رواية #رواية...انا هي نساؤك.. الفصل الثامن وثلاثون 38 - بقلم الكاتبه سمو العراق

البارت الخامس والثلاثون
رواية...انا هي جميع نساؤك
بقلمي...نور سمو العراق
💔💔💔💔💔💔💔

طفلتي يا نعمة وهبني الله بها ويا حسنك الذي لا يوصف، إن كانت جنتها قدمي فوالله إنّ جنتي هي النظر بعينيها، وإن كنت ممتنة لشيء ما فأنا ممتنة لتلك الصدفة التي جمعتني بأبيها

منارس ونذرها 💔

......................................
ا

حبكم يا ارووع واحلئ متابعين بالدنيا كلها عبن انتم موش متابعين ياله انتم هزه ارضيه دامت 15 ساعه 😍

..............................

همست بحنين...سميها غرام

اي اريدنها علئ اسم اختي غرام الله يرحمها...جنت اتمنئ يصير عندي

رفعت نفسي شوويه بوجع ومديت ايدي الغرام اريدها

اخذتها الممرضه نضفتها وحيحو تباوع عليه بطرف عينها

تنهدت بوجع بعدني بدمي ...

كالت ...هاااا مساع مستحيه هسه راحت المستحه كومي حركي روحج وبدلي...

سحبت الجرجف تغطيت رديت عليه بتعب...ولي مني

رجعت باوعتلي بطرف عينها وهزت ايدها كالت...كدام الزلم يتشلتحن عادي عدهن مو عيب يجن يمنه يضلن يبيعن   أخلاقيات براسنه

رديت عليها وانه أتألم....ما تشلتحت لابوج مشلتحه الرجلي موش غريب...

هي تخبلت هجمت عليه واني خفت تغطيت كلي بالجرجف..

والممرضات لزمنها...كللها عوفيه صدك جذب بنيه مريضه وجايبه وانتي طايحتلها ضرب...

كلتلهم بعصبيه...موتتني عوفني اطلع قهر كلبي بيها هل معيديه هااي...

همست ...معيديه بس موش جلحه...

حطت ايدها على خصرها وباستهزاء كالت...بالله عيدي شكلتي رجاءا...

عفتها تحجي الوحدها تعبانه يا اعارك يا حفيضه متت من الوجع وكوه احجي وهاي بطرانه...

وبالي يم غرومه ....يمااااي هسه ابوها يشوفها يتخبل

عبنها يمكن حلوه ماشفتها زين حفيضه الجلحه خلتنه نشوفها...

اجت ممرضه نضفتني وشويه وجابت غرومه يمماي متت بذاك اليوم عليها....

رفعت اديه بفرح عليها اخذتها من ايد الممرضه حلو شعور الامومه نزلت دموع الفرح...

صدك يو كالو دموع فرح...مرتين نزلو من تزوجت نذري ومن صارت غرومه...

ضميتها الصدري وانه انحب وابجي جانت حليوه تشبه غرومه اختي سوده عليه....

حمره وناعمه وخشمه معنفص...بستها بخشمها وشفايفها انه مؤمل شابعته بوس حتئ خدوده يبست من البوس...

لا غرام اجرم بيها بالبوس مثل ابوها من يشبعني طن بوس

شوويه وطلعوني اجت امي اخذت البنيه سجلو اسمها...جانت صحتها زينه ...

شالتها امي فرحانه وخطيه اخووي عابد جاي ورانه جايب حضينه وكماط وثوب لنونو وجايبلي ملابس...

خلصنه كلشي وطلعنه من الصاله ...

جان كلهم منتظرين بره ...تقريبا ساعه عشره باليل...خطيه حتئ جدي صلف جاي وياهم...

حسيت نفسي شكد عزيزه عدهم ويحبوني...شيخ عشيره جاي لخاطري....

المنذر تقرب بلهفه واخذ غرومه من ايد امي ...

وانه حييل خفت من جدي ردت اخذ البنيه من ايد نذري عبن خفت يبصق بحلكها...يييع...

