💕 يوم جديد 💕
****************************************************************************
💥عند فارس 💥
صحى من النوم يحس بجسمه متكسر مو قادر يتحرك قام بهدوء وفتح جواله وكان قلبه يقول يا ريت اشوف رساله ، مكالمه منها لكن خيبه الظن عقله و الواقع لمن شاف ما فيه شيء جواله ، تنهد بهم بعد ما شاف الوقت الساعه ٨:٣٠ باليل وحطه على الكمدينه وقام بثقل و نزل تحت .
****************************************************************************
🌹 عند زوز 🌹
صحت قامت اكلت شيء خفيف ورجعت غرفتها انسدحت وتشوف صورها مع فارس ودموعها نزلت شوق ألم حب ندم كل شيء .
****************************************************************************
💕 عند الكل تحت 💕
فارس نزل لهم واهم قاعدين يطالعون التلفزيون ، قعد بعيد شوي عنهم ووجهه واضح عليه التعب ، قعد وغمض عيونه .
رائد بمزح : صح النوم وش هالنوم نايم واجد .
فارس ما رد عليه .
ام رائد : يمه حبيبي احط لك اكل ؟ .
فارس يمسح على وجهه واهو يقول : تؤ ، مابي .
نوره : ليش ما تبي ؟ .
فارس بتنهيد : ماني مشتهي .
سديم بتردد : انزين ، فارس ، ما بترجع زوز .
ابو رائد : سدييم .
سديم تكمل : صدقني اهي ما سوت شيء ، و اهي رغم كل هذا تحبك .
رائد : سدييييم .
سديم : انا متاكده انها نفسك الحين ، مشتاقه لك وتبكي بعد .
فهد : ان ما سكتي الحين بقوم لك .
سديم : فروس تكفى لا تسوي هالشيء ، لا تكابر عشان هالشيء ، لا تنسى انت شنو سويت عشان تحصل عليها .
فارس وقف بعصبيه وصرخ : بس بس ، محد له دخل بالموضوع ، انا واهي ننياز ، انا واهي حرين ، محد له دخل ، تفهمون ؟ .
تركهم ومشى ابي يطلع لغرفته ، وقف فجأة بنص الصاله وتنفسه سريع مو منتظم وقام يعرق .
فهد انتبه له : فارس ، شفيك ؟ .
فارس لف عليهم وماهي الا ثواني وطاح من طوله مغمى عليه .
فهد بصراخ : فااااااارس .
سامي وفهد ركضوا له بسرعه .
ولحقوهم خالد وحمد ويوسف .
ام رائد وقفت بصراخ : يمه ولدي .
****************************************************************************
💐 عند زوز 💐
كانت قاعده وفجاة حست بغزه بقلبها وهمست : فارس .
****************************************************************************
🌺 عند فارس 🌺
سامي وفهد راحوا بسرعه لفارس ، والكل تجمع عليه بسرعه .
سامي واهو يمسك راس فارس ويرفعه ويكلم فهد : ارفع رجوله .
فهد رفع رجوله .
سامي بصراخ : يا جماعه بعدوا عنه خلوه يتنفس .
بعدوا شوي .
سامي يطق خد فارس بخفيف : فارس .
طالع فهد وراح حط يده بيده وحطها بجبهته يقيس ، رجع طالع فهد وهمس : حرارته مرتفعه .
رائد بصراخ لسديم : بسرعه جيب له كمادات بارده وخافض حراره .
راحت سديم تركض .
سامي : فهد ، رائد شيلوه معاي لغرفته .
شالوه ثلاثتهم وطلعوا فيه للجناح حقه وحطوه بالسرير وفارس مو حاس بالدنيا ، وجهه احمر ومعرق وتنفسه سريع .
سامي قعد جنبه على السرير ويصرخ : الكمادات .
جات سديم تركض وحطته على الكمدينه : هذي اهي .
سامي اخذ المنشفه وغرفها بالماي وعصره وحطه على جبهة فارس و طالع يوسف : يوسف جيب شنطتي تحت بالسياره .
