رواية زينة القلب الفصل الحادي عشر 11 - بقلم يارا عبد العزيز

فجأة سمعوا صوت واحدة من وراهم "كدا يا حمزة اتجوزت من غيري" الكل التفت أول أما سمعوا الصوت حمزة: دادة وحشتيني جدا اتأخرتي عليا أوي كدا ليه دادة توحيدة: على عيني يا حبيبي أبعد عنك وأنت عارف بس أنت عارف إني كان لازم أنزل أسوان عشان المشاكل اللي ما بيني وما بين أخواتي ع موضوع الورث حمزة: عارف ومقدر كل حاجة قوليلي عملتي إيه

دادة توحيدة: دا موضوع يطول شرحه هبقى أحكيلك بعدين خلينا نتعرف ع العروسة القمر معقول حمزة حب واتجوز وقامت رايحة عند زينة دادة توحيدة: أعرفك بنفسي أنا دادة توحيدة أنا اللي مربية جوزك لحد ما بقى راجل كدا زي ما أنت شايف زينة: اتشرفت جدا بمعرفة حضرتك أنا زينة دادة توحيدة: اسمك جميل أوي يا زينة وما شاء الله عليكي زي القمر يا حبيبتي مش مستغربة إنك وقعتي حمزة حمزة وهو بيبص ع زينة: هي وقعتني بس دا أنا بدوب أوي أوي يعني

زينة اتكسفت وبصت في الأرض حمزة قام مميل ع ودنها: تمثيل تمثيل عشان نحبق الدور مش أكتر زينة بصتله بنرفزة واتكلمت بصوت منخفض: يا ريت متأڤورشي دادة توحيدة: مش قادرين تستحملوا أما تتطلعوا وتتكلموا براحتكوا حمزة: الصراحة آه وياريت نطلع بقى ممكن جدة زينة: اتفضلوا يا حبيبي خالد: طب مع السلامة احنا بقى يا عريس شهد ونور: مع السلامة يا حبيبتي وراحوا أخدوها بالحضن وتلاقئ لقوا نفسهم بيعيطوا زينة: طب ممكن متعيطوش

عشان معيطش أنا كمان شهد: حاضر يا حبيبتي مع السلامة زينة: سلام ومشوا الكل وحمزة وزينة طلعوا الأوضة زينة بأنبهار: هي دي أوضة ولا شقة حمزة: لا أوضة زينة: دي أكبر من شقتنا ما شاء الله حمزة: انتي جاية تقري ولا إيه زينة بعصبية: ع فكرة قولت ما شاء الله حمزة: ع فكرة انتي بتتعصبي بسرعة أوي اتحكمي في نفسك شوية زينة وهي رايحة عنده

وبتشاور بصبعها في وشه: لا بقولك إيه مش عشان انكتب كتابنا وانت حمزة بيه الأسيوطي تقوم تتحكم فيا وتقولي أعمل إيه ومعملش إيه أنا زينة يا بابا هاا زينة حمزة: خفت أنا كدا صح وصبعك دا ميترفعش تااني وانتِ بتكلميني متخلنيش أوريكى مين هو حمزة الأسيوطي فعلاً أنا لحد دلوقتي محترم معاكي فالشوية اللي هنقضيهم مع بعض عشيهم بسلام ومتخلنيش أزعلك زينة: أنا محدش يقدر يزعلني ع فكرة حمزة وهو بيمسك ايدها وبيقربها: فعلاً

وكان أول مرة بياخد باله من عينها أوي كدا اللي هي لونها زيتوني حمزة: انتي إزاي عيونك جميلة أوي كدا هي دي عيونك ولا مركبة حاجة زينة وبدأ خدودها تحمر بتوتر: لا عيوني وبعد كدا بعدها عنه لما مقدرش يسيطر ع نفسه حمزة بنرفزة وهو بياخد نفسه: أنا هغير هدومي عشان أنام زينة ببأتسامة: ماشى حمزة بنرفزة: لا كدا مش هينفع أنا بقول أقبض ع القاتل بسرعة بقى عشان وبعد كدا سكت زينة بخبث: عشان إيه حمزة بعصبية: أنا هروح أغير هدومي

زينة: هروح أغير هدومي هروح أغير هدومي ما تروح هو أنا ماسكك وبعدها مشى وزينة لقيت نفسها بتضحك أول لما مشى زينة بصوت عالي: طب ما هو أنا كمان عايزة أغير هدومي عشان أنام حمزة خرج ومعاه هدومه: أنا هغير في الحمام انتي ادخلي غرفة الملابس وغيري زينة: تمام زينة وهي جوا الأوضة: دي كلها هدوم سودة لدرجة دي بيحب اللون الأسود وغيرت وخرجت ولقيت حمزة قاعد ع اللاب زينة كانت خارجة بالطرحة حمزة: ودا من إيه زينة: مش فاهمة حمزة:

هتنامي بالطرحة زينة: أوماال يعني هخليك تشوف شعري حمزة بعصبية: هو جو المأذون والناس اللي كانت بتبارك وعقد الجواز اللي مضيتى عليه بنفسك مش واخدة بالك منه ولا إيه زينة: أيوا وفيها إيه يعني حمزة: يبنتي أنا جوزك زينة: ع الورق بس حمزة: بس جوزك يعني لو قعدتي قدامي بشعرك مش هيبقى حرام ع فكرة زينة: تصدق فعلاً معاك حق مش حرام حمزة: طب والله هبلة زينة: طب متغلطيش طيب

