رواية زوجتي طفلة الفصل الرابع 4 - بقلم zooz2012

فارس يده بالباب وزوز لاصقه في الباب وتنفسهم سريع ودقات القلب ما ترحم .

فارس رفع يده ومسك ذقن زوز وعيونه بعيونها 

زوز تطالع فيه ، تنفسها سريع ، فارس همس : تكفى لا تذبحيني ، وش سويتي فيني يا بنت الناس تخللتي عقلي ولا راضيه تطلعين .

 سكت  وتم كلام العيون ما حس بنفسه الا شفايفه تمتزج بشفايفها 

فصلها بعد مده ورجع يطالعها وانصدم واهو يشوف دمعه من عينها طاحت ، ونظره الخوف بعيونها بدت تبان ، وشفايفها ترجف بقوه ، فارس خاف عليها وحس قلبه بيوقف .

فارس : لا لا واللي يرحم والديك لا تقتليني بدموعك ، لا تبكين . 

زوز واهي ميته خوف ودموعها تطيح وصوتها يرجف : تكفى الله يخليك خلني اروح .

فارس انصدم من خوفها ومسك ايديها يحاول يهديها : اهدي شفيك ماني مسوي لك شيء ، وربي ماني مسوي شيء اهدي اهدي .

زوز ترجف بقوه ، فارس خاف لا يجيها شيء وتركها وبعد بخفيف ، اهي ما صدقت وفتحت الباب وانحاشت ، فارس طلع واهو متشتت وشيء واحد يدور براسه اهو انا اللي سويته صح ولا غلط ، ركب سيارته ومشى بدون اي وجهة محدده . 

****************************************************************************

زوز رجعت للبنات واهي منصدمه ، سديم انتبهت لها وقربت منها 

سديم : زوز حبي وش فيك ؟ .

زوز تحاول تبين انها طبيعيه : لا ولا شيء بس خفت شفت هندي بالمطبخ شكل في شيء خربان . 

سديم بعدم تصديق : امم اوك . 

****************************************************************************

عند فارس 

راح للبحر واهو منصدم ويكلم نفس : انا وش سويت ، غلط غلط ، اهي ما تحل علي ، انا ليش قلت لها هالكلام ، لا لا مستحيل انا ما احبها ، غلط ، ياربي .

قطع عليه جواله واهو يرن ، رفع بدون ما يقرأ الاسم : الو . 

محمد باستغراب : فارس يازق وينك ؟ .

فارس غمص عيونه وهمس : محمد الحق علي . 

محمد كان منسدح بغرفته فز بسرعه من سريره : فارس شفيك ، الو فارس شصاير ، وينك فيه ؟ .

فارس واهو يبلع ريقه وقعد بسيارته وفتح ازرار ثوبه وهمس : انا عند البحر ، محمد تكفى تعال احس مخنوق .

محمد بسرعه واهو يلبس بنطلونه ويكلمه : اوك فارس خلك معاي ، لا تقفل فارس تسمعني . 

فارس عيونه مقفله وتنهد بقوه بدون لا يرد ، محمد واهو ياخذ بوكه والمفتاح : الووو فارس معاي الووو ؟ .

لا رد من فارس ، محمد قفل الجوال واهو يسب ، وطلع بسرعه من البيت وتوجه للبحر وداس البانزين ووصل له وقف ورى سيارته وراح له ، شافه منسدح بمكانه ومرجع الكرسي لورى ومغمض عيونه وفاتح ازرار ثوبه ، فتح الباب بسرعه ويهزه .

محمد يهز فارس : فارس اصحى ،شفيك ؟ . 

فارس فتح عيونه وبلع ريقه وهمس : انا جرحتها .

محمد يهوي عليه : ما فهمت قوم معاي الحين خل اوديك المستشفى . 

فارس يرفض يقوم ويكمل : محمد مادري شصار لي ، شفتها تلخبطت ، ما قدرت امنع نفسي من  اني اقرب لها .

