رواية #رواية...انا هي نساؤك.. الفصل السابع وثلاثون 37 - بقلم الكاتبه سمو العراق

البارت الرابع والثلاثون
رواية...انا هي جميع نساؤك
بقلمي...نور سمو العراق

💔💔💔💔💔💔💔💔

بداية ..}~
{مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا إِنَّ ذَلِكَ عَلَى اللَّهِ يَسِيرٌ * لِكَيْلَا تَأْسَوْا عَلَى مَا فَاتَكُمْ وَلَا تَفْرَحُوا بِمَا آتَاكُمْ وَاللَّهُ لَا يُحِبُّ كُلَّ مُخْتَالٍ فَخُورٍ}

...................................

رجعت خطوات جبيره وانه ارجف وشايله الطفل

هو تقرب مني وعيونه تجدح كال بغضب...اشمره بالزباله ولا اخليكم انتم تربونه...

انه باوعت لامه باارتباك وامه حجت ويه كلتله....خليها تاخذه وتروح ما عايزين مشاكل...

انه مااسمع بس الهووسه حنان تغلط وبشرئ طلعتنه من الملاهي بالفشار والغلط...

اخو حنان ضحك باستهزاء كلها...لا والله ما عايزه مشاكل والله اله اطلعها جثه واوديها لبيت رجلها العار...

هو ركض عليها وامه لزمته وانه صرخت بصووت عالي منذذذذذذذذذذذذذذر منذرررررررررر......

شفت المنذر دفع الباب حيل رفسه برجله ودخل

هو شافني لازمه الطفل وابجي وهو تخبل

هجم علئ اخوو حنان طيح حضه

وهنه يتصارخن كلبن الامه والعالم التمت عليهم....

الغبي ما يعرف المنذر جاي وياي عباله لوحدي...

مايعرف انه موش مثل اخته مااطلع باب الحوش الوحدي..

المنذر يغلط ويسب بي وذاك خنس مثل الدجاجه...

انه بسرعه طلعت للسياره ضليت واكفه...

والمنذر طلعه رجال جبير بالعمر وهو يهدي بي...

يمممه اعين عليه من يم السياره مووش رجال غضب غضب

اي والله گلبها گلاب يمماي شواربه ترف بغضب ويه عيونه الحاده وطوله وهيبته اني كلبي يرجف اجيت اشمر الطفل واحضننه....

صعد بالسياره وانه صعدت والطفل علئ صدري خطيه حتئ البطانية لجان ملفوف بيها اخذنها....امها دكول حسافه هاي البطانيه بيكم....

انتبهت علئ المنذر لزمني من كتفي كال بتفحص...ضرربج

جاوبته باارتباك....ياله ما ضربني لا تخاف

حط اصبعه بين اسنانه وبعده بسرعه كال...الحمار والله لو ما هذا جيرانهم اله ادفنه بباب بيتهم واخلي عبره لمن يعتبر....

حطيت ايدي علئ جتفه ابتسمت بهدوء...ياله عوفه يولي بعد گلبي

هو بسرعه ساق السياره والطفل يصررخ صريخ يكطع الكلب وانه ابجي وياه عبن شنهي كلش يقهر...

شفايفه صارت ترجف وصار احمر شراينه برزت وانه مااعرف شنهي اسويله

رجع المنذر باوع علي ابتسم اله ...عموو حبيبي لا تبجي والله مااعوفك انت امانتي

رفعت وجهي للمنذر بااستغراب...صدك ياهو يربي عبن عمتي ماتكدر جبيره والبنات متزوجات

المنذر...يتزوج مؤيد ومرته تربي واحنه هم منعوفه اكيد يتربئ بنصنه...

هزيت راسي بأي...

حسيت الطفل راح يموت ...ومااعرف شنهي اسويله ضليت امسح بدموعه وشفايفه اخذ كف ايدي وضل مثل الي يريد ياكل ...قربت ايدي منه وهو جوعان عباله مميه ضل يعض بيدي....

ضحك كتله...يا نذري شووف ياكل بيدي عبن شنهي جوعان سوده عليه

المنذر باوعله وضحك كال ...خلي اجيب حليب ومميه

صدك مشينه مسافه وشويه و وصلنه لمحل نزل المنذر جاب حليب ومميه....

