رواية زوجتي الصغيرة رومنسيه خليجية الفصل الثامن والعشرون 28 - بقلم Shifaoman

بعد اسبوع

اهم الاحداث

.................................................. .................................................. ..................................

خالد و نور احلى ثنائي

.................................................. .................................................. ..................................

ام رعد و البنات يحضرون لعرس رعد

.................................................. .................................................. ..................................

رعد يجهز في جناحه و قام بتاثيثه و كان جناحه مثل الشقة او اكبر في مساحته

.................................................. .................................................. ..................................

اميرة مو راضيه تتجهز وامها هي المسؤوله عن تجهيزها وكا ما يمر الوقت تخاف اكثر

.................................................. .................................................. ..................................

فرح تفكر كيف تسوي لتتكلم مع جواد

.................................................. .................................................. ..................................

فيصل و ووعد صايرين اكثر من اخوان ووعد صارت تحكي لفيصل و تستشيره في مشاكلها

.................................................. .................................................. ..................................

حمد وصله خخبر ان ملاك قابله و مو في قلبها احد

.................................................. .................................................. ..................................

روابي طول الوقت تعصب فيصل و هو صار يتبع اسلوب الاستفزاز

.................................................. .................................................. ..................................

ريما و ديما احلى ثنائي و عايشين احلى فترة في حياتهم

.................................................. .................................................. ..................................

تركي صار يفكر كثير بوعد و مو راضيه تروح من باله
.................................................. .................................................. ..................................

سامي تاكد انه صار يحب رازان بس خايف يخطبها و ترفض خاصة و انه كبير عليها كثير و هيو كان متزوج وهي ولا عمرها تزوجت

@@@@@@@@@@@@@@@@@@@@@@@@@@@@@@@@@@@@@

في بيت ابوحمد

قمت الصباح بكسل و هي تدعي على جواد اللي خلاها في رعب من يومين وهي تستفرغ و الدوخة رايحة جاية

اشترت اداة فحص الحمل و خايفة تستعملها خايفة تنصدم بالحقيقة....... كيف تقول لابوها وامها و اخوانها .......

اتشجعت و دخلت الحمام سوت الفحص ...... انهارت و هي تشوف النتيجة طلعت حامل لا مو ممكن

شنو اسوي اللحين يا ربي ... انا لازم اروح بيت عمي و اخبره هذا ولده ولازم يتصرف انا مو ذنبي هو السبب

و ان شاء الله يسمعني و ما يفضحني او ينكر راحت

الحمام اخذت شاور ... لبست ملابسها و

خلت شعرها ذيل حصان و سوت مكياج خفيف عشان ما يبين شحوب وجهها و نزلت تحت لقت الكل جالس يفطر

قالت بابتسامه تخفي وراها الم و هي تبوس راس امها

وابوها :

صباح الخير

رد الكل عليها : صباح الخير

ام حمد : باركي لاخوك بيخطب

قامت فرح وبتمثيل : صح و اخيرا بتتزوج لا مو مصدقة ... و منو سعيدة الحظ

شافت حمد وهو ماسك ضحكته على تمثيلها و يقول : ملاك بنت خالتي

قالت فرح : يمه متى تخطبونها

ام حمد : اليوم ان شاء الله

فرح : ان شاء الله ...... و قالت بصوت خافت لحمد اللي جنبها : كيف التمثيل

حمد وهو يضحك : صراحه روعه

فرح وهي تكلم اابوها : يبه روان عازمتني اليوم و انا ابي اروح يعني اذا ممكن

ابو حمد : روحي بس ما تروحي مع السواق شوفي واحد من اخوانك يوديك

فرح : مشكور يبه

ابو حمد : العفو

لفت فرح على حمد : يلا حمودي ابيك توصلني ... مثل ما ... وغمزت بعينها

حمد ضحك : يلا استناك في السيارة

@@@@@@@@@@@@@@@@@@@@@@@@@@@@@@@@@@@@@

في بيت ابو جواد

كانت جالسة في غرفتها من 7 سنين و هي كل يوم تنتظر ان حبيبها يرجع للحين ماهي فاهمة ليش طلقها

ماقال لها السبب و لا حاول حتى انه يفهمها على طول طلقها لفت على ولدها اللي نايم بجنبها

نزلت دموعها رغم ان اللي صار له خمس سنين بس مو قادرة تنساه حاولت تتصل بيه بعد ما طلقها و تخبره انها

حامل بس سمعت من الناس انه سافر لامريكا و راح يبدا حياته من جديد هناك خاصة وان امه الوحيدة اللي كان

عايش معاها ماتت بعد شهر من طلاقهم

حتى ان جواد حاول كثير ليوصل له خبر و بحث عنه بس ما في اثر له وكان الارض انشقت و بلعته

كانت ايام الحمل عليها متعبة و خاصة انها مو لاقية زوجها اللي كان ممكن يساعدها في هاذي الفترة

تعبوا اهلها معاها و حاولوا يخرجوها من الحزن اللي هي فيه بس كانو مو قادرين

خطبوها كثير و اهلها شجعوها بس رفضت لانها ما تبي ابنها يتربى مع زوج امه و يصير حاس بالنقص

و شوي شوي رجعت لحياتها بعد ما ولدت ولدها وليد

صحت من افكارها و هي تشوف وليد يمسح دموعها بيده الصغيرة و يقول بطفوله : ماما ليش تبكين

ابتسمت بحب لهل الولد اللي نساها حزنها : لا حبيبي م ابكي بس دخل عيني غبار ...... يلا حبيبي قوم تتروش

قال وليد بتساؤل : بابا ما قال متى يجي من السفر تاخر كثير

جود بحزن تخفيه عن ابنها : لا حبيبي بيتاخر شوي كمان ويجي

وليد بفرح : ماما اذا اتصل مرة ثانية قولي له ان وليد يقول شكرا على الالعاب

جود : اووك ولودي

وليد : بس هو ليش ما يتصل وانا صاحي دايما يتصل و انا بس نايم

جود بارتباك الحين ولدها كبر وصار فاهم وهو اصلا يتمتع بذكائه يعني لازم تعرف تختار الاجوبه الوهمية اللي

تقولها له : انت تعرف انه مسافر و هو عنده الصباح لما نكون احنا في الليل عشان كذا يتصل وانت نايم

وليد بشقاوة : ماما ابسك مرة ثانية حتى لو اتصل في الليل تصحيني اتكلم معاه

جود : طيب