رواية زوجتي الهاربة الفصل العاشر 10 - بقلم زهرة العلم

في صباح يوم جديد، عند البنات وهن ماشيات بعد الفطار. حياة: عندك محاضرات كتير النهارده يا كارما؟ كارما: لأ، معنديش غير محاضرتين بس. حياة: تمام، هتعملي إيه بعدين؟ كارما: مش هعمل حاجة، هاخد معاد وأرجع على طول أنام. حياة ابتسمت: تمام يا قلبي. وكملت: وانتِ يا حور، هتأخري؟ حور: لأ، معنديش شغل كتير النهارده، وكمان النهاردة مفيش حاجة أراجعها مع دكتور أسر. كارما: دكتور أسر؟ حور بضيق: كارما. كارما بضحك: وهو أنا قلت حاجة؟

وبعدين كل واحدة اتجهت لوجهتها. عند حياة. بعد ما دخلت مكتبه، وصل ياسين بابتسامة غريبة. ياسين بابتسامة: صباح الخير يا حياة. وسابها ودخل. حياة بتكلم نفسها: هو قال صباح الخير ولا أنا بيتهيألي؟ وبعدين راحت تعمل القهوة لياسين. وبعد وقت دخلت بالقهوة لياسين. حياة: القهوة. ياسين بابتسامة: شكراً. حياة طبعاً من كتر الصدمة مردتش. حياة بعد ما فاقت من صدمته: ها، حضرتك النهاردة عندك اجتماع الساعة حداشر. ...

ياسين بجدية: تمام، خلصتي الملفات؟ حياة: أيوه، فضل ملف واحد وهخلص. ياسين: تمام، اتفضلي خلصي الملف وهاتيهم. حياة بعملية: تمام. وطالعة. حياة: الراجل ده عنده انفصام في الشخصية، ده بيتقلب مرة واحدة، أووف. وراحت تخلص شغله. عند مريم وكارما في الجامعة. بعد المحاضرة الأولى في كافية الجامعة. مريم: يا كارما، وبعدين معاكي بقى؟ بقالي ساعة عمال أقنع فيكي وإنتي مش راضية تقتنعي.

كارما: يابنتي والله مش عليا أنا بس، أخواتي مش هيوافقوا. مريم: يابنتي، إنتي بس جربي، والله هيوفقوا. لو موفقوش أنا هقنعهم، متقلقيش. كارما: والله مش هينفع، هيقولوا إني بحاول أضغط عليهم وهما مبيحبوش كده. مريم: ياستي مش هتضغطي عليهم ولا حاجة. كارما: خلاص بقى يا مريم، مش ضروري. مريم: لأ والله مش هينفع، ده ماما أصرت عليا وأنا قلت لها إنكم جايين. كارما بقله حيلة: طيب، تعالي نحضر المحاضرة دي وهشوف.

مريم بابتسامة: مفيش هشوف، إنتوا جايين. كارما هزت دماغها بقله حيلة ودخلوا المحاضرة. عند حور في الجامعة. خلصت الشغل اللي عندها وواقفة مع دكاترة ومعيدين. دكتور علي (فاكرينه) : دمك خفيف أوي بجد، مش عارف ما تقابلناش قبل كده إزاي. إسراء دكتورة معاهم: أيوه والله معاك حق يا علي، دا انتي يا حور لقطة. حور بغرور مصطنع: طبعاً يا بنتي، أومال. علي بإعجاب: يا سلام على التواضع. إسراء: آه شوفت.

حور بابتسامة: لأ، ده مش غرور يا بنتي، دي ثقة. نسيبهم شوية. عند أسر كان بيدور على حور. ووقفتوا سما (اللي قارئ الرواية من الأول هيعرفها) سما: هو حضرتك بتدور على حاجة يا دكتور؟ أسر: أه، كنت بدور على الآنسة حور، شوفتيها؟ سما بحقد: حور. وكملت بخبث: بيتهيألي شفتها واقفة مع دكتور علي هناك. وشورتله على مكان ما واقفين. سابها أسر بغضب مكتوم. بعد ما أسر مشي. سما بتكلم نفسها: يا ترى راحت يا أسر؟ يا ترى إسراء راحت المحاضرة؟

