رواية زوجتي الصغيرة رومنسيه خليجية الفصل المئة 144 - بقلم Shifaoman

في المانيا

في شقة اول مرة نزورها

دخلت البيت وراه بهدوء و هي تفلت يد ولدها اللي للحين ماسك يد ابوه من فرحته

مشى بالشقة الواسعة نسبيا و تكفيهم هم الثلاثة

فتح احدى الغرفة و هو للحين ماسك بيد وليد اللي يتكلم مع ابوه بحماس

قال بحنان و هو يشغل نور الغرفة :

و هذي غرفة و لدي البطل

ضحك وليد بفرحة و هو يحضنه بحب و يشكره :

شكرا بابا

جلس على ركبيه و هو يحضنه بحنان ابوي و قال بهمس : العفو

رفع عيونه اللي واقفه على جنب و للحين ما تحركت من مكانها

ابتسم لها بهدوء و الشوق فضح عيونه

قال بصوت رجولي فيه بحه :

تفضلي شوفي البيت و ايش اللي ناقص

البيت بيتك و اي شي تبينه انا حاضر فيه

هزت راسها بخفة و هي تناظر وليد اللي انسحب من عند ابوه و دخل غرفته ببراءة و طفولة

يستكشفها بما انه اول مرة تكون عنده غرفة لحاله

و فيها كل شي يتمناه

وقف زياد بخفة و جود رفعت عيونها تتامل طوله الفارع

وصدره العريض و بنيته الجسديه القوية

بعدت عيونها بعد ما لمحته يتقدم ناحيتها و صوت خطواته مسوية صدى في البيت

" تغير كثير صار جسمه رجولي اكثر

قبل كان نحيف و ما كان عنده عضلات مثل اللحين"

تنهدت بخفة بعد ما وقف مقابلها و مد يده و رفع راسها

حطت عيونها بعيونه و هي تتامل تفاصيله بما انها لها سنوات ما تاملت وجهه عن قرب

تاملته ببطئ و هي تنتبه لبعض التجاعيد الخفيفة اللي عند عيونه

كبر زياد و كبرت هي الثانية بس كل واحد كان يكبر و هو بعيد عن نصفه الثاني

" لو بقيت كذا ممكن استسلم له و اسامحه بكل سهولة

لازم اقسي قلبي و اجمد مشاعري التافهة

اللي سواه مو قليل بحقي

لازم اعذبه اول مثل ما عذبني "

جمدت انفاسها و هي تحس بقبلته الدافية على جبينها و حرارة انفاسه على وجهها

قال بهمس حاني و هو يرفع وجهها و يتسند بجبينه على جبينها :

ليش هالبرود يا جود

ابيك مثل قبل

ابي جود حبيبتي ..

ابي الانثى اللي تغرقني بدلعها و غنجها و دلالها و نعومتها و رقتها

ابي الطفله اللي كانت تخليني اشتاق لها و لشقاوتها

ابي حنانك و عطفك و رومانسيتك

قالت بهمس و الحشرجة باينه بصوتها

من الالم اللي سببه لها طول هالسنين :

انت جرحتني و كسرتني و عمر اللي انكسر يرجع مثل ماكان

انسحبت من عنده بخطوات ثقيلة و هي تقول :

الغرفة وين

مشى متوجه لاحد الغرف فتحها و اشر بهدوء لها

لانه مو قادرة يتكلم بعد ما عرف مدى الجرح اللي سببه لها

و اللحين بس استوعب المصيبة اللي سواها في حقها

اما هي فبهتت ملامحها و عيونها مفتوحة بصدمة

من الغرفة اللي تشوفها

كانت الغرفة من اروووع ما يكون باللون الاحمر و الاسود و الابيض

هذي هي الغرفة اللي طلبته فيها قبل ما يتطلقون بس هو رفض

بحجة انه ما يطيق اللون الاحمر

تحكمت بمشاعرها و ملامح وجهها في الوقت اللي لف بيشوف ردة فعلها

دخل للغرفة بخطوات كسولة بعد ما انتبه لنظراتها الباردة و كانها

تقول له " ما سويت شي "

تنهد بتعب و دخل للحمام على طول

بياخذ له شاور ريح اعصابه شوي

اما هي تقدمت بخطوات مترددة و هي تتامل الغرفة باعجاب

مثل ما تمنتها بالضبط بس ما تمنتها في هالوقت و بعد كل هالغياب

و الفراق اللي سبب لها جروووح مهما طال الزمن مستحيل تبرا

ممكن تنسى و تسامح بس الاثر بيبقى

غمضت عيونها بارهاق و هي تسمع خطوات وليد اللي جاية من غرفته

طرق الباب بخفة و هو يقول بادب و بصوت طفولي :

ماما و بابا ممكن ادخل

قالت جود و هي تقوم و تفتح الباب اللي كان مفتوح شوي :

ادخل حبيبي

دخل بخطوات سريعة و كل مرة يقفز بفرحة

قالت جود بصوت ناعم و الابتسامة مرسومة على وجهها :

ماشاء الله اشوفك فرحان

قال بضحكة فرح و هو يحضنها :

ايه ماما فرحان كثير

و كمل و هو يرفع عيونه لها :

ماما وين بابا

على كلمته الاخيرة خرج زياد من الحمام

و هو لابس سروال بيجامة سودا و فنيلة سودا ماسكة على صدره و مبينه عضلاته بقوة

خجلت منه لها سنين غايب عنها و اللحين تشوفه بهالمنظر

و هالشي انتبه له زياد اللي تقدم منهم و انحنى يحمل وليد

قال زياد بلطف و هو يمسح على شعر وليد القصير :