محمد عصب : هي انت شنو مسوي لا يكون معتدي عليها ؟ انت شنو جنيت . 

فارس دفه : لا ما اعتديت عليها ، شفيتها . 

محمد واهو معصب : انت غبي والله وما . سكت وكانه استوعب اللي قاله فارس .

محمد بغباء : ها ؟ . 

فارس بارتباك : شفيتها . 

صار صمت بينهم ، فجاه انفجر محمد ضحك .

محمد : 😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂 . 

فارس طالعه كذا 😑 وقام يطقه : ووجع حتى وجع ، ليش تضحك علي يازفت تف عليك . 

محمد يمنع فارس من طقه واهو يضحك : بس 😂😂 خلاص 😂😂 وخر 😂😂 اخخ بطني .

فارس للحين معصب : اركب معاي يا حمار حر ، فاتح لي باب السياره وقاعد تحت تقول قطوه . 

محمد راح وركب جنبه : اي طيب وشفيتها شفيك كذا ، بتموت ، ومختنق ومو قادر اتنفس (يقلد فارس) .

فارس : انت غبي ولا تستغبى ، اقولك شفيتها شفيتها ، افهم . 

محمد : والله انت الغبي ، طيب عادي ، ترى شفه مو شيء ثاني .

فارس : وش عادي ، انت خبل ؟ . 

محمد : اذا البنت راضيه عادي . 

فارس يمسح وجهه بايدينه واهو يتنهد : مو راضيه ، انا غصبتها . 

محمد : طيب طيب صدقني عادي . رجع سكت وصرخ بصدمه : غصبتها ؟ . 😱 .

فارس بعصبيه يرفع راسه لفوق : يالله يارب ارحمني من هالغبي . لف عليه : انت هي ، جايني بغبائك ليش ؟ .

محمد : استوب استوب خل غبائي على جنب ، وش اللي غصب ما غصب ، شصاير ترى مو فاهم ولا شيء . 

فارس بتنهيده : انا افهمك .

(نتركه يقوله ونرجع لزوز 🤔 ولا اقولكم نروح مكان ثاني احلى ) . 

****************************************************************************

نزلوا من فوق يركضون واهم يصرخون : يمه ، يمه ، يمه ، يمه . 

ام رائد طلعت من المطبخ : بس بس ، وش هالازعاج وش تبون . 

ندى وهدى بوقت واحد : نبي ناكل . 

نزلت هيا من فوق : بالله هذي حاله ، تؤام وكل شيء زي بعض حتى الكلام . 

ندى وهدى لفوا عليها : مالك شغل . 

هيا تقعد على الكنب : يمه يمه ، احس بتاكلوني . 

دخلوا ابو رائد ورائد وفهد : السلام عليكم . 

الكل : وعليكم السلام . 

هيا تطالع رائد وفهد : اقول يالمتزوجين ، ترى حريمكم مو هني . 

رائد ببرود : ندري جايبه شيء جديد انتي ووجهك . 

فهد : يعني شيء طبيعي بيقولون لنا قبل لا يطلعون . 

نور واحمد نزلوا من فوق : سلام . 

ام رائد : هلا ، هلا وغلا . 

احمد ونور ابتسموا ، هيا واهي تميل فمها : اي الدلع كله حق نور ولا احنا لنا الله . 

نور تطالعها : انتي وش حارك ، كيفي وتسوي لها كذا 😝 . 

احمد يقرب لنور ويهمس لها : عقلي لا اكلك قدامهم الحين . 

نور بنفس الهمس : كيف تاكلني ؟ . 

احمد يقرب اكثر لين صار يتنفس برقبتها : اكل شفايفك واخذك للغرفه واهلكك تحتي . وباس رقبتها بخفيف وبعد . 

نور وجها صار احمر وتطالع بالارض ، احمد يضحك على شكلها . 

