رواية زوجتي من القاصرات الفصل الثاني عشر 12 - بقلم آيات عبد الرحمن

عم ورد فكر للحظة إنه كدا كدا هيتعدم، فلازم قبل ما يموت يخلص من ورد. بياخد سلاح الضابط وبيصوب بيه تجاه ورد. بتخرج رصاصة. مازن: وررررررررد! بيسيبها تقع. الرصاصة بتيجي فيه لما الضابط بيمسك إيد عمها وبيرفعها، وبتيجي في مازن بالغلط. بيقع مغمى عليه. بتيجي الإسعاف تاخده هو وورد. الدكتور بيخرج من العمليات وبيطمنهم على مازن، وإن الرصاصة جت في كتفه وإنه اغمى عليه من الخضة. بيفوق وبيلاقي ورد قاعدة جنبه وماسكة إيده وبتعيط.

ورد: ألف سلامة عليك يا مازن. كدا تسيبهم يعملوا فيك كدا؟ ابتسم مازن بتعب وقال لورد: فداكي. ورد: فدايا أمي. أول مرة حد يقولي كدا غير بابا. مازن: أنا يا ورد. والد مازن: حمدًا لله على سلامتك يا ولدي، قلقتنا عليك. مازن: لا تقلق يا أبويا، أنا بخير والحمد لله. والد مازن: يستاهل الحمد يا ولدي. وهنمر بالأحداث كام يوم لحد ما مازن ما بيتعافى وبيتحسن ويرجع لطبيعته تاني.

وهنا بيبدأ فجر يوم جديد. وكالعادة ورد بتروح عند قبر والدها تزوره وتعيط وتشتكي ليه إن مابقاش ليها حد من بعده. كل يوم بتقوم بهدوء بعد صلاة الفجر. في أول ما بيبدأ النهار يظهر كدا بتمشي وبتوصل البيت قبل ما يصحوا. ورد كل يوم من وقت والدها ما اتوفى وهي كل يوم بعد الفجر مباشرة بتروح تزوره. وكعادتها بتتكلم وبتتبكى، وده غلط جدا جدا جدا.

بتقوم ورد كعادتها، بتفتح الشباك جزء صغير. بتلاقي الدنيا مش عتمة أوي، لا ظاهر ليها ضوء كدا. بتفكر الفجر أذن. بتقوم تغسل وشها وتصلي وتروح عند قبر والدها. تلف حواليه شوية وتقعد جنبه وتتكلم وتعيط. فجأة وهي قاعدة الدنيا عتمت أوي وبقى فيه رياح قوية وظهر ليها كائن غريب الشكل مرعب جدا، يمكن في حياتها ماشافت حاجة مرعبة كدا. من صعوبة الموقف كانت بتجري بسرعة وحاسة إنها مش بتجري لقدام، كأنها بترجع لورا. بتصرخ وصوتها مكتوم.

فضلت تجري وهو وراها على طول. ورد: ماااااازن يابااااابا الحقوووووني! هي بتجري وهو وراها لحد ما قرآن الفجر ما كان لسه بادئ بيشتغل كدا، وهي لسه مستمرة لحد ما وصلت عند البيوت واغمى عليها. وعشان هي ما كانتش بتخرج، فمش معروف. الخبر انتشر في البلد ومفيش حد عارف مين هي اللي ملابسها كلها تراب ومغمى عليها في مدخل البلد. بيصحى مازن من نومه ومش بيلاقي ورد. بينزل عشان يسأل عليها لكن مش بيلاقي حد في البيت.