اشمرها بالمستشفئ يم حيحو...والله

اخذها وهو يضحك ويبوس بيها...

جدي گله...اذن باذانها عبن نريدها تطلع من الطاهرات...

هو هم صدك اذن باذانه بالحديقه مال المستشفى...

بس انه ضجت حييل عبن شنهي نذري ما قلد الي ومحتار بهاي ام عصاجيل...

والله اجت واخذت معزتي...

بعدها انطاه لامه واجه تقرب عليه لزمني من ايدي وحط ايده وره ضهري

باوعتلي ودرت وجهي زعلانه عبن شنهي انه بطل مغذي فرغ وشمرو مايقلدلي...

هو ضحك همس بصوت حنون...الحمد لله علئ السلامه حبيبتي...متعرفين شصار بيه واني اسمعج تصرخين

اجيت ادخل عليهم ربج صلف لزمني...

همست ...جاا همزين لزمك موش النسوان ضالات يتصارخن بالضيم وضاله بس حيحو تفتر جنها ضابط

هو ضحك وركبني بالسياره كال...وشبيهم

سكتت مابيه حيل احجي...هو كل ضابط ضابط بس نذري عاصفه...

جدي باركلي وباسني واخوي همين....

وصلنه للبيت واتذكرت مؤمل سوده عليه...ياهو هسه يمه عبن هو تعود عليه ويبجي اذا ما اشيله...

نزلت من السياره بحذر ونذري لازمني...

دخلنه لكيت البنات ملتمات ومؤمل بحضنهن...

وهنه بسرعه كامن باركلي وباسني وبوسن الطفله...

رحت الغرفتي اخذتني امي...

نمت علئ الجربايه وكلت لامي تجيب مؤمل سمعته يبجي

جابته...حطيته علئ صدري من يشوفني يسكت

حجيت وياها بلهجة النونو...يممه حبيبي مؤمل يروحي انه موش عفتك ياله رحت جبت نونو حلوه مثلك...

امي كالت...رضعي حتئ يصير ابنج بالرضاعه

ضليت افتح عيوني واغمضهن تعبانه حييل ...

اخذته طلعت صدري صدك رضعته بس تقشعر جسمي حتئ من رضعت غرومه هيج صار بيه...

يمكن اول مره...

اخذته امي مني خلته بكاروكه ...

وضلت نايمه يمي لان لبنيه كلساع تكعد تبجي...

والمنذر نام بالاستقبال...احتراما لامي

عبن شنهي هو كلش محترم ...

..............................

ازهار...

انفتح الي باب من السما عبن صدك اليصبر ينول انه جنت احبنه مؤيد...

انسان فقير ومؤدب ومرتب...

جنت حيل اتمنئ اتزوجه وراسمه احلامي ابالي بس انصدمت من تزوج حنان...

ما كلت ولا لطمت ولا حجيت...

هذا هو موش من قسمتي انه موش حلوه مثل حنان و وجهي منكرش...

بس شاءت القدار وصار مؤيد من قسمتي...

علاقتي بي بالخطبه بارده ماعدنه بت تكعد ويه ولد

واستحي من اخوتي اكعد وياه....هو جان يجي اكعد بس كلها كاعده يمنا...

طلب يكعد وياي ابووي ما قبل كال ماعدنه بت تكعد ويه خطيبها ومنيرس اتذكر ما كعدت ويه المنذر....

ومن ذاك اليوم بعد مؤيد ما حجه ولا طلب يكعد وياي....

قبل لا يدخل عليه باوعت علئ وجهي بالمرايه جنت طالعه حلووه واثار الجدري مختفي بسبب المكياج..

ابتسمت بس جنت ارجف ارررجف ...

منارس فهمتي شراح يصير خرب حضي المطفيه تعلمني لا ودكول لا تخافين جكه ابره ...

ومثل سالفة اخت حمود حلووه...بالبداية موش حلوه بعدين حلووه ..