ها يا بابا عجبتك غرفتك

قال بحماس و هو يبوسه على خده :

ايه كثير عجبتني ... شكرا بابا

و انسحب من عند ابوه و هو يوقف مرة ثانية على الارض

و سحب يد امه عشان تنحني له

و هو على طول باس خدها بطفوليه

و قال و هو يمسك يد امه و ابوه و يوقف بينهم و يرفع راسه لهم :

و اللحين احنا اسرة سعيدة

و على طول خرج من الغرفة و هو يقول بخجل طفولي :

تصبحوا على خير بابا و ماما

شهقت جود بعنف من جملته اللي قالها

و رفعت عيونها لزياد اللي مسكها من كتفها و هو يمسح عليه بحنان

نفضت يده بعنف و هي تقول بعيون دامعه :

ما راح اسامحك على اللي سويته فيني انا ولدك

حرمتني من السعادة و وليد حرمته من حنانك

كملت كلامها و هي تنسحب للحمام بخطوات ناعمه

هاربة من عيون زياد اللي مثبته عليها

و اللي ممكن تخليها تسامحه بدون وعي منها

قفلت باب الحمام و على طول فتحت الموية

بكت لين فرغت اللي بقلبها

تحس انها تايهة و مو عارفة وش تسوي

ابوها رغم انه كان ماخذ بخاطره على زياد اللي هرب من المسؤلية و طلقها

بس من جاء زياد و خبره بعذره المزعوم و اللي هي ما تشوفه عذر

سامحه على طول و رضى انه اذا قبلت فيه جود فهي له

و اخوها اللي طول الوقت يتوعد بزياد سمعه كم كلمه و سامحه على طول

و هو اللي شجعها زيادة انها ترجع له عشان وليد ولدها

و خبرها انها غلطت و لازم تصحح غلطتها

و كذبتها على وليد اللي اوهمته ان ابوه عايش و بيرجع في يوم من الايام

بدل لا تقول له الحقيقة و انهم منفصلين عن بعض

و امها لا كلام لانها كانت فرحانه بموافقتها على زياد

و الاكثر من كذا هي كلامها انها تسوي حلفة تجمع فيها الحريم بمناسبة زواجها من زياد مرة ثانية

و رغم انها بردت قلبها شوي في الحفلة اللي تالقت فيها و الكل انبهر من اناقتها و جمالها

و مستغربين كيف انهم لهم سنين مطلقين و اللحين بس رجعت له

و ما رضت باي رجال غيره

رغم انها انخطبت للعديد من الرجال بعد طلاقها

منهم الكبير و الصغير و المتزوج و المطلق

صحت من سرحانها و هي تسمع صوت زياد اللي باين عليه الخوف :

جود انتي بخير

قالت بهمس : ايه

سمعته و هو يقول بتنهيدة :

خوفتيني عليك

بس ما اهتمت و على طول اخذت شاور سريع

لطمت وجهها بخفة و هي تنتبه انها ما دخلت ملابسها معاها

و ما في بالحمام الا ملابسها اللي لابستها قبل و روب حمام رجالي اسود مبين انه لزياد

مدت يدها بخفة و هي تسحبه

و ابتسامه شقية على وجهها

" خلاص باوريه انا "

لبست الروب الاسود اللي بين بياضها بقوة

تاملت نفسها بالمراية الموجودة

كانت تغري بمعني الكلمه

و عارفة انه زياد يموت عليها لما تاخذ شاور و تخرج له كذا

فتحت الباب بنعومه و خرجت من الحمام

عدل جلسته بهدوء و هو يبتسم لها بحب

ضحك بخفة و هو يلمح خدودها اللي صارت وردية من خجلها منه

قال و هو يبي يمزح معاه و يكسر حاجز الخجل بينهم :

روووعه عليك الروب حقي

و كمل بنبرة لعوبة :

بتصير ريحتك الحلوة فيه و كل ما اتروش اجلس فيه ساعتين عشان بس استمتع بريحتك

ناظرته بخجل غاضب و هي مقهورة منه على الاخر

و بدون وعي منها مسكت الحزام اللي يربط على الروب

و كانت راح تفتحه و ترمي له الروب على وجهه و تبين له انها مو ميتة على اشياءه

بس شهقت بخجل و هي تنتبه لنظراته الغريبة و هو ينتظرها تكمل تفتح الروب

و لحقت نفسها بسرعة

قالت بصوت غاضب و هي تنحني للشنطة اللي بالارض : سخيف

فتحتها و اخذت لها قميص نوم بسيط باللون البنفسجي الفاتح

دخلت الحمام من جديد و لبست بسرعه

و خرجت من الحمام و هي مو منتبهة لنظراته عليها

و هو متممد على السرير و ساند ظهره على ظهر السرير

فتحت الباب بخفة و هي تخرج من الغرفة

توجهت لغرفة وليد اللي كان بابها مفتوح شوي

شافت وليد اللي نايم بهدوء و فيه اباجورة جنبه مشتعله

باسته برقة على خده و هي تدعي ان ربي يحفظه لها

رجعت للغرفة

مشت للتسريحة اللي بالغرفة

بلا مبالاة مصطنعة و هي مو عارفة كيف راح تكون حياتها مع زياد

بعد كل اللي صار و بعد الغياب الطويل

جلست برقة و بدت تحط لها من مرطب الجسم و هي حاسة بنظرات زياد المثبتة عليها

اما هو فبعد ما شاف صدها و تطنيشها له

احتفظ بالجزء الباقي من كرامته و لف للجهة الثانية و غمض عيونه

بينام و ينسى صدها له و ينسى انه ممكن تخليه يحظى بقربه منها