رواية زوجتي طفلة الفصل الثاني وأربعون 42 - بقلم zooz2012

🍂 عند زوز 🍂

رجعت تحاول تفك روحها ثنيت رجولها لين وصلت لجيوب بنطلونها ولقت فيه مشبك شعر ،اخذته وبدت تحاول تفكر السلاسل اللي باياديها .

زوز واهي تكلم نفسها : يلا زهراء انتي قويه تقدرين ، لازم تطلعين من هني ، لازم ترجعين لفارس ، فارس ينتظرك ، يلا ، تذكري الافلام اللي شفتيها ، تذكري الروايات اللي قريتيها ، يلا يلا .

واهي تحاول  و تحاول فكته واخيراً ، تنفست بسعاده ، وفكت ايدها وحررتها من القيوم اللي فيها وشالت الغطاء اللي على عيونها ، و ظلت تراقب بالمكان بخوف ، ثواني واتستوعب وبدت تحاول تفكر رجولها لكن ما فيه فايده  . 

زوز و اهي تتنفس بسرعه : على الاقل اقدر اشوف .

****************************************************************************

🌻 بعماره مجهولة 🌻

****************************************************************************

🌺 احدى الشقق 🌺

المكان اقل ما يقال عنه مزبله ، ريحة الخمر ، و الزقاير ، على ريحة الشهوه القذره بالمكان ، الوصخ بكل مكان مرمي ، مع ملابس ، باختصار المكان الزباله انظف منه .

****************************************************************************

مرام منسدحه بحضن حمدان واهي تضحك بدلع : اوووف بس بعد تعبتني .

حمدان يبوسها : بس ما شبعت منك لسى .

مرام : شدعوه ٣ ساعات متواصله ولا شبعت .

حمدان : لانك عسل و العسل ما يشبع منه .

مرام بجديه  : كيف البنت ؟ .

حمدان : مع ربعي تركها .

مرام : حمدان اسمع ، ابيك تقتلها .

حمدان طالعها بصدمه : نعمم ؟ .

مرام : ايوه ابيك تقتلها .

حمدان : لا عاد مرام خطف وقلنا ماشي ، الحين تبين اقتل انتي جنيتي و لا شنو ؟ .

مرام : عادي ما بيصير شيء .

حمدان : لا بيصير ، انا ان صادوني راح اروح فيها .

مرام : اشوفك تبيع خمر ومخدرات و تقضي ليالي مع بنات مافيها مشكله بس تقتل لا .

حمدان : اي قتل ما فيه ، لكن كل شيء يهون الا القتل .

مرام تقوم وتقرب منه حييل وبنبره تهديد : اسمع عاد ، سوالف هالشجاعه هذي ما تمر علي ، بتنفذ اللي طلبت ولا والله بثواني تلاقي نفسك ورى اسوار السجن ، لا تسوي لي فيها رجال .

تركته و راحت اخذته ملابسه اللي اقل ما يقال عنها ملابس و لبستهم على قذارتها قدامه واخذت اغراض وجات بتطلع .

مرام قبل لا تطلع : اسمع ، فكر بنفسك احسن ، تعرف انا منو ، و شنو اقدر اسوي (تكلمت بدلع ) باي يا حلو .

تركته و طلعت .

حمدان ظل يراقب بالباب و التفكير داهم عقله .

****************************************************************************

☄ بعد مرور يومين ☄

****************************************************************************

💥 عند فارس 💥

حالته يرثى لها ، لا ياكل ، و لا يشرب ، و بطل يروح الدوام ، و يردد اسم زوز بكل ثانيه ، اهله عشان يجبرونه على الاكل يقولون له اكل عشان ما تزعل منك زوز ياكل لقمتين و يوقف ، ينام بين ملابس و اغراض زوز ، كانه طفل فقد امه .

****************************************************************************

🌾 عند زوز 🌾

ما اكلت من يومين ، فقط يعطونها ماي عشان تعيش ، عرفوا انها فكت ايديها لكن رجولها مقيده ، عرفت ان نهايتها قربت لكن ما في ايديها اي شيء تسويه .

****************************************************************************

🍃 سديم 🍃

بحاله يرثى لها ، الى الان ما صحت من الغيبوبه .

****************************************************************************

🍂 تركي 🍂

مو قادر يستقر الى ان يحل هالقضيه ، لو تصحى سديم وتساعده على الاقل بملامح اللي خطفوا زهراء كان قدر يوصل لشيء لكن للاسف اهو بنقطه الصفر .

****************************************************************************

✨ بالبيت ✨

دخلت مرام مع امها واهي تصرخ بصوت عالي .

مرام بصراخ : هاااااااي .

تركي طالع مصدر الصوت واستغرب .

مرام شافت تركي وتدلعت : اووه اسفه ما ادري انه فيه ضيوف .

تركي ما عطاها اهتمام و منقرف من شكلها : المهم يا رائد انا مو ساكت عن هالشيء و قاعد احاول و ان شاء الله بلاقي شيء .

مرام جات و قعدت قدام تركي : قصدك على اختفاء حرم فارس المصون ، صدقني انا متاكده ان اهي اللي منحاشه مو مخطوفه .