اخذتهن من ايده ورجع صعد اباوعله يمه شكد حنين فدوه الطوله اروحن فدوووه عبن مووش رجال ياله كارثه...

وصلنه للبيت نزل هو وانه وراه شايله الطفل والممه والحليب...

اول مادخلنه جابت عمتي صينيه خلته بي وجدتي كعدت تنعه وتبجي عليه وكلها بجت علئ حاله...

بس جدي ونذري طفرو مايحبون هيج مواقف....

انه خبطت مميه واخذته حطيته بحضني ورضعته جان جوعان يرضع بشراهه جنه المنذر من ييشرب الجكاره

وشويه واجت هاله ونيران خطيه هم ضلن يبجن عليه شكله يكسر الخاطر

وعيونه يباوع بيهن تحسينه مضلوم او يتيم رغم وجود اهله...

دخل مؤيد باوع عليه تنهد بحزن وتقرب منه باسه بكصته وهو شلون يباوع عليه ويبرطم...

اخذه وباسه وضل يهز بي

المنذر وجدي من شافو الوضع صار امن اجوو

جدي اخذه من ايد مؤيد واذن بإذنه....الله اكبر الله اكبر

بعدها فتح حلك الطفل وبصق بحلكه...

اني لعبت نفسي ومنا حامل اجيت اتقيئ فوكاهم...

اخذته من ايده سألته باانزعاج....جدي ليش تفلت بحلكه هسه تلعب نفسه...

هو ضحك كال...حتئ ما يطلع فاهي

وباوع علئ مؤيد بخزره....

انه ضجت اخذته ورحت لغرفتي خطيه شنهي يسون بي هيج ويتفلون بحلكه عبن شنهي لان ماعنده ام...

حطيته علئ الجربايه وبسته بخده ضحكت كتله...ياله حبيبي لا تضوج انه امك وانه اربيك

وروح ابووي اسويك ضابط مثل المنذر وتصير عاصفه يبعدي...

يو تريد تصير دكتور؟ بكيفك انت...انه اكولن لو تصير شيخ احسن عبن راسك حلو يلوكله العكال....

هو بس يرمش بعيونه عليه

ضحكت حييل وحضنته كتله...اي اي اعرفنك دكول هاي الخبله شكاعد تحجي...

دخل المنذر يضحك كال...هااا خبلتي الولد مو

ضحكت رفعت اصبعي تهديد...هذا الولد الي ما انطي مفهوم

المنذر سحب اصبعي وباسه كال...الج بس اني محد يريدني...

رفعت نفسي اله وانه كاعده علئ ركبي بالجربايه وحضنته جاوبته ببتسامه...انت نذري وعمري وعاصفي والاسد مالي اتخلئ عن روحي وانت ما اتخله عنك...

هو جر نفس وباسني براسي كال...هذي بختي حطاج بحضني الله يحفظنه ويبعد عنه كل مكروه...

رجعت راسي الصدره جاوبته....امييين

كال...شنسمي

ضحكت ...مؤمل شرايك

باوعلي بعصبيه كال...بس لا ابن البدوي اسمه مؤمل

رجعت حضنته حييل...ياله اسمه محيسن

كال...همزين جاا موتج

رجعت اباوع علئ مؤمل يجنن حرامات امه خذلته وابو ما مهتمله شنوو ذنبه

هل القران الحلوو شنو ذنبه...

انه وراه ما اخلي ينضام وانه امه منيرس...

المنذر رفعني انصدمت كال كافي بووس شبيه ما تبوسيني

بسته بخده هاك يالله اقنع

هو ضحك وهجم علئ شفايفي بعنف كال...هيج اريد

ابتسمت بخجل ورجعت المؤمل الهي روحي بي

المنذر حط ايده علئ ضهري وكل شويه مسوي حركه سخيفه...

موتني منحرف منحررف

................................

نيران رجعت للبيت اجه عمر أخذني حيل انقهرت علئ ابن مؤيد مسكين ما اله ذنب....

علاقتي بعمر الحمد لله تمام ماشي حالها...

مرت خمس اشهر من رجعت نحاول نتناسه الي صار

بس هو كرجل  شويه يتحسس

اني اسعي بكل حالاتي اسعده ومااخلي يحتاج الشيء...