دخل مؤيد وانه عبالك اتكهربت ارجف رجيف وارعش...

هو ضحك بهدوء وتقرب مني لزمني من ايدي...

همس بصوت هادئ ...مبرروك ازهار ان شاء لله ما تشوفين وياي بس كل الخير...

ابتسمت بهدوء....شكرا وانت ما تشوف مني اله كل خير ...

تقرب مني وانه رجعت بخوف باسني بخدي بهدوء...

كال...يالله بدلي حتئ نصلي ونتعشا وبعدين لكل حادث حديث...

هزيت راسي بأي....فتحلي سحاب البدله وباسني بجتفي....

بلعت ريكي بخوف...وابتسمت بهدوء...

لميت البدله علئ صدري ورحت للكنتور اخذت ملابس وبدلت وره الكنتور بسرعه رحت غسلت بسرعه ضهر اثار الجدري كلش ضجت منه وانقهرت

هسه اكيد يشوف واتلعب نفسه....

تنهدت بحزن وطلعت لكيته نازع القاط ولابس دشداشه بيضه....

نزلت وجهي بخجل من الجدري وهو اجه يمي رفع راسي التقت عيوني بعيونه....وباسني بخدي كال...لا تنزلين راسج ارفعي احب اشوف وجهج...

تنفست بربكه وخووف...وبلعت. ريكي بداخلي شئ فرحان وبنفس الوقت خايفه....

هو توضئ ورجع فرش السجاده وفرشلي سجاده انه لبست حجابي وعباتي وصليت وراه بمسافه قليله...

دار وجهه عليه وابتسم وانه درت وجهي ووكف ومد ايده عليه وانه حطيت ايدي بيده ووكفت....

اخذني للجربايه وطفه الضوء جان رومانسي وهادئ وياي وانه متيبسه وخاايفه وكل شويه افلت من بين اديه وهو يرجعني....

لووول مشفر...طردوني فشلانه ههه

............................

كعدت الصبح تعبانه من الولاده كلها اجت كعدت يمي بالغرفه وباركتلي...

جابولي ريوك....

وامي كومتني للحمام تكرمون...

رحت غسلت وجهي واديه ورجعت للجربايه انطتني لبنيه رضعتها...

دخلي جدي والمنذر اني ضميت غرومه الصدري عبالك جاي يخطفونها مني....

اجه المنذر كعد يمي...ضحك كال شبيج انطينه غرام خلي نشوفه....

جاوبته بهمس وعيني علئ جدي...ياله هسه يتفل بحلكها....

ضحك بصوت عالي كال...لج بابا شبيج ترئ هو تفل بحلك مؤمل حتئ يورث منه الحكمه والنباهه والرجوله...

شنوو تردين غرام تسترجل...

باوعتله وافتهمت جدي ليش هيج سوه بمؤمل عبان هنا السالفه...

ابتسمت وانطيتها للمنذر باسها واخذها الجدي ضل يبوس بيها ويحك لحيته بيها وهي تبجي...

يماااااي غرومه جنها كتكوته بنص الاسوود...

جدي انطانياها وطلع هو ونذري...

وجدتي كالت....خابصتنه نذري اسسسد ونذري اسسد وتالي نذرج اول خلفته بنات حتئ مؤيد الفاهي اول خلفته ولد...طلع احسنه منه

جاوبتها...شنهي السالفه اسسد وخلف لبوه قابل مخلف صخله...

كلها ضلت تضحك وجدتي تخبلت كالت...ولج تقصديني

جاوبتها بخوف...ياله جده انتي هم لبووه موش صخله

باوعت علئ امي بعصبيه كلتلها...سكتيها لا اجي اجسرها وهي نفسه....

امي كالت...ولج اسكتي اسكتي...فضحتينه

سكتت وبعدها اخذ مؤمل رضعته موش فروخ دكول جهال صخله شكد يرضعون...

هم اخذته امي نومته بكاروكه...وانه كعدت اتريك ولو لعبانه نفسي من البارحه بس اكلت خصبا عني...