فارس نزل و اهو يسمع كلامها وبحده : احترمي نفسك .

ندى و اهي تحاول تتذكر شيء .

مرام وقفت وتمثل الدموع : فارس ابي اعرف ، انت ليش تكرهني ؟ ، انا شنو مسويه لك ؟ .

فارس : كذا من الله ، انا ما احب احد غير مرتي .

مرام : الله و المرأة عاد ، روح شوف مرتك وينها فيه و مع منو ؟ .

فارس قرب يبي يعطها كف قاطعه صراخ ندى .

ندى بصراخ : تذكرررررررررت .

الكل لف عليها .

تركي بسرعه : شنو تذكرتي ؟ .

ندى تطالع مرام بكره : هالزفته يوم نروح الممشى كانت جايه لنا البيت وبقت تتهاوش معانا وقد مرة من المرات هددت زوز بانه تخلي فارس يطلقها .

مرام فتحت عيونها بصدمه .

تركي ابتسم بسخريه : هه .

فارس بصدمه : ايش ؟ .

هيا تتذكر وتكمل بعد ندى : اي صح كلنا شاهدين بيوم الحلفه هددت زوز وقالت بخليه يطلقك .

فارس العصبيه طلعت من عيونه ومسكها من عنقها وخنقها ولصقها بالجدار و بصراخ زلزل البيت : وين زهراء ؟ .

رائد و فهد بسرعه وقفوا يمسكونه .

تركي وقف وبصراخ : فارس اتركها .

فارس مو مهتم للي حوله : اخر مره اعيد سوالي زهرااااااااء وييييييييين ؟ .

مرام واخي تختنق : ما اعرف .

فارس يشد اكثر واهي تكح .

عمة فارس : اتركني بنتي اتركها .

تركي : فارس اتركها تراك قاعد ترتكب جريمه .

فارس تركها وتفل عليها .

مرام قعدت بالارض تتنفس بسرعه .

تركي راح لفارس : خلها انا اتصرف معاها بطريقتي .

راح لمرام وقعد بالارض قريب منها وهمس ببرود : بسألك سوال صريح و ابي الجواب بدون لف و دوران مفهوم ؟ .

مرام تطالعه و اهي تحاول تاخذ انفاسها .

تركي : وين زهراء ؟ .

مرام : ما اعرف .

فارس راح يبي يضربها ومسكوه سامي و فهد و رائد و احمد : كذابه ، شوفي عاد انتي يالحقيره ان ما نطقتي الادفنك وانتي حيه هني فهمتي ؟ .

رائد بصراخ : فارس خلاص عاد انا ما فيني حيل امسكك انا مسويه عمليه ، انت مو طفل .

فارس تذكر وبدأ يهدى شوي : اسف .

رائد تننهد و تركه واهو يحس بألم مكان العمليه .

تركي : ارجع اسألك وين زهراء .

مرام ما ردت .تركي بصراخ ارعب الكل : نطقي .

مرام : مادري وين مكانها ، ما قالي .

ابو رائد وصل على اخر كلمة قالتها وبصراخ : يالحقيره انتي السبب باللي بنتي فيه ، انتي السبب باللي زوجة ولدي فيها والله لا اموتك .

فهد راح بسرعه يمسك ابوه و معاه خالد و يوسف .

تركي : منو اللي ما قالك ؟ .

مرام ما علقت .

تركي طالع خالد : عطني جوالها .

اخذ خالد شنطتها وطلع الجوال ومده لتركي .

تركي : فتحيه .

مرام : ما راح افتحه .

تركي : فتحيه دام النفس عليك طيبه .

مرام بعصبيه : من تكون انت عشان تلقي علي الاوامر ؟ .

تركي  : هه ، معاك ضابط شرطه يا استاذه .

مرام بصدمه و خوف : هاااا ؟ .

****************************************************************************

🔮 بالمستشفى 🔮

بدت تصفر اجهزه العنايه المركزة معلنه عن حاله المريضه اللي داخل

تراكضوا الاطباء اللي فيها ، وواحد منهم صدم بزياد اللي توه واصل المستشفى .

الدكتور : اسف دكتور ما شفتك .

زياد : لا عادي بس شنو صاير ؟ .

الدكتور : عندنا مريض بغرفه العنايه والاجهزه تصفر .

زياد بسرعه : جاي معاك .

راحوا ركض لغرفه العنايه و كانوا اللي فيها يجهزون جهاز انعاش القلب .

دخل زياد بسرعه و توجه للمريض اللي على السرير و اعطوه الاجهزه شاف المريض وانصدم 

وبدأ يضرب الضربات عشان لا يفقد هالمريض 

ليش ، ما يدري ؟ هل لانه دكتور فقط ويقوم بواجبه او .......... .

****************************************************************************

وااااااااااااااااااااااااااااستوب

كيف البارت ؟ 

شنو توقعاتكم ؟ 

هل مرام بتعترف ؟ 

هل حمدان بيوافق على طلب مرام ؟

هل زياد يحب سديم ؟

هل بترجع زوز لفارس ؟