رواية زوجتي رغما عن ال الفصل الرابع 4 - بقلم ذات الخمار

في المشفي.. أعدت فرح قمر وساعدتها في ارتداء نقابها وسحبتها من يدها بحنان وقالت لها بحب: حلمك اتحقق أهو وهتبقي في بيته والكل عارف ي ضي عين أمي. ابتسمت لها قمر وهي تتحسس بطنها وتقول بفرحة: شفت بابا ي حبيبي هنبقى معاه في نفس البيت أهو. (أه صحيح الدكتور قال لسليم إن محدش يعرف ورد عشان خطر عليها مؤقتًا) فرحة بوجع: طيب يلا ي ضي عين أمي. خرجت بحوزة فرح. فرح: سليم. التفت سليم لها لينظر لتلك الواقفة بجوار فرح بغضب

مصطنع ويتجه نحوهم ويقول: خلصت؟ فرح: أيوة ي ابني. سليم بهمس بالقرب من أذن فرح: هخليكي تشوفيها كل فترة، هانت وكل الأسرار هتتكشف، بس زي ما اتفقنا. واتجه لقمر بعد مدة من السلامات الحارة بينهم وبين فرح. حمل سليم قمر وسط خجلها. قمر بخجل: سليم نزلني الناس بتبص علينا. سليم بحب: ي جلب سليم، أنتي مهتقدريش تمشي، وبعدين اللي يبص يبص، ولا أقولك ي ستي دقيقة كده.

ونزلها على إحدى المقاعد وقال بقوته المعهودة وبصوت عالي جدًا: يا جماعة. تجمع الناس حولهم في غصون دقائق، وبعد تكرار نداء سليم عدة مرات. أردف سليم: دي مراتي وعاجبني جوى جوى جوى، ومرضيش تخليني أشيلها على يدي، وأنا اللي مربيها، يرضيكوا دا؟ إحدى الستات: ي بنتي احمدي ربنا، دا أنا جوزي بينساني والله. أردف سليم وقال: وأنا اللي كنت هحميها كمان. جرت قمر باتجاهه ووضعت

يدها على فمه بخجل وقالت: وأه خلاص ي ابن السعدي، أنت فضيحة أكده. امرأة عجوز: ربنا يخليكوا لبعض ي ابني ويهدي سركوا، شيل مراتك ي ولدي. حملها سليم بخفة وقبل مقدمة رأسها وقال بحنان: بحبك ي جمر سليم. وغادروا المشفي. *في مكان آخر* اتجه محمد باتجاهه وقال: عيد كلامك تاني كده؟ أسد: هي في عيوني ي محمد، وتكرم لأجل إنها بتك. يبقى على البركة. وبالفعل تم عقد القران.

وبعد مرور ساعات من المباركات، تقف سيارته أمام منزل شديد الفخامة، ليهبط منها بكامل قوته وأناقته. ليفتح لها باب سيارتها، فتهبط منها بهدوء. ويأتي باتجاهها أحد الحرس ويقول: نورت ي أسد بيه. أسد: خد من ورد هانم الشنط. لتنظر ورد للقصر بذهول وتردد في داخلها: الله، ورد هانم كمان، وااااوو أوووي. أسد: تعالي ي ورد. لتذهب ورد خلفه بهدوء ليدخلوا إلى القصر. أسد: سعاااد يا سعااااااد. سعاد بسرعة: نورت ي أسد بيه.

أسد: وري ورد هانم أوضتها وكل كلماتها أوامر، وياريت تفهميها نظام القصر هنا، وبكل هدوء يا سعاد. لتأتي طفلة بسرعة وهي تركض بفرح وتقول: هييي هييي، أسد جه، أسد جه. أسد بغضب: شمسسسس. لتقف الطفلة بخوف وتزم شفتيها وهي على وشك البكاء، ليرده أسد بغضب: قلت قبل كده مبحبش الهيصة ولا الإزعاج، أنتي مبتفهميش. لتتقدم ورد باتجاه شمس وتجثو على ركبتيها بهدوء وتمرر يدها في خصلات شعرها الحمراء بهدوء وتقول: اسمك شمس؟ شمس بطفولية: أه.

ورد: اسمك جميل يا شمس. شمس ببكاء: شمس سحلانه. ورد: لي بس يا قمر كدا؟ شمس: بابا أسد زعق فيا جامد، هو مش بيحبني. لتقول ورد بحنان: مين قال كدا طيب، تعرفي إنه جاب لك هدية جميلة أوي؟ شمس بفرحة: بجد؟ ورد: بجد. شمس بسرعة: جاب لي إيه؟ لتذهب ورد باتجاه حقيبتها وتفتحها وتخرج منها عروسة باربي كبيرة الحجم وشيكولاتيه كبيرة الحجم، وتقول لها: ها ي ست شمس، لسه برده زعلانه من بابي؟ شمس بفرحة: هييي، لا بحب أسد، شمس بتحب أسد.

وتذهب باتجاهه بسرعة وتقبل خده وهي تقفز بفرحة وحب وتردد: شمس بتحب أسد، شمس بتحب أسد. ليقف أسد بشموخ ويقول: مين اللي جاب دول؟ ورد: بتوعي. أسد: متشكر جدًا، بس مفكرتش في إني أجيب لها حاجة، شكرًا جدًا. ورد بابتسامة: شمس دي من دلوقتي اعتبرتها بنتي، لأني هنا عشانها.