وحلفت بعد ما اخلف عبن شنهي موت احمر

بس اخاف نذري يتزوج عليه عبن هو عاصفه يريد كومه جهال....

بس لا يروح يتزوج روجين لان حلفت مااخلف بس ياله انطي كفاره واخلف شنهي شو انه اتعيقل جايبه بس بنيه ومااريد اخلف شوف الناس شكد تخلف...

بكيف نذري شكد يريد نخلف نخلف

............................

نيران ...

رحت نضفت البيت كله....

وعمه سوت الغدا خطيه كووولش فرحانين بيه لان حامل...

همه ماعندهم اطفال لذالك مكيفين بحملي وعمتي متقبل حتئ اشتغل...

بس زحمه مره كبيره بالعمر هي تشتغل واني كاعده

كملت شغل ودخلت لغرفتي اخذت ملابس ورحت  للحمام سبحت وطلعت....

دا امشط اباوع البطني شويه كبرانه ابتسمت بحب..

شوويه واتصل ال لتليفون الارضئ ضحكت هذا عمر يحب يتطمن علينه من هو بالدووام.....

رحت بسرعه ملهووفه رفعت السماعه بدون انتباه كلت...الوووو حبيبي شلونك

گال بخبث....هلووو حبيبتي مشتاق لايامنه يحلووه

عقدت حواجبي واستغربت ...هذا الكلب فارووق النذل بعده وراي شيريد...

صحت بعصبيه...لك عااار عديم الرجووله حررمه شتريد مني تريدلك كتله انطيح حضك بيها والله مو رجال...شخصيتك زفت

ضحك بااستهزاء كال...له له له مو رجال نيران...تمام ان شاء لله علئ يوم اثبتلج الرجوله بس كوون بيت وحدنا لان ما اضمنج

احترك كلبي من كلامه حييل جاوبته...ماكوو داعي تثبت شئ روح البس ثووب امك واكعد بالمطبخ وكت غده سوي لاخواتك غده يالله بسرعه يالله

رد بسخريه...ههههههاي صايره لسان نيران خانوم اوك تمام هسه ترئ اني مرايد شئ غير ان اشوووفج

ضحكت بقهر...ولا بااحلامك ترئ اني كوولش صريحه وكل سوالفك عند عمر جر اذنك وبعدك تنفخ ماخفت ياعار بيك خير روح تهدد علئ عمر مو جاي علئ النسوان يا حرمه....

جر نفس عميق وكال...عمر ما نسيت سالفته وياي بس ثقي بالله اذا ما خليته يعفن بالسجوون مااطلع فاروق...

جاوبته...اعلئ ما بخيلك اركبه ويالله ولي مفارغه لهيج نماذج...

كال...لعد المن فارغه حبي

طحت بالسماعه وقفلتها تنهدت بوجع ياربي هذا الغبي شيريد والله مليت...

احس عايشه بقلق شوكت اخلص من هذا العذاب ما عولت ردت كرامتي يجيني هذا يذكرني بالصار

والله حسيت حيروح الطفل ويوكع....

دخل عمر باوعتله بخووف....هو باوع عليه تقرب لزمني من اكتافي كال....هاااا حبيبتي شبيج

جريت نفس كتله...شوويه من الحمل احتصر شوويه واتضايق...

كال...اذا تردين اخذج الاهلج

جاوبته...لا لا هسه اصير زينه

هو جر نفس باسني بخدي وراح للحمام..حظرت ملابسه وانطيتهن اله والرجفه اكلتني اكل...

...................................

مر حوالي ست اشهر.....

مؤمل صار عمره 11 اشهر وغرومه عمرها 6 اشهر

وانه اداوم بالمدرسه اكعد من السته الصبح اكمل شغلي واكمل حاجات الجهال والساعه بالوحده اروحن اداوم عبن شنهي دوامنه ضهري ..موش انه مسائي....

خطيه زهوره ما دكول شئ الجهال من اروحن يضلون عدها...هي تتكفل بيهم...

