رواية زوجتي طفلة الفصل الرابع وثلاثون 34 - بقلم zooz2012

🌹 عند زوز وفارس 🌹

زوز دخلت الجناح بهدوء وشافت الصاله هاديه تركت اغراضها بالصاله و راحت بهدوء الغرفه فتحت الباب وشافت فارس منسدح بالسرير وغاط بنوم عميق ووجهه واضح عليه التعب ، قربت بهدوء وتردد وخوف وجلست جنبه على السرير وحطت اطراف اصابعها على خد ومررته بهدوء على خده من فوق الى تحت والعكس .

زوز واهي تمسح على خده باصابعها همست بغصة : ليت التعب بعروق قلبي ولا فيك .

فارس حس باحد يلمس خده بس ما فيه يفتح عيونه ، التعب مسيطر عليه ، بس لحظة اهو قاعد يشم ريحة مو غريبه عليه ، ريحة يعشقها ، ريحة اهو مشتاق لها حييل ، ريحة فاقدها ، معقوله ريحة عطرها ، و لا اهو يهلوس ، لا لا الريحة قريب منه ، يمكن مخدتها عالقه فيها ريحتها ، بس اهو مو على مخدتها عشان يشم هالريحه ، الريحة قويه حيييييييييل ، معقوله اهي موجوده ولا اهو يتخيل له بس بسبب المرض ، ولا لا يكون ..... .

بدأ يفتح عيونه بخفيف وشافها بخوفها ووجها المخطف من الخوف ، ويهدها الحنونه عليه .

فارس بلع ريقه وتوتر همس : انا قمت اتخيل من التعب .

زوز واهي تمسح على خده بحنيه همست : لا ما تتخيل .

فارس : يعني ... يعني انتي هني ؟ موجوده ؟ واقعيه ؟ .

زوز هزت راسها مع ابتسامه خفيفه .

فارس رفع نفسه بخفيف وتسند على السرير وصار بوضعيه جلوس ووراه المخده و همس : اشلون ؟ .. منو قالك ؟ .

زوز ابتسمت : قلبي اللي قالي .

فارس بهمس وقلبه يدق بسرعه وتنفسه سريع : شقالك ؟ .

زوز واهي تمسك غصتها وتهمس بصوت مبحوح : قالي انك تعبان ، قالي انك بروحك ، و قالي اني اجي .

فارس : منو جابك ؟ .

زوز : تاكسي .

فارس بغيره : الوقت متاخر وجايه بتاكسي .

زوز : ما همني شيء ، كنت حاسه ان فيك شيء .

فارس بكبرياء : هذا انتي شفتيني ، روحي عن اهلك يختفون عليك .

زوز وقفت وفصخت عبايتها ورمتها على السرير وكان شعرها مفتوح ربطته : ماني رايحه لين تطيب .

فارس : بس احنا .

زوز تقاطعه : ما همني شيء غير صحتك ، بهتم فيك وبروح صدقني .

فارس ما لقى رد يرده .

زوز تركته وطلعت من الغرفه راحت المطبخ وركبت له شوربه دجاج بالخضار وحطتها بصينيه مع ليمونه وعصير ليمون وملعقه وشالته وراحت فيه الغرفه ، كان فارس مغمض عيونه جاهز للنوم .

جات زوز بحماس واهي شايله الصينيه : أه .. أه .. أه مافيه نوم قوم اشرب الشوربة .

فارس فتح عيونه وهمس بتعب : اي شوربة ؟ .

زوز قعدت جنبه على السرير وبحضنها الصينيه : اللي انا مسويتها .

فارس : مو مشتهي .

زوز بشوي عصبيه : مو بكيفك ، انا مو قاعده اشاورك اذا بتشرب او لا ، انا اقولك بتشرب .

فارس : اقولك مو مشتهي ، تقولين اشرب .

زوز : شوف عاد محد مثلي بالعناد بتشرب يعني بتشرب .

فارس : غصب اهو ؟ .

زوز واهي تمسك الملعقه وتاخذ من الشوربه : اي غصب ولا بتشربها كلها بعد ، يلا افتح فمك .

فارس : اوووف .

فتح فمه ومدت له زوز واكلته .

زوز بحماس : ها كيف ؟ .

فارس : حلوة ، تسلم يدك .

زوز بابتسامه : صج ؟ ، بالعافيه يارب .

وقعدت تعطيه .

فارس يقاطعها : عادي تحطين ليمون بعد ؟ .

زوز : تمام .

اخذت الليمونه وعصرت منها بالشوربه و خلطته ومدته له .

بعد مده خلصت الشوربه كلها ، زوز اخذت المنديل ومسحت فم فارس .

زوز : بالعافيه .

فارس بابتسامه خفيفه : الله يعافيك .

زوز مدت له العصير : يلا شربه عشان بعطيك بندول .