يوسف : اوك بس وين مفتاحك ؟ .
سامي يطلعه من جيبه ويرميه على يوسف : سريع .
يوسف يمسكه ويروح يركض تحت يجيب شنطته .
سامي يلف على الكل وبجديه : يا جماعه كلكم طلعوا بره .
ابو رائد : بس .
سامي : انا معاه و رائد و فهد مافيه الا العافيه شويه حراره وتنزل .
ابو رائد بتنهيد : تمام بس طمنونا .
سامي : اوك .
طلعوا كلهم من الجناح ونزلوا تحت .
احمد نزل نور معاهم ورجع لهم فوق .
يوسف جابت الشنطه لسامي ، اخذها سامي بسرعه وقام يطلع اغراض .
رائد باستغراب : وش تسوي ؟ .
سامي واهو يركب قطع فوق بعض : بعطيه ابره خافضه للحراره .
احمد : ليش ؟ ، الكمادات مو كافيه ؟ .
سامي : لا لان حالياً مغمى عليه و مو حاس بالدنيا لازم اخلي حرارته تنخفض ويصحى معاي عشان لا سمح الله ما يدخل بغيبوبه .
اخذ علبه الدواء وسحب منها بالابره وكشف يده ومسحها بمسحه طبيه ودخلها بيده ونزل الدواء فيها وبعدها .
سامي التفت عليهم وتنهد وهمس : ١٠ دقايق ونشوف الحراره اذا ما نزلت راح نضطر نسبحه بماي بارد قبل لا توصل ٤٠ .
فهد : ليش ماي بارد ؟ .
سامي : افضل عشان تنزل سريع .
رائد : واذا وصلت ٤٠ شيصير ؟ .
سامي : يفقد كل حواسه .
توتروا كلهم واكتفوا بالصمت .
****************************************************************************
💕 عند زوز 💕
تحوس بغرفتها رايحه وجايه قلبه مو متطمن تدق على جوالات نوره ونور وسديم وهيا وندى وهدى ولا احد منهم يرد حتى فارس ما يرد ، الشك بدأ يسيطر عليها ، قلبها يقولها ترى حبيبك صابه شيء ، بس عقلها يقولوه ا انتي تتوهمين ، بقت بصراع داخلي لا متناهي بين قلبها وبين عقلها ، يا ترى من فيهم الصادق ؟ .
****************************************************************************
💥 عند فارس و الباقي 💥
بعد ١٠ دقايق سامي قاس الحراره وتنهد .
سامي بتنهيد : يا جماعه الحراره ما انخفضت صارت ٤٠.٣٩ ، لازم نسبحه حالاً .
رائد قرب من سامي : طيب شنو نسوي الحين .
سامي يرفع فارس : رائد فصخه معاي عشان ندخله الحمام ، وانت احمد تعال ساعدنا ، فهد شغل الدش وعبي البانيو على ماي بارد و خل يجيبون لك اكياس ثلج من تحت .
فهد : اوك .
راح الحمام يعبي البانيو .
احمد ورائد مسكوا فارس وسامي يفصخه التيشيرت ، بعدين فصخه البنطلون وخلاه بالبوكسر .
فهد طلع من الحمام : ثواني ويمتلي البانيو ، بروح اجيب ثلج .
سامي واهو يشيل فارس : جيب كيستين او ثلاث .
فهد واهو يطلع : تمام .
دخلوه الحمام على دخلت فهد ومعاه يوسف يحملون اكياس ثلج واجد .
سامي : بسرعه حطوهم بالبانيو .
فهد ويوسف فتحوا الاكياس وبدو يحطون بالبانيو ، احمد ترك فارس لرائد وسامي وراح اخذ معاهم وقام يحط .
سامي : بس بس كافي ، يلا رائد .
مسكوه ودخلوه الماي البارد ، فارس بس حس فيه بدأ يفيق وشهق بقوه .
سامي مسكه : اهدأ اهدأ ، بس اشوي عشان تنزل حرارتك .
فارس وتنفسه سريع ويهلوس من الحراره ويرجف من البرد : ب.. ررر..د .
