رواية زوج تاجير الفصل الرابع عشر 14 - بقلم شهد احمد

مارتين. لما شافته كده كانت هتعيط وفضلت تقول: "أي مالك واقف ليه؟ هو أنا طالعة وحشة للدرجة دي؟ للدرجة دي اتصدمت؟ طيب رد، طيب قول أي حاجة." وبدأت أنها تعيط. فراس. جري عليها لما لقيها بتعيط وقال: "بس بس، في إيه علشان تعيطي؟ مارتين. بدموع: "علشان أنا طلعت وحشة في الفستان والميكب، وعشان كده أنت ساكت واتصدمت كمان." فراس. مسح دموعها وقال: "مين بس اللي قال إنك طالعة وحشة؟

يا حبيبة قلبي، ده أنتي طالعة حلوة أوي لدرجة إني مش قادر أشيل عيوني من عليكي، وكنت واقف بس بتأمل فيكي وفي جمالك." مارتين. "يعني أنا طالعة حلوة؟ فراس. "وأجمل كمان يا روحي." مارتين. "أنا خوفت يا فراس، لخّ مش أعجبك، وخوفت لما لقيتك ساكت." فراس. "حقك علي قلبي يا روح قلبي." وراح مطلع من وراه بوكيه ورد وعطاه ليها وقال: "أحلى ورد لأحلى وردة في حياتي." مارتين. بكسوف: "تسلملي يا فراس." خديجة. "مش يلا ولا إيه؟

فيه ناس مستنيانا، بعدين ابقى اتغزل فيها يا فراس، هههه." فراس. "هههه، ماشي يا ست خديجة، يلا." واخد مارتين وطلعوا، وخديجة كانت ورا مارتين وماسكا ليها الفستان، وبدأت الزغاريد. وخديجة كانت واقفة بتدور بعيونها على عاصم ومروان، وفجأة عاصم طلع من وراها. خديجة. لسه بتبص لقت عاصم ومروان. "اتأخرت ليه كده يا عاصم؟ عاصم. "كنت بجهز أنا ومروان." خديجة. "آه." وبعدين أخدت مروان وقالت:

"موزة حبيبي، طالع حلو أوي، منين البدلة الحلوة دي؟ عاصم. "أنا جبتها ليه؟ خديجة. "ليه يا عاصم؟ ما أنا كنت مطلعة ليك لبس." عاصم. "عادي بقا يا خديجة، مشي الدنيا، مروان ابني برضه." خديجة. "تسلم يا عاصم." ومشيت هيا وعاصم ومروان مع بعض، بعد ما فراس أخد مارتين ومشي. وبعد شوية كانوا وصلوا القاعة، وكانت الزفة كبيرة أوي، ومارتين كانت مبسوطة، واشتغلت أغنية رومانسية ورقصت عليها هيا وفراس.

بعد ما الأغنية خلصت، نادى على كل اتنين متجوزين علشان يرقصوا مع بعض سلو. عمة خديجة زينب أخدت مروان من خديجة وقالت لـ عاصم: "خود مراتك وروح ارقص يا ابني." خديجة. "لا ي عمتي، أصل مش قادرة، تعبانة." عمة خديجة زينب. "يلا روحي، بلاش حجج فارغة." وزقت خديجة على عاصم وقالت: "يلا روحوا." عاصم.

أخد خديجة وراحوا علشان يرقصوا، وكانت رقصتهم مع بعض حلوة أوي. وشوية واشتغلت الأغاني الشعبية، والكل كان عمال يرقص ويطنطط ويغني مع الأغاني. ومارتين وأصحابها عملوا استعراض، والكل كان مبسوط ومتفأجئ. خديجة. راحت مع عاصم علشان ياخدوا مروان من زينب. زينب. "ما أنت بترقصي أهو، أمال تعبانة إيه؟ وبعدين أنتوا لايقين على بعض، ي بت يا خديجة، ربنا يخليكم لبعض." خديجة. "تسلمي ي عمتي." واخدت مروان منها.

وقاسي أخد عاصم علشان يرقص معاه، وكان قاسي حب عاصم أوي بعد اللي عاصم عمله معاهم. والكل كان فرحان ومبسوط، واتصورت العائلة كلها مع بعض، وعاصم ومروان اتصوروا مع خديجة، وكمان رقصوا مع بعض. أم فراس. "ابنك الحليوة دي ي خديجة؟ خديجة. "آه ي طنط، عقبال مارتين وفراس إن شاء الله." أم فراس. "إن شاء الله يا حبيبتي، تسلميلي. اومال فين جوزك؟ أنا لحد دلوقتي مش شوفته." خديجة. "جوزي مع قاسي ي طنط، لما ييجي هخليكي تشوفيه." أم فراس.

"ماشي يا بنتي، ربنا يسعدكم مع بعض." خديجة. "تسلمي ي طنط، هروح أشوف مارتين." أم فراس. "تمام." وخديجة ماشية قابلتها جميلة وقالت: "كانت بتقولك إيه؟ خديجة. "مفيش، كانت بتسألني على عاصم وأنها مش شافته وكده." جميلة. "طيب روحي وخليكي مع أختك." خديجة. "حاضر."

وراحت عند مارتين ورقصت معاها هيا ومروان واتصوروا مع بعض. وشوية وكان الفرح خلص، وفراس أخد مارتين وكانوا مروحين على بيتهم. وخديجة واقفة مع عاصم، قابلتها أم فراس علشان كانت بتسلم على جميلة ومحمد. أم فراس. "هو ده جوزك ي خديجة؟ خديجة. "آه ي طنط، ده عاصم جوزي." أم فراس. سلمت عليهم وقالت: "ربنا يوفقكم مع بعض." وسلمت على الكل ومشيت هيا كمان ورا فراس ومارتين.

وكانت كل المعازيم مشيت، وقاسي أخد جميلة ومحمد ومشيوا، وقال لـ عاصم إنه يجيب خديجة ويروحوا. وعاصم قال لـ قاسي: "تمام." وكل واحد أخد جماعته ومشي. وكان شوية وكل واحد روح بيته. عند مارتين وفراس بعد ما وصلوا بيتهم ودخلوا. فراس. "نورتي بيتك ي حبيبتي." مارتين. بكسوف وتوتر: "تسلم." فراس. "مالك كده متوترة ليه؟ أنا عايزك تهدي خالص، وبعدين مفيش حد غريب، ده أنا جوزك وانتي مراتي، وده بيتنا أنا وانتي." مارتين. اتكسفت. فراس.

علشان يخفف توترها قال: "يلا روحي غيـ،ـري هدومـ،ـك عقبال ما أنا كمان أغـ،ـير هدومـ،ـي وأجهز الأكل علشان أنا واقع من الجوع." مارتين. بكسوف: "حاضر." وراحت علشان تغير، وهو كمان. وبعد ما خلصت طلعت وقعدوا مع بعض علشان يأكلوا. ونسيبهم مع بعض بقا. وعاصم وخديجة كانوا في الطريق، في تليفون جه لـ عاصم، وبعدها عاصم اتصدم.