رواية زوجتي الصغيرة رومنسيه خليجية الفصل الثاني وستون 62 - بقلم Shifaoman

كان جالس في الصاله و راسه بين يديه

يفكر في حياته مع فرح اكيد بتواجههم مشاكل و صعوبات

سمع صوت صراخها من غرفة النوم

راح بسرعة للغرفة فتحها و انفجع عليها و هو يشوفها في الارض و ماسكه بطنها

انحنى و حملها من من الارض و حطها على السرير و راح للحقيبه و فتحها و مسك اول قميص

ساعدها تنزل الفستان و لبسها القميص

كان لونه وردي و قصير للركبه

مددها على السرير

و جلس جنبها و بدا يمسح على شعرها بحنان و هي بدت تهدى من الالم اللي كان فيها

قال بحنان : خلاص ارتاحي اللحين

قالت بهمس و هي مغمضة عيونها و بدا النوم يغلبها: جواد لاتخليني

@@@@@@@@@@@@@@@@@@@@@@@@@@@@@@@@@@@@@

يوم جديد

بيت ابو سامي

ام سامي : البنت موافقة عليك

سامي و هو فرحان بس قال بجمود : الحمد لله .... يمه حددي يوم عشان تخطبينها لي من اهلها

ام سامي : ايه ان شاء الله الاحد الجاي اخطبها لك ... بس البنت يبيلها وقت تتجهز فيه

سامي : ايه وش المطلوب

ام سامي : البنت بتوقف الشغل حتى زواجكم

سامي : بس لين ما تقدر تصبر على بعدها

ام سامي : خلاص باشوف معاها اذا تقدر تبقى معاها

سامي و هو يفكر : يمه ابي العرس يكون قريب

ام سامي : ان شاء الله باشاور اهلها و اخبرك

دخلت رازان و مرت بسرعه لغرفة لين بعد ما سلمت عليهم بهمس : السلام عليكم

ام سامي و هي تضحك : ههه منحرجه منك

قال سامي بارتباك لانه عارف امه تحب تحرجه : عن اذنك يمه باروح الشغل

@@@@@@@@@@@@@@@@@@@@@@@@@@@@@@@@@@@@@

بيت ناصر

جالسه في غرفتها و عايشة حالة رعب من زواجها اللي بيكون بعد اسبوع

كل ما تتذكر انها بتتزوج تجيها الحاله اللي دايما بس تكون على اخف

لا انا لازم اوقفه عند حده

يا ربي ما اعرف كيف اسوي وقت الزفة اكيد باستفرغ عليه و تصير لي فضيحة بين الناس

خلاص باحاول ما اكل شي و اشرب دوا يمنع الغثيان و اتوكل على الله

يا ربي شنو اسوي اللحين و الحل لقيناه لما اكون في قاعة العرس

و لما اكون معاه وحدي اذا افكر اضربه و ادافع على نفسي فهذا مستحيل لانه مثل الجدار يوم صدمت فيه في الحديقة

حتى راسي قام يعورني

اممم يا ربي

ما ادري شنو اسوي

قامت تبكي بقوة من تشتت افكارها اللي مو راضيه تجيها