جان ابالي،اكمل دراسه حرامات اني واصله وكولش شاطره بدراستي ...

حرام تضيع هيج فرصه من أيدي ...

قررت احجي ويه عمر بلكي يكدر يساعدني...

حاولت احجي ويه عمر

شفته ديفتح ازرار قميصه وكفت يمه ولزمته من ايده وابتسمت...

كال...هااا اشوف عندج كلام احجي اكو شئ

بلعت ريقي بهدوء...داكول شنو رايك اكمل دراسه

هو باوعلي بعصبية كال....لااااا مستحيل

نزلت راسي بقهر رجعت جاوبته...زين ليش ؟

لزمني من اكتافي كال.... انسي لا تفكرين مجرد تفكير زين

بلعت عبرتي جاوبته...والله حرامات اني واصله

همس من بين اسنانه بعصبية ...كلت لا يعني لاا مفهوم

مسحت دمعتي ورحت كعدت علئ الجربايه

انقهرت حييل من كلامه كووولش مؤلم بس اكول حقه لسه ما مأمن بيه....

وبنظره اني عاقه...

بس اشوو بعلاقته الحميميه ويايه كوولش هادئ ورومانسي

اشوو من اطلب منه طلب يتغير عليه...

دا احس روحي رخيصه بصراحه وعمر يريدني بس بوقت حاجته...

رغم هو ديكول احبج ونسيت ماضيج لكن تصرفاته تعكس غير شئ يعني دا احس ما عنده ثقه بيه....

هو من شافني هيج جر نفس قوووي وكعد يمي...

كال بهدوء وجمود....نيران مو قصدي ازعلج بس بصراحه اءء

جاوبته بدموع...بصراحه انت ما تثق بيه مووو؟

ابتسم وهز راسه بلا...مو ما اثق بس اخاف عليج تعرفين اني عندي اعداء واخاف يتعرضون الج من هذا الباب دا امنعج...

جاوبته بشك....بس ؟؟

كال...اي بس لا عبالج ما اثق بيج لا اعرفج اني كلش زين انتي انغدرتي ...

ابتسمت من كلامه وهو حضني حييل...

ضعت بحضنه بس ما اعرف ليش اختنكت كووه صبرت روحي علئ حضنه

احس. روحي طلعت من خشمي...

دفعته حييل وركضت للحمام وكفت علئ المغسله وتقيئت شكو شئ اكلته....

هو اجه يمي كال...شبييج شصار ليش وجهج اصفر

غسل وجهي بكفوف ايده ومسحه بالخاولي استغرب حالتي كال بخوف...شبيج شنو اليوجعج

حطيت ايدي علئ صدره جاوبته...مااعرف تلعب نفسي حيل ودا اختنك من عطر الغرفه...

محبيت اكوله عطرك لان حسيته يزعل...

ضحك وحط ايده علئ خصري كال...اخاف حامل

انصدمت ..اه والله مااعرف اي احتمال

باوعلي بهدوء وسحبني من ايدي كال...يالله امشي نحلل

اني جنت هسه جايه من اهلي ومبدله خلينه ورحنه...

اخذنه تحليل ونتظرنه يطلع مرت نص ساعه وطلع...

جنت منتظره بالهفه النتيجه ...شويه وصاحت باسمنه...

كالت...مبروووك حامل

يابه الفرحه ما تنوصف ابببببد طرت طرت من الفرح ما مصدكه الصار...

وعمر خطيه جانت فرحته كبيره من طلعنه من المستوصف لازمني ويكول امشي علئ كيفج الطفل لا يوكع...

ابتسمت بهدوء الحمد لله من بعد الشده رخاء....

.........................   .............

بعد مرور خمس اشهر....

مؤمل ربه عندي جنت حييل فرحانه بي يجنن وابيض واحبه حييل

كل اهتمامي بي خطيه مسكين ما اله احد....

راحو بيت عمي رادو يسجلونه باسم امه ورادو الجنسيه بس ما قبلوو ينطونها...

وكالو حتئ البيان انتم روحو جيبو من الجده....

صدك رحنه للجده جبنه البيان...

انه صار خمس اشهر عندي وبطني كبرت حيل علئ وشك ولاده...

