رواية زوجتي الصغيرة رومنسيه خليجية الفصل السادس وستون 66 - بقلم Shifaoman

الشقة

راح بقوة لعدها و سحبها من يدها بقوة ...

قال و هو يضغط على يدها : روابي انا ما كنت ابي اضربك بس انتي اللي جبتيه لنفسك

كانت حاسه بالم في معصمها بس تحملت و قالت ببرود : اضرب .. اذبح ... اقتل سوي اللي تبي على الاقل افتك

منك و من مقابل وجهك الخايس

زاد على ضغطت يدها و قال و هو يضغط على اسنانه من العصبية : اذا هذا كله ما راح ينفع معاك ....اللحين

اوريك كيف

سحبها لغرفة النوم و هي بس ترافس و تبي تهرب منه لانها عرفت شنو اللي يقصد

.....

كان يسحب فيها بقوة يبي يخليها تخاف منه و ما تطول لسانها عليه و تصير تحترمه

كانت ترفس فيه و تركل فيه و تضربه على صدره بس هو كانه ما يحس و ما زال مثبتها و يسحبها و بس وصل

لنص غرفته

شافها توقفت عن الحركه و انصدم و هو يشوفها

@@@@@@@@@@@@@@@@@@@@@@@@@@@@@@@@@@@@@

الفندق

قالت و هي ناويه انها تكرهه في عيشته : امممم جواد ابي ايس كريم

قال جواد و هو فرحان انها ماهي زعلانه عليه و انها سامحته و تتكلم معاه عادي : خلاص اللحين يجي الايس

كريم بس مو كانه غريبه انك تاكلينه الصباح

قالت بدلع : لا اللحين مو الصباح احنا الساعة 11 يعني قربنا للمسا .... و بعدين انا مشتهيته و لو ما اكلته

بتصير في وحمه بولدك ( اللي تخرج في الابن لما الام تشتهي شي و ما تاكله )

قال و هو يبيها بس ترضى عليه : اوك بس وش تبين اي ذوق

قالت و هي تفكر : امممم ابي ذوق كراميل و فانيلا .... و اممم شوكلت و فراوله و .... و و اوريو و ... شنو

ثاني انا ادري اني مشتهيه شي ثاني بس ما لقيته اصبر بس شوي

قالت و هي تبتسم بفرح : اييييييه لقيته

امممم جواد ابي شوكلت ابي كندر و تويكس و باونتي و ......

جواد كان مصدوم O_o قال : فرح شوي شوي شنو بتاكلين هذا كله

قالت فرح و هي تمثل انها زعلانه : خلاص اسفة اني طلبت منك

بس انت تدري ان من بدا الوحام و انا ما اكل مثل الناس اكل بس لقمتين و على طول استفرغهم

بس مشكور و ما قصرت ... انا الغلطانه اللي طلبتك و انت مستخسر فيني لقمتين ايس كريم

و كملت بدلع و هي ماسكه ضحكتها :

اصلا انا اللي طلبته منك ما تجي نص الاشياء اللي انا مشتهيتها بس لاني ما بيك تصرف على كثير قلت اللي

مشتهيتهم بقوة و الباقي ان شاء الله يوم ثاني

قال و هو مصدوم و مستغرب منها و من شهيتها : شنو ....فيه طلبات ثانيه

قالت بخجل مصطنع : ايه

و كملت و هي تمسح على بطنها بحنان و تقول بدلع : بس هذي مو طلباتي هذي طلبات ابنك

قال و هو مو مستوعب : لا كل هذي الاشياء لابني مو كانك انتي اللي راح تاكلينها

ما تدري ليش حست انها صدق مشتهيه ايس كريم و شوكلت

يا ربي كنت العب عليه صارت حقيقة

قالت و هي تقوم بزعل : خلاص انا راح انام عشان تروح شهيتي

مسكها من خصرها و سحبها بهدوء : لا اللحين اجيب لك اللي تبين انا بس كنت مستغرب لان جود اختي ما كانت

شهيتها كذا لما كانت حامل

ابتسمت على نجاح خطتها و ناويه انه اول ما يجيب الايس كريم تقوله ان شهيتها راحت

قالت : لا بس انت ما تدري بامور الحريم .... الوحام يختلف من مرة لاخرى

قال و هو يطبع قبله على خدها : فديت الفاهمه انا

جمدت بمحلها ما كانت متوقعه ابدا انه راح يسوي كذا

مسكت خدها و هي سرحانه و ما انتبهت عليه انه خرج من الجناح

راحت جلست على الكنبه بهدوء

...

راح اشترى كميه قليله من الايس كريم لانه مو معقوله تاكله كله

و كميه شوي كبيرة من الشوكلت لان ممكن تحطها في الثلاجه و تبقى لمدة طويله

لانه يدري انها بس تبي تسوي فيه مقلب و تقهره

لان مو معقوله فرح تطلبه في شي و اصلا هي من متى تدلع عليه

اكيد ناويه على شي

بس بامشي لها على الخط و اشوف شنو اللي ناويه عليه

دخل الجناح و هو يبتسم لفرح اللي جالسه بهدوء و منزله راسها للارض و سرحانه عرف ان اللي سواه جاب نتيجه

معاها

قال بجديه عكس الفرح اللي فيه : يلا فروحه هذا اليس كريم و الشوكلت اللي تبيها

رفعت راسها و هي تشوف الاكياس اللي جابها حست بتانيب الضمير

كيف ما فكرت انني ما اقدر اكلهم لوحدي اللحين هذا تبذير

يا ربي ..... ليش سويت كذا و انا عارفة انه فيه ناس مو لاقيين شنو ياكلون و انا اللحين اسوي كذا علشان

بس اقهره

قامت بهدوء و وقفت قدامه و قالت : انا اسفة بس انت طولت و انا شهيتي على الايس كريم راحت

قال بابتسامه و هو يحط يده على خصرها : عادي حبيبتي ...انا راح اكل اللي جبته و اذا اشتهيتي شي بس انتي

قولي و انا اجيبه لك

انقهرت منه كيف ما عصب منها

لانها كانت ناويه تعصبه و لما يصرخ عليها تقوم تدلع و تسوي نفسها زعلانه و ان بطنها يالمها و ممكن تجهض

فيوقف الصراخ و يصير بس خايف عليها

قالت بقهر تحاول تخفيه : اوك .... بالعافيه عليك

قال و هو يروح للاكياس و يستخرج الايس كريم : الله يعافيك .... بس اذا تبين لا تستحين

و كمل و هو يغمز لها : ترى انا زوجك

قالت بعصبيه حتى تخفي خجلها منه : روح بس قال زوجك قال

ضحك بقوة بصوته الرجولي : ههههههههههههههههه

و فرح مستغربه منه : ...

قال و هو يحاول يمسك نفسه على شكلها المستغرب : هههه و هذا اللي في بطنك شنو هههههههههه

مسكت الوساده اللي جنبها و رمتها عليه و تقول و وجهها احمر من الخجل و العصبيه : سخيف

و راحت للغرفة بسرعة تتجنب اي احراج بيجيها من جواد اللي اللحين بس تعرف انه جريء