رواية زين وشمس الفصل الرابع عشر 14 - بقلم نادية مصطفى

شمس: خلاص مش قادرة أجري أكتر من كده. زين: قولي لي ليه بقى بتهربي من جوزك؟ شمس: كده عشان تحترم نفسك شوية. زين: وأنا؟ وكمل بخبث: غلطتي في العنوان يا عمري. شمس: مش هناكل طيب؟ زين: هيجي لنا الأكل لحد هنا. شفتي سهلة إزاي؟ وبعدين مرات زين عاصم الدين ما ينفعش تعمل أكل بإيديها. وكمل بكبرياء مصطنع: جوزك رجل أعمال يا بت. شمس: طب خد مسافة بقى يا رجل الأعمال. زين: مش هيحصل أبداً. وزقت زين وجريت من قدامه. زين: هتتهربي فين بقى؟

شمس: ههرب في أي حتة. وإمساكها وشدها ليه. شمس وهي بتنهج: مش مصدقة كل ده يا زين. ما تعرفش أنا كنت بستناك إزاي. كنت بقول كل السنين يا حبيبي فداك، حتى لو طول مشواري معاك لآخر العمر. زين: انتي جميلة قوي يا شمس وقلبك قلب ملايكة، مش قلب بشر خالص يا حبيبتي. الباب خبط عليهم. وهي راحت تفتح. زين: رايحة فين ياختي؟ شمس: رايحة أفتح الباب. زين: كده؟ "كده إزاي يعني؟ اطلعي يابت فوق. زين: غيران عليا؟ مش طالعة. شمس: خلاص خلاص.

وطلعت تجري ع فوق. وهو راح يفتح ولقى كريم. زين: هو أنت؟ كريم: ليه؟ كنت مستني حد؟ زين: آه الدليفري. وبعدين انت مالك؟ كريم: لا بس أنا قولت أجى أسلم عليك. ده حتى النبي وصى ع سابع جار. زين: عليه أفضل الصلاة والسلام.. طب أي سلمتك؟ كريم: لا لسه. طب أي من ع الباب كده؟ زين: لا لا اتفضل. ودخل قعد. وكريم كان بيدور ع شمس بعينيه. زين: في حاجة؟ كريم: اهااا لالالا. زين: امم طيب معلش مدام شمس مش هتقدر تنزل عشان حامل وتعبانة.

كريم: حامل؟ زين: أه حامل. مش مراتي ولا إيه؟ شمس افتكرت إن زين خد الدليفري وما مشيش. شمس: كل ده يازين؟ واتصدمت لما لقت كريم. زين اتعصب أوي. شمس: إيه ده كريم؟ معلش ماخدتش بالي إن في حد هنا. زين: عارف. وشال شمس ودخلها الأوضة. شمس: عيب كده يا زين. الراجل في بيتنا. زين: طب ممكن تخليكي هنا. شمس: طب لازم نعمل معاه الواجب. زين: هعمل أنا. ونزل لكريم. كريم: آسف. شكلي جيت في وقت مش مناسب. زين: بصراحة أه. بس عادي يا كريم.

كريم: هرجع أكرر اعتذاري. زين: عقبالك لما تتجوز يا كريم. كريم مشي وهو متعصب جداً. وجه الدليفري. ومر شهر من غير أي أحداث جديدة. وعند روان وعبير: روان: شايفة ياما؟ شمس خلت زين يحبها. وأنا بحب زين ياماما وعايزاه بأي طريقة. عبير: بأي طريقة؟ روان: أه ونبي يا ماما. عبير: ما تقلقيش يابت يا روان. روان: هتعملي إيه يا ماما؟ عبير: ********* خطه ****** روان: أه ياماما ياجميلة. إمتى بقى هننفذ الكلام ده؟ عبير: لما أقولك يا قلب أمي.

روح عند مراد. كان قاعد وببص لصورة بحزن أوي. "وحشتيني أوي ياحبيبتي." وتعالوا نروح فلاش باك. مراد: إيه يامجنونة؟ "أنا راجعة من الغردقة النهارده." مراد: قصدك بكرة؟ "لا دلوقتي هاجي بالعربية." مراد: لا دلوقتي الطريق وحش. حلا: لا ماتخافيش عليا. أنت عارف إن بسوق كويس وياما دخلت سباق. مراد: حلا اسمعي الكلام. حلا: يا عم ماتخافش بقى. أنا أصلاً بكلمك وأنا سايقة. مراد: حلا ارجعي طب وأنا هاجي آخدك.

حلا: بقولك إيه أنا كده كده مش راحة في حتة. قاعدة ع قلبك ومربعة… وبعدين خليك انت عندك عشان تجهز حاجات الفرح. الفرح كمان يومين." مراد: طب ياحبيبتي ارجعي وأنا جاي آخدك. ومرة واحدة تظهر تريلا قدامها وهي ما كانتش شايفاها. وفجأة سمع صوت صويت حلا والخط اتقطع. مراد: حلا؟ حلا؟ الو...