****************************************************************************

عند البنات 

يضحكون بقوه وصوت ضحكتهم واصل بره ، زوز تلف على سديم : الا اقولك انتي قلتي بيجون خواتك التوأم وينهم ، ما جبتي الا حريم خوانك . 

ملاك تطالع زوز كذا 😑 : ووجع مب مالين عينك احنا . 

زوز تضحك : الا بس هي قالت بتجيبهم . 

سديم بدلع : هم المفروض يجون .

البنات : اممم . 

سديم تكمل : بس . 

البنات : اييي ؟ .

سديم بسرعه : امي ما رضت لهم . 

زوز : ليه ، مساكين ، كنت حابه اتعرف عليهم . 

سديم : خلاص ولا يهمك المره الجايه تعالي عندنا واعرفك على خواتي كلهم من اختي نوره الى انا . 

زوز بصدمه : ليش كم انتوا ؟ . 

جنان بضحك : الله يسلمك هم ١٢ ، ٦ بنات ، ٦ اولاد .

زوز تطالعها كذا 🙂 .

ملاك بضحك : نوره ، نور ، هيا ، ندى وهدى ، وهذي (تاشر على سديم) .

زوز : ما شاء الله ، جنان انتي زوجة اي اخو ؟ .

جنان : انا زوجة الاخو الكبير رائد .

ملاك : وانا زوجة الثاني فهد . 

زوز تعد على اصابعها : كذا ٢ باقي ٤ .

سديم : باقي فارس ويوسف وحمد وخالد .

زوز سمعت اسم فارس وبلعت ريقها وهدت ، وكملوا سوالفهم الى ان رجعوا بيتهم .

****************************************************************************

فارس رجع البيت الساعه ١٠ بالليل ودخل لقاهم كلهم مجتمعين .

فارس واهو واقف : مساء الخير .

الكل : مساء النور .

ام رائد : يمه فارس كليت ولا اخلي الخدامه تحط لك اكل .

فارس : لا يمه مو مشتهي (لف على سديم) ، سديم قومي ابيك فوق . 

سديم تاكل حلى وبفهاوه تاشر على روحها : انا ؟ .

ندى قاعده جنبها وتطق رجلها وتهمس : لا انا خلصي قومي لا يذبحك شكله معصب . 

فارس واهو يطلع الدرج : لحقيني .

سديم وقفت وبهمس : يمه ، وش يبي فيني .

رائد بمزح واهو حاضن جنان : راجعي افعالك وش مسويه له .

(حاضنها كذا ، بس مو رافعين رجولهم زي الصوره لا 😂) نكمل .

سديم بخوف : وربي ما سويت له شيء .

فهد ياشر لها تروح : انزين روحي لا ينزل الحين ويتلك من كشتك هذي .

الكل : 😂😂😂 .

(سديم مسويه شعرها كذا 😂😂 ، انا خفت كيف اهلها 😂😂 امزح امزح ، نكمل 🙄)

سديم بعصبيه : هذي الموضه وش عرفك .

ام رائد : انزين روحي لاخوك يا ام موضه . 

سديم طلعت فوق لجناح فارس وطقت الباب ، سمعت رد من فارس يقولها تدخل ، دخلت ووقفت قدامه بالصاله .

فارس بتوتر : اممم قعدي ابيك بموضوع .

سديم بخوف : فارس والله ما سويت شيء ، تراني مؤدبه قسم بالله ، و . 

فارس قاطعها : بس بس بالعه راديو انتي ؟ ، ابيك بموضوع ويظل سر بينا فهمتي ؟ .

سديم باستغراب : موضوع ويظل سر ؟ شنو السالفه ؟ . 

فارس يتنهد و ............ .

****************************************************************************

واااااااااااااااااااااااااااستوب 

شنو الموضوع اللي فارس يبي سديم فيه ؟ 

كتبوا توقعاتكم تحت 👇🏻

٢٠ كومنت : بارت 

٢٠ اعجاب = بارت 

٥ توقعات = بارت 

١٥٥٢ كلمة