رواية زينة القلب الفصل الخامس والعشرون 25 - بقلم يارا عبد العزيز

أحمد فتح عينه وبعدها ضرب نار على حمزة وأغمي عليه. زينة بخوف شديد وعياط: حمزة يا حمزة رد عليا فوق يا حمزة ومتسبنيش. زينة: الإسعاف. ومسكت الفون بتاعها وفتحته ورنت على الإسعاف. الإسعاف جت وأخدت أحمد وحمزة. في المستشفى وهم شايلين حمزة على الترولي. الممرض: واخد رصاصة ونزف دم كتير يا دكتور. الدكتور: حضروا غرفة العمليات بسرعة. زينة بترجي وعياط: انقذه بأي طريقة يا دكتور هو هيبقى كويس صح.

الدكتور: إحنا هنعمل اللي علينا ادعيله. في الفيلا. الجدة بخوف: هم اتأخروا كده ليه. زياد: أنا هرن على حمزة. زينة بعياط: الو أيوا يا بشمهندس زياد الحقني حمزة اتضرب بالرصاص وإحنا دلوقتي في المستشفى. زياد بخوف شديد: ابعتي عنوان المستشفى وأنا جاي حالا. الجدة: مستشفى إيه يا زياد زينة جرالها حاجة. زياد: لا زينة كويسة بس. دينا بخوف شديد: بس إيه يا زياد ما تنطق حمزة جراله حاجة. زياد: حمزة اتضرب بالرصاص.

دينا بعياط وخوف: اتضرب بالرصاص إزاي خدني خدني عنده بسرعة. وخرجوا كلهم وراحوا المستشفى. عند زينة. زينة بعياط: يا رب تقومهولي بالسلامة وتشفيه ليا ولابنه وعيلته يا رب أنا مقدرش أعيش من غيره اشفهولي يا رب. دينا: زينة حمزة ماله ابني كويس صح. زينة: هو دلوقتي في أوضة العمليات. خالد: طب الدكتور قال إيه. زينة بعياط: قالوا إنه نازف دم كتير. شهد ونور وجدتها راحوا عندها. الجدة: اهدى يا حبيبتي بإذن الله هيبقى كويس.

زينة بعياط: يا رب. الدكتور خرج. دينا: دكتور ابني عامل إيه. الدكتور: للأسف نزف دم كتير وإحنا محتاجين دم بس للأسف فصيلته نادرة ومفيش هنا في المستشفى. زياد: أنا ممكن أشوف في أي مستشفى تانية. الدكتور: إحنا محتاجين الدم دلوقتي أي دقيقة هتعدي هيكون فيها خطر على حياته. نور: هو فصيلة دمه إيه. الدكتور: O سلبي. زينة: أنا نفس الفصيلة ممكن تاخد مني يا دكتور. شهد: زينة إنتي حامل.

طبعاً كلهم فرحوا بالخبر بس كان قلقهم على حمزة أكبر بكتير. الدكتور: حضرتك بما إنك حامل مش هينفع ناخد منك. زينة: لا أنا جاهزة تقدر تسحب مني كل الدم اللي إنت عايزه. الدكتور: هيكون فيه خطر على حياتك إنتي والجنين. زينة: مش مهم المهم حمزة يبقى كويس. الدكتور: حضرتك أنا مش مسؤول عن أي حاجة ممكن تحصلك أو تحصل للجنين. زينة: مش مهم. دينا: زينة يا بنتي.

زينة بمقاطعة: لو سمحتوا يا جماعة متحاولوش لأني خلاص أخدت قراري يلا يا دكتور أنا جاهزة. الدكتور: اتفضلي معايا. وبالفعل أخدوا كمية دم كبيرة من زينة. دينا: دكتور ابني كويس صح. الدكتور: الحمد لله حمزة بيه عدى مرحلة الخطر ونص ساعة بالكتير وهيفوق. دينا بفرحة: الحمد لله. الجدة: وزينة يا دكتور. الدكتور: ادعولها إحنا هنعمل كل اللي علينا وبإذن الله هتبقى كويسة. شهد بخوف: طب نقدر نشوفها. الدكتور: للأسف ممنوع عنها الزيارة.

جدة زينة كانت هتقع بس دادة توحيدة مسكتها. دادة توحيدة: ست ماجدة إنتي كويسة تعالي اقعدي. الجدة بعياط: هتبقى كويسة بإذن الله ربنا أكيد مش هيضرني فيها. كلهم راحوا عند حمزة ونور وشهد وجدة زينة فضلوا قاعدين قدام باب أوضتها. في لندن. محمود: أنا جمعتكم كلكم انهاردة عشان أقولكم حاجة مهمة أنا قررت أستقر في مصر. فاطمة بصوت عالي: مصر لا دا إنت اتجننت رسمي إيه الأسبوع اللي روحت قعدت معاهم فيه عملولك غسيل مخ واقنعوك تعقد معاهم.

