رواية زوجتي الصغيرة رومنسيه خليجية الفصل الخامس وستون 65 - بقلم Shifaoman

المستشفى

دخل عند وعد هو و الممرضة و لقى فارس جالس معاها و يتكلم و هي ساكته و تشوف معاه

طلب من فارس انه يخرج عشان يقدر يتكلم معاها

جلس على الكرسي اللي جنبها و هو يشوف يدها اللي ما زالت بالتجبيرة من يوم ضربها فيصل

قال بهدوء و هو يبتسم معاها : كيفك اللحين

كانت ساكته و تتامل فيه و هي سرحانه : ....

قال و هو يضحك و يبي يعودها عليه : لهدرجه انا مزيون

شاف نظرة الاستغراب في عيونها : ....

قال و هو يبتسم : عشانك من مدة و انتي تتاملين وجهي

لفت وجهها عنه بهدوء : ...

قال بجدية : وعد انتي ليش تسوين كذا في اهلك

كمل بعد ما شافها ساكته : اهلك خايفين عليك و انت تبين تخوفينهم اكثر ... على الاقل تكلمي معاهم

كمل بكذب : ابي بس افهم شنو اللي صار لك عشان تسوين كذا

شاف كتوفها اللي تهتز دليل على البكاء

قال بخوف عليها انها تجيها نوبه ربو حادة بسبب انفعالها : خلاص هدي

و قام و راح للجهة الثانيه من السرير و و قال بحنان : يلا وعودة خلاص اللحين

شوفيني سكت

زادت في بكائها و صارت تشهق : اهئ اهئ

قرب منها بسرعة خايف عليها لان مو زين لها انها تصيبها نوبات ربو حادة في ايام قليله

قال و هو مرتبك : شنو فيك ... اذا ما تبيني اتكلم خلاص ما راح اتكلم بس وقفي بكا لان بتتسبب لك بنوبه ربو

قالت و هي تشهق : فيـ... فيصل

استغرب من ذكرها لفيصل اللي تخاف منه من بعد الضرب اللي جاها منه

بس بعدين عرف انها تقصد الدلع لاسمها ''وعودة '' اكيد فيصل هو اللي متعود يدلعها فيه

ابتسم لان هذا دليل على بداية تقبلها للعلاج

قال و هو يبتسم معاها : وعد تبين اتصل عليه يجي عندك

قالت و تبكي بخوف : لا لا الله يخليك لا تجيبه

اشر للممرضة تحقنها بالمنوم

عشان ما تنهار و تجيها نوبه ربو

تقربت منها الممرضة و هي تمسك ذراعها عشان تحقنها و ووعد تبعدها بقوة و تضربها

و تقول بصراخ : ما ابي انام ماابي

و كملت و هي بدت تهدى و النوم يغلب عليها : ما ابي ....

ابتسم بحزن عليها

صحيح فرحان انها اغلب وقته معاها بس عمره ما تمنى انه يكون هو دكتورها و هي مريضته

كل مرة يحبها اكثر يحب برائتها عفويتها بس اللي يبيه اللحين انه يرجعها مثل ما شافها اول مرة

يبيها ترجع مثل ما كان يحكي عنها فيصل و اخوانها

اللحين اللي ابيه اني ارجعها مثل ما كانت و لو شنو ما صار

خرج من الغرفة و هو يشوف فارس يتحك قدام الغرفة بارتباك و خوف على اخته

ابتسم ابتسامه امل و راح يخبره بالجديد عن حاله وعد

@@@@@@@@@@@@@@@@@@@@@@@@@@@@@@@@@@@@@

الفندق

فتحت عيونها و رفعت عونها للشخص اللي نايم جنبها و حاضنها

كان راسها على صدره رفعت راسها و شافته نايم

تنهدت براحه

تحس براحه كبيرة انها مانزلت الجنين

و تحس براحه اكبر ان امها و ابوها ما كشفوها صحيح اخوانها اللحين يعرفون

بس متيقنه انهم يعرفون احسن لتحس بان اخوانها و سندها واقفين معاها و تقدر تواجه جواد

بس كل هذي الاشياء ما تتقارن مع الراحه اللي تحسها بعد ما فرغت اللي في قلبها

و انها تكلمت مع جواد بكل شموخ و قوة

ابتسمت بسخريه و في نفسها : ايه اللحين تعال و احضنني بعد ما سودت لي عيشتي

راح تشوف يا جواد كيف راح ارد لك كل اللي سويته فيني ..

راح اخلي كل ايامك سودا

لي متى و انا ابكي على حضي و

خلني اهبل فيك شوي على الاقل اضحك و استانس

بعدت عن حضنه و نزلت من السرير ....

اخذت فستان احمر لنصف الساق و فيه زخرفة من الصدر

و راحت للحمام تبي تاخذ شور و تتوضا تصلي

لانها ما صحت للفجر

اخذت شاور و لبست ملابسها

و خرجت من الحمام

.......

كان صاحي قبل ما تصحى هي

حس فيها و هي تتحرك فعرف انها صحت كان ماسك نفسه لا يبتسم على حركاتها الطفوليه و هي في حضنه

فتح عيونه اول ما سمع باب الحمام ينغلق

بقى نايم على السرير لين خرجت من الحمام و صلت ما قدر يفتح عيونه يبي يعرف كيف تصرفاتها و هي على

راحتها

سمعها و هي تخرج من الغرفة

قام من السرير و دخل الحمام

اخذ شاور و لبس جينز ازرق و تيشرت ابيض عليه كتابه بالاسود

و خرج للصاله

ابتسم معها و قال : صباح الخير

فرح بجدية : صباح النور

قال و هو يجلس جنبها على الكنبه : كيفك اليوم

قالت و هي تتجنب تشوف معاه : بخير

سمعوا الطرق اللي على باب الجناح

التفت على فرح باستغراب

قالت ببرود و هي تشوف نظراته المستغربه : في شي .... و اذا على الباب فانا اللي طالبه فطور لانني مو ممكن

اصبر حتى تصحى انت و انت تدري اني حامل و لازم لي اكل و لو ما اكل تعرف انه ممكن .....

سكتت و هي تسمعه يضحك بصوته الرجولي اللي فيه بحه : ههههههههههههههههههههه

قالت بعصبيه : قلت شي يضحك استاذ جواد

قال و هو يمسك يدها و يحاول يمسك ضحكته عشان ما تعصب زيادة : هه لا حبيبتي بس انا ماقلت شي

بس استغربت انه ممكن جاي عندنا احد و انا ما ادري

و انت بديتي تتكلمي و لا سكتي

نفضت يدها بهدوء و ببرود و هي تقول : اها ....

شافته و هو يدخل بالعربه اللي فيها الفطور و بدا يحط الاكل على الطاوله و كل شوي يلف عليها و يبتسم معاها

ابتسمت معاه و هي تقول في نفسها : ايييه يا حبيبي ابتسم لي راح نشوف شنو تسوي لما اقولك