وابتسمت بخبث ومشيت. عند حور. إسراء: أووه، لازم أمشي عشان المحاضرة هتبدأ وما ينفعش أتأخر. حور بابتسامة: تمام يا روحي. وفعلاً مشيت إسراء، وفضل علي وحور. حور بابتسامة: وأنا كمان لازم أمشي بقى، مينفعش نفضل واقفين أكتر من كده. علي: ليه يعني؟ إيه الهجرة؟ حور لسه هتتكلم، قاطعها قدوم أسر والغضب والغيرة. أسر بغضب وغيره: حور، تعالي عايزك. حور باستغراب من حالته: هو في حاجة حصلت؟

أسر بغضب أكتر: تعالي معايا يا حور، مش هعيد كلامي تاني. حور بضيق: أيوه، أنا بس بسألك حضرتك في إيه. أسر مردش عليها، ومسك إيدها وسحبها وراه ودخلها مكتبه. حور بغضب من طريقته: إنت إزاي تتعامل معايا كده؟ أسر بغيره عمياء: إنتي واقفة مع علي ليه؟ حور كانت هتقول إن إسراء كانت معاهم، بس الغرور منعها. حور: إنت مالك؟ أقف مع علي، مع عزرائيل، ملكش دعوة. أسر بغيره: لأ، ليه فاهم، وحذرتك، ألاقي واقفه مع علي تاني.

حور باستغراب: ليك إزاي؟ إنت الدكتور اللي بتساعدني وبس. أسر بيضغط على إيدها بسبب إنه كان هيقول حاجة ممكن تبوظ بسبب غيرته. حور بغضب: ممكن حضرتك ترد عليا. أسر بهدوء: مفيش حاجة، ممكن تطلعي دلوقتي. حور بصدمة بسبب تغييره المفاجئ. حور بصدمة: ها؟ أسر بابتسامة بسبب صدمتها: اتفضلي دلوقتي، عندكم شغل مهم. حور بضيق: أكيد، هتفضل، لإن أنا مش عايزة أفضل هنا. ونسيب حور تستوعب الصدمة. عند حياة.

بعد ما خلصت الملفات ودخلت المكتبة بعد ما استأذنت ياسين تدخل. حياة بثقة: الملفات كلها خلصت، اتفضل لو هترجع عليها. ياسين بابتسامة: بصراحة، بعد الثقة في الكلام دي، أكيد مش هرجع. حياة: آه والله، ما عني سمعت إن حضرتك مابتثقش في حد غير نفسك. ياسين بابتسامة: اللي سمعتيه صح، بس أنا بثق فيكي. حياة بتوتر لأول مرة: ها، قصدي ده شرف لي، أكيد بعد إذن حضرتك. ياسين: تمام، اتفضلي.

حياة بعد ما دخلت مكتبها: والله ده عنده انفصام في الشخصية، اللي يشوفه دلوقتي ما يشوفوش الأيام اللي فاتت. وقعدت على المكتب. في الجامعة عند كارما ومريم. مريم: طيب، رني بقى، والله مش هيزعلوا. كارما بقله حيلة: تمام، هرن على حور الأول، وبعدين حياة، لإن حور أسهل. مريم: تمام، رني بقى وأنا معاكي. كارما مسكت التليفون وطلبت حور. عند حور، تليفونها رن، وكانت كارما. حور بضحك: خير يا فرخة؟ بترني؟ يبقى عايزة مصلحة، عايزة إيه؟

كارما بتوتر: ها، بقا كده، مبترنش عليكي غير وأنا عايزة حاجة؟ حور: كارما، قولي يا قلبي، عايزة إيه على طول وبلاش توتر. كارما بصراحة: مريم، إنتي عارفة صح؟ حور: آه، وبعدين. كارما: بصراحة كده، هي حكت لمامته عننا، وهي عازمانا على غداء. حور بضيق: بس إنتي عارفة. كارما قاطعتها: والله عارفة، وبقلق، بس هي مسارة جداً. حور: حتى لو أنا وافقت، حياة مش هتوافق.