أسد بابتسامة: تقدري تدخلي تاخدي شاور وتغيري، وسعاد هتفهمك كل حاجة، بس أهم حاجة أنا مبحبش الهيصة ولا الإزعاج، عايز طول ما أنا هنا ولا كأن فيه حد في البيت، وتقدري تقعدي براحتك وتتعاملي براحتك، البيت بيتك، بس أهم حاجة عندي الهدوء، وشمس تبقى هادية ومتعملش هيصة. ورد: تمام. أسد: سعااد. لتأتي سعاد: نعم ي بيه. أسد: خدي ورد هانم لجناحها. سعاد: تمام. غادر أسد بهدوء وصمت إلى عمله، وسعاد أخذت ورد إلى جناحها.

ورد: قوللي ي حاجة سعاد. سعاد: نعم يا هانم. ورد بضحك: هانم إيه بس، هي دي شكل هانم يا شيخة، قولي لي يا ورد. سعاد بحب: طبعًا هانم وست الهوانم كمان. ورد: تسلمي لي يا ست ي قمر، أنتي قوليلي بقا. سعاد: قولي يقلب أمك. ورد: فين جناح شمس؟ سعاد بحب: شمس هانم جناحها دا. ورد: طيب ي أمي، أنا هدخل جناحها، وأنتي ودي الشنط لأوضتي معلش. سعاد بابتسامة: عيوني ليكي ي حبيبتي. *عند سليم وقمر*

دقائق وخطت قدم سليم وقمر قصر السعدي، ليخرج أحمد السعدي بغضب بعد ما أخبره أحد الحرس إنهم بالخارج. أحمد بغضب أعمى: برا بيتي ي ابن السعدي، أنت والخاطية اللي وراك دي. سليم ببرود: دا بيتي أنا ي أحمد بيه، ودي مراتي، واللي هيدوس لها على طرف، بس أمحيه من على الدنيا، سامعني زين ي ابن السعدي؟ أحمد: هتتحداني إياك؟ سليم: وأتحدى الدنيا كلها. لتأتي من خلفهم عفاف زوجة عم أسد وتقول بغضب: مين دخل البت دي قصر السعدي؟

هي عيلة السعدي هتلم، ولا إيه؟ سليم بحدة وغضب: مالكيش صالح بمراتي يا سعدية، وإن كان على عيلة السعدي، فهي لمّت فعلاً من بعد ما دخلتيها. خالد عم أسد: هتغلط في مراتي وأنا واقف إياك؟ سليم: مراتي وهدخلها قصري وهتقعد وهتبقى ست القصر كمان، واللي مش عاجبه الباب يفوت جمل، ورايا ي جمر. سعدية: تعالي ي جمر. سليم: جمر هتيجي معايا أنا، يا سعاد، وابقى اطلعي لها فوق. سعدية: ماشي ي ضي عيني، ونورتي بيتك ي زينة العرايس.

قمر بابتسامة: بنورك يا أمه. سحبها أسد من يدها بحنان لداخل منزل صغير ملحق بالقصر وقال: مفيش داعي تقعدي معاهم، أنتي هنا مكانك في أوضة سليم. ظلت تدور في المنزل بفرحة وتقول: الله، دي أوضتك يا سليم بجد؟ ابتسم بخبث وقال: أه، أوضتي حلوة؟ قمر: حلوة جدًا ي سليم بجد. سليم: وسريرها أحلى، ما تيجي أقولك حاجة صغيرة كده، رايدك فيها من زمان.

ضحكت قمر بدلال وقالت: أنت مصيبة بجد ي ابن السعدي، أبوك بيعاديك بره وهيجت لك، وأنت بتفكر في إيه دلوقتي؟ نهض سليم بمك لتجري قمر بسرعة باتجاه الحمام وتغلق الباب خلفها وتقول له: مش هخرج ي ابن السعدي. ليسعل سليم بقوة مصطنعة ويقول بنفس متقطع: الحجيني ي جمر. لتتذكر قمر إنه مريض بالقلب، فتخرج بسرعة من الحمام وتذهب باتجاهه وتقول بحنان: مالك ي ضي عين جمر؟ سليم: اسنديني للسرير، مقدرش ي جمر، هموت.

لتهبط عباراتها وتسنده وتتجه للفراش لتضعه برفق وتقول ببكاء: مالك ي ضي عين جمر، حاسس بإيه؟ ليسحبها بخفة فتسقط في حضنه، فيقول بحب: جلجتك. لتقول قمر: خلعت قلبي ي سليم، حرام عليك. سليم بضحك: دا من باب توجيع الزبون بس. ويسحب نقابها، فيسقط ليفرد خصلات شعرها بحنان ويقول بهمس: جلب سليم، متوحش جمر جوى. ظلت تنظر لوجهه بهيام وتقول: وجمر متوحشة سليم كيف المجنونة.

ليميل على رقبتها ويطبع صكوك ملكيته لها، وهو يهمس بكلمات الحب والغزل، وتئن بحب بين يديه، ليشعر بأنها الآن دخلت عالمه، فيصعد إلى شفتيها يقبلهما برفق، ثم يتعمق في القبلة أكثر، لتصبح أكثر عنفًا واشتياقًا، وتذهب يده لسحابة الفستان الخاص بها. ولكن قاطع صفو لحظاتهم هذه، تلك الرصاصة التي اخترقت مسامعهم. من مين الرصاصة دي؟ اتطلقت في مين، أو مين المقصود؟ ي ترى سليم هيموت، ولا لسه مكمل؟