رواية زوجتي الصغيرة رومنسيه خليجية الفصل التاسع وستون 69 - بقلم Shifaoman

00 : 11

بيت ابو جواد

جالسه بغرفتها و تتذكر حسام

ليش يا حسام سويت فيني كذا

حبيتك و عشقتك و بعدين تتركني و تروح لها

قامت للمرايه و هي تشوف نفسها صحيح ان جمالها عادي و اللي يميزها هو قصة شعرها اللي كان طويل و على

شكل v و كان خفيف و كيرلي و لونه بني فاتح

نزلت دمعتها و هي تتذكر كيف خانت ثقه اهلها و كلمت حسام من وراهم و ووعدها يخطبها و يتزوجوا

صحيح انه وفى بوعده و خطبها من اهلها

بس اللي سواه جرحها و جرح انوثتها

تعالت شهقاتها و هي تتذكر يوم ملكتها

كانت قاعدة معاه بغرفة التصوير و قاعدين يتصورون

اخذها معاه للمجلس و وقف جنبها

مسك ذقنها و باسها بهدوء على ثغرها

و ابتعد عنها بهدوء و ابتسم و هو يقول : انتي طالق

ترددت الكلهة على مسامعها

انتي طالق

انتي طالق

انتي طالق

فتحت عيونها بصدمه و هي مو مصدقة اللي قاعد يصير

قالت و هي تبتسم بارتجاف و تمسك وجهه بين يدينها الصغيرة : حسام انت تمزح صح

قال و هو يضحك بقوة : ههههههههههههههههههههههههه لا حبيبتي ما امزح

و كمل و هو ينفض ايديها من على وجهه باحتقار : تبيني انا اخذ وحدة باعت ثقة اهلها عشان واحد تكلمه

و كمل و هو يلف عشان يخرج : انا ما اخذ بنت شوارع

انهارت على الارض و هي تشوف حبيبها و زوجها يروح و يخليها بعد ما طلقها

كانت تبكي بكل قوتها و تصرخ : حساااااااااام

الله يخليك حسام لا تتركني و الله العظيم احبك

دخلت امها اللي كانت تبكي لانها عرفت باللي صار و طردوا اهل العريس لانهم كان بينتقمون لابوهم اللي مات بسبب

خسارته لاغلبيه ماله لما سوى صفقة مع ابو جواد و اللحين لما رجوا لمكانتهم الاجتماعيه العاليه

و سووا كل هالحكايه عشان ينتقمون في بنته و طلقها بعد ملكتها بساعات ''

مسحت دموعها و هي تشهق

حطت يديها على فمها يقوة تبي تحبس شهقاتها

و هي تتذكر حياتها بعد ما طلقها ليله ملكتها

الناس كلهم يتكلموا عنها و انه في سبب انه طلقها بعد ما ملك عليها

صارت ما تضحك كثير صارت منطويه و دايما في غرفتها

صحيح تحسنت بفضل فرح و جود اختها و جواد و امها و ابوها

بس دايما تحس بالنقص لانها مطلقة

ابتسمت لنفسها بالمرايه بتحدي على انها تغير نفسها للاحسن

مسكت شعرها و هي تشوفه دايما كيرلي و ما تسشوره الا بالمناسبات

راحت للحمام اخذت شاور

لبست روب الحمام و خرجت من الحمام

وقفت قدام التسريحه و مسكت المشط و مشطت شعرها

جففت شعرها و سوته ويفي

تغيرت كثير عن قبل صار وجهها مبين و مبينه تقاسيمه

لمت شعرها كلها

و مسكه شنطه المكياج اللي كانت هديه من امها يوم عيد ميلادها قبل شهر

عشان تتحسن نفسيتها

حطت كريم اساس على وجهها و رقبتها و سوت ماسكرا و اي لاينير و شدوا و روج احمر صارخ

رجعت شعرها و مشطته من جديد

ابتسمت باعجاب و رضى لنفسها

لبست فستان للركبه باللون الاحمر و فلات اسود

مسكت تليفونها و صورت نفسها

مسكت التلفون بايدها و نزلت تحت

حست بتانيب ضمير و هي تشوف الفرحه على وجه ابوها و امها

قالت ام جواد بفرحه : هلا و الله بحبيبتي .. تبارك الرحمان ... ماشاء الله كامله و الكامل الله