فارس اخذه من يدها وتلامست يده بيدها مما سبب دقات قلب متسارعه عند الاثنين .

زوز بعدت بتوتر وراحت للتسريحه وفتحت الدروج واخذت البندول وجات قربت من فارس وحطت بيدها حبه ، فارس بعد العصير وفتح فمه ، حطتها بفمه ، رجع فارس يشرب العصير وبلع الحبه واهو يراقب في زوز واهي ترجع البندول بمكانه .

فارس خلص العصير وحطه وهمس : تسلم يدك .

زوز اخذت الكأس وحطته بالصينيه وشالتها وهمست : بالعافيه .

طلعت من الغرفه ورجعت بعد ثواني وقعدت قدام فارس وهمست : يلا الحين ارجع انسدح ونام اشوي ارتاح .

فارس انسدح ويطالعها وهمس : وانتي ؟ .

زوز واهي تغطيه وهمست : شفيني ؟ .

فارس : بتروحين ؟ .

زوز وقفت وتلبس العبايه : اهي تاخر الوقت حيييل ولازم امشي .

فارس مسك يدها قبل لا تروح وهمس : لا تروحين .

****************************************************************************

****************************************************************************

زوز انصدمت وطالعت بعيون فارس وبيده اللي ماسكه يدها .

فارس يكمل : انا اسف .

زوز عيونها تلمع .

فارس : انا كنت اعتقد اني بعاقبك على اللي سويته بدون اذني .. لكن !! .

سكت ثواني ورجع كمل .

فارس : لكن اكتشفت اني اعاقب نفسي ، انا ما اقدر اعيش بدونك ، ولاني كابرت حبي عاقبتي بمرضي هذا ، عشان كذا لا تروحين ، ابقي ببيتك ، ابقي لزوجك ، ابقي لحبيبك ، ابقي .

زوز ما عندها رد ، لكن دموعها ردت بدال لسانها ، غمضت عيونها خوف من انها دموعها تنزل ، لكنها خانتها ونزلت .

**************************************************************************** 🌧أغمضتها كي لا تفيض فأمطرت 🌧

****************************************************************************

فارس عوره قلبه من دموعها همس بكسرة : لا يا روحي انا الا هالشيء لا تنزيله ، دموعك تكسرني والله تكفين مسحي دموعك .

زوز بدموع : انا اللي اسفه ، اتخذت قرار بدون ما اخذ شورك ، سامحني .

فارس وقف واهي ماسك يدها ومسح دموعها بيده وهمس بحب : مسامحك من اول ما عرفت ، مسامحك يا بعد قلبي .

زوز ابتسمت وسط دموعها .

فارس قرب وطبع بوسة على شفايفها وابتسم ، ووجهه معرق وتنفسه سريع .

سحب زوز من يدها واخذها بحضنه واهو يطبع بوسه على راسها ، ثواني وبدأ يفقد قوته والدنيا بدت تسود بعينه ، و طاح من طوله على زوز و ضرب راسه بالسرير وطلع دم .

زوز شافت الدم وصرخت بصوت هز اركان البيت كله : فاااااااااااااااااااااااااااااااااارررررررس .

****************************************************************************

تحت سمعوا صوت الصرخه اللي رنت بالقلب رن وخلتي البيت يهتز من قوتها ، كل شيء تردد في بالهم ، تعب ، خوف ، موت ، فقد ، كل شيء بدون استثناء ، ركضوا بكل وقتهم لمصدر الصرخه ليقطعون الشك باليقين ، عشان يشوفون الحقيقه اللي ممكن تكون مره ، و ممكن تكون حلوه ، طلعوا وقلوبهم تدق بدال الدقه مليون ، وعقلهم اللي يقول راح تجيك مصيبه قدام .

 ****************************************************************************

وااااااااااااااااااااااستوب

توقعاتكم ؟

كيف البارت ؟

شنو صار لفارس ؟

هل معقوله مات بعد ما تصالح اخيراً مع زوز ؟

شنو شعور الكل لمن يشوفون فارس غرقان بدمه ؟

نور بتولد على هالا حداث اللي تصير او لا ؟

مرام وينها ؟

رائد هل جرحه بدأ يلتئم ؟

هيا حياتها بتظل نفس ما اهي او بتقلب فوق الى تحت ؟

(اتقبل النقد لكن باحترام)

(ملاحظه البارت طويل اتعب وانا اكتبه اخذ ٣ ساعات الى يوم وانتوا تقرونه بثواني وتقولون قصير وربي مو قصير طووويييل + اعتذر عن التأخير بس كنت بنزله وانمسح ورجعت كتبته من جديد)

الاحداث الجايه ناررريييه ابيكم تصيرون كونان

انطلقوا 🔥🔥🔥🔥🔥🔥🏃🏻🏃🏻🏃🏻🏃🏻