رواية زوجة للميراث الفصل الحادي والثلاثون 31 - بقلم شروق الجندي

دول تذكرتين، عمره أنا عارف إن كان نفسك فيها من زمان، وحسين رفض، بس أنا مطمئن عليكي مع جمال. حضنته بحب. ربنا يخليك ليا يا بابا، لو أبويا عايش مكنش عمل معايا كده. إحنا متشكرين أوي يا عمي، دي أحلى هدية والله. أنتم ولادي، ربنا يسعدكم يا بني. يا رب. الليلة كانت جميلة والكل فرحان وأنا مبسوطة لهم أوي، بس كان نفسي عاصم يكون معايا، قلت بتنهيدة. الله يرحمك يا غالي. مساء الخير. مساء النور يا أستاذ عزت. أنا جيت أسلم عليكي قبل ما أسافر. تاني، أنت مش لسه راجع من الأردن من شهر؟ أصل عرفت واحدة مصرية هناك وحبيتها، ورايح أخطبها أنا وأهلي. ألف ألف مبروك، فرحتني بجد. أنا ومدام عزة خلعنا من العزوبية، عقبالك. أنا أجوزت ولادي وشغلي. ربنا يقدرك عليهم. يا رب. استأذنك هسلم على الحاج محمد. اتفضل. عزة مشيت مع جوزها وولادها معايا لحد ما رجعت من شهر العسل والعمرة، سابت فراغ في حياتي بس فرحانة ليهم. وبعد يومين لاقيت بابا سرحان ومدايق. مالك يا بابا؟ هاا لا مفيش. مفيش إزاي، أنت من يوم الفرح سرحان ومش مظبوط، في إيه؟ أصل عزت يومها قالي حاجة غريبة. حاجة إيه؟ حسين طالبني أنا وإنتي. حسين!! عايز إيه؟ معرفش، ومش عارف أصلاً نروح ولا لا. لا يا بابا، هنروح. مش قادر أبص في وشه.