سامي : اعرف بس شوي تحمل بس اشوي .
سامي لف على احمد : احسب له نص ساعه ونطلعه .
احمد هز راسه وشغل منبه بجواله على نص ساعه .
****************************************************************************
💙 عند زوز 💙
مو قادره تسطير على نفسها وقلبها فاز ، لبست ملابسها ونزلت تحت بعد اصرار من قلبها انها تروح لبيت فارس تتطمن قلبها مو مرتاح ابد .
****************************************************************************
☄ عند فارس ☄
طلعوه بعد ما خلص الوقت لبسوه ملابسشوي دافيه وحطوه بالسرير وغطوه .
رائد : بقول للخدم يسون لك اكل .
فارس ببحة : لا لا ماله داعي بس ابي انام .
سامي يقيس حرارته : شنو تحس فيه ؟ .
فارس واهو يرجف : بردان حيييل ، وراسي ثقيل واحس بالم بحلقي .
سامي يحط يده قريب الوز : شكلك لوزك نازله عشان كذا تحس بالم بحلقك .
فارس واهو يغمض : ايي يمكن ، بنام ويمكن اذا صحيت اصير احسن .
سامي يغطيه : تمام ارتاح ، انا كل اشوي بجي اتطمن عليك .
فارس ارخى جسمه واهو يتخيل نبضه يمه ، ثواني وراح لعالم الاحلام .
****************************************************************************
✨ تحت ✨
نزلت زوز برسعه من سياره التاكسي واهي تنفسها سريع طقت الباب بطريقه جنونيه ، فتح لها خالد ، تجاوزتها ودخلت وتطالع بينهم بأمل تشوفه سليم ويخيب ظن قلبها ويفوز عقلها لكن للاسف مو كل ما يتمناه المرء يدركه .
زوز بهدوء : وين فارس ؟ .
ام رائد : هلا يمه ، اشلونك ؟ .
زوز بشوي صراخ : وين فارس ؟ .
فهد واهو ينزل على الدرج وبنبره عتاب قاسيه : شرفتي .
زوز : ويين فارس ؟ .
فهد بصراخ : زوجك يا مدام فوق حالته لله ، تعبان صار له ساعتين وانت ما دريتي عنه حتى ولا كلفتي نفسك ترفعين السماعه تكلمينه .
رائد يمسكه : اهدأ فهد .
زوز دموعها تطيح جات بتصعد فوق ، مسكها فهد من يدها .
فهد بصراخ : وين على الله ؟ .
زوز ودموعها تطيح تكلمة بنبره حاده : طلعه لزوجي.
فهد بسخريه : هه توك متذكرته ، ما فيه طلعه ، احسن لك رجعي بيت اهلك لا تزيدين المشاكل .
زوز نفضت يد فهد من يدها بقوه وقالت بنبره عاليه : ما عاش اللي يمنعني اسوي شيء انا ابيه ، انا طالعه لفارس رضيت او لا ، ما عجبك هالشيء طق راسك بمايون جدار ، واذا ما كفاك عندك الارض .
فهد ابتسم على جنب .
زوز كملت : اعلى ما في خيلك ركبه .
دفته بخفيف وطلعت فوق .
ابو رائد بحده : فهد شنو اللي صار توه ؟ .
فهد واهو يبتسم : انا متعمد يبه ابي اطفي هالكبرياء اللي بينهم .
****************************************************************************
وااااااااااااااااااااااااااااااااستوب
توقعاتكم ؟
كيف البارت ؟
كيف بيكون لقاء فارس وزوز ؟
هل فارس مرض من الشوق لزوز والمكابره ولا فقط من تغير الجو ؟
هل فهد كلامه صح انه بيقدر يطفي نار الكبرياء بين فارس وزوز ولا ؟
هل بيعوا لبعض ؟
هل بيتطلقون ؟
(اتقبل النقد لكن باحترام )
انطلقواااا 😍😍😍😍😍😍😍😍😍😍😍😍🔥🔥🔥🔥🔥🔥🔥🔥🔥
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!