رواية زوجتي الصغيرة رومنسيه خليجية الفصل الحادي وستون 61 - بقلم Shifaoman

الفندق

دخلوا الجناح اللي حاجزينه

و فرح بعدها متمسكه بجواد و هو مستغرب منها

انتبه لعيونها االي مغمضتم بقوة دليل على انها تتالم و يدها اللي على بطنها و هي تمسك بطنها و تعصرها من الالم

جواد بخوف عليها : فرح شنو فيك

فرح بالم : اممم بس شويه الم و يروح

جواد و هو يجلسها على الكنبه الموجودة بالصاله

جلس على الكنبه معاها و هو ماسك يدها : شنو تحسين فيه

قالت فرح بعد ما فتحت عيونها و خف شوي الالم : لا بس شويه الم لان الفستان ثقيل و الكعب عالي

قال : تبين نروح للمستشفى

ابتسمت بسخرية على حالتها و في نفسها : البنات يقضون ليله عرسهم في الفندق من ازواجهم و انا اقضيها في

المستشفى مع الدكتورة

قطع افكارها جواد اللي قال بجدية : فرح خلاص اللحين مو كل ما قلت شي اوو سويت شي زعلتي و عصبتي ...

ادري اني غلطت معاك لما سويت معك كذا بس سويته في الحلال

و اصلا انا اعتذرت منك و صححت اللي سويته

و اذا تبينا كمل حياتنا مع بعض لازم تتقبليني اني زوجك

لازم نسوي المستحيل عشان ابننا

انا ما ابي ابني يضيع بينا و بين مشاكلنا

و اذا انت مستغنيه عنه و ما تبيه ترا انا ابيه اول ما تولدي انا اخذه و اربيه

كانت تسمع كلامه اللي كان كانه سكين ينغرس في قلبها كيف يقول لها هذا الكلام

نزلت دموعها و هي تحس نفسها انها مو قادرة تتحمل اي شي في هذي الحياة تبي تموت ما تبي تعيش و هي

مهمومه

اه ... يا ربي ارحمني برحمتك

ابي اموت خلاص تعبت ما ابي من هذي الحياة شي

قالت و صوتها فيه بحه من البكا : انت تغلط و انا اتحمل و احمل هالطفل اللي ماله ذنب في احشائي و كل يوم و انا

عايشه برعب كل يوم و الثاني خايفة انك تطلقني و تفضحني بين اهلي و الناس

كنت كل يوم انام على البكا و اصحى عليه

حايرة و ما ادري ايش بس انتظر اليوم اللي اسمع فيه الصراخ و يجيني ابوي اللي يذبحني بعد ما يجلدني بالسوط

و انت تقولي اذا ما تبين ابني بس تولدي و اخذه اربيه

انا اللي اتعب الحين و اتعب بالولادة وتجي انت تربيه و تجيب له مرت ابو و لما يكبر تخبره اني تخليت عنه

قالت و هي تبكي : انت لو بس قلتلي احبك و ابيك و ما ابي غيرك ابي اعيش حياتي معاك انت بس

كان يسامحتك مو تقولي لازم نكمل حياتنا مع بعض عشان ولدنا

ابني كان ممكن انا اربيه وحدي و حتى بدونك و بدون ولا احد و لو حتى اني اشتغل خدامه عشان اوفر له اللي يبي

مو انت تغلط و تجي تمن على كاني جبته من الشارع مو ابنك ...

ما كملت كلامها و قال جواد بصراخ : اذا انت تقولين هالكلام شنو خليتي للناس

و اذا انت راضيه على نفسك بهالكلام انا ما ارضى عليك لانك زوجتي و بنت عمي و بتكوني ام عيالي

قامت بسرعة تبي تختلي بنفسها و تفكر في حياتها

رجعت على ورى من الدوخة اللي جاتها بسبب الالم اللي اسفل بطنها و ظهرها

مدت يدها على ورى تبي تتوازن

حست بيدين جواد اللي مسكوها

قامت تتنفس بسرعة من الالم القوي اللي جاها

جواد وهو نادم على اللي سواه فيها و هي اللي لازم لها الراحه : فرح شنو اللي فيك

اخذت نفس و راحت للغرفة رغم الدوخة اللي جايتها و الالم اللي فيها

دخلت الغرفة و تسندت عليه و هي ماسكه بطنها من الالم اللي تحس فيه قالت بهمس و رجاء : يا ربي ما يصير

شي لولدي

حاولت تكتم صرخات المها بس مو قادرة تحس كان سكاكين تقطع بطنها

صرخت بصوت مكتوم : جواااد