حمزة: برضوا مصرة تعصبيني هو مفيش مرة اتكلم معاكي فيها إلا أما تعصبيني وتخليني أجيب أخرك انتي فيه حد مصلتك عليا طيب زينة وهي عاملة نفسها متجاهلة وشالت الطرحة حمزة أول أما شاف شعرها: كدا كتير بقى زينة: فيه إيه حمزة: دا شعرك ؟!! زينة: أيوا انت بتشككني في نفسي ع فكرة حمزة: أنا طالع البلكونة زينة: هو أنا فين فوني حمزة: بتقولي إيه ياختي زينة: فين فوني مش لاقيه حمزة: الكلمة دي متتقالش تاني اسمه موبايل

زينة: أنا متعودة أقول كدا مش ذنبي إنك بتتعصب من الكلمة يعني حمزة: متخلينيش أتعصب عليكي يا زينة وبعدين انتي عايزة التليفون ليه زينة: عشان أظبط المنبه لصلاة الفجر ولي القيام حمزة: قيام وصلاة فجر زينة: أيوا هو أنت مش بتصلي حمزة: زينة: ليه حمزة: مش عارف ممكن مشاغل مثلا

زينة: مينفعش أي حاجة تعطلك عن القيام بفروضك أبداً لازم تحط ربنا في المقام الأول في حياتك وبعدين الصلاة مش بتاخد وقت أكتر حاجة ممكن عشر دقايق ولا حاجة لو عايز ربنا يباركلك في يومك املاه بالصلاة وقراءة القرآن والذكر والصلاة فرض مش تدين يعني واجب ع كل مسلم ومسلمة حمزة بإعجاب: انتي كلامك حلو أوي زينة: دا مش كلامي ع فكرة دا كلام الرسول صلى الله عليه وسلم اللي واخده من ربنا زينة: قال الله -تعالى

-في سورة البقرة: {وَأَقِيمُوا الصَّلَاةَ وَآتُوا الزَّكَاةَ وَارْكَعُوا مَعَ الرَّاكِعِينَ * أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ أَفَلَا تَعْقِلُونَ * وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةٌ إِلَّا عَلَى الْخَاشِعِينَ}،[١] صدق الله العظيم حمزة: صدق الله العظيم زينة: هبقى أصحيك تصلي الفجر تمام حمزة: ماشى شكراً زينة: الشكر لله زينة: أنا

هنام بقى تصبحى ع جنة حمزة: وانتي من أهلها ونامت زينة وحمزة طلع البلكونة حمزة في نفسه: معقول فيه حد جميل أوي كدا حد جميل داخلياً وخارجياً انتي بتعملي فيا إيه يا زينة صحت زينة قبل صلاة الفجر بساعة إلا ربع تقريباً وصليت قيام وبعد كدا صحت حمزة وصلوا الفجر جماعة هم الاتنين وحمزة كان الإمام في الصباح كانوا قاعدين ع تربيزة السفرة حمزة وزينة كانت قاعدة جنبه وجانبها جدتها وقاعد من الناحية التانية دادة توحيدة وبدأوا ياكلوا

زينة وهي بتبص ع حمزة: تيتة انتي سميتي الله الجدة: أيوا يا حبيبتي زينة: تمام زينة وهي بتبص لحمزة وكأنها بتوجهله الكلام: عن عائشة رضي الله عنها قالت: قال رسول الله صلى الله عليه وسلم: »إذا أكل أحدكم فليذكر اسم الله تعالى، فإن نسي أن يذكر اسم الله تعالى في أوله فليقل: بسم الله أوله وآخره كل اللي قاعدين: صدق رسول الله صلى الله عليه وسلم حمزة في سره: بسم الله زينة بصتله ببأتسامة حمزة: الحمد لله عن إذنكوا أنا لازم

أروح الشغل دادة توحيدة: شغل إيه يا حمزة أنت لسه متجوز امبارح حمزة: لازم أمشي يا دادة عندي شغل واكيد زينة هتقدر ده زينة: أكيد حمزة وهو بيبص ع زينة: خدي بالك ع نفسك زينة: حاضر حمزة: عن إذنكوا زينة: طب عن إذنكوا زينة: بشمهندس حمزة حمزة: ياريت بلاش بشمهندس ده عشان لو حد سمعك هيشك في حاجة زينة: هحاول حمزة: عايزة حاجة زينة: هو أنا مش هروح الكلية حمزة: للأسف مش هينفع فيه خطر عليكي أنا هاخدلك إجازة وتقدرى تاخدي محاضرتك

من شهد صاحبتك زينة: تمام حمزة: أنا ماشى عايزة حاجة زينة برقة: لا شكراً حمزة: يلهوي بقى زينة: فيه إيه حمزة: أنا ماشى زينة: أوكي مجهول: البنت فص ملح وداب أكرم بعصبية: يعني إيه البنت دي ممكن تتعرف عليا في أي لحظة مجهول: عشان كدا أنت لازم تختفي لحد أما نتخلص منها أكرم: تمام بس متتأخرش والا أنت عارف أنا ممكن أعمل إيه مجهول: تمام أكرم: بس أنا مرعوب دول سلموا القضية لحمزة الأسيوطي

مجهول بخوف: عرفت عشان كدا لازم ناخد كل احتياطتنا لأن حمزة مش سهل أكرم: أنت هتقولي عند منة كانت قاعدة ع مكتبها في الشركة وفجأة واحد دخل وكان باين عليه متعصب جدا