش مجرد تمثيل. معقول يا جدعان التمثيلية تتحول لحقيقية ويحبوا بعض؟

مؤمن بحالمية: هيييح، ده يا ألف هنا. ليلة المنى. ويبقى واحد في شلتنا التعيسة فك النحس، يعرر. لينظر له شادي بملل وهو يقول: أنا حاسس بكده برضه. بس خلينا واقعيين. معقول يحصل؟ مؤمن وهو يرفع إحدى حاجبيه: وليه لا؟ اسم الله على مقامك. ابننا ميتعايبش. وإن كان مش معاه فلوس، بس معاه قلب طيب وراجل بمعنى الكلمة. حسام بضحك: فعلاً، أول مرة تقول حاجة عدلة يا مؤمن. اتفق بشدة.

ليقول مؤمن بغرور: طول عمري بقول درر، بس اللي يفهم. شوية بهايم. ليضحك حسام بشدة. ولكن يرى رامي وهو يلحق بروجينا لمكان ما، ليتركهم وهو يذهب خلفهم بسرعة. مريم بسعادة وهي تمسح دموعها: مبروك يا بنتي. عشت وشفتك عروسة. لتبتسم لها نايا وهي تحتضنها بحب: الله يبارك فيكي يماما. إيه يستي؟ ما كنتيش مصدقة للدرجادي؟ زهقتي مني؟ ليضحك يزن بشدة وهو يحتضنها منها: لا يروحي، انتي نور البيت كله. حد يطول يبقى عنده قمر زيك؟

لتحتضنه نايا بحب. منار بسعادة: لا وسعولي كده. دي بقت ملكية خاصة لعيلتنا. أمال تعالي فحضني يبنتي. ألف مبروك. لتبتسم لها نايا وهي تحتضنها: الله يبارك فيكي يماما. إلياس بضيق: يا جدعان، والله فرحي زيها. أنا هنا يماما، أنا ابنك. عيطي عشاني، قوليلي هتوحشني، إيه؟ حاجة قدامهم. لتقول منار بغيظ: بس يولا، انت هتترزع جنبي وشي فوشي، أخويا ٢٤ ساعة. لينظر لها إلياس بسخرية: على أساس هي هتسافر وتهج بره؟ مهي هتترزع معايا. لتنظر

له منار بتفكير وهي تقول: أيوه، تصدق صح. أقنعتني خلاص. تعالي يا واد، ألف مبروك يروحي. عشت وشفتك عريس. ليحتضنها إلياس بحب وهو يقول: ربنا يخليكي ليا يست الكل. ليستمعوا لصوت خلفهم وهو يقول: مبروك يا نايا. مبروك يا إلياس. أخيراً عشت وشفتك في الكوشة. لتنظر له نايا بكره وهو يقترب منها وكأنه يهنأها. ليقول بهمس: نفذتي اللي في دماغك وخسرتيني رهاني. بس وحياتك، لترد لك قريباً. وهكشف كل اللي عملتيه. مفكراني معرفش حاجة؟

تؤتؤ، تبقي غبية يا نايا. لتقول الأخرى بثقة وهي تنظر له بتحدي: ادي أول مسمار في نعشك يا عاصم. واللي جاي هيعرف مين فينا الغبي. لتقول بصوت عالٍ: مبروك يا عاصم. ليك انت ونرمين، سمعت فرحكوا الأسبوع الجاي. لتبتسم لها نرمين بسماجة وهي تقول: آه يا نايا يا حبيبتي، فعلاً. وانتي أول المعزومين. لتقول نايا باستفزاز أكبر: معلش يحبيبتي، بقي تتعوض في فرحك الجاي. أصل بعيد عنك، عندي شهر عسل. لتقترب نرمين منها بغيظ

وهي تحتضنها لتقول بهمس: ليه بس؟ زعلتيني بجد. كان نفسي أشوف وشك ورد فعلك في فرحي على حبيبك. في اليوم اللي اتفقتوا فيه على فرحكوا. بس أنا اللي مكانك. بس عارفة، المفروض تفرحي. لتبتعد وهي تنظر لها وتهمس بحقد: فرح صاحبتك الانتيم من الطفولة على حبيب عمرك، مش هتبقى حاجة حلوة. أويل.

لتجفل نايا وهي تحاول ألا تظهر ما بداخلها، فهي تكاد تبكي وتصرخ بهم. لتقول باستفزاز حاولت بقدر الإمكان جعله بارداً: معلش بقي، أهي الوساخة متنفعش غير في المكان القذر. لايقين على بعض. بعدين يفيد بإيه؟ أديني نفذت وعدي وفرحي كان قبل فرحك، وعشت حياتي أحسن منك. أما انتي، أوعي تفكري إنه بيحبك. تؤتؤ، عاصم مبيحبش غير نفسه. بكرة تشوفي. هياخدك ويرميكي لما يزهق منك. لتقول نرمين بسخرية وعصبية: آه، زي ما زهق منك ورماكي يعني؟

تؤتؤ. معلش، كان بيتسلى، صح؟ نسيت إنه عمره ما طاقك ولا شافك من أصله. لتنظر لها نايا بدموع وعصبية. لتشعر بيد إلياس تطوق كتفها وهو ينظر لعاصم ونرمين بابتسامة باردة: معلش، أنا مش فاضي للرغي والهمس النهارده. ليلتي أنا ومراتي. وأما الناس الصفرا، مش مرحب بيهم. عن إذنك. واليسحب نايا وهو يضغط على يديها بدعم، لتتحرك معه وهي تشعر كأنها بدون روح. لينظر له عاصم ونرمين بحقد.

لتقول نرمين في سرها: بكره، وحياتك لوجعك زي ما كنتي بتعملي طول عمرك يا نايا. وما وقفتش على هنا. ده أنا استحملت إنسان مش بطيقه عشان أكسرك وبس. ولو حتى هيرميني بعد ما أكسرك، معنديش مانع. كفاية أشوفك مذلولة قدامي. والأيام بينا تحكم.