رواية زوجتي الصغيرة رومنسيه خليجية الفصل الثالث وستون 63 - بقلم Shifaoman

بيت ابو خالد

قامت و هي تشوف خالد اللي نايم جنبها و حاضنها من ورا

لفت ببطئ عشان ما تصحيه

قامت تتامل وجهه صحيح هو مو جميل جمال اسطورى بس مملوح و اخلاقه هي اللي محليته اكثر

نزلت راسها بخجل لما شافته يبتسم معاها

مسك ذقنها و رفع راسها و قال بحب : صباح الحب حبيبتي

قالت بهمس : صباح الخير

قال بزعل مصطنع : شنو هذا اقول لك صباح الحب تقولين لي صباح الخير

قالت و هي خايفة انه يزعل عليها : لا خلاص حبيبي و الله ما اعيدها

قال و هو فرحان انها اول مرة تقوله حبيبي : شنو قلتي حبيبتي

قالت بعفوية : لا خلاص حبيب...

مسكت فمها بقوة و هي منحرجه منه

ضحك بقوة على احراجها : هههههه حبيبتي انتي

كانت مشتهيه تاكل دجاج مشوي بس احراج شنو يقول عنها تبي تفطر بدجاج على صباح الله خير

عشان يتمصخر علي

خلاص باصبر حتى يجي المساء و اقوله

شافها سرحانه و مو معاه ابد قال باستغراب : نور شنو فيك

وقام يتحسس على بطنها : تحسي بشي بطنك يالمك

قالت باحراج من لمساته و ارتباك من الكذبه اللي مو لاقيتها عشان تقولها له : لا بس انا ابي اقوم

قال بجديه و هو مو مصدقها : نور قولي شنو اللي فيك

غطت وجهها بيدينها و بدت تبكي : ......

خالد و هو منفجع عليها انها تكون تتالم او فيها شي : نور شنو اللي فيك خوفتيني عليك

قالت و هي تمسح دموعها : احلف انك ما تضحك علي

ضحك بخفة : هههههه .... خلاص ما اضحك

الله يستر على شنو مشتهيه اليوم لا يكون صرصور و لا دودة

قالت و هي تلعب باظافرها و منزله عيونها : ابي دجاج مشوي

تنهد بقوة و قال : الحمد لله

رفعت عيونها له باستغراب منه : شنو فيك

قال و هي يبتسم : لا بس كنت خايف تشتهين صرصور و لا دودة

جاتها البكيه لما سمعته يتمصخر عليها : ....

قامت من السرير و راحت للحمام و هي تبكي

مو ذنبي اني اشتهي اشياء غريبة

خلاص اخر مرة اقوله اني اشتهيت شي اذا ابي شي باشتريه وحدي او اوصي عليه ملاك او خالتي

زادت شهقاتها و هي تتذكر كيف يضحك عليها

غسلت وججها لتهدى شوي

و هي مستغربه من نفسها

صايرة حساسه هالايام اي كلمه تاثر عليها

خرجت من الحمام و هي تشوفه يتصل على المطعم و يطلب لها و مبين انهم قالوا له انه مو موجود اللحين بس هو

كان مصر حتى وافقوا على الطلب و يزيد من سعر الوجبه

تعدته وكانها مو شايفته

حست بيده اللي مسكت يدها و سحبها بحنان لحضنه : ليش الحلوة كانت تبكي

رفعت راسها و الدموع بدت تتجمع في عيونها : ايه مسوي نفسك ما تدري

قال باستغراب : شنو

قال و هي تبكي بهدوء : خالد الله يخليك لا تتمصخر علي مرة ثانيه

و الله العظيم مو مني بس من الحمل اشتهي هالاشياء

مسح دموعها و حضنها بحنان : خلاص حبيبتي ما راح اتمصخر عليك .... بس انا حبيت امزح معك

قالت ببراءة و هي رافعة راسها من حضن خالد : خالد انا اسفة بس ما ادري شنو فيني صرت ابكي بسرعة و على

اشياء تافهة

قال خالد و هو يبتسم على براءتها : عشانك بس حامل تصيري حساسة بزيادة

@@@@@@@@@@@@@@@@@@@@@@@@@@@@@@@@@@@@@

شقة فيصل

له ايام ما جا للشقة و الاكل اللي في المطبخ قرب ينتهي

و هي اصلا ما عندها رقم تليفونه عشان تخبره انه يشتري الاكل او تخرج هي بعد ما تستاذنه للسوبر ماركت و

تشتري اللي تبي

لبست فستان للركبه لونه ازرق فاتح و خرجت من الغرفة و هي متاكدة انه مو في الشقة

شهقت بصوت عالي و هي تشوفه جالس في الصالة و يشاهد التلفزيون

سبت نفسها ليش شهقت لانه لف عليها

دخلت للغرفة بسرعة و هي تسب في نفسها انا الحمارة ليش خارجة كذا

بدلت و لبست جينز و تيشرت واسعين شوي

و خرجت من الغرفة قالت بهدوء بعد ماجلست على كنبه ثانيةعن اللي جالس عليها هو : السلام عليكم

رد بهدوء و بدون ما يشوف معاها : و عليكم السلام

استغربت من هدوءه : .....

قال ببرود : ...........

انصدمت من اللي تسمعه مو معقوله