ابو جواد و هو ياشر على المكان اللي جنبه : هلا بحبيبة ابوها ... اجلسي جنبي

جلست بهدوء و خجل من ابوها و امها

قال ابوها و هو يبتسم و يحضنها على جنب : هذي هي بنتي اللي اعرفها

دمعت عيونها

رفعت عدسات عيونها لفوق تمنع الدموع لا تسقط

ابتسمت بارتجاف .... ليش تبي تذكرني يبه باللي صار

قالت بابتسامه : يبه جواد و فرح مو جايين اليوم

ابو جواد : لا ان شاء الله جايين لاننا مسويين عزومه لهم على الغذا

نزلت جود و وليد و جلس وليد بحضن جدته و جود مبتسمه على حركاته الطفوليه

قالت جود بابتسامه : يبه اليوم بروح عند صديقتي مسويه عزومه عشان عيد ميلاد بنتها و باخذ وليد معاي

ابو جواد : براحتك

وقف و قفت و هو يقول : جود ابيك في المكتب

قامت مع ابوها و هي متجهة للمكتب

...

جلست قدامه

ابو جواد : جود يا بنتي كم مرة اقولك اذا احتجتي شي تقولين

جود و الغصة في حلقها و مو قادرة تتكلم تحس دايما بالنقص

ابوها اللي يصرف عليها هي و ابنها و لما طلبته تشتغل عشان تصرف عليها و على ابنها رفض

نزلت الدمعه بهدوء على خدها و هي مو قادرة ترفع عيونها و ترد على ابوها تحس انها عله عليهم

فلتت شهقة منها قام ابوها و جا جلس قدامها على ركبيها قومته بسرعة و هي ترمي نفسها بحضنه

و تبكي بقوة : لا يبه ما ابي اي شي انا مرتاحه و ان شاء الله ارد لكم خيركم علي

بعدت عن حضن ابوها و هي منحرجه من ردة فعلها

مسك كتفها بحنان و هو حاس بتالم بنته و جرحها

نظرة الانكسار في عيونها دليل على اللي تعيشه من طلقها زوجها

قال و هو يلف عنها : المهم نزلت لك مصروفك انتي ووليد في الحساب

و ما ابي القاه ابيه ينتهي قبل الشهر الجاي

قالها بجديه عشانها دايما ما تصرف المال اللي في حسابها الا بالغصب

هو حاس فيها انها تحس بالذل و الاهانه انها مو قادرة تصرف على نفسها

بس هو ابوها و هو اللي لازم يصرف عليها و على ابنها

راحت له و رفعت نفسها لجبينه قبلته و نزلت راسها و هي تشكره و خرجت من المكتب بسرعة تبي تختلي بنفسها

راحت لجناحها

فتحت الدرج بعد ما فتحته بالمفتاح

و خرجت صورها هي وياه بالملكه و بالعرس و في شهر عسلهم

مسحت دموعها بقوة و هي تخبي الصورة في الدرج و تقفل عليه بالمفتاح

تمددت على سريرها و هي تتذكر ايامهم مع بعض

**********

هي : خلاص ههههه خلاص وقف

هو : لا و الله تبيني اوقف قولي احبك

هي : هههههه خ ههههه خلاص حبيبي خلاص احبك و اموت عليك

وقف و هو يحضنها و يقبل خدودها : ههههههه اللحين حبيبي و احبك و اموت عليك

********

هي : اممممم لا ابي اتسوق

هو يبتسم بحب : خلاص اللحين نروح

هي و تبتسم و تنزل راسها بخجل : مشكور حبيبي

قرب منها و هو يمزح : لا السافة فيها حبيبي ما في خروج من البيت

رفعت راسها بسرعة و هي شوي و تبكي : لا حرام عليك ... ابي اتسوق ... خلاص باسحبها

باس خدها و قال و هو يروح للحمام : امزح بس