رواية زوجي معاق الفصل السادس 6 - بقلم مريم محمد

فتح مراد الباب، كان الأستاذ نوح وزوجته، جيران مراد. الأستاذ نوح: إيه أخبارك يا باشمهندس؟ إيه الغيبة الطويلة دي؟ مراد: الحمد لله بخير يا أستاذ نوح. إزيك حضرتك؟ مدام لطيفة: الحمد لله. إحنا سمعنا إن حضرتك اتجوزت. مراد: فعلاً. مدام لطيفة: ألف مبروك يا باشمهندس. يبقى خلينا نتعرف على المدام. مراد: إن شاء الله. مدام لطيفة: بكرة أنا عازماكم على الغداء؟ مراد: إن شاء الله. الأستاذ نوح: نستأذن إحنا يا باشمهندس مراد.

مراد: حضرتك والمدام ما شربتوش حاجة؟ نوح: وقت تاني إن شاء الله. تصبح على خير يا باشمهندس. مراد: وأنت من أهل الخير. مراد: اخرجي يا منى. منى: مين اللي كان بيخبط؟ مراد: جيراننا، وكانوا عازمينا على الغداء بكرة. إيه رأيك؟ منى: اللي تشوفه. وبعد كده منى قامت عملت شاي. بعد ما خلصوا، كل واحد دخل الأوضة بتاعته. تاني يوم الصبح، منى قامت بدري علشان تحضر الفطور. مراد كان مجهز نفسه ورايح الشغل. منى: أنت رايح فين؟

مراد: أنا رايح الشغل. منى: الشغل شغل إيه هنا؟ مراد: في فرع من الشركة هنا. منى: آه، ماشي. هتيجي إمتى؟ مراد: بتسألي ليه؟ منى: علشان أنا ما أعرفش حد هنا وهفضل طول اليوم قاعدة لوحدي. مراد: أنا جبت لك تليفون، عندك على السفرة، عليه رقمي ورقم ماما وبابا، ومامتك وباباكي. منى: تمام، شكراً يا مراد. خرج مراد وفضلت منى لوحديها. منى روقت الشقة وعملت الأكل لمراد، وقعدت تستناه قدام التليفزيون، وجابت فيلم كرتون وقعدت تتفرج عليه.

جه مراد من الشغل وكان تعبان قوي، اتاخر قوي. مراد كان عنده ضغط شغل. أول ما جاء: مراد: إزيك؟ إيه أخبارك؟ أنتِ عاملة إيه يا منى؟ منى: الحمد لله بخير. أحضر لك الغداء؟ مراد: آخد شاور الأول وبعد كده أتعشى. راحت منى جهزت السفرة، وبعد كده اتغدت هي ومراد. واحد صاحب مراد اتصل بيه. مراد: أيوة يا أحمد! أحمد: إيه أخبارك يا مراد؟ أنا سمعت إن أنت اتجوزت، مبروك يا عريس! مراد: الله يبارك فيك يا أحمد، ربنا يخليك يا حبيبي.

أحمد: بالمناسبة الحلوة دي، أنا عازمك عندي على الغداء. جيب المدام معاك، هنتشرف بوجودها. مراد: إن شاء الله يا أحمد. بعد ما خلص مراد التليفون مع أحمد: منى: مين اللي كان بيكلمك يا مراد؟ مراد: ده واحد صاحبي زي أخويا كده بالظبط، وشغال معايا في الشركة. منى: اممم. مراد: هو عازمني أنا وأنتِ عنده في البيت. منى: تمام، يا ريت. أنا نفسي أخرج. مراد: تمام، جهزي نفسك على الساعة سبعة، هنروح عنده البيت هو ومراته.

دخلت منى جهزت نفسها، وكانت غاية في الجمال. أول ما شافها مراد تنهد. منى: إيه؟ مش يلا؟ مراد: يلا بينا. وصل مراد بيت أحمد. أول ما دخل، أحمد رحب بيهم جدا هو ومراته، وبعد كده قعدوا عشان يتعشوا سوا. بس كانت نظرات أحمد مش كويسة لمنى. هو كان معجب بحجابها وإن هي مش حاطة أي ميك اب في وشها وإن هي طبيعية.

وهو بيقول لمراد: أنت كل حاجة بتكون أحسن مني في الدراسة، حتى في الجواز. كنت فاكر إن أنا سبقتك وجبت أحلى بنت وما فيش حد هيجيب زيي، بس لكن أنت برضو جبت اللي أحسن. مراد: 😠😠 منى اتضايقت جدا وحست بالغيرة. وبعد كده منى كانت مخنوقة جدا من طريقة أحمد ومن نظراته ليها. طلبت من مرات أحمد إن هي تدخلها الحمام علشان تهرب من نظرات جوزها. وبعد كده جت، مراد لاحظ نظرات أحمد لمنى. مراد: شكراً على العزومة يا أحمد.

أحمد: دي لسه بدري يا مراد. مراد: بدري من عمرك يا أحمد. يلا يا منى عشان ورايا شغل الصبح. اتحركت منى هي ومراد من بيت أحمد. منى مصدقت إن هي تمشي من بيت أحمد. مراد أول ما ركب العربية، وقال لها: مراد: إيه رأيك في العزومة يا منى؟ منى: لطيفة جداً، وأحمد ومراته ناس لطفاء جداً. أنا أول مرة أعرف إن المهندسين دمهم خفيف كده.

هي طبعاً ما كانتش طايقة أحمد، بس هي كانت عايزة تغيظ مراد، وطبعاً هي نجحت في كده. مراد سكت وما ردش عليها، وبدأ يسوق بطريقة خوفته جدا. وبعد كده وقف العربية مرة واحدة. مراد: نعم؟ عايزة تقولي حاجة تاني؟ منى: بالراحة يا مراد، أنا بخاف قوي. مراد: خلاص.

راح البيت. منى ومراد، كل واحد دخل أوضته. مامت مراد كلمت منى، وحكت لها على كل حاجة، وهي قالت لها تتجنب أحمد خالص، وما تقولش لمراد على حاجة عشان ما يحصلش مشاكل بينه وبين صاحبه. ومنى نفذت اللي حماتها قالت لها عليه.

عدى كام يوم على الزيارة دي. في يوم مراد راح الشغل واتأخر جدا، ومنى كانت هتموت من الرعب. وكل شوية بيتهيأ لها حاجات. وفضلت تتصل بمراد كتير، وفضلت تعيط بطريقة هستيرية. مراد جاء، كان النهار قرب يطلع. أول ما دخل، منى كانت بتعيط وطلعت تجري عليه، وهي كانت خايفة. ومراد تفاجأ من منظرها. مراد: مالك يا منى؟ إيه اللي حصل؟ حد زعلك؟ حد عمل لك حاجة؟

منى كانت عايزة حضنه عشان تطمن. وبعد كده مراد اتأكد إن منى بتكون حاسة بالأمان في وجوده، وإن هو بقى ليه مكان في قلب منى. منى: أنا جعانة قوي يا مراد. مراد: أنتِ آخر مرة أكلت إمتى؟ منى: أنا أكلت آخر مرة معاك الصبح. مراد: يا مجنونة! أنتِ ما أكلتيش من ساعة ما فطرتي معايا؟ منى: أنا مش بعرف آكل لوحدي.

مراد بدأ يحس بوجوده مع منى، إن هي خلاص اتقبلته وبقت مش بتعرف تاكل أو تنام من غيره، من غير وجوده. مراد بدأ يحس بوجوده في حياة منى. اليوم ده مراد كان سعيد فيه جدا. وبعد كده قال لها: مراد: أنا هعمل لك مفاجأة.