مخلصين شغلنه و وحده متفهمه الثانيه....

وعمتي من اجت ازهار خففت ضغط عليه....

بيت جدي راحو من العرس بس هسه اجوو عبن جدي اديه صايره بيهن اگزمه

وصفوله دكتور كلش مضبووط ومؤيد كال انه اخذنه وضل عدنه وساعه يروح لبيت ابو جاسم...

انه حاليا بالمدرسه اول متوسط واقره رغم حييل صعب وكوه افتهم...

بس شنهي متونسه حييل علئ هل نسوان

ذاك اليوم جايبيلنه تعريف الزهره بالعلوم وام طالب كاتبه هي الزهره ام الحسن والحسين...

واجت المعلمه ضلت تحجي عليها كلتلها اجيت احطلج صفر بس وكفت بعيني الزهره... وحطيتلج خمسه...

ام طالب جانت فرحانه المهم ناجحه حتئ لو جوابها غلط....

خلصت دروس اجه المنذر اخذني ....

وصلنه للبيت دخلت ...شفت ازهار كاعده توكل بمؤمل جاي وبسكت ...

هو من شافني ضحك وكف يمشي بخطوات بسيطه ممتوازنه صاح بطفوله...نامس...« منارس »

ضحكتله وشلته بين اديه بسته بخده وهو باسني بطفوله دمرني بسكت وجاي...

عضيته بخده ...لك شنهي نامس اختك الصغيرونه وتسميني نامس كوول ماما...

هو باوع علئ المنذر مد اديه اله صاح...اببه

المنذر اخذه مني وضل يبوس بي...

نزله بالكاع وهو سحبني من ايدي واخذني للغرفه صح طفل بس جراني ضحكت يمكن يريد ياخذني لغرومه...

حاول يصعد علئ الجربايه ماكدر اني صعدته وكعدت هو ...اشر علئ غرام...

ضليت اباوع عليه مبتسمه

رجع اشر علئ الكاروك بعصبيه وصاح ..نامس

باوعت يريد غرومه

كتله كول ماما يالله مال دكول نامس متشوف غرومه

هو اخذ ممية غرام وركعه بيه

باوعتله بعصبية ...يمممه منك مووش فرخ ياله دماار دماار...

رحت جبت غرام حطيته يمها ما اهتم الها...

صااح بصوت عالي وعاگد النونه...مممه

فرحت بسته حييل ...يمممه فدووه لليكول ماما واخيرا...

هو صررخ باانزعاج ولزم المميه مالت غرام اشر عليها...مممه

انتبهت ...يااا يريد ممه واني عبالي يكلي ماما يفشلتي

كمت جبت المميه حطيت بيها حليب ومي وخبطتها انطيتها اله باانزعاج وعدم رضا كتله...هااك وبعد لا تحجي وياي انه مزاعلتك ولا احبنك

اخذ المميه وتمدد وشربها ولا اهتم الي...

وانه باوعتله بطرف عيني وضليت الاعب غرومه بعناده

خلص وشمر المميه واجه صعد علئ ضهري عضاني بخدي يغاار من غرومه...

ضحت وسحبته ونومته ودغدغته هو يضحك ويريد يفلت مني...

يمماااي شكد احببنه حييل تعلقت بي انه دعيت ربي يخلي اله معزه بداخلي عبن شنهي مظلوم ماله والي.

دخل المنذر كعد يمنه وهو شمر روحه علئ المنذر هم
المنذر ضحك ضل يعض بي ويصارعه...

شلون اثنين مايحبون الشقه...

انه رحت سبحت وجاي ابدل مااشوفن اله المنذر وياي بالحمام....

لفيت المنشفه عليه بسرعه باوعتله بعتب...ياله عيب مو من شيم احفاد صلف يدخلون علئ حمامات النسوان هيييج...

