رواية زوجة للميراث الفصل التاسع 9 - بقلم شروق الجندي

_أنت بتقول إيه؟ تعويض إيه اللي تاخده لوحدها؟ ده أخويا أنا، وأنا الأولى بفلوسه لوحدي. _يا معلم حسين طالما إنه متجوز وعنده ولاد، يبقى هما الأحق بيه. _هو أنت المحامي بتاعي ولا بتاعهم؟ _لا أنا محاميك طبعًا، بس ده اللي هيحصل وهيستلموها النهاردة. _لازم تعمل حاجة، إن شاء الله تقتلهم هي وعيالها، المهم الفلوس دي تجيلي ومطلعش من المولد بلا حمص. _أنت بتقول إيه يا مجنون أنت؟ أنت عايزني أقتل أيتام وست بريئة عشان طمعك؟ _فكك من شغل شيخ الجامع ده، أنا عارف إنك نصاب وياما لهفت رشاوى. _آه خدت رشاوى بس عمري ما أقتل أبدًا، وشوفلك محامي تاني، أنا هسيب القضية. _أنت رايح فين يا أستاذ عزمي؟ أنا بهزر يا راجل. _وأنا مبهزرش، سلام. يلا يا بابا خد الفلوس عشان خاطري. _يا بنتي دي فلوسك وحق ولادك، آخدها ليه؟ _عشان أنت أبويا وأبو حبيبي، وهنعمل مشروع سوا أنا وأنت وماما وعزة، ونص الفلوس هفرقها صدقة على روح عاصم، ده حقه. _أصيلة يا غالية. _عارفة أنا لسه محزنتش عليه، حسين خد مني الحق ده. _ربنا يهديه يا بنتي. _متزعلش نفسك وخد الفلوس يلا عشان نروح المستشفى لماما ونشوف الدكتور قال إيه. رن تليفون حمايا. _آلو. _أيوه أنا. _إيه! فجأة وقع في الأرض أغمى عليه. _بااابااا! ألحقيني يا عزة.