رواية زوجة للميراث الفصل الثالث والعشرون 23 - بقلم شروق الجندي

على أي مصنع يا فندم؟ على الملابس ولا المنظفات؟ لا، الملابس. حاضر. بعد نص ساعة وصلت عزة لمكتب رئيس مجلس الإدارة. صباح الفل يا ريسة. صباح الفل يا مديرة، ها طمنيني عملتي إيه؟ ارتاحت أوي لما شفت غليلي منه. ده أهم حاجة إنك ترتاحي وبس، هاا عملتي إيه في موضوع الستات؟ كله تمام، بعتت للمطلقات والأرامل والغارمات إنهم يشتغلوا في أي مصنع تبعنا وكلهم وافقوا والاستلام بكرة. حلو أوي، أنا هروح أقابل أستاذ عزت، معرفش عايزني في إيه، ولما أرجع نشوف الصفقة الجديدة. أوك، سلام. يا أستاذ عزت، بقالك نص ساعة ما قولتش حرف، لو سمحت قولي في إيه عشان مشغولة بجد. أخبار حياتك إيه؟ الحمد لله، صحيح مشغولة بين الشغل وبابا والولاد بس الحمد لله الأمور تمام. إنتي جدعة وقوية، عنده حق عاصم يحبك كده وما استغربتش لما حماكي قال إنك بنتة، أنا فخور بيكي، إنتي فوقتيني ورجعتيلي عزت القديم لما دخلتي حياتي، صحيتي ضميري بعد ما مات. أولاً بشكرك على كل ده، بس ممكن أفهم كل المقدمات دي ليه؟ أنا معجب بيكي ونفسي تقبلي إنك تشاركيني عمري الجاي. بصت له بصدمة. إنت بتقول إيه يا أستاذ عزت؟ إيه الجنان ده؟ الجنان إني أسيب واحدة زيك يا سارة، إنتي أحسن واحدة عرفتها في حياتي، تتجوزيني يا سارة.