محمود: لو سمحتي يا ماما أنا مش عيل عشان حد يأثر عليا وتيتة وزينة مالهمش أي علاقة ودا قرار نهائي. فاطمة: لو روحت مصر يا محمود هتبقى لا إنت ابني ولا أعرفكم. محمود: لدرجة دي يا ماما ما تقول حاجة يا بابا. علي: أنا خلاص تعبت معاك ومبقاش عندي أي طاقة ليك أنا ماشي. محمود بص على والدته. فاطمة: زي ما دا قرار نهائي بالنسبالك فدا آخر كلام عندي. وسابته ومشيت. منار جريت عليه وحضنته. منار: أنا كمان عايزة أجي معاك يا بييه ممكن.

محمود بفرحة: بجد يا منار. منار: امم. محمود: تمام يا حبيبتي أما أجي نبقى نكمل كلامنا أنا هروح الشغل. منار: أوكي. كريم: إنتي عايزة تسافري يا منار. منار: أيوا يا بييه. كريم بصوت عالي: أنا أكيد مش هسمحلك تمشي وتسبيني. كريم بتوتر: أقصد تسيبى عمو وطنط أكيد هيزعلو. منار: دي حاجة خاصة بيا أنا وبابا وماما وياريت يعني متدخلش خلي عندك كرامة. كريم: عيلة وهتفضلي طول عمرك عيلة بس خلي في علمك يا منار أنا استحالة اسمحلك تسافري.

منار: إنت ملكش حكم عليا وبعد كده ملكش أي دعوة بيا. كريم بعصبية: بطلي تستفزيني يا منار عشان مزعلكيش. منار: هتعمل فيا إيه أكتر من اللي عملته أنا لازم أرجع مصر عشان أنا مش عايزة أشوف وشك دا قدامي تاني. كريم: وأنا قولتلك إني مش هسمحلك تسافري. منار: خلينا نشوف قرار مين اللي هيمشي عن إذنك يا بييه. حمزة وهو بيفوق. حمزة بتعب: زينة. دينا بفرحة: حمزة حبيبي إنت كويس. حمزة: آه أنا تمام الحمد لله زينة فين زينة. مفيش رد.

حمزة بعصبية: ما تنطقوا زينة فين الـ ـحيوان اللي اسمه أحمد عاملها حاجة. زياد: يا ريت متتعصبش يا حمزة غلط عليك. حمزة بعصبية: متعصبونيش أكتر وقولولي زينة فين ما تنطقوا. دادة توحيدة حكتله كل حاجة. حمزة بخوف: أنا لازم أشوفها. دينا: هتروح فين يا حمزة مينفعش تقوم. حمزة بعصبية: يا ريت تبعدوا عني كلكم دلوقتي. وخرج من الأوضة. الممرض: حضرتك الزيارة ممنوعة.

حمزة بعصبية وصوت عالي: مفيش حاجة اسمها ممنوع أنا هدخل يعني هدخل أوعى كده. زينة كانت وقتها متوصلة بجهاز أكسجين. حمزة بدموع: زينة ليه عملتي كده كنتي سبتيني أموت وكنت عيشي إنتي يا زينة أبوس إيدك فوقي إنتي عارفة إني مش هقدر أعيش من غيرك صح يا زينة مش إنتي وعدتيني إنك مش هتسبيني وهتفضلي جنبي قومي بقى ومتخلفيش وعدك ليا قومي بقى عشان خاطري. الدكتور: حضرتك مينفعش تكون جنب المريضة دي عشانها هي لو سمحت اتفضل بره.

حمزة: هي هتبقى كويسة صح. الدكتور: للأسف الحالة مش مطمئنة بس ادعيلها. حمزة بعصبية: اعمل المستحيل عشان تنقذها. الدكتور بخوف: حاضر. حمزة خرج من الأوضة. دينا: حمزة تعالى على أوضتك طيب يبني إنت لسه طالع من عمليات. حمزة: مش متحرك من هنا إلا أما تفوق وأطمن عليها. وفجأة لقوا الممرضة خارجة تجري من عند زينة. حمزة بخوف: فيه إيه هي كويسة. الممرضة: أنا لازم أنادي الدكتور بسرعة المريضة مش عارفة تاخد نفسها.

حمزة جري عند زينة وكلهم راحوا وراه.