كارما: قولي إنتي بس إنك موافقة، وهنقنعه أنا وإنتي، يلا بجد، لإن مريم بتقول إن مامته هتزعل لو مرحناش. حور: خلاص، تمام. كارما بفرح: تمام، استنى هضيف حياة معانا عشان نقنعها. حور: تمام، بس إنتي عارفة الطريقة صح؟ كارما بخبث: أكيد يا بنتي، أومال. عند حياة، تليفونها رن برقم كارما. حياة: أيوه يا قطة، في حاجة ولا إيه؟ كارما: بصي، أولاً، حور معانا على التليفون.

حياة باستغراب: آه، كده، عايزين حاجة، يبقى قولوا على طول، عايزة إيه؟ حور: لأ، إنتي مش هتوافقي، عشان كده هنقنعك. حياة: ومن إمتى الحاجة اللي ببقى رافضة برجع أوافق عليها؟ كارما: أصلاً هي حاجة مش مستاهلة الرفض، وهنزعل لو رفضتي. قبل ما حياة ترد، حور اتكلمت. حور: والله هي حاجة صغيرة، مش مستاهلة الرفض. كارما: أيوه والله معاكي حق يا حور، مش مستاهلة دموعي اللي هتنزل. حور لسه هتتكلم، قاطعتها حياة.

حياة: خلاص، إنتي وهي هتحرضفوني لبعض، عايزين إيه؟ كارما: قولي الأول، موافقة. حياة: يا سلام. حور: ده حاجة صغيرة ومش هتضايقك. حياة: أومال ضايقتني من دلوقتي، يعني، بس ماشي، موافقة، عايزة أخلص. كارما بفرح وتوتر: أصلاً مريم، مامته، عازماني على غداء. حياة بصدمة: نعم؟ مستحيلاً طبعاً. حور: إنتي وفقتي وخلاص، وإحنا عارفين إنك مش بترجعي في كلامك. حياة بعصبية: آه، عشان كده خلتوني أوافق وخلاص.

كارما: خلاص بقى يا حياة، نبي، مريم عاملة تترجاني، نبي. حياة بقله حيلة: خلاص، إنتي هتشحتي؟ تمام، هستأذن من مستر ياسين وهرد عليكم. حور وكارما: تمام. سلام. حياة: سلام. ودخلت على ياسين بعد ما استأذنت. حياة بتوتر: مستر ياسين، ينفع أطلع إ النهارده بدري؟ ياسين بابتسامة لأنه عارف هي عايزة الإجازة ليه، بس مبينش. ياسين بجدية: تمام، بس عايزة ليه؟ حياة بدون تفكير: أمك. ياسين بصدمة: أفندم؟

حياة بعد ما استوعبت اللي قالته، عضت على شفتها السفلى بحرج. حياة بحرج: آسفة، والله مش قصدي، حضرتك مش عارف قلت كده إزاي. ياسين يبتلع ريقه من شكلها المغري: تمام، بس فكي أسنانك. حياة بعد ما فهمت: ها؟ ياسين بجدية: كانت بس بسألك، عايزة إجازة ليه؟ حياة: آه، مامته حضرتك، عازمانا النهاردة على غداء، وما عرفتش أستأذن بسبب أخواتي. ياسين: مفيش داعي إنك تستأذني، تقدري تطلعي دلوقتي. حياة بشكر: شكراً لحضرتك، بعد إذنك.

وطلعت بلغت البنات واتفقوا يروحوا الشقة يغيروا ويتطلعوا على هناك، بعد ما كارما تاخد العنوان من مريم. كارما: ابعتيلي يا مريم العنوان بقى، واحنا هنيجي وركِ. مريم بفرح: تمام يا قلبي، هبعتلك العنوان وهبلغ ماما. كارما: تمام، سلام بقى عشان أروح أجهز. مريم: سلام. وكل واحد مشي في طريقه. ومريم بغبطة، أمل الفرحة جداً إنها هتقابلهم. بعد ما مريم وصلت الفيلا، بعد شوية وقت، الجرس رن. مريم: أنا هروح أفتح، أكيد هما.

أمل بحماس: تمام، روحي بسرعة. مريم بتفتح، على إنهم البنات، اتفاجأت بمريم. .................. استوب.