رواية زوجي معاق الفصل الثامن 8 - بقلم مريم محمد

مراد: ممكن أتكلم معاكي شوية يا منى؟ منى: اتفضل. مراد: ما تزعليش. منى: على إيه؟ أنت عملت حاجة؟ مراد: عشان اللي حصل مني امبارح، أنا آسف. منى: خالص، أزعل ليه؟ أنت عملت حاجة تزعلني. مراد: أنا عارف إني جرحتك، بس أنا عايز أتكلم معاكي وعايز أعرف كل حاجة عنك يا منى، عايز أقرب منك أكتر. مراد: منى، ممكن تحكيلي عن نفسك شوية؟ أنا عايز أتعرف عليكي أكتر.

منى: أنا هحكيلك عن نفسي، البنت اللي طول عمرها بتعمل كل حاجة عشان غيرها، عمرها ما فكرت في نفسها. عشت مع وضعي وكنت أشطر بنت في المدرسة رغم إني ما كنتش باخد دروس خالص. دخلت ثانوي وكنت فرحانة جداً إني قربت من حلمي. وبعد كده خلصت ثانوي، جيت أفرح بابا إني طالعة الأولى.

بابا قالي: "اعذريني يا بنتي، ادخلي أي معهد سنتين عشان تخلصي وتساعديني عشان أجهزك". كل اللي أنا حلمت بيه اتهد في لحظة واحدة. وبعد كده خدت معاها سنتين وكنت نفسي اشتغل في الترجمة. بابا قال لي: "إنتي كبرتي ولازم تشتغلي عشان أجهزك، كل البنات اللي بقوا في سني خلاص بيتجوزوا".

جالي عريس كويس جداً ومناسب من كلام مامته عليه، حبيت أتعرف عليه. بس يوم الفرح بتاعي كسرني، قال لي إني مجرد جارية. قال لي إن اتجوزني عشان أساعده وبس، يعني من الآخر خدامة. وبعد كده عشت معاه واتقبلت الوضع وسامحته. جوزي جه وقال لي إنه عايز يخرجني، فرحت قوي إنه بدأ يتغير معايا. بس للأسف فرحتي ما تمتش، جوزي حرّجني قدام الناس وزعق لي وجرجرني على البيت وأنا ما ليش ذنب في حاجة. وفي الآخر ضربني، وإيه السبب؟ أنا ما أعرفش.

مراد: سامحيني يا منى، أنا ما كانش قصدي. ده كله شايلاه في قلبك يا منى؟ منى: أنت شايف إن ينفع أسامحك؟ مراد: إحنا عايزين نفتح صفحة جديدة. منى: وأنا معاك، بس يا ريت تتغير. مراد: أوكي، تحبي تخرجي النهاردة نتعشى بره؟ منى: لا، أنا هعمل عشا هنا ونتعشى أنا وانت سوا. أنا بدأت أكره الخروج من البيت. مراد ومنى اتعشوا سوا، وبعد كده مراد اقترح على منى. مراد: إن شاء الله كام يوم كده وهنسافر أنا وإنتي عشان نبدأ حياتنا الجديدة.

منى: إن شاء الله. دخلوا ويناموا، كل واحد فيهم نام على طرف من السرير. أشرقت شمس يوم جديد على أبطالنا. قامت منى من النوم، دخلت الحمام، اتوضت وصّلت. وبعد كده جهزت الفطار لمراد وجهزت هدومه، ودخلت تصحّي مراد من النوم. وبعد كده قعدوا فطروا سوا. مراد: أنا رايح الشغل، عايزة أي حاجة يا منى؟ منى: شكراً، هتيجي على الغداء؟ مراد: إن شاء الله. منى: وأنا في انتظارك.

منى دخلت اتصلت على باباها ومامتها واتطمنت عليهم. وبعد كده اتصلت بمامة مراد وحكتلها على كل حاجة، وهي فرحت قوي إنهم بدأوا يقربوا من بعض. بعد يوم طويل، منى حضرت الأكل وروّقت الشقة وقعدت تستنى مراد. لقيت الباب بيخبط، هي استغربت في ده، لأن مراد معاه مفتاح وبيدخل على طول. وبعد كده قامت فتحت الباب، كان أحمد صاحب مراد. وكان عايز يدخل، بس منى منعته. منى: إنت عايز إيه؟ أحمد: إنتي إيه اللي مخليكي عايشة مع البني آدم المتخلف ده؟

شوف عملك إزاي قدام الناس. منى: جوزي وهو حر معايا، أنت مالكش دعوة. إنت إيه دخلك بيني أنا وجوزي؟ أحمد: لا طبعاً، أنا ليا دعوة. اطلقي منه، أنا هتجوزك، أنا هخليكي تعيشي ملكة. منى: أنت بني آدم حقير عشان تبص لمرات صاحبك؟ أحمد: ده بني آدم متخلف مش مقدّر النعمة اللي في إيده. منى قفلت الباب في وشه ودخلت الشقة واتصلت بمامة مراد وعرفتها وقالت لها إنها ما تفتحش الباب لأي حد.

أحمد كان بيبعت لمنى رسائل وكان بيحاول يضايقها كتير، بس هي ما كانتش بترضى تقول لمراد. مراد جاي من الشغل. مراد: منى، أنا عامل لك مفاجأة حلوة. منى: ربنا يسترها. مراد: ما تخافيش، أنا عرفت إنك بتحبي الترجمة، قدمت لك في الجامعة وممكن تاخدي كورسات وتكوني مترجمة. إنتي معاكي معهد سنتين وجايبة مجموع كويس جداً.

منى فرحت جداً وكانت بتتنطط من كتر الفرحة. ومن فرحتها حضنت مراد. ومراد كان فرحان جداً لفرحتها إنه قدر يسعدها. وبعد كده مراد دخل عشان ياخد شاور. لاحظ تليفون منى، إن جتلها رسالة. وبعد كده عرف إن الرسالة دي من أحمد صاحبه. قراها وبعد كده اتجنن وخرج لمنى. مراد: إيه القرف ده؟ من إمتى وهو بيكلمك؟ منى: ده من يوم العزومة وهو بيحاول يضايقني.

مراد الغضب خلاه أعمى وضرب منى، وكانت حاسس بالعجز. وكانت حالتها صعبة جداً، ما كانتش قادرة تدافع عن نفسها، أو من الآخر ما رضيت تدافع عن نفسها. قد إيه كانت ضعيفة. منى وقعت في الأرض. مراد: ما تستهبليش، قومي! أنا بروح الشغل وإنتي مقضياها، قومي ردي عليا. منى: مفيش رد.

مراد بص على منى لقاها متعورة في دماغها وبتنزف. قام بسرعة وجاب برفان وجاب ميه وحاول يفوقها، بس ما كانتش عايزة تفوق. اتصل بدكتور صاحبه وكان هيتجنن عليها. وندم وراجع نفسه، بس بعد فوات الأوان. وجه شافها. وبعد كده مراد كان بيحاول يتكلم مع منى، بس منى كانت رافضة تتكلم معاه خالص. بعدها بثلاث ساعات، مامت مراد اتصلت وكانت عايزة تكلم منى، بس مراد ما كانش عارف يقول لها إيه. وبعد كده اتصلت على تليفون منى.