رواية زوجتي الصغيرة رومنسيه خليجية الفصل الرابع وستون 64 - بقلم Shifaoman

شقة فيصل

له ايام ما جا للشقة و الاكل اللي في المطبخ قرب ينتهي

و هي اصلا ما عندها رقم تليفونه عشان تخبره انه يشتري الاكل او تخرج هي بعد ما تستاذنه للسوبر ماركت و

تشتري اللي تبي

لبست فستان للركبه لونه ازرق فاتح و خرجت من الغرفة و هي متاكدة انه مو في الشقة

شهقت بصوت عالي و هي تشوفه جالس في الصالة و يشاهد التلفزيون

سبت نفسها ليش شهقت لانه لف عليها

دخلت للغرفة بسرعة و هي تسب في نفسها انا الحمارة ليش خارجة كذا

بدلت و لبست جينز و تيشرت واسعين شوي

و خرجت من الغرفة قالت بهدوء بعد ماجلست على كنبه ثانيةعن اللي جالس عليها هو : السلام عليكم

رد بهدوء و بدون ما يشوف معاها : و عليكم السلام

استغربت من هدوءه : .....

قال ببرود : راح نعلن زواجنا

انصدمت من اللي تسمعه مو معقوله في البداية تزوجها عشان يبين لها ان ما حد يطنشه و يتكبر عليه

ملك عليها و كذب على عمها انه مسافر و ما عنده وقت يسوي عرس

اهله ما جاو للملكه و لا حتى مرة سمعته يتكلم على اهله

دايما جالسه في الشقة كاني مسجونه

و اللحين جاي يقولي انه بيعلن زواجنا

اكيد وراه شي لانه مو معقوله فجاة ز يعلن زواجنا

هو اصلا ما يحبني عشان نقول ان هذا السبب

ما ادري شنو اللي وراه اللحين

هذا الفيصل ما عمري فهمته

كتلة غموض

و ما ادري ايش فيه احيانا طيب و احيانا قاسي

...

رفعت عيونها بهدوء و قال ببرود اكبر من بروده : قلت ان احنا بنعلن زواجنا

معناتها انك متزوجني بالسر عن اهلك

قال و هو يشوف معاها بعيون حادة : ايه متزوجك بالسر فيه شي استاذة روابي

روابي بقهر منه هي تسال بجدية و هو يتمسخر عليها : انا اتكلم جد

فيصل طنشها و لف على التلفزيون : .........

روابي تحاول تمسك اعصابها : يا استاذ انا اتكلم

فيصل يشاهد التلفزيون كان ما في احد يتكلم معاه : ....

روابي بقهر و هي تقوم و توقف قدامه و تكتف يدينها : لا و الله مسوي نفسك مو سامعني

تجي و تقولي بنعلن زواجنا

و بعدين طنشني مثل ما تبي

فيصل يشوف معاها ببرود : خلصتي

روابي اخذت نفس و قالت : ايه خلصت ...

و كملت بتقهره و هي ترفع يدينها للسما : الحمد لله ان ربي استجاب لي دعوتي

قال فيصل و هو يبتسم بسخرية : للدرجه هذي تبينا نعلن زواجنا

قالت و هي تجلس على الكنبه المقابلة و تحط رجل على رجل و ضحكت بدلع : هههههه واثق الاخ

و كملت و تمطط بالكلمات : لا يا حبيبي ترى مو فرحانه عشان نعلن زواجنا

بس اللي فرحت ان ممكن امك ما تتقبلني و تطلبك تطلقني و الا ما ترضى عليك

و وقتها افتك منك

قال و هو يشوف معاها : و الله ما ني مطلقك لين تروق لي الفكرة هني .... كان يتكلم و ياشر على راسه

و كمل بسخريه : اوك حبيبتي

قالت بقهر منه : لا و الله انت من جدك ترى انا الف واحد يتمناني و لو يتزوجني يعيشني احلى عيشه مو انت

اللي حابسني بالشقة

قال ببرود : ايه صح الف واحد يتمناك بس انا زوجك و خلاص مكتوب عليك تعيش حياة النكد

قالت و هي توقف و تاشر عليه بالسبابة : لما تصير تعرف تتكلم مثل الناس تعال و تكلم معي

قام مثل الوحش و هو معصب و مسك يدها بقوة و قال بصوته الرجولي : لا كانك انتي اللي تعرفي تتكلمي مع

الناس و الدليل اللحين

في وحد تتكلم مع زوجها كذا

قالت و هي معصبه : لا و الله و انت لو كنت تعرف تتكلم كان فهمتني السالفة و الاسباب

مو تجي ببرود و تقولي

و قالت و هي تعوج فمها : راح نعلن زواجنا

قال بصراخ : روابي لا تعصبيني ترى انتي ما تعرفيني و انا معصب

قالت روابي و هي تحاول تفك يدها : لا و الله انا صراحه من تزوجتك و انت معصب و اذا روقت بيصير شي بعدها

ما ادري اذا في اكثر من هالعصيبة

قال بعد ما فك يدها و هو شوي و يقتلها على لسانها الطويل : روحي لغرفتك

قالت بعناد و هي تجلس على الكنبه و تحط رجل فوق رجل : و هذي قعدة

عصب منها ومن عنادها

راح بقوة لعدها و سحبها من يدها بقوة ...