وتعبانه عليه احسه ابني رحت للمنذر طلبت يسجله باسمنه انه وياه....

وهو ما عارض  ابببد كال ميخالف....

بس مؤيد عارض كال...لا ابني اريده

نذري موش اسد كاله...لا عند منارس احسن وباسمي

المهم استسلم للامر الواقع وقبل يتسجل باسمنه وصار امولي ابني....

اعارك سلف علئ موده عبنه شبل وعمه اسد

وثاب تزوج ...وراحو بعرسه...

بس شنهي شالوو بغير مكان قريب علئ منظمه عسكريه عبن يكولون قريبه علئ شغل فاروق

كلبي وجعني من صار قريب علئ المنظمه مااعرف ليش...

احنه اليوم خبصه عبن شنهي مؤيد عرسه وانه اركض هيج وهيج بس الله شاهد البنات وياي....

ومؤمل سوده عليه يبجي....

خليت وكعدت سويتله مميه ...محد بحاله لو انه لو محد يشيله....

بدلنه ورحنه صعدت ويه نذري بسياره وجايبين موسيقئ ودك وركص ...

ومؤيد فرحان اكثر من ذاك عرسه يركص

و جدتي تهوس...جبنالك برنو ما ملعوب.....

موش جده منحرفه تموت على هاي السوالف هههههه

وصلنه وزهوره طالعه حلوووه تخبل ومؤيد مكيف وهي خجلانه....

زفيناهم...

اول ما وصلنه وانه احس بوجع متت متت من الوجع...

صبرت روحي كوه ....

اول ما وصلنه حسيت شئ طك مااشوف اله المي غرك ملابسي...

صرخت بصووت عالي ...ااااه بطني بطني...

المنذر اخذ الطفل من ايدي بسرعه وانطاه لامه لزمني كال ...هااا راح تجيبين....

العالم ملتمه وانه اصررخ...

وابجي عمتي انطت مؤمل لهاله ودخلت جوه هاله

وعمتي راحت ويانه وامي واخووي وجدتي...

المنذر لازمني ويهدي بيه وانه طلك..

وصلنه لمستشفئ العلويه...

نزلوني كووه اصرخ بصوت عالي وكل شوويه كلتلهم اكفوو همه وكفوو....

صرخت...ياله خلونه نمشي...

مشينه لزمت بطني بوجع صررخت اكفوو وكفوو خطيه

خبلتهم اكفو امشوو...

اخر شئ المنذر شالني ودخلني للمستشفئ اخذوني بصالة الولاده وانه اصررخ....

شكلو المغذي بيدي مااعرف اطلك ولا ادفع ومحتاره

بس نذري وصه عليه

اجت التجيبني واشوفها حفيظه...تخبلت

كلتلهم مااريدها...

هي باوعتلي كالت ...امدااااني والله ولا اجيبج

همست بتعب ووجع ...بس تجيبيني العب لعب والله

هي عاندت متقبل تجيبني بس الدكتوره جبرتها لان هي خبيره...

رادت تفحصني وانه صرخت وخري...عييب

كالت بصياح...يستحن الشريفات خااب كوومي مو نهار كله مشلتحه كدام رجلج...

تعاركنه انه وياها...

هي لزمت رجليه وانه من الوجع انهاريت ..اصييح خااب حيحو الجلحه عوفيني

وهي ضربتني علئ رجلي..حييل

كالت بعصبيه...بلكي تموتين وتزوج المنذر....

ضليت اصررخ من الوجع وفستاني تدمر دم صرخت بوجهه...انجي وروح ابووي بس تاخذين نذري اطلعلج من الكبر...

خااب الجلحه ...ام كراعين...

هي حقيره استخدمت وياي القوه طاحتلي حمسات ودكل للمرضات احسن حتئ،يصير عدها نشاط وتجيب....

كلبت المستشفئ بصريخ وادفع ومايطلع الطفل...

بعدها حسيته طلع وكع مني...

صرخت صرخه تعلن عن امومتي وانتهاء معاناتي...

شالتها الممرضه كالت...فدوه حنفوشه تخبل مثل امها

ابتسمت باسئ ودمعتي وكعت همس...غررام اسمها غرام

نهاية البارت ...يتبع

كونوا انتم كونوا بخير...احبكم

نور سمو العراق...❤❤