هو عض شفته كال...اي فعلا كلامج صحيح بس يكلبي اني الوحيد من احفاد صلف اختلف

باوعتله بنص عين...قصدك منحرف

هو حط ايده علئ خصري وسحبني حط خشمه علئ خدي وبذوبان....اي منحررف ومن اشوفج انحرف بالزايد

ابتسمت بخجل ...يالله اسبح وروح الدوامك وانه ارضع غرومه خطيه

باسني بشفايفي وابتعد كال....انعل ابوو غروومه تعاي ولج...

كتله...ياله ياله هسه سبحت ومؤمل بالغرفه...

هو سحبني كال...لا تخليني اسلگ حتئ مؤمل واذا علئ السبح اني اسبحج خاف تتعاجزين

عقدت حواجبي بزعل ومشيت وياه مسيره غير مخيره...

جانت غرام نايمه...ومؤمل طالع يم ازهار...

اول ما دخلنه الغرفه دفعني علئ الجربايه وتقرب مني....

يماااي مووش رجاال نااار ناااار...

اخذني بعالم احمر كله رومانسيه وغزل مال اسوود احبنه اعشگنه صدك احسن برجوولته واحسن باانوثتي وصغر حجمي بين احضانه....

هم مشفر...هه

بعد ما خلص باسني براسي وراح للحمام...

دخل سبح وبدل ولبس الزي العسكري واخذ مسدسه وانه اعاين عليه...

هو كل ضابط يلبس زي عسكري حلوو ياله وروح ابوي جاا هذا الشافط الهوه كلها اول واحد شفته موش لابس عسكري ولا حلووو....

بس نذري حلوو حلووو وكل ما يكبر يصير بعد يجنن

صار عمره تقريبا 35

خليت لفيت المنشفه ورحت للحمام سبحت وطلعت...

وهو باس الجهال وراح للشغل...

ضلينه كاعدين انه وازهار وعمتي نسولف وجدي نايم بالاستقبال...

اندك الباب وانه رحت فتحته انصدمت من شفتها همست بهدوء...حنان...

هي بلعت ريكها ومتغيره حييل  كالت ...اي شيخ صلف موجود...

هزيت راسي باي وفتحت الباب هي،دخلت وانه كعدت جدي جانت تباوع بفراغ وهدوء...

سلمت وكلتله...شيخ عندي كلام وياك

جدي عاين عليه كال..روحي جدي جيبي ابنها تشوفه وسوي جاي

هزيت راسي وهي كالت...لا عوفي مؤمل هسه موضوعي اهم

خليت وطلعت....

ضلت تقريبا ساعه كامله وازهار وعمتي تخبلن منها وكالن لاتودين الولد الها....

هي طلعت وجدي وياها عيووونه بكصته وانه جبت الولد هي اخذته وباسته...وضلت تبجي حييل هو مايريدها ضل يصررخ ويحرك باديه عليه يريد اخذه

وجدي يفرك بسبحته حييل وكل شويه وكال...انه الك يا نذل وثاب وروح محمد اليوم اله اطمنك

استغربت من كلامه وما افتهمت شكوو

المهم والولد فرفح من البجي اخذته منها وهي خلت وطلعت...

جدي لبس عكاله وجفيته واخذ عصاه وطلع...

بس شنهي يسب ويغلط واعصابه نااار...

ضلينه كاعدين اجه مؤيد سولفنه اله وجديف تاخر ماكوو...

مرت ساعه ساعتين صارت بالعشره وماكوو....

صار دنيا اليل جدتي اجت هي وامي من بيت ابو جاسم

راح مؤيد وعابد اخووي وجاسم يدورون ماكووو

صارت ب 12 وهو ماكوو ضلت جدتي تلطم...

شويه وخابر التليفوون رفعته هذا المنذر كتله ...يلوو

هو بسرعه كال...انطيني مؤؤيد

صحت علئ مؤيد اجه يركض اخذ السماعه مني حجه وياه وطاحت السماعه من ايده...

نهاية البارت....يتبع..

كونوا انتم كونوا بخير...احبكم 💔

نور سمو العراق...