رواية روايا اميرتي ذات النقاب الفصل الثاني 2 - بقلم ايه فيصل

نور: ماما ماما ردي عليا بالله عليكي متخوفنيش عليكي ياماما فيه حد هنا؟ ساعدوني ماما مش بترد عليا، يا ماما قومي. أنا عارفة إنك بتهزري صح؟ يلا قومي قوليلي إنك بتهزري. يامااااااااااماااا. إلهام: جات ع صوت عياط نور. فيه إيه؟ أي دا! سندس مالها؟ حصلها إيه؟ سندس يا سندس فوقي. عم عبدو يا عم عبدو. عم عبدو البواب: نعم يا ست هانم؟ إلهام: خلي السواق يجهز العربية بسرعة، يلا يا عم عبدو.

ركبوا العربية. نور ركبت ورا وأخدت مامتها في حضنها. وإلهام جنب السواق. وراحوا ع المستشفى. في القصر. حسين: نادى ع واحدة من الخدم. فين مدام إلهام؟ الخادمة: مدام إلهام راحت مع الدادة سندس المستشفى. حسين: ليه؟ مالها الدادة سندس؟ الخادمة: والله معرفش يا بيه، إحنا لقيناها واقعة في المطبخ ومش بترد. حسين: روحي انتي ع شغلك. اتصل ع إلهام. الو، انتوا في أي مستشفى يا إلهام؟ إلهام: مستشفى****** حسين: مسافة السكة وهاكون عندك.

في شركة بركات للإعلان والتصوير. عمر: مستر أحمد موجود؟ أمني: أيوه موجود يا مستر عمر. عمر: تمام، شكراً. أمني: العفو حضرتك. عمر: فتح الباب ودخل. مستر أحمد حسين بركات مش فاضيلي، قلت أجي أشوفه أنا. أحمد: عمر! إيه المفاجأة الحلوة دي؟ حضرت الضابط بنفسه عندنا. واحشني يا حبيب أخوك. عمر: وانت والله ليك وحشة يا أبو حميد. أي محدش بيشوفك انت و سي بلال؟ صحيح، هو فين؟ واحشني البغل ده. بلال: أنا أهو. شفت بحس بيك يا عمري.

عمر: يا رتني ما كنت افتكرت مليون جنيه. انت بتحس؟ معتقدش. واي عموري دي؟ احترم إن أنا أكبر منك يا بغل انت. بلال: خش في حضن أخوك يا فواز. أحمد: خلصتوا المسلسل الهندي بتاعكم؟ يا أستاذ بلال. بلال: لا لسه شوية كمان. أحمد: أنا هوريك الشوية دول. تعالالي بقا. بلال: جري استخبا ورا عمر. عمر: بضحك. اعقل يا أحمد، هتعمل عقلك بعقل واحد مجنون؟ بلال: حصل. وفضلوا يضحكوا هما التلاتة. بلال: وأخيراً ضحكت. ده إحنا نجيب عمر كل يوم بسرعة.

عمر: لسه منستش يا صاحبي. أحمد: أنا معتش أحبها خلاص، بس أنا مش جاهز لتجربة تانية. عمر: ربنا يريح قلبك يا صاحبي. في المستشفى. نور: قاعدة تعيط ومستنية الدكتور يطلع يطمنهم ع مامتها. إلهام: انتي نور صح؟ نور: أيوه حضرتك. مدام إلهام، ماما بتكلمني عنك كتير وأنك بتحبيها ومش بتعتبريها خدامة عندكم. إلهام: سندس دي ست أصيلة وطيبة ومحترمة. وربنا يعلم بعزها قد إيه. ربنا يقومها بالسلامة يا حبيبتي. نور: يا رب. الدكتور خرج.

نور: جريت عليه. طمنيني ماما عاملة إيه؟ هي كويسة مش كده؟ حضرتك ليه مش بترد عليا؟ حسين: اهدى شوية يا بنتي، خليه يعرف يتكلم. خير يا دكتور؟ ست سندس مالها؟ الدكتور: هي كان عندها عملية قلب مفتوح، المفروض كانت تعملها في أسرع وقت. وإحنا حذرناها قبل كده، التأخير فيه خطر ع حياتها. بس خلاص، إحنا مش في إيدينا حاجة نعملها. ادعولها. نور: ماما! لالا! هي قالتلي إنها مش هتسيبني لوحدي. أنا عايزة أشوف ماما.

الدكتور: ماشي، بس الكلام الكتير غلط عليها. حسين: حاضر يا دكتور. شكراً. دخلت نور، وأول لما شافت مامتها في الحالة دي، انهارت من العياط. وجريت ع حضنها. نور: ماما كده تخضيني عليكي ليه يا ماما؟ مقلتليش ع العملية. انتي مش بتحبيني عشان كده عايزة تسبيني؟ سندس: باست رأس نور. متقوليش كده يا حبيبتي. انتي أغلى حاجة في حياتي. وأنا عملت كده عشان خاطر متزعليش وتتوجعي عليا لو العملية منجحتش. حقك عليا يا نور عيوني.

نور: أنا مقدرش أعيش من غيرك يا ماما. أرجوكي خفي عشان خاطري. مسحت نور عيونها من العياط. أنا أنا هروح أصلي وأدعي ربنا يرجعك ليا بالسلامة. وواثقة إن ربنا مش هيخذلني. أول لما نور خرجت. إلهام: حمد الله ع سلامتك. سندس: بصوت ضعيف. الله يسلمك. إلهام: ليه كده يا سندس؟ إحنا قصرنا معاكي في حاجة؟ ليه مقلتليش ع موضوع العملية؟ إحنا ما كناش هنتأخر معاكي في حاجة.

سندس: عارفة والله يا مدام. بس أنا مكنتش حمل بهدلة. وأنا خلاص أجلي انتها. إلهام: متقوليش كده. ربنا يديكي طولت العمر ويرجعك لينا بالسلامة. سندس: ممكن أطلب منك طلب؟ إلهام: أكيد، اتفضلي. سندس: خلي بالك من نور دي وصيتي ليكي. هي ملهاش حد غيري. ومن بعد ما أنا أروح، هي مش هتقدر تعيش لوحدها. هي لسه صغيرة. إلهام: بعد الشر عليكي. ليه بتقولي كده؟ إن شاء الله هتخفي وترجعيلا بالسلامة.

سندس: خلاص، أنا حاسة إني أجلي انتها. خلي بالك من نور. اوعديني إنك هتعمليها زي زهراء وأسماء. إلهام: أوعدك إني هعتبرها بنتي. سندس: آه. مش قادرة آخد نفسي. إلهام: يا دكتور، يا ممرضين، حد يجي يلحقني. جه الدكتور وخرجت إلهام بره. نور: فيه إيه؟ ماما مالها؟ وليه سبتيها لوحدها جوا؟ إلهام: اهدى يا بنتي. الدكتور عندها وهيطلع يطمنا إن شاء الله. اهدى شوية عشان خاطري. حسين: إيه اللي حصلها يا إلهام؟

ما كنت كويسة وانتي كنتي معاها جوا. إلهام: هي كانت بتتكلم معايا وفجأة نفسها انداق ومش عارفة جرالها إيه. الدكتور خرج والكل جري عليه. الدكتور: أنا مش عارف أقولكم إيه، بس إحنا عملنا اللي علينا. البقاء لله. نور.